ما حست اماني بوجوده من انينها وشهقاتها وبدأ يتكلم اللي فهمته انك ما تحبينه وزعلانه منه لكن ليش هذا كله؟ مات وما يدري ان في شخص فنى روحه يبكي عليه وش سوا لك عشان الانهيار ذا كله اماني انا مكتف لا اني اقدر اساندك و لا اني قادر احضنك ودي ادخلك داخل قلبي اماني محد يقرب منك احميك من كلشيء حاولت اماني تتكلم بصوتها اللي معد فيه حيل: ممكن تخليني لوحدي؟
سيف: ماني مخليك قاعد عندك لين نتفاهم زي الناس
اماني: ما فيني حيل بنقاش معاك وخر عني
سيف حط راسه على كتفها: ليه اوخر وانا اودك؟ اشوف بعينك اشياء كثير عجزت افهمها و افسرها
رفعت اماني راسها وسندته على الجدار وقعدت سرحانه
سيف: احتاج كلمه ليش؟
اماني: اتركني سيف
مسكها سيف وحضنها بقوه ما توقعت لكن اضن كلنا بحاجه ذا الحضن تدرين؟ لما ابوي مات كنت بس ابكي بدون صوت واحاول امسك نفسي عشان انا الولد اللي لازم ما يبكي وتنزل دموعه كنت اشوف ليان و الوالده وانا مكتف مو عارف ايش اسوي و من هنا عرفت ان الجروح يداويها الوقت والزمن و جرح عن جرح يفرق في جروح يبقى اثرها وجروح تروح انا جرحي باقي الاهل جرحهم ما يروح يبقى اثره لكن يترمم يبقى ويترمم من يلاقي شخص يرمي كل ادويته بذا المكان ويخف اثره يبقى جرحه لكن يخف
اماني: وجرحي؟
سيف: يروح
اماني حست على نفسها وحاولت تبعده وتقوم و مسكها
سيف: اسف والله اسف
مشت اماني بدون رد ولقت امل و سحبتها غرفتها وبدت تقول لها
ابتسمت امل: يحبك
اماني: وانا؟
امل: ماتحبيه لكن مع الوقت
اماني: ما اقدر اعطيه فرصه ما اقدر اجاريه
امل: بتقدرين وبتشوفين
اماني: صعب شفيك
امل: بتشوفين حبه لك وبتلينين
عند ليان وفهد كان فهد يحاول يقوم وجته ليان شفيك تحتاج شيء؟
فهد: لا بس ابي اجلس جمبك
ليان: خلك على سريرك وانا اجيك لكن شفيك
فهد حضنها: حسيت ان كلنا تعبانين وانا الصراحه اشتقت لك
ليان: تعبي معروف انت شفيك؟
فهد: اماني
ليان: شفيها؟
فهد: كلمتها زوجته وقهرتها
ليان: عشان كذا معفوسين
فهد: ما سألتك ذا السؤال كان ودي اشوفك عندي
ليان: اسئل
فهد: سالفه عمك واللي صار
ليان بدت تشد على حضنه وتبكي: مغبونه من كلامه
فهد: والله ان اطلع حرتك فيه
ليان: كافي يقهرني بكلامه كان بياخذك فهد بغيت انجن والله مو مستعده ابعد عنك انت ما تعرف انت بالنسبه لي ايش ما ودي اخسرك انت شيء كبير بحياتي قعد تحسسني بأشياء حلوه ما اعرف كيف اردها لك
فهد: وجودك جمبي يغنيني عن كلشيء ارتاح من تكونين قبالي بس اتأملك يكفي
ليان بدموع: جمبك اليوم وكل يوم
فهد: والله يليت تنامين عندي
ليان: ودك؟
فهد: ايوالله ودي
ليان: خلاص طيب انام
فهد ابتسم: والله؟
ليان: ايوالله انام بتصرف
فهد: زين تنامين بحضني عادي؟
ليان: اخاف اعورك
فهد ابتسم: لا ما يصير شيء
بالكوفي عند الباقي
فيصل: انتو شفيكم ميت لكم احد وبعدين وين اماني
ميعاد: عندها مواعيد
فيصل: طيب وفهيد متى بيطلع
روان: بكره الظهر
مروان: الحبيب عايش فوق
جتهم اماني وشافوها مبتسمه وانفجعو
فيصل: يهلا اخبارك
اماني: الحمدلله
فيصل: شوفي ذول اتعبوني اسحب الكلام منهم سحب
ميعاد: اضن ردت روحنا بموني مو انت
فيصل: والله عزتي لي دايم مكروش
مروان: الحين متى نرجع فوق زودوها طيور الحب
روان: خلهم وش تبي فيهم وبعدين ارجع البيت خلاص
مروان: ومين ينام عنده؟
اماني: ما يبي لها ليان
ميعاد: كيف؟
اماني: ايوالله ليان بتنام عنده
روان: شدراك
اماني ابتسمت: عرفت
روان حطت ايدها على راس اماني: انتي بخير؟
اماني: شفيك اي
روان: يمه يارب خير
فيصل: ها جات البشاره فهد يقول تقدرون تجون
مروان: مو احنا على حسب موده
روان: امش وانت ساكت
ودخلو كلهم ومن شاف اماني فز
فهد: موني ابيك تفهميني على تحاليلي صورتها لك
جاته اماني من فهمت قصده
