الصباح عند فهد تجهز وراح دوامه
فهد: صار شيء جديد؟
مساعده: سربنا خبر ان القضيه بتتقفل بسبب مافي مشاكل
فهد: وصله خبر؟
مساعده: صدقني بدر ذا واصل سجله اسود عرف اكيد
فهد: متى تسرب الخبر؟
مساعده: امس اخر الليل بدينا
فهد: اعتمد عليك اذا مسكنا عليه سالفه القتل نبي ننبش سجله نخليه اعدام
مساعده: خلاص ولا يهمك اعتبره صار
مسك جواله ودق على ليان
فهد: صحيتك ولا صاحيه؟
ليان: لا صاحيه ، انت كيفك وينك؟
فهد: انا بخير اذا انتي بخير، ابد بالدوام كنت ابيك بموضوع
ليان: اي قول شفيه
فهد: لا ودي اشوفك احسن اجيك ولا نتقابل؟
ليان: وليش ما اجيك؟
فهد: لا بس الجو عندنا متوتر عشان كذا
ليان: والحقيقه الحين ما اقدر اطلع تعال احسن
فهد: زين ساعه كذا وانا عندك
ليان: انتظرك
في المستشفى دخل سيف عند اماني
سيف بعصبيه: تدرين اللي سويته خطير؟
اماني: اول شيء اسلوبك يتعدل وبعدين وين الخطر
سيف: لو صار فيه شيء ؟
اماني: سويتها قبل والحين هو دخل العمليات ومعاه دكتور سالم
سيف جلس: مو قصدي اعصب لكن كنت اقصد لو اشتكى بتروحين فيها
اماني: معليش دكتور سيف ما اضن في شخص بيشتكي على شخص انقذ حياته و ذي مو اول مره اسويها كان يحتاح تدخل
سيف: ترا فهد بياخذ ليان
اماني: طيب اعرف بالموضوع لكن شدخله الحين؟
سيف: يعني اقول بلاش دكتور
اماني: الحين فهمني انت ايش تبغى؟
سيف: معقول للحين ما عرفتي؟
اماني: ما احب كلام الالغاز
من اول ما شفتك حسيت بشعور غريب زي موقف اليوم شفتك وانتي ماشيه بغرفه العمليات وايدك على الشريان و من يومها وانا مصدوم اول شخص اشوفه او اسمع عنه يسوي ذي الحركه عرفت حبك للشغل واصرارك وبديت انعجب وشفتك صدفه ومن عرفت انك اخت فهد
اماني انا الفرحه كانت مو شايلتني لما عرفت اننا بنكون بنفس الفريق كنت فرحان كنت انتظر الصباح عشان نبدأ يومنا ولا ركضنا بالطوارئ ندخل عمليه نطلع لعمليه كنت ادخل عندك اعطيك اي ورقه بس يزيد وقتي معاك اماني لو اتقدم لك توافقين؟ صدقيني بسعدك وما بزعلك بشيء لاني فعلا حبيتك اماني
كانت اماني تسمع بصدمه وهدوء مو متوقعه ولا كلمه قالها ومو عارفه ايش ترد عليه تنتظر يصير شيء ويفكها من ذا الموقف لو مؤقت ودخل ممرض
ممرض: تعالو الطوارئ ضروري
حست اماني بشعور طلعها من دوامه التوتر والصدمه وطلعت ووراها سيف اللي انقهر من توقيت الممرض كان يبغا يعرف ردها
عند روان ومروان
روان: مروان بشر اجتزت؟
مروان بفرح: اي افتكيت هم وانزاح
روان: صدق ما بغينا خلصنا تطبيق عملي
مروان: لكن ورانا اختبارات
روان: الاختبارات امرها سهل التطبيق هو المهم
مروان: والله صدمني بأسئلته لكن جاوبته من خبره الحياه
روان: لو غلطنا بسؤال ودعنا التخرج
مروان: احتاج اخذ بريك طويل
روان: انا اول ما برجع بنام ولحد يقومني
عند فهد اللي وصل
فهد: ممكن ادخل؟
ليان بأبتسامه: تو ما نور المكتب
فهد: شمسويه شكل الشغل كثير
ليان: اي مره ، لكن زيارتك غريبه
فهد: اسمعي الحين عمك اكيد يسوي استعداته
ليان بتنهيده: اي؟
فهد: حسب تحليلاتنا بيختارك تروحين وخذي وعد مني ما بسوي لك شيء بنراقب كل تحركاتك وبنسمع حتى النفس وبكون حولك
