وقفت سيارتها وقربت تفتح باب مستودع قديم بعيد عن الانظار ووقفت بالنص تشوف العامل وهو ينزل الاغراض من سيارته وبعد ما راح جلست على الكرسي،وانتظرت دقايق وحست بسياره وقفت ونزل منها شخص يدخل ويقفل الباب وراه وقرب يجلس على الكرسي اللي مقابلها
حطت رجل على رجل هدى: ما بغينا نشوفك ، طولت الغيبه
تركي: قلت لك سافرت، شصار على موضوعنا
هدى: مع الاسف عرفو وبهذلوني، لكن هذا انا مافيني شيء ما قدرو علي
تركي: عطيني عنوان دوامه اروح له
رفعت حاجبها هدى: شتبي فيه؟ ركز مشكلتي ليان مو فهد
تركي: وانا مشكلتي فهد انتي قعد تضرين شخص احبه وانا بالمقابل بسوي نفس الشيء
هدى بحده: تركي!
تركي بأستهزاء: تخافين عليه وساحرته! ما بسوي له لا تخافين عليه
هدى: بس قاهرني سو اللي تبيه اجل ودي احرق اثنينهم
ابتسم تركي: اي كذا زين خليك كذا، عندك شيء جديد
هدى: نشككه فيها بباسطه نقهره ونقهرها
تركي: فهميني اكثر
هدى: يعني نخليه يضن انها مو شريفه نستدرجها وتتوحد فيها ، وفهد سهل نجيبه ويشوف
انصدم تركي وقعد يطالعها يشوف الحقد بعيونها ويشوفها لهب قدامه وصد يفكر وميلت راسها هدى تنطق: ما ترضى عليها تروك؟ ميلت شفايفها وكملت، يحرام مو داريه عنك كملت حياتها وانت للحين تخاف عليها ما استبعد اذا شافتك ما تخلي زوجها وحبيبها يذبحك وتفتك منك ، البنت تكرهك وانت تحبها ، مو انت اللي قلت لي انك تبي تحرقها؟ لمجرد انها ما بادلتك تجي تتفلسف علي ، ياخي انت كنت بتحرق فهد بالنار عشان تخلي ليان تموت من الرعب ولا نسيت، بالقوه خليتك تتراجع عن الفكره، مو انت اللي كنت تبي ما تتهنى يوم واحد بنومها الحين شصار انا اقول اصحى يا تركي اصحى، انا بس امخمخ على الموضوع واعطيك خبر
كان تركي ساكت وقامت هدى بتطلع وقام تركي يتكلم وصدى صوته بالمكان كله من علوه: ما اقدر اشوفها مع احد غيري لي فوق الثلاث شهور انحرق من داخلي اراقبهم من بعيد وما عندي جرئه اقرب منها، كانت تخاف مني ورحت اتعالج عشانها وانا ادري انها ما تبيني لكن قلت يمكن تلتفت لي بيوم ، لكن كانت بتشوف اي شخص الا انا ،ودي اعورها واصير عدوها لكن ما اقدر اللي اعرفه مكانتها تغيرت وكثير ابيها انتقام مو حب، حطي يدك بيدي ونولع فيهم
لفت عليه هدى: بنحرقهم اثنينهم خلك جاهز، والله لا احرق قلوبهم اثنينهم ، يكفيني ان قلوبهم تنحرق
طلعت هدى تاركه تركي اللي انملى قلبه حقد لليان زياده معد صار الا انه يأذيها ويعذبها ورفس الكرسي ومشى يطلع
بيت هيفاء، كانت قاعده بالصاله تشوف مسلسلها ودخلت ليان تبتسم تشوف اندماج امها وجلست جمبها بهدوء ونطقت: غريبه ما فقدتيني
فزت هيفاء تلف عليها: قلت شكلها ناسيتني
حضنتها ليان: ما انساك بس اليوم قمت متأخر وطلعت مع فهد
هيفاء: يا بنت تراك مملكه بس خفي شوي خليه يشتاق لك، كل شوي وانتو قبال بعض صرت احس انكم اعرستو
ليان: ماما بس هو زوجي
هيفاء: حتى، صدي شوي
ليان بتوتر: بكره بعد بطلع معاه الصباح
عقدت حواجبها هيفاء: من صباح ربي ليش؟
ليان ابتسمت: بنشوف بيتنا وبنشوف اثاث
هيفاء: اي الله يوفقكم
ليان: ماما
هيفاء: جات المصايب عارفه قولي
ليان: مو مصيبه شيء عادي جدا عادي
هيفاء: اي قولي اطربيني
ليان: بكل بساطه انا وفهد عندنا شقه نتجمع فيها لنا فتره
شهقت هيفاء ، ودخل سيف معقد حواجبه ونطق: اللي سمعته صح!
بلعت ريقها ليان: اي يخي شفيكم زوجي هو بطلو عادات وتقاليد وبعدين ما سوينا شيء غلط
اخفى ابتسامته سيف: محد قال سويتو شيء غلط ليش خفتي
ليان: ما خفت يا مريض
هيفاء: ما سويتو شيء؟ اكيد
ليان بصدمه: ماما! اكيد لا وين احنا
ضحك سيف وصدت ليان بقهر ونطقت هيفاء: المطاعم والكافيهات مقصره معاكم؟
ليان: نروح لها
سيف: انا ما بقول شيء لان ضني بسوي العن من فهد
مسكت راسها هيفاء: انهبلتو والله انهبلتو بتجنوني
حضن سيف ليان من كتفها وباس خدها: ياحظ وفهد والله
ليان: هنا اكيد عاد محظوظ
هيفاء: مهبل انت واختك
ليان: جوعانه ودكم نطلع نتعشاء؟
هيفاء: افا مو معشيك
ليان: الا بس جعت
سيف: خليها امي تدلع ما بقي شيء ونفتك اجل تم يلا
هيفاء: بطلع اجهز
ليان: والله انا اللي بفتك منه
قرب سيف يمسك خدها: تحبينه اجل
ليان: اوتش الله يعينك موني
تنهد سيف وابتسم: اشتقت لها
ليان: ويييعع اثقل
سيف: ما اقدر اثقل عندها
انسدحت ليان على الكنبه: ماعليك شرهه
سيف ضحك: وفهد ثاقل؟
ليان: حدك عليه انت
سيف: ما ترضين عليه؟
ليان: شيء اكيد يعني
قام سيف يجي عندها ويحضنها ونطقت ليان: لازم موني تجي ناقص حنان انت
سيف: الحلم اماني والواقع انتي
ليان ابتسمت: بكره في سبرايز استعد نشوف حلمك ايش بتسوي فيه