فهد: انتي بخير؟
اماني: ادري ان انهياراتي تصدمكم بس مو بيدي وانا مافيني شيء ارتحت
فهد: ارتحتي؟
اماني: اي خلاص لازم افتح صفحه جديده فهد وعيت ان ما ينفع كذا
فهد رفع صوته بخفيف: يلا زين اهم شيء عدت زهقت
اماني: ترا يومين
فهد: اليومين ذي عيت تمر
دخلت امل ومعاها سامي
اماني: اهلين سامي كيفك؟
سامي مد يده يسلم عليها وابتسم: بخير دامك بخير اماني
فهد: يا اهلا بسامي
سامي: الف الحمدلله على السلامه فهد اخر الاوجاع
فهد: ان شاءالله طمنا عنك
سامي: ماشي امورها
امل: اماني سامي كان بيقول لك شيء
سامي: اي كنت بقول لك ان لؤي توفى توه
انصدمو كلهم وقعدو يطالعون اماني
سيف: لؤي فارس؟ كيف؟
سامي: كود بلو
اماني: الله يرحمه
سامي: وبيد نظيفه انتهت جمايلي
قعدو يتأملون اماني انصدمو ومستغربين من شيء لاحظت امل وكأنهم شاكين ان اماني سوت شيء
امل: يقول سامي كانت حالته حرجه من يوم جاء وفاقدين الامل وصغر سنه ما خلته يتحمل
فهد: الله يرحمه
سامي: انا استئذن ، اماني تعالي شوي انتي وسيف
انصدمت اماني سيف شدخله يناديه وطلعو مع امل
مروان: في شيء ما فهمته
فهد: كلشيء واضح مروان
روان: اماني ما تسوي كذا مهما كان
فهد: واحنا ايش قلنا اي اماني مالها ذنب واضح انصدمت شوي
عند اماني
سامي: ناديتكم عشان اقول لكم انها تلومكم ان انتو السبب
اماني: احنا مين؟
سامي: انتي وسيف
اماني: انا وسيف؟
سيف: لحضه احنا شدخلنا
سامي: تقول ان انتي انسحبتي من الحاله وسيف حوله على دكتور ثاني
اماني: وهذا عذرها؟
سامي: اي
سيف: خلاص انا اتحمل المشكله اذا بتسوي شيء
اماني بحده: انت مالك دخل ما تقدر تسوي شيء انت بفريقي انا المسؤوله واذا فيها خير نشوف ايش عندها
سامي: انا استئذن
سيف: اماني ايش قعد تقولين بتنهين مسيرتك
اماني ابتسمت: وانت اذا تحملت المسؤوليه بتنهي مسيرتك
سيف: ماله دخل
اماني: على العموم مسيرتي ما بيصير لها شيء لان بكل سهوله ما تقدر تسوي شيء
سيف مسك كتوفها: مالك دخل صح؟ ما سويتي شيء
اماني: تستهبل سيف قاعد تتهمني؟
سيف: ما اتهمك خايف عليك يا بنت الموقف اللي صار
اماني قاطعته: الموقف اللي صار غلطه منك
سيف: ادري انه غلط واعتذرت لكن قلت يمكن بعده فكرتي بشيء لأنك رحتي
اماني: رحت من صدمتي منك ما توقعت ولا كان ودك اجاريك!
سيف: مسامحتني؟
اماني: الواضح شيء مو بأرادتك مسامحتك
سيف: طيب دام فهد صار بخير تعالي شوي بكلمك
اماني: ليش؟
سيف: اماني ايش ليش بكلمك تعالي غرفتي
تنهدت اماني ومشت معاه ودخلو
سيف: اقدر اتكلم معاك؟
اماني: انت ناديتني عشان تتكلم
سيف: احتاج فرصه منك بس
اماني: فرصه ايش؟
سيف: ادري انك فاهمه لكن بقول لك فرصه انك تحبيني
اماني: ما اقدر
سيف: ليش ما تقدرين الا تقدرين
اماني: ليش ما تفهم لما اقول ما اقدر
سيف: ما تقدرين في سبب وانا احتاج اعرفه
اماني تنهدت: مو كل الاسباب نقدر نقولها
سيف: انا اشوف بعيونك شيء اشوف بعيونك خوف بس ترا اوعدك بحطك داخل عيوني وقلبي واقفل عليك
اماني ابتسمت: بس سيف
سيف: بدون بس انا احبك وبضل احبك فاهمه؟
اماني بتوتر: ادري سيف لكن انا ما اضمن نفسي
سيف مسك يدها: انا ضامنك ومتأكد منك لكن طبعا يحق لك تفكرين بعطيك فرصتك
اماني قامت من عنده وطلعت تمشي تفكر تعطيه فرصه او لا هي فعلا ما تحس اتجاهه اي شعور غير انه دكتور ومعاها بالفريق واخته اخذت اخوها وبس لا مشاعر صداقه ولا اخوه ولا حب وتنهدت ومسكت جوالها و ارسلت لفهد تبينا نمشي؟ ولا تو الناس؟
فهد: ميعاد وفيصل مشو من شوي تعالي اقعدو شوي وبعدين روحو
اماني: لا تفجع البنت بس
وراحت اماني عندهم وقعدو يتكلمون ويضحكون لين الساعه ١٠ وبدأ فهد يعطي اماني نظرات وتخفي ضحكتها
اماني: خلاص جاني نوم نمشي؟
مروان: ليييش تو الن..
