بعدت عنه تمسكه يده تركض للدرج وهو وراها ، ضحك فهد من دخلو الغرفه: لهدرجه حبيتي الفكره؟
هزت راسها بحماس: اكيد ايش في شيء احلا من السوق وهذي المره انت معاي
ضحك ودخلت غرفه الملابس تطلع لها بنطلون وتيشيرت وراحت تلبس ودخلت التيشرت تحت البنطلون وعدلت شعرها وجلست قدام التسريحه تجدد الميكب حقها
طلع فهد وهو لابس تيشيرت وشورت وقعد يتأملها وهي تحط اخر لمساتها من الماسكرا والروج والقلوس ، رجعت على ورا وهي تعدل شعرها وتشوف كيف شكلها وقامت تختار لها عبايه سودا تلمع وطلعت شعرها تضبطه واختارت لها شنطه ، قرب منها يهمس: ملاك
طالعته بأبتسامه وقرب منها يمسك جواله: بصور
ضحكت بخفه وقربت منها تطلع جوالها بالمثل يتصورون سوا ، تهمس بعد ما شفت الصوره: حلوه
ابتسم بهدوء: يلا انتظرك تحت
هزت راسها وطلع فهد وابتسمت تطالع نفسها واخذت نفس براحه تغمرها بأمان تشعره معاه ما كانت تتوقع عوضها اللي شالها من تعبها وحزنها وسود ايامها وما يبخل عليها ولو بروحه
بشركه فيصل وميعاد ، دخلت ميعاد عند فيصل تطالع فيه بهدوء وهمس: قولي
تنهدت تجلس: الحين لازم نرجع البيت؟
ضحك بأستغراب: وين نروح اجل
زفرت هي: الوضع غريب ، ولا هو مقلب؟ بابا اسلوبه متغير
ضحك فيصل: يرجعون شباب هم الاثنين
ضحكت ميعاد: والله؟ يخي شيء عجيب ولا هو لما تعب زادت عواطفه؟ ماما عمره ما شافها شصار
رفع كتوفه فيصل:العجايب السبعه
ميلت شفايفها: اقيم الموقف ٥ من عشره
رفع حاجبه: وين طارت الباقي
ميعاد: راحت بأنهم ما علمونا والحنان اللي ما نشوفه منه من قبل ما اجي
فيصل: عاد تدرين؟ تراه يحبك يقسى معك ويلين لكن انتي غير عنده
تنهدت تسمع نبره الضيق من صوته هي فعلا ابوها كان يفرق بتعامله معاها رغم قسوته اللي كانت دايمه لكن لمست منه حنيه عكس فيصل، كانت تزعل من معامله ابوها لأجل فيصل وهمست: ما اذكر اللي اذكره منه دموعي
تنهد فيصل: بس جاي يعوضنا
رجعت راسها لورا تغمض عيونها
وصلو ينزلون سوا واستقبلوهم ناس يعرضون عليهم حَمل اكياسهم واخذ فهد ، وطلعو لفوق يشوفون هدوء المول ودخلو اول محل تاخذ نظره تحب تبدأ بكذا اول شيء عينها تجي عليه وابتسمت تتقدم لفستان بيبي بلو بدون اكمام ماسك على الجسم طويل التفتت لفهد: شرايك؟ عجبني
ابتسم: متأكد بيجي حلو عليك
دورت مقاسها واخذته واختارت قطع ثانيه وحاسبت وراحت للمحل اللي بعده اشترت كابات وقميص لها ولفهد وراحو محل وقعدت تدور وابتسمت تاخذ هودي تحطه على فهد وابتسمت تطالع فيه: احس حلو عليك تاخذه؟
ابتسم يطالع فيها: يلا باخذه
ميلت شفايفها: لا ابغاك تجربه يلا انتظرك
اخذه منها يضحك يروح يجربه وابتسمت هي تاخذ لها واحد وراحت تلبسه ، طلع فهد يدورها وهمس: وينك انتي
ليان: اصبر لحضه
ثواني وطلعت و طالعها بأبتسامه: تطقمين؟
هزت واخذت كاب تلبسه وتلبسه اياه: كذا احلا
ابتسم وهو يعدل الكاب: اعجبك اهم شيء؟
هزت راسها: وفي بعد هودي ابيض واسود عادي؟
فهد: عادي يا دنيتي بحاسب عليهم
ابتسمت تدخل غرفه التبديل ورمت الهودي على فهد من فوق وضحك ، بعد ما خلصت طلعت تشوفه يحاسب وجت وقفت جمبه ، حاسب واخذ الاكياس يطلعون وابتسمت تشبك ذراعها بذراع نزل انظاره يبتسم من حركتها ، وهمست هي: طفشان؟
فهد: احد يطفش وهو معاك؟
ضحكت بخفه: ياعيني على الكلام
ابتسم يطالع فيها بعينه: وين بتوديني الحين؟
ميلت شفايفها تفكر: الحين نشوف
دخلت ديور تبتسم: هنا
دخل معاها بهدوء يشوف الموظف يفتح لهم دولاب كامل بجميع الالوان وميلت شفايفها تحتار وهمس فهد: خذي نفس الفستان
ابتسمت: طيب ، واختارت اللون تاخذها وتشوفها وتوقف قدام المرايا تشوف شكلها ، وطالع فهد فيها بأبتسامه هو شيء بسيط بالنسبه لها لكن هو يحسه غير وهو يشوفها تجرب وقفات ومسكات للشنطه تتخيل شكلها كيف بيكون، يعجبه ويبهره جدا ، ابتسمت برضى تكلم الموظف واختارت لها عطر واختارت له عطر وقرب منها: مالي داعي
هزت راسها بالنفي بأبتسامه: قد جبته لك ولاحظت عليه قرب يخلص
تنهد فهد: والله لو احنا ببيتنا
وسعت عيونها: لا تتحمس
ضحك بخفه: تعالي نحاسب
مشت معاه يحاسبون ويطلعون وضحكت: انت عاجبك الوضع ولا ساكت عشاني؟
فهد: علينا سمعه؟ ترا احب اجي اتسوق انا
هزت راسها: حسيت ، لان شكلك حلو
رفع حاجبه بأستغراب وكملت هي بسرعه: هنا هنا في توب شفته ابغاه
مشى معاها وابتسم على كلمتها ويشوفها تركته وراحت تختار كذا قطعه ويشوف حيرتها وشاف ذوقها اللي اعجبه وهدوء ذوقها وجماله واختيارها لأدق التفاصيل فيه والكماليات يبتسم بهدوء يشوفها تتناقش وتسأل ويقرب منها واحيانا يخليها تاخذ راحتها وهو يشغل نفسه ، يدخلون محل ويطلعون منه ويشوف السعاده بوجهها وهذا يكفيه يكون مثلها يشوفها تشتري لها وتشتري له
