كانت روان قاعده بالغرفه ودق جوالها وتنهدت وردت
فيصل: وين الناس ما تردين
روان: انشغلنا بخطبه فهد
فيصل: الله يتمم لهم يارب
روان: يارب
فيصل: انتي كيفك الحين احسن؟
روان: احسن الحمدلله
فيصل: بتروحين المخيم؟
روان: اي بروح و انت؟
فيصل: اي اكيد بروح عشان نفحط بالدباب
روان: اي ذا اللي هامك
فيصل: وانتي بعد هامتني لكن مدري شفيك
روان: شقصدك شفيني؟
فيصل: بالقوه تردين و اطلع منك الكلمه بالغصب
روان: يعني اضن في شيء اسمه توتر
فيصل: اوله كل ذا توتر
روان: اجل ايش بيكون؟
فيصل: يعني اقول يمكن تجاملين
روان: ما بسمعك الكلام اللي تبي تسمعه
فيصل: زين فهد فرحان؟
نست روان نفسها: اي مره مبسوط طاير فيها بالقوه طلع من البيت
فيصل يكتم ضحكته: ايش صار بعد
روان: المشفوح راح جايب لها سلسال ب٣٠ الف وهي لسى مو زوجته وبكره المخيم ما بيروح الا عشانها وعشانك مالت
فيصل: يلا زين بيجي عشاني ما نساني
روان: بس الحقيقه كلنا ما نلومه الله يديمهم حلوين مع بعض
فيصل: عقبالنا
روان بتوتر: شسمه انا بنام من الصباح صاحيه ما بتنام انت؟
فيصل: يلا بنام فعلا عشان بكره اكون مصحصح
قفل فيصل وقال بنفسه الحين وشلون ابعد ذا الثقل اللي فيها ما صارت وقعد يحاول ينام
في الصباح بالمستشفى
سيف: اماني داومتي؟
اماني: وايش المانع اني ما اداوم؟
سيف: مو اليوم المخيم
اماني: الا بس عندي عمليه ومراجع بخلصهم
سيف: تحتاجين احد بالعمليه اجي؟
اماني: دكتوره روى تقول بتطول زحمه الطريق
سيف: طيب خلاص ادخل معاك
اماني: تمام يلا
سيف: كيفكم بعد امس؟
اماني: كويسين
سيف: متى بتروحون المخيم؟
اماني: اسئل فهد او مروان
سيف مسك كتفها ولفها عليه: ممكن اعرف ليش هذا الاسلوب؟
اماني: ليش كيف تبغاني اتكلم؟
سيف: ما اقصد لكن كلامي
اماني: ما عندي رد له
مشت اماني وضل سيف يطالع فيها وقال بنفسه ادري بتحبيني وبحاول وما بتعب ولحقها ودخلو غرفه العمليات
عند ليان اللي قامت وهي مبسوطه حست انها تقدر تبادر لفهد بدون خوف وارسلت له وشافت رسايل من صحبتها وقعد تكلمها عن امس وايش صار معاها والفرحه مو شايلتها
قريب الظهر ببيت رهف
ميعاد: قالو متى نمشي؟
رهف: قالو قبل العصر بشوي
ميعاد: زين جهزت وخلصت
فيصل: بتجيبون معاكم شيء؟
رهف: اي خليت العامله تظبط اغراض ناخذها معانا
ميعاد: محد بيجي صح بس حنا؟
فيصل: اي بس وعمي خالد ما بيجي
ميعاد: افا ليش
فيصل: يقول فهد مشغول شوي
ميعاد تنهدت: الله يعينه، فيصل بسألك
فيصل: ايش؟
ميعاد: بابا له اخبار؟
فيصل: لا واختفى معد له حس
ميعاد: يعني معقوله ما سأل
فيصل: ميعاد هو عمره ما حبنا والله اعلم ليش ما صدق يبعد
ميعاد: طيب ماما ما سألت شيء؟
فيصل: هم تطلقو خلاص مالها دخل فيه
ميعاد: الله يعين
بيت خالد
زهره: خلصتو كلكم؟
فهد: اي كلنا خلصنا
مروان: نروح بسيارتين؟
فهد: حنا ٦ تكفي
مروان: خلاص تمام
روان: فهود نمر ناخذ قهوه الطريق طويل