ليان: اصلا ودي انا اللي اروح
فهد: الود ودي ما تطبين هناك لكن ما باليد حيله
ابتسمت ليان: صدقني عادي ما بيصير شيء اذا على كلامك
فهد: على كلامي ما بتتأذين ما بخليه صدقيني بعينك بتشوفينه ينعدم
ليان: الله يسمع منك
فهد: الصراحه جيتك بموضوع ثاني
ليان: ايش هو؟
فهد: يعني قلت اخذ رايك قبل شرايك نسوي خطبتنا اليومين ذي؟
ليان: ليش؟
فهد: يعني قلت بين الاهل عشان اذا شافونا مع بعض ما ننذبح
ابتسمت ليان: يعني شوف هو الحقيقه كلم ماما وشوف
فهد: ندق الحين ولا فشله؟
ليان: يالمشفوح العصر
فهد: يا طول العصر بس نصبر ما نقول شيء
ليان: ما قلت لي وش حاب تشرب؟
فهد: من رايي نطلع نفطر يمديك؟
ليان: ما اقول لا من عشاء امس ما اكلت
فهد: يلا اعرف مطعم فطور لذييذ
ليان: اثق بذوقك
فهد: اي يلا عشان ارجعك
ليان: لحضه قصدك اروح معاك؟
فهد: اي اجل مع مين
ليان: ماله داعي انا اسوق
فهد: يا بنت انا زوجك زوجك شفيك
ليان: انت لو صرت زوجي صدق وش بتسوي
فهد بأبتسامه: بدوام معاك
ومسك يدها وطلعو كانت ليان بقمه ساعدتها رغم الحزن اللي داخلها لكن فهد كان يعرف كيف يطلعها من حزنها بأشياء بسيطه و ركبو السياره
ليان: هذي اللي قلت لك عليها امس!
فهد: اي شرايك بس
ليان: الله لا يحرمني
فهد: ولا يحرمني ، خليني اشغل مجيد نستمتع شوي
شغل فهد اغنيه يا ابن الاودام اللي الاغنيه توصف شعورهم وكانو مستمتعين بلحظاتهم الحلوه مع بعض كان ناقص مسكه يدهم كان فهد متردد مايبي يضعف اكثر كانو يغنون شوي ويقفون ومع احلا بارت
لا ضقت اضيق ومتى ما تفرح افرح لك
ولا غبت اموت ومتى ما شفتك احيا بك
و اغنيه وراها اغنيه لين ما وجيهم معد فيها الا الفرحه والابتسامه
نزلو وفطرو كان بريك لهم من الحياه ما فكرو بشيء غير انهم مع بعض و يتكلمون عن اهتماماتهم وبعد ساعتين
ليان بشهقه: فهد تأخرنا
فهد: افا تو الناس
ليان: معليش بس صدق لازم ارجع
فهد: خلاص ولا يهمك على الطريق شرايك قهوه؟
ليان بأبتسامه: ما اقول لا
ركبو السياره
فهد: خلاص في الروحه مجيد الحين رشود شتقولين
ليان: الله رشود اي بالله
فهد: ذوقي ولا تختارين؟
ليان: حط اكثر شخص
فهد: اعتبرها اهداء؟
ابتسمت ليان: اعتبرها
فهد: ايوالله ابي هذا الغَلا معلن
ليان: نحب نحب ما نتعب
فهد: كذا حنا كذا اثنين تحت صمت الحكي عشاق
ليان: مين اللي دايم يشتاق انا احبك احبك لين الضيق
وكملو دقايقهم المعدوده ذي بالاغاني اللي بارتاتها توصف شعورهم اللي بكل اغنيه حب يلاقون نفسهم فيها خلص يومهم اللي كفيل يسعدهم ورجعت ليان لمكتبها وفهد كان يحس نفسه طاير ورجع البيت
خالد: وراك طاير
فهد: خلاص قررت اخطبوها لي
زهره بصدمه: اليوم؟
فهد: كلميها اليوم وبكره نروح بعده المهم ان الاهل يدخلون بالموضوع
زهره: شالطاري ليش الاستعجال ذا
فهد: يمه احبها وابيها
خالد: اعقل يا ولد
فهد: يبه طيب ابيها
زهره: خلاص ولا يهمك ادق على امها اليوم ناخذ موعد
فهد: اي عشان نحدد الملكه
خالد: اركد شوي لا تستعجل اثقل
فهد: ابشر ولا يهمك
زهره: خلاص لا تعيد الموضوع العصر المغرب اكلم امها بس انت اركد
فهد: خلاص زين بس لا تنسين
