قامت اخر الليل تحس فيه ماسك فيها حاضنها ونايم ومسكت يده بهدوء ، وغمضت عيونها بضيق وحاولت تقوم بدون ما يحس ، قامت تروح الغرفه تدخل الحمام تغسل وجهها اكثر من مره ، نشفت وجهها تطلع تمشي بالبيت بحيره وتفكير ، وراحت تجلس بالصاله تتأمل فهد ودها تقوله لكن تخاف رده فعله ويمنعها تخاف تطيحه بمشاكل مع اهله ما ودها يبعدون عنه ، بس ما تقدر تتغاضى وراحت الغرفه وانتبهت للساعه قريب الفجر اربع ساعات وهي تفكر تنهدت تطالع المرايا ابتسمت بخفه من انها نست تغير الفستان وراحت تلبس بجامه حرير ازرق ورفعت شعرها تربطه ولبست سلبر بيت ، نزلت تشوف فهد نايم للحين وقربت منه تبوس خده وقعدت تتأمله بهدوء وهمست، مشكلتي احبك ،ودخلت المطبخ تفتح الثلاجه وتفكر ايش تسوي فطور ، لبست المريله وبدت تقطع الخضار وتطلع البيض والاجبان والخبز ، قام فهد يشوف عدم وجودها استغربت وطلع الغرفه يشوف فستانها على السرير ولف على غرفه الملابس وما يلاقيها عقد حواجبه وفتح باب الحمام وما لاقها استغرب زياده بس شاف اغراضها موجوده ودخل يتروش و طلع يلبس ثوب وتعطر ينزل وينزل معاه شماغه المعلق ، شم ريحه الاكل وابتسم بخفه وراح المطبخ يفتح بابه وقرب منها يبوس كتفها وحط دقنه عليه ونطق: اثاريك هنا
ابتسمت ليان: قلت لي بتداوم بدري اليوم قلت اسوي فطور لنا
فهد بهدوء: كان طلعنا نفطر برا
ليان: مافي يا حبيبي خلاص تنسى المطاعم
ضحك فهد: منجدك؟
لفت عليه: اي اكيد
قرب منها يخلي ظهرها على الدولاب: والله يحظي بس مو تعب عليك؟
نزلت عيونها لزرار ثوبه تلعب فيه: تدري ان تعبك راحه
حاوط خصرها يبوس كتفها: انتي تعيشين ملكه لياني
طالعت فيه: ودي اعبر لك عن حبي بس ماعرفت عشان كذا بدلعك
فهد بأبتسامه: قربك يكفيني اشوفك معاي يكفي ما ودي بشيء ثاني غير انك تكونين معاي ليان!
رفعت يدينها تحاوط رقبته تحضنه: انا حاسه اني رجعت للحياه فهد مريت بأسوء سنه بحياتي انت محيت كل سوء فيها كل دمعه كل قهر كل تعب فيها انت شلته احس اني ولدت من جديد معاك
شد على حضنها وهمس: دايم بكون معاك
بعدت عن حضنه ورجعت تلف: خلاص انت انتظرني بجيب الصحون
فهد: اساعدك؟
ليان: مايحتاج كلشيء جاهز
طلع فهد واخذ جواله يسوي اتصالاته على السريع وطلعت ليان تحط الاكل على الطاوله ويبدون اكل ، خلصو اكل وجلسو في الصاله كانت لحظات سكوت بينهم طالع فيها فهد ونطق: ايش بتسوين اذا رحت؟
ليان: بمر الشركه ارتب الاوضاع عشان جده
فهد بأبتسامه: كويس
ليان: ايش الاكتڤتي اللي بتسويها لي؟
عقد حواجبه فهد: انا اسوي لك؟
ليان: اي اجل من عندك غيري تسوي له
ابتسم فهد بهدوء: امري انتي بلي ودك
ابتسمت بواسع ثغرها ليان: ننط بالبحر ونغوص سوا
ضحك فهد: خلاص تم وناخذها لحضه تأمل تحت البحر
ليان: احب البحر والموج يحسسني ان الحياه سعيده
فهد: على كذا شكلنا نترك الرياض ونسكن بجده دامها تعجبك
ابتسمت ليان: بس مشكلتها رطوبتها
فهد: نروح بدايه ونهايه الشتاء عندهم جوهم لطيف حلو
ليان بأبتسامه: اي فهد ناخذ اسبوع ولا اسبوعين نجدد طاقتنا ونرجع
مسكها يجلسها على فخذه يرجع شعرها لورا: انا طاقتي تجدد معاك ما احتاج شيء زياده
ابتسمت تحط يدها ورا رقبته: كلامك حلو
فهد: والاكيد انا حلو بعد
ضحكت ليان بعلو صوتها
ابتسم فهد ابتسامه سكتت من بعدها ليان بتوتر ونطق: ضحكتك اساومها بعمري والله
حطت راسها على كتفه وهمست: احبك
ابتسم فهد ورجع راسه لورا ، قامت ليان توقف بسرعه وتكتفت تنطق، مو ناوي تروح دوامك؟ اعطيتك وجه ترا
فهد بأستغراب: اعتبرها طرده؟
ليان بتفكير: شبه طرده
وقف فهد يبوس خدها بقوه: مقبوله منك يلا اشوفك بكره
طلع فهد ولفت ليان تطلع الغرفه تدخل الحمام تتروش وطلعت منه تطلع لها لبس وسشورت شعرها وحطت ميكب خفيف ولبست توب وجنز واختارت لها عبايه وتعطرت واخذت شنطتها تنزل تركب سيارتها وتشوف الساعه تلاقيها ٩ ومرت تاخذ لها قهوه ومسكت جوالها تدق على عامله عندهم تروح الشقه تنظفها لان غالبا ما بيجون لها الا بعد ما يرجعون من جده ، ووصلت شركتها ونزلت تدخل ورفعت نظارتها فوق شعرها تطلع لمكتبها
