في المستشفى كان سيف يفكر ولما قعد يدور زياده لقى رقمها وعرف انها ما تغيب وان غيابها اليوم فيه شيء وكان بيدق لكن حس انه مو وقته كفايه انها ما تطيقه وارسل لها رساله على امل ترد وقعد يحوس يفكر اماى ترد يبغى بس يتطمن وخلص دوامه ورجع بيته لين جات الساعه٤
بيت هيفاء
ليان: بكره يبي يشوفني
سيف: اللهم اجعله خير ويفكنا
ليان: ما انكر التوتر والخوف لكن برتاح بعدها
هيفاء: فهد بيكون معاك صح؟
ليان: ما ادري
سيف: كيف يعني؟
ليان: اخته تعبانه ما ادري يمكن ما يقدر بس قال لي ان فيصل موجود
سيف: مين؟
ليان: اماني تعبت من بعد المخيم شوي
سيف: بكره عندي عمليه لشخص مهم جدا طالب مجموعه معينه يسوون له العمليه ان شاءالله اخلص واكون عندك
ليان: صدقني ما يحتاج
سيف: متى
ليان: قال الظهر يقول نبعد الشبهات ويكون كلشيء واضح
سيف: تدبر
مر يومهم فهد ومروان وروان زعلانين على اماني لكن بدت تصير احسن لكن للحين التعب واضح فيها ودموعها بعينها وليان اللي نامت بالقوه من الخوف وتشوف الأجهزه اللي ارسلوها لها عشان تركبها وسيف اللي ضل يفكر بأماني وللحين ما ردت عليه وفيصل اللي كان متحمس لمهمته مع فهد ومو اول مره تصير وميعاد اللي ضاقت على اماني من قالت لها روان وقامو بيوم جديد
دق سيف على اماني بحكم انها تأخرت ومستحيل تنسى ذي العمليه
سيف: اماني؟
اماني: مين معاي؟
سيف: انا سيف وينك ما جيتي
اماني: ما بجي اليوم
سيف: اليوم العمليه صح انه بدري لكن بنبدي استعدادنا
اماني: ما اقدر اجي اي احد يجي بدالي
سيف: اماني شفيك هو ما يبغا غير كادر معين وتعرفين ما اقدر اغطي عليك يوصل له كلشيء
اماني بقله حيله: طيب شويات واجي
وقامت ولبست وكان مافيها حيل تسوي شيء وهي طالعه مرت الصاله اللي فزو مروان وروان
مروان: وين؟
اماني: يبوني ضروري
روان: لازم؟
اماني: كلمتهم مافي فايده
راحت اماني المستشفى بالقوه حست كرهت المستشفى كله شافها سيف المصدوم اللي واضح من وجهها التعب وكان شيء مو طبيعي ومن شاف امل تركض لها لف ظهره لأجل ما يشوفونه
امل: جيتي اماني كيفك حبيبتي؟
اماني: زي ما انتي شايفه
امل: من دقيت عليك ورديتي للحين وانا مصدومه لكن كلشيء بيعدي ويروح لا تلتفتين للماضي
اماني: مهلوكه امل احس مو قادره خلاص
امل: بتنسين وبيجيك العوض وحياتك بتكمل ما تتوقف عشان واحد نذل
اماني: كلكم تقولون كذا لكن الكلام سهل
جتها ممرضه: دكتوره اماني الحمدلله على السلامه ننتظرك بقاعه الاجتماع
امل: روحي اماني انتي هنا مكانك لا تدفنين نفسك التفكير بيذبحك
راحت اماني وسيف اللي سمع كلشيء وكان مصدوم وكان يراقبها طول الاجتماع مو هي اللي يعرفها او عرفها كانت سرحانه والغالب نست العمليه كانت كأنها جسد بدون روح اللي الكل لاحظ ذا الشيء وكانو يستعدون لان الساعه ١٢ العمليه
دق فهد على ليان
فهد: اخبارك؟
ليان: متوتره
فهد: ما عليك بس لا تنسين شغلي الاجهزه
ليان: تكفى لا تخليني
فهد: بكون معاك ما بيسوي لك شيء وعد
ليان: الله يستر
فهد: متى بتروحين؟
ليان: جاهزه انا بس يرسل اللوكيشن
فهد: خلاص انا معاك خطوه بخطوه لا تشيلين هم
