ليان: كلامك ذا يصحي الفراشات اللي داخلي واكون مبسوطه
فهد: عساها دوم والله
ليان: تحبني لهدرجه؟
فهد: واكثر بعد بشكل مستحيل تتخيلينه
ليان بخجل: خلاص فهودي انا بدخل عشان كذا ولا كذا شوي وبنرجع
بعد مده رجعو وقعدو بالصاله يتكلمون ولاحظو اماني تلعب بيدها ومتضايقه وتنهدو فهد ومروان من سمعو كلامها مع سيف وطلعت اماني غرفتها تفكر بكلامه وتذكرت دموعه وبدت تبكي من شافت حاله وتذكرت كلامه ، اليوم الثاني بالمستشفى كانت بغرفتها اخر مراجع كان عندها ودخل سيف بعد ما طلع المراجع مبتسم كعادته وابتسمت بمجرد ما شافتن ويده ورا ظهره: يا صباح الخير لأحلى موني بالدنيا ذي كلها
اماني ابتسمت بخجل: صباح النور
سيف: امس خرب علينا مروان ونسيت اعطيك هديتك وجبتها معاي اليوم وقليله بحقك
اماني: شكرا كلفت على نفسك
سيف: مافيها كلافه ابدأ وبرضو قليله بحقك
شهقت اماني: سيف مره حلو السلسال
سيف اخذ السلسال وقال ما يحلى اللي عليك وجاء وراها و بعد شعرها عن رقبتها وغمضت عينها وقشعر جسمها من حست بيده على رقبتها يحط لها السلسال ولفها عليه ما زان الا عليك والله واخيرا صرتي لي اماني يا كم تمنيت هذي اللحظه اوعدك ما بتسمعين مني كلمه تزعلك ولا تصرف ما يعجبك بكون لك الشخص اللي تبينه و اعوضك عن كلشيء
اماني: كلامك ما اقدر اتحمله يترك فيني مشاعر كثير
سيف: تحبيني اماني؟
اماني: انت ايش اللي تقوله؟
سيف: عيونك تقول تحبيني
اماني: صح
سيف: العيون تبوح المشاعر كلها
اماني: العيون ما تخبي شيء
سيف سحبها لحضنه: تعالي يا حبيبه قلبي محتاجك كثير والله
اماني: سيف ما يصير
سيف: هشش خليك قربك مني يطمني احتاج هذا الهدوء هدوءك احتاجه يطفي ازعاج حياتي
بعد دقايق درعمت عليهم امل: مونني.... وشافتهم حاضنين بعض وشهقت وقفلت الباب بعدت اماني بسرعه تعدل شكلها وابتسمت لسيف من الحين تعود على امل ونادت على امل
امل: لا خلاص انا بروح كملو كملو
سيف ضحك: عندي مراجعين رايح انا
امل: ترا من اليوم مافي دكتور دامك خطبت موني
سيف: خذي راحتك
بعد ماطلع سيف حضنت امل اماني: مبروك يا روحي انتي ما تصدقين فرحتي الله يسعدكم ويخليكم لبعض العمر كله
اماني: ياروحي امول يبارك فيك وفرحتك تكون دوم
امل: وحضن وحركات حلوه بعد واشوف هديه
اماني: والله فجعتينا يا بنت
امل: ما لقيتو الا هنا طبعي ادرعم اذا عرفت انه مافي مراجع
اماني: يختي الله يحييك بأي وقت تبينه
امل بغمزه: شكلك امس يذوب الواحد علميني شصار بالتفصيل الملل عاد
بشركه ليان كانت عندها هدى تحاول تشوش على افكار ليان لأجل تبعد عن فهد وكانت اعصاب ليان شوي وتنفجر وهدى كانت مكمله
هدى: مرد فهد بيكون لي وبسوي اي شيء فاهمه؟
ليان: عايشه بأي عالم ان فهد لك؟
هدى بأستفزاز: بنفس عالمك واصلا لاعب عليك هو كم مره اروح عنده ونسولف ونضحك بمكتبه هو بس يشوفك يقلب علي ومن ما تكونين موجوده اخخ يالحب اللي بيننا ، واللي بيننا انا وفهد اكبر منك واعمق من ما تصورين وتقدرين تقولين قريب اب لعيالي
كانت ليان ساكته وترمي قهرها داخلها لكن ما تحملت اخر كلامها و بذي اللحظه دخل فهد اللي انصدم من وجود هدى وعيونه راحت لليان يشوف رجفتها وقهرها واضح عليها
مسك فهد كتف هدى بأقوى ما عنده وبحده: انتي ايش تسوين هنا ما قلت ليان خط احمر ما تقربين منها
هدى: قلت دامك مطنش وحتى شركتك طردوني من قبل ادخل اجي لها يمكن تفهم شوي
فهد شد اكثر: تفهم ايش؟ اذا انا ما ابيك هي شدخلها؟
هدى بألم: يدي اتركها
فهد: مالك قعده هنا ابد وفتح الباب وراح للسكرتيره ذي تنطرد ومعد تدخل ولا تقرب من ليان كانت نظرات هدى كلها حقد وحسد من ليان ليش ذا الحب لها ، دخل فهد عند ليان لقاها بنفس الوقفه وراح عندها ليان شفيك ايش قالت لك
بدت تبكي وتشهق بصوت عالي وحضنها فهد بقوه شفيك شقالت لك علميني ما يصير لها طيب اللي بخاطرك يصير
ليان: كلامها هي كيف تقول كلام زي كذا
فهد: ايش قالت؟
ليان: كلامها الغريب كذب لكنه حرقني
فهد: واللي يسرك؟
ليان بصراخ: ما اقدر اتحملها ما اقدر افهمني تعذب قلبي وتحرقه فيك وبأبوي
فهد: ابوك؟ ايش قالت
ليان بغصه: اني مو بنته تقول شافت اوراق واني اصلا لق....
