بيت خالد
روان بصدمه: هفف اول مره تتأخرون كذا ! ترا بيجون
اماني: جايه وراك اسبقيني ، لا تشغليني
روان: حتى اخوانك مختفين
اماني: موجودين اكيد معليك منهم
روان: زين بشوف ماما تقول بتطلع يمكن تحتاج شيء
خلصت اماني ونزلت تحت وشالت لوسي ودخلت المجلس تتصور معاها وتلعب معاها ، دخل سيف وقعد يتأملها يشوفها مو منتبه لها ونطق: لو اذبحها تسامحيني؟
شهقت اماني: بذبحك قبل تسويها
قرب سيف يحضنها: مع اني شفتك قبل كم ساعه بس برضو اشتقت لك
ابتسمت بهدوء اماني: ليان ما جت؟
سيف: مع روان برا ، بس زين جيت وشفتك قبل يجون
اماني: امسك لوسي شوي
سيف: وين بتروحين!
اماني: ما بطير والله بجيب القهوه
سيف: اي اشوا ، اخذها شسوي بعد
طلعت اماني وقعد سيف وهو شايل لوسي وعقد حواجبه: تحبك اكثر مني شكلها ، ياشينك يا لوسي بس تخسين تاخذينها مني وبعدين عيب عايشه بحضنها انتي ، خلصت الاماكن ما جاز لك الا حضنها بس الحق! احسدك بيجي يوم واخذ مكانك
دخلت اماني ونطقت بصدمه: سيف؟ يالغيور شقعد تقول
سيف بهدوء: اقول يحظك تاخذك بحضنها
عقدت حواجبها اماني: مو بس لوسي اللي تكون بحضني يا طماع
ابتسم سيف يطالعها ، ودخلو ليان وروان ومروان ،وسلمو على بعض وبعدهم بشوي جوو ميعاد وفيصل وفهد
همست ليان لميعاد: كيف الغدا اليوم؟
ابتسمت ميعاد بهدوء: غريب بس حلو
روان: وفيصل؟ ما احسه بالمود
ميعاد: من قبل ما ادري شعنده
همست روان: غريب
اماني: لولي ايش موضوع فهد
ليان: تعرفين اذا قال
اماني: مو معقول بنستناه متى بيقول
ليان: اصبري شوي ، بس متأكده بيعجبكم
ميعاد: ننتظر ونشوف
ليان: كيف دوامك؟ كرف ولا عندك فتره بريك
عقدت حواجبها ميعاد: عادي يعني في قضايا كثير ممكن تكون اونلاين يعتبر بريك
ليان: اها حتى فيصل؟
ميعاد: اي بس غريب يعني سؤالك
ليان: مجرد سؤال
تنهدت روان ودخلت داخل حس فيها فيصل ولحقها ونادها بهمس لفت عليه ونطقت: هلا؟
عقد حواجبه فيصل: تعبانه؟
هزت راسها بالنفي: لا ليش
فيصل: فيك شيء قولي لي، لا تخبين
روان: انت اللي فيك فيصل
فيصل: بفهمك كلشيء
روان: يلا فهمني
فيصل: بكره الحين الجو بيتوتر ، بكره نطلع واقول لك
روان: الشيء اللي بتقوله لهدرجه بيوتر الجو؟
فيصل: روان حبيبتي انتي خلينا نرجع ندخل لا تخلين شيء تافه ينكد عليك وابصم لك انه تافه
صدت روان بدون رد ومسك كتوفها فيصل: ادخلي قبلي بجي وراك
تنهدت روان تدخل داخل
همست ميعاد لها: مسوي لك شيء فصيل؟
روان بهدوء: لا بس حسيت اني مصدعه شوي
مروان طالع بفيصل: فيكم شيء؟ كأنكم مو على بعضكم؟
فيصل: مافينا شيء
مروان: غريب وضعكم وذا قاعد على جواله مدري شعنده
طالع بليان وكمل: نصيحه لوجه الله فتشي جواله
ضحك فهد: تنتظرك هي؟ فتشت وخلصت
كملت تشرب قهوتها ليان: شدعوه كلها كم دقيقه
مروان: والله انك كفو
مسك فهد المخده ورماها عليه: ما تسكت انت؟
سيف: الا فهد وش موضوعك علمنا
فهد: هي مجرد فكره لكم لكن انا بسويها
اماني: اي قول
فهد: نروح جده اسبوعين كذا لكن بالبحر نروح اليخت ونقعد فيه
شهقت روان: اي فهد تكفى
فيصل: يووه فهد عاد من زمان ما رحنا جده فعلا
اماني: مستحيل اقول لا تان البحر غير
طالع فهد بسيف ونطق سيف: ما امانع ابدا
فهد: دوامتكم يمديكم؟ اسبوعين ولا صعب
اماني: لا لا مو صعب ابدا سهل الموضوع معليك
