بمقر فهد كان يبحث ويشوف ويتبع المكالمه والبصمات لو يوصلون للي سلمه الجوال والسلاح قطعو نص المشوار دق مساعده الباب
مساعده: لقينا الشخص حاليا تحت المراقبه
فهد: نشوف الليله اذا ما استجد شيء ناخذه للاستجواب
مساعده: اقول لك راي؟
فهد: قول
مساعده: اذا احد جا اليوم خله ياخذ راحته بالمكتب احنا نحاول نسمع ونشوف الكاميرات، وفتشنا الفلاش لقينا فيه تحويلات لفوق ال ١٠٠ مليون لعده حسابات
فهد: ايش الحسابات لقيتو لها اسم؟
مساعده: للاسف كلها لحسابات خارجيه
فهد: خليل وسعد وحمد صار عليهم شيء؟
مساعده: للأن حالهم سليم
فهد: يصير خير
جا الليل وراح فهد لبيت هيفاء
سيف: بشر كيف كتفك؟
فهد: لا صار احسن عقمته وغيرت الشاش
سيف: بقعد معاك الليله
فهد: حشى والله ما تقعد اعذرني مو بيدي ما اقدر
سيف: يا رجل
فهد: رح نام الوضع عندي واذا صار شيء الفريق دقايق ويكون هنا
سيف: اللي تشوفه
مر الوقت وكانت ليان ودها تطلع وتشوفه لكن متردده بعد حركتها امس وفكرت انها تسوي له قهوه وتطلعها يمكن يفتح معاها موضوع واذا طنش يكفيها انها شافته
ليان بهمس: فهد فهد
فهد: هلا؟
ليان: جبت لك قهوه تبي؟
فهد بأبتسامه: اي والله شكرا
ليان: عاد ما اعرف تعجبك او لا
فهد: لا احب ذا النوع بس حامضه؟
ليان: لا مُره
فهد: النوع اللي احبه شكرا
ليان: كيف كتفك؟
فهد بأبتسامه: لا تمام جت بسيطه
ليان: اسفه ما كنت اقصد
فهد بأستغراب: بس مالك ذنب؟
ليان بتوتر واضح جدا : يعني اقصد اني قلت تدور عليه وكذا
دق جوال فهد وحمدت ربها عشان لا توتر اكثر اذا رد عليها
فهد: هلا روني
روان: وينك مو موجود
فهد: شفيك نسيتي عند سيف
روان: يووه نسيت متى بتجي؟
فهد: قريب الفجر ليش فيك شيء؟
روان: لا مافيني شيء قلت بسولف شوي بعدين اقول لك مع السلامه
.
ليان: يلا انا بمشي
فهد: لحضه ليان بسألك
ليان بتوتر: ايش؟
فهد: شسمه البُن حلو من وين
ليان: من حنطيه
فهد: اها
ولفت ليان ونزلت وقعد وراها فهد وفكر انه يدق عليها لكن متردد
فهد: اسف لاني دقيت عليك
ليان: في شيء؟
فهد: قلت بسولف معاك
ليان: بنام
وقفلت الخط من قوه التوتر وجها حمر وكانت الدموع متجمعه بعيونها تفكر بحركته ذي كيف دق عليها ليكون فكر بفكره مو حلوه عنها وكانت فعلًا مفهومه اما فهد اللي فعلا حس فكرته غبيه لكن كان يبغا يسمعها حسها حس انه حبها ويبيها لكن هي ما يعرف رده فعلها له لكن لازم يصارحها بعيد عن بيتهم وبينتظر شوي وضروري يشوفها
ليان كانت تسمع اصوات بالحوش وخافت وقامت دخلت على سيف وتقومه
ليان: سيف قوم في اصوات برا ذي المره شكلهم اثنين
سيف فز: فهد وين؟
ليان: اكيد تحت بس معرف سمع الصوت او لا
سيف: يلا يلا جاي
ليان سبقت سيف لفوق ولما شافها فهد فز ومسكها
فهد: ليان فيك شيء؟
ليان بخوف: وخر عني سمعت صوت قلت يمكن احد جا
فهد: اسف والله مو قصدي لكن محد جا ، خلاص انزلي انتي
ليان: سيف جاي
سيف: ها احد جا؟
فهد: للحين لا ، انزلو انتو وجودكم ماله داعي
ليان بهمس: دخلو دخلو
فهد: لحد يتكلم بنخليهم ياخذون راحتهم المكتب مراقب صوت وصوره الحين الفريق بيجي بهدوء يمسكهم نشوف لهم ودخلو وكانو يتكلمون ودخلو المكتب وكان الفريق ينقل كل شيء لفهد
فهد: حذفو الملف؟
الفريق: الملف بأسم يحيى
فهد: داهمو
سيف: شصار؟
فهد: تعرفون احد باسم يحيى؟
سيف: لا اول مره نسمع فيه ليش؟
فهد: هذا الملف اللي حذفوه
ليان: شكلي اعرفه
سيف: تعرفينه مين ذا؟
ليان: مو متأكده لكن قد سمعت اسمه لكن ما اعرف
فهد: احنا بنبحث عنه ونشوف مو مشكله ، بروح معاهم المقر الحين واذا صار شيء بعطيكم خبر
