فهد: بكره مافي دوام انا بدالك
ليان: للحين ما غيرت رايك؟
فهد: ولا بغيره انتي ارتاحي ولا اطلعي غيري جو
ليان: خلاص اللي تبيه
فهد: بكره بنتجمع تعالي انتي وسيف
ليان: مو فشله فهد؟
فهد: وين فشله زوجتي وخطيب اختي وبعدين الحواجز لازم تنكسر
ليان: انت تشوف كذا؟
فهد: اي بعدين احنا صرنا عايله وحده ولازم تجون
ليان: تعتبرنا عيله وحده؟
فهد ابتسم وحاوط خصرها: اي اكيد
ليان: والله يبختنا دام صرنا منكم
فهد: بكره اجتماعكم بيكون عن ايش؟
ليان: ابد عندنا مشروع وبنراجعه
فهد: اذا رجعنا ارسليلي نسخه خليني اشوف عشان بكره لا اتوهق
ليان: احس بتوتر مو متعوده كذا ترا عادي اعطيهم خبر يتأجل
فهد: نراجع المشروع ونتأكد منه ويتنقذ ما يبي لها
ليان: ترا مو مجبور تروح والله دوامك هو اللي بيفيدك
فهد: اي شيء يخصك انا مجبور فيه واسويه ،واعرف سؤالك وبجاوبك عشان يعرفون اني معاك مو لوحدك ويعرفون انك لي
ليان: اوووه مين مثلي
فهد ابتسم: محد مثلك ولا يوصلون لشعره منك
ليان ابتسمت: اكيد؟
فهد عقد حواجبه: تشكين؟
ليان: لا ابدا
فهد: شرايك ما نرجع اليوم نكمل سهرتنا
ليان: لا مستحيل وبعدين خلاص ما شبعت؟
فهد: الواحد كيف يشبع منك؟
ليان: اختبر صبرك بعدين ترا بكره الاجتماع
فهد: مو اسهل تقولين مليتي؟
ليان ابتسمت: ما امل منك تدري لكن الوقت تأخر وماما بتدق
فهد: عشان خالتي بس
اخذ فهد الخوذه يلبسها ويلبس ليان وانطلقو بشوارع الرياض ووصلها البيت ورجع هو وشاف مروان قاعد بالصاله وجا جلس عنده
فهد: غريبه قاعد ما تأخر الوقت؟
مروان: ما جاني نوم
فهد: اعرفك انا قول شعندك شصار على ميعاد؟
مروان: ما صار شيء
فهد: كيف ما صار؟ وبعدين مين زعلان على الثاني
مروان: محد زعلان لكن مو مرتاح انا
فهد: من ايش؟
مروان: ميعاد احس قعد تسوي اشياء كثير بتتعبها
فهد تنهد: ياولد هي تدري ايش تسوي مابيدك شيء انت
مروان: اخاف عليها
فهد: والله شكلك من كثر خوفك ذا بيصير شيء اهجد
مروان: طالع انام تصبح على خير
اليوم الثاني دخل فهد الشركه وراح لسكرتيرتها وخلاها تقول له مختصر عن اللي بيجون
السكرتيره: استاذه ليان هي المديره
فهد: طيب؟
السكرتيره: ما اقدر اساعدك بشيء
فهد: ليان ما بتداوم اليوم وانا مندوبها
السكرتيره بأستغراب: اجتماع مهم كيف ما تجي ما عطتني خبر
فهد ابتسم: انا قعد اعطيك خبر على العموم بنتظرهم بقاعه الاجتماعات
استغربت السكرتيره وراحت تتصل على ليان لكن بدون رد وبدت تتوتر وما عرفت تتصرف خصوصا ان فهد قاعد ولا هامه ومن بدأ الاجتماع كانو مستغربين من وجوده وكانو اول مره يشوفونه وبدأ معاهم الاجتماع ويسأل ويشوف ويتأكد من المشروع ويتكلم مع الموضفين ويتأكد ان كل شيء تمام عشان بعدها بيروح لدوامه
عند ليان صحت من النوم وفزت من شافت الساعه ١٠ ولو كان فعلا بتروح الاجتماع كان راح عليها وشافت اتصالات سكرتيرتها وعرفت ان فهد راح وقامت هي تدخل الحمام وتتروش وفتحت جوالها تشوف اذا صحبتها موجوده يطلعون سوا وبدت تتجهز لأجل تطلع وحطت ميكب خفيف و من وصلت المطعم شافت لين وراحت لها وحضنو بعض
لين: لولي وحشتني وحشتيني
ليان: صدقيني وانا اكثر
لين: ايش اخبارك ايش مسويه؟
ليان: كل شيء تمام الحمدلله
لين: اي قولي لي فهد كيفه؟ زين معاك؟
ليان بأبتسامه: فوق الوصف لينو احس كأني بعالم ثاني احسه حلم مو حقيقي مو مستوعبه ابدأ
لين: يعني شيء فاق الخيال؟
ليان: فاقه وبمراحل بعد وليلتنا ذيك كانت من اجمل الليالي كل ما اتذكرها ودي ابكي
لين: افا لولي ليش؟
ليان: اخاف يتركني او يكرهني او يكون قدرنا اقوى مننا ونضطر نبعد عن بعض
لين: ليش كل ذا الكلام والخوف؟ اذا انتو الاثنين تحبون بعض لو مين ما وقف قدامكم ما يقدر يبعدكم عن بعض
ليان تنهدت: مو متطمنه للجاي بس شعور انه معاي يريحني
لين ابتسمت: والله وطحتي ومحد سمى عليك اشوف سناباتك انا
ليان رفعت كفوفها: احبه
لين ضحكت : يديمه لك ياروحي و ولا شيء يفرقكم
ليان: امين بس الا انتي قولي لي ساره شصار عليها؟
لين: ما ادري صراحه ما كلمتني هي من ذاك اليوم وانا مو ميته عليها اسأل
ليان: تصدقين لو اقول لك مو مطمنه؟
لين: افا وليه
ليان: مو مرتاحه من انها مختفيه صراحه
لين: وهي ايش ممكن تسوي؟ اضن انها لحضه طيش بس
ليان: ما ضنتي اعرفها زين لكن نشوف
لين: يوووه ما جينا عشان ننكد على نفسنا ابغاك تقولين لي بالتفصيل الممل لينو الممل ايش سويتو
