طلعت معاهم تشوفهم بالغرفه وابتسمت ميعاد: لولي حليانه مره
غمزت لها روان: في حفيد بالطريق
وسعت عيونها ليان وضربت كتف روان:كفايه اخوكم مبلشني تجون انتو بعد
ابتسمت ميعاد: شكلنا قريب بنسمع اخبار حلوه
طيرت ليان عيونها وحضنتها اماني من كتفها: معليك منهم علميني انا صار شيء؟
ضحكت ليان: والله مو طبيعيين انتو ، بطلع احسن لي
طلعت ليان ، ولفت ميعاد على البنات: زعلتوها كلبات ، بعدين بدري
اماني: زعلت ولا انحرجت تحسون؟
ميعاد: اثنينهم
قامت روان تنسدح على السرير: والله غريب من فهد صابر للحين
ميعاد بصدمه: قليلات ادب
رفعت كتوفها روان: ما قلت شيء غلط احنا اول ما شفناها انصدمنا من جمالها
قامت ميعاد: انا بطلع قله ادبكم متعبه
طلعت ونزلت تحت تشوفهم متجمعين وجلست جمب ليان وقعدت على جوالها وحطت راسها على كتف ليان ونزلت ليان عيونها تطالع بجوال ميعاد ، شافهم فهد ورفع حاجبه: تراهي زوجتي!
طالعت فيه ميعاد بنص عين: الله يخليها لك
ضحكت ليان بخفه وباست خد ميعاد: ماعليك منه
فز مروان: يعيال جوع متى نتغدا ؟
فيصل طالع بفهد: كم يوم بنقعد باليخت؟
فهد بتفكير: اسبوع؟ ولا تشوفونها كثير؟
سيف: انا اقول نروح ومتى ما بغينا نرجع رجعنا
رفع حاجبه مروان: والله شكلي بطلع اتغدا احسن لي
لفت ليان عليه: حتى انا وميعاد بنروح
مسكت ميعاد يد ليان وقامت: اجل بنروح نجهز
قام فهد: يلا قم بجي معاكم
وسع عيونه مروان: مانبيك
رفع حاجبه فهد: وش اللي ما نبيك زوجتي معاك
مروان: اقول اقلب وجهك
ضحك سيف: خلاص فهد اقعد خلهم هم
هز راسه فهد: مستحيل ما اخليهم
فيصل ضحك: اجل يلا كلنا نروح
مروان بعصبيه: ما بشوف شخص زياده معانا انقلعو لوحدكم
وقرب مروان من فهد وهمس: ولا ما بساعدك
ضحك فهد: تهددني؟
مشى مروان ورفع كتوفه: سمها اللي تسميه
فهد: هيه ولد شقصدك
لف عليه مروان وغمز: بتحتاجني
طلع مروان برا يركب السياره
تأففت ميعاد: لولي ساعديني اي عبايه؟
ضحكت ليان وهي تشوف العبايات: اشوف البيج والبنك
طالعت ميعاد بالعبايه: حلوه؟
هزت راسها ليان: احسها انتي صراحه تناسبك
ابتسمت ميعاد تلبسها وتحط عطر وتظبط شعرها بيدها
،ونزلو طلعت ميعاد وابتسمت ليان تسحب فهد يطلعون ونطق: وين وين
ليان بهمس: نطلع يعني وين
هز راسه بالنفي واشر على مروان: ذا النتفه مهددني ما اجي معاه
ابتسمت ليان: انا بطلع معاك
عقد حواجبه فهد: كيف؟
ضحكت ليان: اتفقنا عشان فيصل لا يزعل
ضحك بعدم استيعاب: ومتى اصلا اتفقتو
ميلت شفايفها: يوم حطت راسها على كتفي كانت تراسله
ابتسم بهدوء: غريب ما لاحظت
ليان: متعود تلاحظ؟
هز راسه: المفروض متعود
ابتسمت ودخلت يدها بيده: يلا ترا جعت
ركبو السياره وابتسمت ليان تطلع جوالها: مطعم تركي تحمست عليه ڤايبز تركيا
لف عليها ورجع يطالع الطريق: رحتي تركيا؟
هزت راسها: ايه
فهد: تصدقين ما قد رحت لها
لفت عليه: حلوه لازم نروح لها
ابتسم بهدوء يكمل طريقه
