اليوم الثاني بدأ الاستنفار للتجهيز ماسكات وسبا وحمامات مغربيه والكل كان فرحان لفهد و بليان اللي بتصير وحده منهم وكلهم حبوها
ميعاد: بنات جهزتو؟
اماني: اي الفساتين والمجوهرات خلصنا منها هي ذي الباقي مالنا دخل فيها
روان: اذا احنا حسنا كيف ليان
ميعاد: عاد ما عندها اخوات يساعدونها واحنا لك علينا
روان: شرايكم نكلمها؟ نقول تحتاجين شيء؟
اماني: اي صح احس شكلنا غبي واحنا مطنشينها
ميعاد: خلاص اجل بقروبنا اماني انتي اكتبي واحنا بعدك
روان: كيف تتوقعون بيقولون البنات عنها؟
اماني: عاد بيموتون من قهرهم عشان فهد ما اخذ وحده منهم
ميعاد: مريضات وقسم
روان: هدى وسوير حكايه ثانيه
اماني: ما انسى قبل كم سنه لما تهاوشو على فهد
ميعاد: مستحيل انسى كفخو بعض محد قدر يفكهم
اماني: بس تبون الصدق؟ احس بيسوون شيء مو شرط بالملكه بعدها وبعد العرس
روان: اعوذ بالله تهقين؟
اماني: اذا للحين يحبون فهد اهقى لكن الله يستر
ميعاد: الله لا يسلمهم عسى يهجون ونفتك
روان: احس ترف ونجلاء طيبات عكس الباقي
اماني: فهد قال لي ان عندها خالتين تتوقعون عيالهم او بناتهم برضو بيسوون شيء؟ مو بس عيالنا
ميعاد: تخلف وربي مو كاتب نصيب خلاص
روان: الحقيرات حلوات
ميعاد: الله يستر منهم
اماني بضحك : ميمي تغارين؟
ميعاد: انا اغار وليش؟ من زينهم
روان: لأنهم حلوات
ميعاد: لا انا واثقه في مرمري
روان: مرمري طايح على وجهه
اماني: صاير يتخيلك بدالنا يا بنت
ميعاد: اي اكيد يزيني زيناه مافي مثلي
اماني: احب الثقه اللي بمحلها
روان: الا صح الثلاثي طلعو من الصبح وين راحو
ميعاد: فيصل يقول بنروح سبا
اماني: يحليلهم
روان: حياتهم سهله
عند بيت هيفاء دق باب غرفه ليان
ليان: ادخل
شهقت بصدمه لين!
لين: كيفك؟ اسفه لو جيت بوقت غلط
ليان: لا بالعكس حياك تعالي
لين: عرفت بموضوع ساره وقلت اجي اشوفك
ليان ابتسمت: والله بخير مافيني الا العافيه
لين: صدقيني ما كنت اعرف ولا كان قلت لك او منعتها
ليان: مصدقتك لونه
لين ابتسمت: تبغين مساعده؟ ناقصك شيء؟
ليان: لا كلشيء جاهز
لين: بيجون ناس كثير؟
ليان: احنا عزمنا ٢٠٠لكن اكيد في ناس ما بيجون
لين: احس القاعه بتمتلي ملكه ليان اكيد محد بيفوتها؟
ليان بضحك: وليش؟
لين: وتسألين تبارك الله تراكم معروفين بفخامه مناسباتكم
ليان حضنتها: لونه تحبيني؟
لين: مريضه انتي؟ صحبتي اكيد بحبك
ليان: حذرتيني وما سمعت كلامك قلتي ساره لا تكلمينها عن فهد
لين: ماضي وراح لا تفكري فيه انتي بس قولي لي شعندك اليوم؟
ليان: ابد ماعندي شيء
لين: نروح سبا؟ نسوي مساج دلعي نفسك ما بقي شيء
ليان بأبتسامه: لكن قبلها نفطر؟
لين: تمام انتظرك بالسياره
عند العيال
فيصل: فهيد صاير هادي وانت ما تزوجت
فهد: كني عقلت شوي
مروان: الحين اجتهاد شخصي ولا غصب عنك
فهد ضحك: ادري بك ما تقدر تعقل
فيصل: لا تنسى علمنا على حركات البنات لا نتوهق انا والاخ
مروان: لا معليك سهالات الكلام
فيصل: اووه تعرف يعني؟
مروان بتوتر: نتعلم عادي
فيصل: فهيد حبيبات الطفوله بيجون اكيد
فهد: ما عشمت احد انا
مروان: تهقى يسوون شيء؟
فهد: ما اضن مو غصب هو
فيصل: انت ادع ربك انهم نسو
مروان: تذكرون الهوشه حقتهم
فيصل بضحك : كيف انساها
فهد: مرده يجي لكم يوم اصبرو بس
