قام سيف بيطلع يشوفها بس وقف من شافها تدخل وصد فهد بعيونه مشت هيفاء لها وبلع ريقه سيف بعدم تصديق يشوف رجفه كفوفها وشده مسكتها لشنطتها ، شهقت بعلو صوتها من حضنتها هيفاء ورفعت كتوفها ليان تحضنها ، قام فهد يطلع من الصاله ما يحب يشهد اللقاءات اللي تهيج مشاعره واخذ نفس من حس بالغصه ، كان سيف مصنم مكانه مو مستوعب شدت ليان على امها وبكت بعلو صوتها وبعدت عنها هيفاء تتلمسها: امي انتي فيك شيء؟ تشكين من شيء؟
هزت راسها بالنفي ترجع تحضنها وهمست ببحه: ماما اشتقت لك
مسكتها هيفاء تجلسها وتجلس جمبها ولفت لسيف اللي يطالعهم بهدوء وبلعت ريقها وكانت بتتكلم لكنه قرب منها يحضنها وهي جالسه وقامت تبادله وشدت عليه: خفت عليك ياعيون اخوك
بعدت عنه تمسك كفوفه: بخير انا بخير مافيني شيء
جلست وجلس سيف وهيفاء اللي للحين مو مستوعبه وجمعت ليان كفوفها ببعضها: كنت مع فهد من يومين كنت تعبانه فعلا ما كنت ابغاكم تشوفون وضعي ، ما احب اشوف نظرات حزن والحين صرت احسن مافيني شيء والله مافيني شيء
هيفاء: ايش صار لك امي؟
بلعت ريقها تحس بالرجفه وشدت على عبايتها ولاحظها سيف واصطنعت ابتسامه: ولا شيء ماما ، بس اشتقت لك
طالعها سيف بهدوء وتوترت من نظراته وقامت ماما تجين معاي؟
ورجعت تطالع بسيف: بقعد معاك اكيد بس برتاح شوي
وصدت تطلع وراحت وراها هيفاء ، واخذ نفس يمسكه راسه ومسك جواله يشوف رساله فهد " تعال بيتنا"
وقام يطلع وهمس: صار شيء اكيد صار شيء
بيت خالد كان جالس مع ابوه وعمه ومروان وفيصل واخذ نفس يطالعهم ومسك ولاعته يلعب فيها ينطق بهدوء: سيف جاي
طالع خالد بفهد بحده: كم مره دقيت عليك!
فهد: يبه هذا انا قدامك موجود
شد خالد على كفه بعصبيه ورفع حاجبه مروان ونطق ابراهيم: ابوك قلق عليك وبعدين وينك فيه ، مو سهل تلعب علينا شفنا وليد يوم دقيت عليه كان يدري وينك صحيح؟
كان يلعب بولاعته ما يطالعهم وابتسم بهدوء يرفع راسه: صحيح
عقد حواجبه مروان: تستهبل علينا؟
فيصل: ورا الاجتماع ذا شيء قول
اخذ نفس فهد يطالع بخالد: اليومين اللي راحت كنت ببيتي نرتاح
ارتخت ملامح خالد وهمس: انت ومين؟
ضحك بخفه فهد وطالعوه بصدمه ونطق: ليان
فز خالد من مكانه: صادق؟
هز راسه فهد: ولحد يسأل ليش اختفيت ذا موضوع ثاني
مروان: فهد! ساكت ليش
ابراهيم: وينها؟
فهد: عند امها ناديت سيف ' طالع بخالد وابراهيم: في موضوع بتكلم فيه وكلمت ميعاد تجي
فيصل: قضيه؟
قام مروان يطلع برا من حس الموضوع حساس شوي وتنهد فهد: قضيتين
عقد حواجبه فيصل ومسح فهد على وجهه: تحرش