اماني: نروح جو اند ذا جوس مشتهيته
روان: اذكر قهوتهم يجي منها تمام
مروان: انا مع موني الساندوتش والعصير حقهم اخخ
فهد: ايوالله وانا معاكم نمر عليه
زهره: والغداء شفيكم
اماني: لا معليك ماما اعتبريه تصبيره
روان: ها بنمشي؟
فهد: اي عبال ما نتجمع بالسياره
مروان: في اشياء بتحطونها؟
زهره: ايي خليت العامله تحطها خلاص
فهد: زين يلا
بعد مده وصلو جو اند ذا جوس وارسل فهد رساله لليان تبين شيء بالطريق بنمر حق التونه ودك؟
ليان: لا تسلم فهود
فهد: متى بتمشون؟
ليان: سيف بيجهز ونمشي
فهد: زين
-
فهد: كلنا نفس الطلب؟
روان: يووه جعت منكم خلاص ما ابغا قهوه اطلبو لي معكم
فهد: يمه ماتبين شيء؟
زهره: عصير ، ويمه اطلب لروزا(عاملتهم)
فهد بأبتسامه: لا توصين طلبت لها
زهره: اي بعد كلهم معانا من عمر حتى الحراس
فهد: الحين تبون نمر مكان؟
زهره: لا خلاص كلشيء معانا
بعد ساعه وصلو المخيم وكانو اول الواصلين
مروان: الحين كيف النظام قسمين ولا قسم؟
روان: حنا متعودين قسم لكن خالتي هيفاء ما اعرف كيف نظامهم
فهد: لا عادي نفس نظامنا
اماني: ليش ما تفكون عنا شوي؟
مروان: اهجدي اقول خلينا راضين حنا
روان: خليه من امس بيطير
فهد بغمزه: تحبها؟
مروان: هو يكفيها حب؟
زهره: استح بنت عمك تراها
مروان: وش قلت انا
كلهم ماتو من الضحك وشافو سياره فيصل جايه ونزل فيصل وحضن فهد: مبروك معرسنا
فهد: الله يبارك فيك يالعضيد والله واحشني
فيصل: مو كثري والله ، وحضن مروان
مروان: طولت الغيبه يالحبيب
فيصل: عاد اليوم قاعد لكم شخباركم؟
مروان: الحمدلله
وبدا فيصل يسلم على زهره على راسها واماني و روان باليد
فيصل: كيفكم
اماني وروان:الحمدلله
ميعاد: هلا موني وحشتيني
اماني: الحمدلله حبيبتي مسيو مور
ميعاد: بنت روني وشفيه وجهك كذا ترا بس قال كيفكم
روان: حيوانه تعالي وحشتيني
ميعاد: ومعرسنا هنا بعد كيفك
فهد بضحك: شايفه كبرنا الحمدلله بخير
ميعاد سلمت على مروان: كيفك
مروان: الحمدلله بخير
وقعدو كلهم يسولفون ويضحكون مع بعض ويرمون نظرات لساعه كذا وجات سياره سيف
فيصل: يولد عيونك بتطلع اهجد
مروان: يمكن يشوف اخوها يهجد شوي
سيف: السلام عليكم
ردو كلهم: وعليكم السلام
وقعد يسلمون وهو عند فهد كيف طريقتكم انتم زينا؟
فهد: حنا باليد
سيف: اي زين نفسنا لا اوهق نفسي
فهد: لا ما عليك
اماني كانت عيونها بتطير وهو كان بقمه ساعدته سيف مد يده لها وهي بالقوه مدتها له ما كانت تبي احراج
ميعاد بهمس: هيه ذا هو
اماني: انطمي لحد يسمعك
ميعاد: يجي منه
اماني: تكفين والله احس الارض بتنشق وتبلعني
ميعاد: لا معليك سهالات
كانت عيون فهد وليان على بعض يحاولون يشتتون نفسهم بدون فايده ومسك فهد جواله وراسلها
فهد: يختي وش الجمال ذا عيوني ما قامت ترمش
ليان وهي تكتم ابتسامتها: ترا استحي بعدين احس بدو يلاحظون
فهد: مو هنا البلشه بس اسمعي اذا انشغلو امشي نروح بعيد شوي
ليان: وين!