فهد بصراخ: ما تنطقينها فاهمه؟ انتي تصدقين وحده كلبه زيها؟ ناويه تحرق روحك لا تخلينها لا تسمحين لها
ليان: قدرت حرقت قلبي عليك وحرقت روحي بكلامها علي
فهد: ما تعلميني شقالت؟ وبالنسبه لك والله اطلع حرتك فيها وقدامك بس انتي لا تضايقين نفسك
ليان ببكى: تعبانه مو قادر مخنوقه
فهد: امشي معاي تعالي نطلع من هنا
ليان: ماله داعي
فهد بحده: ليان بنزل والحقيني انتظرك
طلع فهد وشاف الكل متجمع زفر بضيق ما وده احد يسمع ويحس بضعفها ابدأ خصوصا قدام موظفينها وطلع من الشركه ينتظرها جمب سيارته وحاط ظهره على الباب ، وليان كانت تحاول تظبط وجهها لأجل محد يشوفها طلعت وهي مو حاسه بحولها ولا بالموظفين ابدأ اول ما طلعت شافت فهد ينتظرها من قربت منه فتح لها الباب وقفلها و راح يركب من جهته تحت انظار بعض الموظفين اللي بدو ينشرون اللي صار كله بالشركه ، وراحو لمكانهم المعتاد كانت ساكته طول الطريق بس دموعها اللي تنزل كان ضايق من حالها و يدخن و وصلو مكانهم ونزل راح لجهتها ايش قالت لك وصار فيك كذا؟ مو اتفقنا كلامها بس لأجل تقهرك؟
ليان برجفه: قالت قريب بتكون اب لعيالها
فهد بصدمه: هي تخربط وانتي تصدقين؟
ليان وهي تهز راسها بالنفي: ما صدقتها بس الكلام لوحده يذبح غصب اتخيل واموت من داخلي مليون مره
فهد مسك كتوفها: وانا ما ابغى اكون اب لأحد غير ما يكون منك يكون داخلك فيه مني منك مو احد غيرك ليان
ليان: وتجيك الشركه؟
تنهد فهد: جتني كم مره تهدد وكلامها المعتاد بس انا ما اسمع منها واخر مره امس وطردتها مو قالت راحت وطردوها؟ هذا هو معد بتطب عندي ، كان وليد عندي نتكلم بموضوعها كنت بقول لك لكن من شفتك نسيت كلشيء ومن طلعنا كانو يتكلمون طراطيش كلام عننا وعنها لكن مو مهمين دام انتي معاي انا راضي الكل يتكلم اهم شيء عندي انتي ما تذوقيني بعدك
ليان بدموع: اي سمعتهم انقهرت صح بس انا زيك من كنت معاك نسيت
فهد: واخر كلامها مو صحيح تكذب تحاول تطلع اي شيء ضنها اني ببعد عنك او تلعب عليك تخليك تبعدين مستعده تطلع اي كلام مهما كان ثقله ما همها ذي الانسانه ما عندها قلب ولا احساس
حضنت فهد بقوتها ودموعها تنزل لا تخليني فهد لا تكسر قلبي
فهد: مو انا اللي اسويها لا ما اتركك لو يذبحوني ما ابعد عنك لحضه وحده
ليان: وعد؟
بعد عنها فهد وابتسم وهو يمسح دموعها: وعد لكن الحين ترجعين البيت ترتاحين وبكره لا تداومين
ليان: مقدر عندي اجتماع مهم
فهد: انا انيب عنك بس دوام ما تداومين
ليان: ما ينفع
فهد: الا ينفع ولا مو واثقه؟
ليان: لا تفهم غلط واثقه بس
فهد: مافي بس ولا شيء الحين ارجعك وسيارتك توصل لين باب البيت لا تشيلين هم