جمدت ملامحهم بصدمه يطالعون فهد وكمل: ما صار شيء لو تأخرت دقيقه بس ، وسكت يعض شفته بقهر يتمالك اعصابه اللي تنفجر كل ما تذكر الموقف قدامه وانه تجرأ يقرب منها ، يتذكر بكاها المدمي وشد على قبضته ما ينتبه لكلامهم الموجه له ، نزل انظاره لجواله من جاه اشعار ورفعه من شاف سيف داخل وملامحه مخطوفه ، كان بيطلع بس انتبه لملابسه ورجع بخطوات سريعه يطلع فوق لغرفته ، ووقف يسمع صوت بكاها العالي ياخذ نفس يقرب من غرفتها يسمع امه تهديها اخذ نفس يتراجع يغير لبسه ويروح لبيت خالد
جلس سيف يطالع بفهد: قول
فيصل: ميعاد بتجي
عقد حواجبه سيف وقعد ساكت لين ما دخلت ميعاد وجلست بجمب ابوها وفيصل ،اخذ نفس فهد: في قضيه احنا بنرفعها وفي قضيه ممكن تنرفع علينا وبنقول انها دفاع عن النفس
وسعت عيونها ميعاد تطالع بفهد وسيف احتدت نظراته يطالع بفهد ينتظره يكمل وبرزت عروقه من قهره وشتت انظاره فهد لميعاد: ماصار شيء احنا بنقول كذا هذي لك ميعاد
هزت راسها وطالع فيصل يكمل: في قضيه يمكن تنرفع عليها ابيك تمسكها
اخذ سيف قاروره مويا يشربها دفعه وحده يحاول ياخذ نفسه بهدوء: ليش
بلع ريقه فهد: تركي بالمستشفى مصاب عنده نزيف بالمخ وطعن بالكتف
طالعو ببعض بصدمه ورجعو يطالعون بفهد من نطق: وهدى مصابه بس ماندري وينها
حس سيف بثقل لسانه مو قادر يقول شيء وقام يطلع من عندهم بوجه مرعوب مو مصدق
خالد بحده: مو صاير شيء
هز راسه فهد: اذا تعقدت الامور ، نقول انا اللي تسببت بكذا
هزت راسها ميعاد بالنفي:كلها دفاع عن النفس ما يحتاج تتبنى الموضوع لك ، نقدر نطلع منها بسهوله
همس فيصل: هي؟
فهد: اي هي تقول بعد ما طعنت تركي راح دقايق يضمد نفسه ورجع ، ضربت راسه بالجدار وزودت عمق جرح كتفه وانا كملت عليه ، وهدى تقول جوو مجموعه تاخذها
ابراهيم: لا حول ولا قوه الا بالله
خالد: هذي البنت شيطانه حسافه والله تسوي كل هذا
مسح فهد على وجهه قامت ميعاد تطلع ونطقت: خلاص انا بشوف الموضوع واعطيك خبر
لف فيصل على فهد: تعال ابيك شوي
قام فهد مع فيصل يدخلون وشافو مروان جالس والتفت فيصل يعقد حواجبه: مروان شفت ميعاد؟
هز راسه مروان بالنفي: يمكن طلعت من الجهه الثانيه
لف على فهد يكمل: صاير شيء؟
اخذ نفس فهد يجلس: بنت عمك بلوه على راسي
فيصل: وايش ناوي تسوي؟
فهد: مايبي لها سجن اكيد انسكت لها كثير
مروان: تستاهل بس انت تدري صعب سجنها
ضحك فيصل: والله بتنتهي بتنسحب منها الرخصه
رفع فهد راسه لفوق: ابن الكلب تركي والله اوديه مؤبد
عقد حواجبه مروان: بعدين انت يومين غايب كنتو سوا؟
هز راسه فهد ونطق فهد: وليش ما جبتها يوم ما لقيتها يوم طلعت من البيت هايج
ابتسم فهد بخفه: امس ميلادها
ضحك مروان: اووه وش ذا الحركات
ابتسم فيصل: فهيد!
اخذ نفس فهد يبتسم: يازين ليله امس بس