فهد: مدري بس ننفرد شوي
ليان: اخاف احد يكشفنا
فهد: معليك بقول للبنات يساعدونا
ليان: يمه منك ما توفر
فهد: تقدرين تقولين ما اقدر اقاوم
قفلت ليان جوالها من قوه الاحراج وابتسم فهد من شافها
وقعدو يسولفون كلهم مع بعض ومسرع ما طاحت الميانه بينهم خصوصا ليان وسيف حسو انهم لقو شيء صعب يجي لقو اشخاص كأنهم يعرفونهم من زمان واذن المغرب وصلو وبدا البرد يشد وكل واحد جاب فروته ولبسها شوي كذا قالت ميعاد انا بروح اشوف ذيك الجهه احد يجي؟
ليان:بجي معاك
ميعاد: الثنائي انتو بتجون
اماني وروان: لا وين روحو انتو
شوي كذا لحقوهم فهد ومروان وراحو لهم
فهد: اخباركم
ميعاد: اي معلوم جيت لمين يالوصخ
فهد ضحك: لا شدعوه جيت نتكلم شوي
ميعاد: لنا ساعه هناك بس تدري خلاص مليت برجع
ليان: لا بنت وين رايحه
ميعاد بهمس: زوجك ما بياكلك
وبعدت شوي وجاها مروان
مروان: اخبارك
ميعاد: الحمدلله وانت
مروان: وحشتيني
ميعاد ابتسمت: شكرا
مروان: بالله عليك ذا رد؟
ميعاد: علمني ايش اقول
مروان: مثلا انا اكثر؟ ما تفقد غالي اي شيء
ميعاد: وليش انا اكثر
مروان: طيب اسمعي
ميعاد: عيوني
مروان: احبك
ميعاد: تصدق؟ احس احنا اللي مرتاحين اللي خبري خبرك تعبانين
مروان: عجبني تغيير الموضوع بس تصدقين واضح فيصل وروان بينهم كذا ماش
ميعاد: ايي ترا فيصل صار يلطم، عكسنا حنا تماشينا
مروان: والله ان انتي نعمه
ميعاد: شفت شلون المفروض تسجد سجود شكر
مروان: الا صدق انتي كيفك
ميعاد تنهدت: زي ما انت عارف
مروان: ماله اخبار؟
بدت تدمع ميعاد: لا قال لي فيصل اليوم انه عمره ما حبنا
مروان: محد ما يحب عياله
ميعاد ابتسمت ابتسامه قهر: بس مروان شكله هو الاب اللي ما يحب عياله اصلا قال بتزوج وياليت قالها لنا قالها لماما ومعد شفناه
مروان: تحبينه؟
ميعاد: ما ادري قبل كنت واثقه انه بيتغير لكن الحين حسيت لا
مروان: ترا ادري بسالفه فهد
ميعاد بصدمه: كيف؟
مروان: عرفت وخلاص
ميعاد: مروان اسألك بالله فهد يدري؟
مروان: الحقيقه ما اعرف لكن واذا درى؟
ميعاد: مرون انت منجدك اكيد ما ابيه يدري اصلا كان الموضوع مضايقني لاني اشوفه اخ وبابا كأنه يرميني عليه
مروان: اذا على كذا ما يدري عمري ما سمعته يجيب سيره الموضوع
ميعاد: الله يسمع منك
مروان: اسف اذا نكدت عليك
ميعاد: لا عادي
مروان مسك يدها بقوه: اوعدك ميعاد اني بعوضك عن كل يوم مو حلو مريتي فيه بعوضك
ميعاد: والله يبختي
مروان: اخخ ما توقعت تقولينها
ميعاد: بسم الله ناقص حنان