مروان: جتسكي بحر تان يخت عز الطلب
روان: زين كيف نروح؟
فهد: يعني اذا ودكم ناخذ طياره خاصه نرتاح فيها
ابتسمت ليان بهدوء: اي احسن
فيصل: خلاص تم متى؟ بعد بكره؟
طالعت فيه ميعاد بصدمه: لا مستحيل ما يمدي نجهز شيء
روان: اربع ايام بالقليل
ليان: انا زين مني طلبيتي وصلت امس بس ناقصني اشياء ، نروح بكره يمدينا نخلص
اماني: خلاص تم بطلع بدري شوي
سيف: الحمدلله احنا شورتات وخلصنا
مروان: قروشه انتم الله يعينكم
روان: هذي متعه يا متخلف متعه
ضحك فهد: والتصوير متعه
ميعاد: اوه عاد التصوير جزء من الوناسه
ليان: كيف بيكون الوضع هناك؟
فيصل: اليخت زين يكفينا وزود ٨ غرف صح صغيره بس حقت نوم وعندك مطبخ برضو ، وعندك صاله وعندك جلسه فوق وطاوله طعام ، بمعنى كامل مكمل وبرضو نقدر ناخذ راحتنا
ابتسمت ليان بأعجاب وحست بشعور كانت تتمناه انهم اخوان واخوات ومن هنا بدت تحس انها فعلا صارت منهم بدون رسميات ، جت عندهم العامله تقول لهم ان العشاء حطوه ودخلو كلهم يجلسون البنات بصف والعيال بصف كانو يضحكون ويطقطقون على بعض وصوت ضحكهم وسوالفهم واصل للبيت كله ، وذي المره مع سيف وليان اللي صارو عايله وحده وشعور سيف مثل شعور ليان من حس بأن عنده اخوان وغير ميعاد وروان اللي كأنهم اخواته
بعد ما خلصو وشربو الشاي ويتكلمون عن سفرتهم وتحهيزاتهم ، مشو الكل وبقت ليان على رغبه فهد ومسك يدها: تعالي
عقدت حواجبها ليان: وين؟
ابتسم بهدوء: غرفتي
ليان: وليش لا فهد تكفى لحد يشوفنا
فهد: زوجتي واذا احد شافنا
ليان: غرفتك ليش يعني
فتح غرفته ودخلو وقفلها بالمفتاح ، تكتفت ليان شعندك انت
قرب منها فهد يحاوطها بيده يبعد شعرها عنها: اشتقت لك من حقي ولا؟
ابتسمت ليان بهدوء وهي تحاول تبعد يده: يحق لك لكن توك شايفني
حاوطها بيدينه يقرب منها وباس قريب ثغرها ونزل لرقبتها يطلع كل حبه فيها تحت استسلام ليان اللي ماسكه صدره
بعدها عن الجدار يشيليها ويجلس على السرير ويجلسها فوقه ، كانت ساكته تجاريه بأفعاله ونطقت: خلاص حبيبي انت كذا تجني على نفسك
فهد بأبتسامه: يعني تدرين انك تهلكيني
حاوطت رقبته وتحط راسها على كتفه: ادري
ضحك فهد: عاجبك يعني؟
هزت راسها بأبتسامه
فهد: كلها فتره واطلع ذا كله من عيونك
طالعته فيه بصدمه ونطقت بزعل: وخر برجع البيت عندي دوام
مسك يدها: افا تزعلين مني يا دنيتي؟
ليان: مازعلت! بس خلاص برجع تبي الصدق؟ طفشت منك
طالع فيها بصدمه و قام يسحب مفتاح غرفته انتظري عشر دقايق باخذ المفتاح عشان لا تهربين ودخل الحمام ، ابتسمت بهدوء من سمعت صوت المويا دليل انه بيتروش ،وقعدت تكتشف الغرفه وتفتح دواليبه تشوف اوراق وجوالات ودخان وشيكات وراحت تشوف مكتبه وتفتح ادراجه وتشوف تتأمل وشافت الخزينه وفيها المفتاح ناسيه فهد وفتحته ، فتحت عيونها بصدمه من كميه الاسلحه الموجوده والمبالغ الموجوده وتبصم انها فوق المليون من كثرها واشياء تكفي انها تنصدم من انها موجوده وبلعت ريقها بخوف ورجعت قفلته ، و فتحت اول دولاب واتسعت ابتسامتها من كانت صور لهم اغلبها اول مره تشوفها وما توقعت انه مصورها وطلعت جوالها تصورها ، طلع فهد لاف المنشفه على خصره دورها بعينه واستغرب عدم وجودها ولف على جهه مكتبه يشوفها وابتسم بهدوء يقرب: عجبتك؟
رفعت راسها بصدمه: بسم الله البس يا شيء طيب!
