جا الليل وكان فهد يكلم ليان قبل لا ينام ويسمع سوالفها وكلامها كان يتخيلها قدامه وهي تكلمه ويتذكر تفاصيلها ويبتسم كأنه كسب شيء كبير لو ما جاته ذاك اليوم؟ كان ممكن يقابلها مره ثانيه؟ كانت تعطيه شعور حلو بقلبه نسي تعبه وكلشيء بمجرد ما سمع صوتها يطيب داخله كسب حبها وكسب قلبها ومستعد يعوضها عن كل شيء راح ويكون لها عون وسند يكون هو سلاحها يكون قدامها بكل المشاكل اللي بتجيها لكن كان خايف ما يقدر يكمل بذا الحب يصير شيء يبعدهم عن بعض يخاف يخذلها وهي اللي سلمت له نفسها وواثقه فيه لكن قلبه جازم انه بيسوي اي شيء عشانها
جا اليوم الثاني وراحت اماني المستشفى وشافت سيف وتنهدت ومشت مكتبها وكملو يومهم
عند ليان وفهد
فهد: والله انتي اماكنك تعجبني دايم
ليان: شفت ذوقي حلو
فهد: اي اكيد حلو دامك حبيتني
ابتسمت ليان: ثقتك بنفسك عاليه
فهد: يحق لي
كانو يسولفون ويتكلمون ما يدرون عن اللي يراقبهم ولا واحد بالميه كانو كأنهم هم الاثنين الوحيدين مو معطين اهتمام عن اي شيء حولهم
فهد: لولي بسألك؟
ليان: عيون لولي
فهد بتردد: مستعده؟ والله اني خايف عليك
ليان تنهدت: اي صح داخلي يغلي بس اكيد بابا لو كان موجود ما بيرضى يشوفني تعبانه وبيزعل انا بقوي نفسي عشانه
فهد مسك يدها: خلاص بتهون وصدقيني انا بكون معاك بكل لحضه ما بتركك وبعوضك عن كلشيء بالدنيا بس انتي لا تضايقين نفسك وتزعلينها ما يهون علي ابدا
ليان بغصه: انا بكون بخير اذا انت كنت معاي
حاول فهد يغيير الموضوع: وبعد الغدا وين بتروحين؟
ليان: البيت خلاص
فهد ابتسم: في فلم جديد نازل شرايك؟
ليان: اهم شيء مو رعب
فهد: الحقيقه هو رعب لكن لولي انا معاك
ليان: لا لا اخاف
فهد: مافي لا لا انا معاك
ليان: فهودي لا اخاف الناس تهج من صراخي
فهد: ما علي منهم انا بكون معاك وحاضنك بعد
ليان: شوف افكر اذا رحنا اشوف اعلانه وكذا
فهد: اجل وافقتي خلاص احاسب ونروح
ليان: كالعاده انت بتحاسب هلمره علي طيب؟
فهد: مافيه انسي
عند اماني
اماني: وبس هذا كل اللي صار
امل: تهقين فيه شيء الولد؟
اماني: احسه متناقض شوي
امل: مافيه شيء الولد يحليله
اماني: الله يستر عليه
امل بغمزه: مافي اعجاب شيء؟
اماني: لا اعطيك بالملف الحين لا طبعا
امل: شفيك موني بس صدق يعني انتبهي لا يطفش ويهج
اماني: خليه يهج هامني انا؟
امل: عاد اتخيل الحين يجي ويقول اماني ممكن شوي
اماني: انتي وخيالاتك ذي اللي بتوديني ورا الشمس
امل: والله حلوه بس انتي
اماني: عاد صدق مالي خلق
امل: عاد اذا جاء لا تعلين روحه
اماني: اذا جاء ما بعل روحه هذا اذا جاء
امل: اوله ما بتعلين روحه غريبه
اماني: بكره اعدام عمه عشان قصه ابوه
امل: ايي صح قلتي لي الله يكون بعونهم شيء صعب
اماني: امين
دق الباب وفتح سيف على طول وامل بيتشق وجهها من الابتسامه
سيف: اهلا دكتوره اماني ممكن اتفضل
اماني: تفضل
قعد سيف يطالع بأمل اللي وجهها يكتم الضحكه والابتسامه
امل: يعني امشي اروح؟ خلاص اجل اشوفك موني بعدين
اماني: اي دكتور سيف تفضل
سيف: تعبان
اماني: طيب
سيف: انتي دكتوره عالجيني
اماني: من ايش تشتكي
سيف: انتي اعرفي
اماني: مافيك الا العافيه ماشاءالله
سيف: غريبه انا احس اني تعبان
اماني: عمليه اليوم ما يحتاج تدخلها روح البيت ارتاح
سيف: خايفه؟
اماني: من ايش؟
سيف: اعفس لك العمليه زي امس
اماني: لا
سيف: اجل ليش ما ادخلها
اماني: مو تعبان؟
سيف: انتي تعبي انتي اللي فيني
اماني كانت تحاول ما تطالع فيه
سيف: اماني شفتك كيف تواسيني كيف كلامك يوصل للقلب ويرممه يوم شفتك ذاك اليوم تبكين كنت اتأملك كيف بكوك كيف عيونك تدمع وتهلك كان ودي احضنك وما افكك من اول يوم شفتك دخلتي هنا هنا اماني بذا القلب وما طلعتي منه تكفين ارحمي قلبي ما اعرف ايش تفكرين فيه لكن طالعي عيوني شوفيها اقريها
تنهدت اماني مو عارفه ايش تقول هي فعلا كانت تشوف حب بعيونه وبتصرفاته لكن خايفه الخوف ماكل قلبها وروحها مو عارفه ايش تسوي
اماني: سيف انا ....
سيف: ماعندي رد عليك حفظت الاجابه ذي قولي بعطيك فرصه ما بضرك انا والله
اماني تنهدت: خلاص طيب سيف
سيف فز من مكانه: طيب؟ يعني وافقتي؟
اماني هزت راسها بالإيجاب
وقال لها احبك وطلع من عندها ورجعت اماني تبكي تقول ياربي وش سويت انا الحين