روان سكتته: اي موني يلا
مروان: اها اي زين يلا بنروح وترا بنجي بكره اذا قمنا
فهد ابتسم: اي يصير خير بس عطوني خبر
ليان وجهها انقلب وودعتهم
فهد: اخيرا لوحدنا
ليان ابتسمت وقربت منه: ودك نتعشا؟
فهد: والله ودي نطلب؟
ليان: اي نطلب
طلبو وشافو فلم
فهد: تعالي نامي جمبي
ليان: كيف ما يصير
فهد: كيف ما يصير الا يصير وفي مكان بعد
ليان: اخاف اعورك
فهد: وين تعوريني الجرح طاب خلاص
ليان: ترا عادي انام على السرير الثاني
فهد: مافي سرير ثاني تعالي
قربت ليان بخجل وانسدحت
فهد: يا حلو وجهك
ليان: والله الحلا ما جاء الا منك
فهد: الود ودي لو اعض غمازتك تدوخني
ليان: فهودي ما اتفقنا على كذا شفيك
فهد: امزح معليك ماسك نفسي بالقوه ترا
ليان: خلاص طيب وخر بقوم
فهد: لا وين خلاص ننام احسن
ليان: لا تزعلني فهد
فهد: طيب اعطيني ظهرك
ليان: ليش؟
فهد: بس كذا
لفت ظهرها وحط يده عليها وقربها وقال ننام كذا احسن توترت ليان لكن حست بالأمان معاه كانت دقات قلبها تدق بكل قوتها كأن قلبها بيطلع وحاولت تكسر الصمت اللي صار وقعدو يتكلمون
فهد: شرايك اذا خلصت ذي الحوسه نروح ونترقاردن؟
ليان: منجدك؟
فهد: ايوالله اذا مو حابه لوحدنا كلنا نروح نفرغ الطاقه السلييه
ليان: انا ودي لكن انت؟
فهد: شفيني انا؟
ليان: وجرحك
فهد: بسيط ما بيصير شيء
ليان: عادي اسئلك؟
فهد: اي اسئلي
ليان: ليش تسوي كل ذا؟ يعني اقصد نطلع ونروح ونجي
فهد: يضايقك؟
ليان: بالعكس لكن ودي اعرف
فهد شد عليها: عشان اصنع اكثر شيء اقدر عليه من الذكريات معاك كل تفصيل لنا اذكره وودي التفاصيل والذكريات تزيد عشان اذا شخصها راح يبقى لي منه اشياء
ليان: ما عجبني كلامك فهد ليش تقول كذا
فهد: معليك من كلامي بس انا حاب يكون بينا اشياء كثير
ليان: برضو ما ارتحت لكلامك
فهد: ما علينا ودي بعد نخلي الملكه قريب
ليان ابتسمت: مستعجل
فهد: اي وكثير بعد
ليان: ليش شعندك مستعجل
فهد: الصدق جاني طراطيش كلام في حفله لمجيد وراشد بالكويت بعد شهرين وانا بروح وما ودي اروح لوحدي ف باخذك ووقتها بكون زوجك محد بيمنعنا
ليان: الله فهد منجد ولا تمزح؟
فهد: لا والله منجد وبالسطره الاولى بنكون بعد
ليان لفت عليه: تضحك علي انت؟
فهد ضحك: لهدرجه مو وجه ثقه انا؟ وعندي مفاجاءه ثانيه لكن خليها لوقتها
ليان: عشاني قول لي
فهد: مافيه ما بقول
ليان: الله يخليك فهود
فهد: تصدقين احس اني تعبان بنام
ليان: فهد ترا ازعل
فهد: هي بتعجبك لكن خليها لوقتها احسن
بمكان ثاني
مجهول١: ابغاك تراقبهم وتصور لي صور لهم بوضع كفيل يدمرها
مجهول٢: خلاص تم
مجهول١: الولد وجهه لا يبين بس البنت وبما انك خبير بالفوتشوب زيد الطين بله ولك المبلغ اللي تبيه
مجهول٢: دام اي مبلغ اعتبريه صار