فهد: عادي زوجتي وش فيها
رجعت طالعت بالصور وابتسمت: في صور اول مره اشوفها
راح فهد يوقف جمبها: اللحظات الحلوه احبها
همست ليان: كل لحظاتنا حلوه
سمعها فهد ونزل راسه يبوس خدها: اصبري ثواني
دخل غرفه ملابسه يلبس لبس داخلي وبنطلون اسود ونادها دخلت ليان تخفي ابتسامتها: كان لبست تيشيرت على طريقك
ضحك فهد وسحب تيشيرت اسود يلبسه: ما ودك بشيء من هنا؟
طالعته بنص عين: بس يكفيني ارجع
فهد يدعي الحزن: افا يا حبيبتي الله يسامحك
راح يفتح السشوار ينشف شعره كانت ليان تتأمله لين خلص وابتسم لها بهدوء وبخ عطر وقرب يمسك يدها طلع المفتاح يفتح الباب يطلعون وهمست له: تتوقع احد تحت؟
مرو من غرفه مروان وطالع بهدوء وهمس لها: روان مع مروان واماني بغرفتها اكيد واهلي بغرفتهم برضو معليك تعالي ، مشو ينزلون الدرج وهو ماسك يدها وطلعو برا ودخلو الكراج وطالعته بأستغراب واشرت بيدها ، ضحك فهد وانتشر صدى صوت ضحكته: تعودتي يا بنت فيصل
ليان: اشتقت له ابيه
فهد وهو يطلع الخوذات: تبشرين شيلي عبايتك
ليان: بس وين اوديها؟
فهد: توصلك برسم الخدمه ما عليك
قرب فهد من ليان يلبسها الخوذه ونطقت ليان: بسوق لوحدي صح؟
ابتسم فهد: ودك؟
ليان: ودي
فهد: تم ،بس انتبهي طالبك ولا تتهورين خلينا نمشي سوا
ليان: لا معليك عندي الموضوع بس لا تحارشني انت
فهد: وين نروح؟
ليان: الحقني انت
فهد: بنت!
ليان: مكاننا لا ينط لك عرق ، بس بسألك
فهد: هلا
ليان بتوتر: فتحت خزنتك عادي صح؟
طالع فيها فهد بهدوء: اي اكيد عادي
ليان: يعني عادي تفسر لي الاسلحه والفلوس وباقي الاشياء
فهد: مو كل شيء يبقى على حاله تقدرين تقولين المبلغ لاي طارئ يصير والاسلحه افضل مكان احطها فيه والاوراق كلها اثباتات ملكيه ومن ذا الاشياء كثير مهمه ، الخزنه ضد الحريق مهما كانت قوه الحريق ما بيصير فيها شيء عندنا كلها مثلها بكل غرفه تلاقين
هزت راسها ليان وقربت من فهد: والله وتفكيرك حلو بعد يعجبني
فهد ابتسم: اهم شيء يعجبك
اخذت نفس ليان وركبت دبابها: يلا؟
فتح فهد الكراج وشغلو دباباتهم وانطلقو يطلعون من البيت وشوي شوي يبعدون عن الحي يمشون بسرعه يواسون بعضهم يبتعدون عن ازعاج السيارات وزحمه الناس ويوصلون لمكانهم يوقفون دراجاتهم ويشيلون خوذهم قرب فهد من ليان: والله كفو عليك يا حرم فهد تعجبيني
ليان بضحكه: تعليمك
راحو يجلسون على الكرسي وسحبها فهد يقربها منها: خليك جمبي لا تبعدين
حطت راسها على كتفه وتمسك يده ونطقت: بتوقف معاي مهما سويت قلت
فهد: قلت بس على حسب ايش بتسوين
تنهدت ليان وقعدت تتأمل السماء وتسمع صوت الهدوء اللي بينهم ، نزل عينه فهد يشوفها ساكته ونطق: ما بتعلميني؟
ابتسمت بهدوء: ما بسوي شيء انا مسالمه
فهد: نشوف
عقدت حواجبها ليان: مافي ثقه؟ صدق ما تستحي
باس خدها فهد وضحك: اثق فيك اكيد
ليان: تلعب علي انت شكلك والله
سكت يحضنها بهدوء ، بعد مده مشو وراح فهد ورا ليان لبيتها لأجل يطمن وبعدها رجع البيت ودخل غرفته ورمى نفسه بالسرير يفكر بليان يدري انها تخطط وتفكر ووده لو تشاركه بس تخاف يمنعها ووده لو يعرف وتنهد يغمض عيونه
