الظهر كان سيف قاعد مع امه
سيف: يمه بكلمك بموضوع لكن للحين ما صار اكيد
هيفاء: خير ان شاءالله عن ابوك؟
سيف: مسأله الوالد قريب بتنحل لكن موضوع ثاني
هيفاء: خير ان شاءالله
سيف: في شخص وده يتقدم لليان
هيفاء بفرحه: الله يبلغني فيها مين؟ وكيف كويس؟
سيف: فهد
هيفاء: فهد ماغيره؟
سيف: اي ما غيره
هيفاء بفرح: والنعم في وبأهله يدخلون القلب والله
سيف: دام انتي راضيه نشوف رايها
هيفاء: الله يكتب اللي فيه الخير ان شاءالله
سيف: وينها هي جت؟
هيفاء: على وصول
بعد مده جات ليان
ليان: سلام
سيف: وعليكم السلام
هيفاء: زين جيتي عشان الغداء وبنكلمك بموضوع
ليان: لا مو الحين دايخه شوي بروح انام
هيفاء: من ايش؟
ليان: ما اعرف برتاح وبيروح
سيف: بكلمك بموضوع ضروري
حست ليان انه موضوع فهد لكن فعلا كانت تعبانه
ليان: ما يتأجل لين اصحصح؟
سيف: اللي تشوفينه
طلعت ليان ومن التعب او ما انسدحت نامت قامت على اذان المغرب وتسبحت وصلت وقعدت شوي ودخل عليها سيف
سيف: ها نتكلم الحين؟
ليان: شفيك مستعجل شعندك
سيف: بدون مقدمات تحبينه؟
انصدمت ليان: مين؟
سيف: فهد
ليان: شالطاري؟
سيف: تقدم لك
ليان تخفي فرحتها: فهد ما غيره؟
سيف: ادري انك تحبينه
ليان: مين قال لك؟
سيف: ترا بالنهايه انا اخوك اعرفك
ليان بتوتر: تقدر تقول اعجاب احسن
سيف: وهو؟
ليان: ما ادري
سيف: اسمعي قولي لي كلشيء لا تخليني انصدم بكره
ليان: هو لما كان يجي كنت احيانا اروح عنده سوالف عاديه يعني اشوف اتطمن بس
سيف: بس؟
ليان: اي بس وش ممكن يصير يعني
سيف: طيب تبينه يعني
ليان: هو ولد زين ومستواه حلو مافي سبب لرفض
سيف: عمره طويل دق، يهلا والله
فهد: يهلا فيك كنت ابغاكم بموضوع ضروري
سيف: عسى خير؟
فهد: موضوع الوالد
سيف: الحين؟
فهد: اي اجيكم في مجال؟
سيف: حياك
وقفل
سيف: فهد جاي
ليان: غريبه ليش؟
سيف: يقول موضوع بخصوص الوالد
ليان: تتوقع عرف شيء؟
سيف: ما ادري امشي جاي هو بعد شوي
ليان: يلا جايه
وصل فهد وسلم عليهم وجلس
فهد: نقدر نقول وصلنا لنهايه قضيتنا بس باقي اخر خطوه نخطيها
سيف: عرفتو مين؟
فهد: اي عرفنا من مده
سيف: فهد لا تقولين لي نفس الشخص ذاك
فهد تنهد: للأسف
ليان: انتو تتكلمون بالألغاز علمونا طيب
هيفاء: اي فعلا شفيكم علمونا مين
فهد: هو شخص يقرب لكم
هيفاء: مين ممكن يكون احنا ما عندنا قرايب
سيف: عندنا يمه نسيتي شخص
فزت ليان: عمنا بدر!
فهد هز راسه بالإيجاب
ليان:كيف وليش
فهد: اكيد له اسبابه وانا هنا ابي مساعده
سيف: خلاص فهد خذني ليان بعيده عن ذا الموضوع
فهد: شوف هو يعرف اننا فتحنا القضيه بترسلون له رساله انكم عرفتو انه هو واحنا ما ندري وتقولون له نبغا نعرف بس ليش ونقفل على الموضوع من عندنا
ليان: وبعدين؟
فهد: وبعدين هو بيطلبكم تجونه او بيختار شخص منكم واذا اختار بنحط معاه اجهزه تصنت وتحديد موقع وتمشون بدون محد يكون معاكم لانكم اكيد بتكونون مراقبين نخليه يحس بالامان واول ما توصلون بنجي احنا نحاوط المكان وننتشر
سيف: بس ذا مو خطر
فهد: فعلا خطر لكن بنحاول ما يصير شيء ، ولما واحد منكم يروح بنكون نسمع الحوار كامل ومسجل سايروه وسايرو كلامه وخلوه يعترف ويقولها بالصريح انه هو اللي قتل واذا اعترف امسكو اعصابكم لا تسوون حركه توديكم بداهيه
سيف: ومتى نبدا نسوي كل ذا
ليان: انا ابغا اروح
فهد: لا انتي ولا سيف هو اللي بيختار ، اليومين ذي بنحاول نرتب الموضوع
هيفاء: ما اقدر اودي اولادي عند شخص مجرم نفسه
فهد: ام سيف ما بيصير الا كل خير و اوعدك ما بيصير فيهم شيء
هيفاء بدموع: صعبه يا وليدي
فهد: تعوذي من ابليس اخر خطوه وترتاحون للأبد ان شاءالله
سيف: فهد تعال شوي بكلمك بموضوع
