دقت ليان على سيف
ليان: يهلا وينك
سيف: لا تسألين الحال ما يسر
ليان: افا ليش؟
سيف: شفتي فهد؟
ليان: اي شفيه؟
سيف: اخوانه التؤام سوو حادث وانا مع اخته الدكتوره وكانت حالتهم حاله
ليان تسوي نفسها مصدومه: طيب هم كيفهم الحين؟
سيف: يعني الحمدلله
ليان: طيب يلا جايه
سيف: وش يجيبك يا بنت؟
ليان: شفيك له كم يوم عندنا و بسببنا كان بيجي الطلق عليه بجي اتطمن عليهم
سيف: حياك ما اقول لك لا
قفلت ليان وابتسمت وراحت طلبت ٣ بوكيهات ورد لكن الوهقه ما تعرف اراقمهم راحت طلبتهم برقم فهد واحد لأماني و واحد لروان و واحد لمروان فعلا
كانت فرحانه لانهم بخير الشيء اللي يسعد ويريح فهد هي زيه وراحت المستشفى ولقت فهد قاعد قدام غرفهم وجت من ورا وحضنته كانت تحس بشعور غريب ريحه عطره والعود العالق بثوبه كانت تحس معاه بالأمان بس بالكلام كيف لو كانت معاه وابتسم فهد وفز قلبه من شم ريحه عطرها والتفت عليها وحضنها وشد على حضنها وهمس احبك ما كان مصدق انها بين احضانه لين ما استوعبو نفسهم
ليان: اسفه بس من الفرحه ، كيفهم الحين؟
فهد: لا احسن الحمدلله، انتي كيفك؟
ليان: انا الحمدلله زينه
فهد: شوفي شوفي هذي ثاني مره يدقون علي
ليان: مين؟
فهد: جايبين للسلق ذولي ورد وانا ابتلشت
ليان بضحك: وطيب من مين؟
فهد: ما اعرف اخخ بس لو اعرف
ليان: ايش بتسوي؟
فهد:يصير خير
ليان: واذا قلت انها انا؟
فهد بصدمه: والله انتي؟
ليان: اي يعني بصراحه شفت خوفك لما صار فيهم شيء و فرحتك لما عدت الامور وانا الشيء اللي يفرحك يفرحني
فهد: اخييه والله اني محظوظ
ليان: طيب ابغا اشوفهم يمدي؟
فهد: لا والله نايمين الحين بس اماني اذا بغرفتها يمدي
ليان: اي طيب بشوفها لكن بستنى وردها بدخل فيه
فهد: خلاص زين ننتظر
ليان: اممم طيب واذا سألتك عني؟
فهد بأبتسامه: تعرفك
ليان: هاه كيف؟
فهد: حب حياتي كيف ما يعرفونه
ليان حمر وجهها: فهد خلاص والله استحي
فهد ضحك: يلا معليه مشينا عند غرفتها لين يجي الورد
ليان: فهد اتوتر لا تدخل معاي
فهد ضحك: حاضر
دقت ليان الباب ودخلت
ليان: كيف حالك دكتوره؟
اماني: وعليكم السلام تفضلي
ليان: هذي بمناسبه سلامه روان ومروان
انصدمت اماني: يعطيك العافيه بس مين ما عرفتك
ليان: اخت سيف
انصدمت اماني: ليان؟ كيف حالك؟
ليان: الحمدلله بخير
اماني بأبتسامه: سمعت عنك كثير
ليان ابتسمت بحيا: انا استأذن اشوفك بعدين
فهد: شفيك وجهك كذا؟
ليان: ما اعرف توترت
فهد: من ايش؟
ليان: تقول سمعت عني كثير
فهد بتوتر: اي مو هي تعرفك
لفت عليه ليان بصدمه: منجدك؟
فهد: اي والله كنت فرحان واطلقت الخبر بالبيت كله
حطت ليان يدها على راسها: وامك وابوك؟
فهد ضحك: لا للحين ما يدرون
ليان: اي زين عشان لا شافوني ما يفكرون تفكير مو زين
فهد: افا بس انتي تضنين اني بطلعك بصوره مو زينه؟
ليان: لا بس....
جو زهره وخالد من بعيد
خالد: وينهم وين عيالي
زهره: حلفتك بالله يا فهيد لا تكذب علي
فهد: بسم الله عليكم مافيهم الا العافيه فوق بالغرف
زهره: امانه يا فهد
فهد: والله يا يمه
خالد: انت متأكد
فهد: والله ثم والله ما فيهم شيء هم تعبو وصارت حاله شوي لكن الحمدلله الحين هم صارو احسن بس اماني شوي تعبت من منظرهم واللي صار
زهره: قول شصار
فهد تنهد: تقول اماني سوو الحادث قدام عينها كانت روان اللي تسوق وبلحظه بالإسعاف توقف قلب روان ومروان وعدت لكن هنا توقف قلب روان لفتره طويله هنا اللي بغت تموت اماني لكن الحمدلله عدت
زهره وهي تبكي: يمه عيالي
خالد: لا حول ولا قوة إلا بالله
فهد: خلاص اهدو عدت ، واي نسيت اعرفكم ليان اخت سيف
