ရင်ခွင်ထဲက သတို့သမီး

အပိုင်း (၁၆)

👰🏻 ရင်ခွင်ထဲက သတို့သမီး 👰🏻 အပိုင်း (၁၆)

🚨🚨🚨

"ဟော သတို့သားတောင် ရောက်လာပြီ "
မိတ်ကပ်ပြင်ပေးတဲ့အမက ပြောတာကြောင့် ပိုးသားလှည့်ကြည့်လိုက်တော့ သူမရွေးပေးထားတဲ့ ‌အနောက်တိုင်းဝတ်စုံအမဲရောင်ကို ဝတ်ဆင်ထားပြီး ပုံသွင်းထားသည့် ဆံပင်အမဲရောင်တွေနှင့် လိုက်ဖက်စွာ သူမဆီသို့ လျှောက်လှမ်းလာခဲ့သည် ...

"သတို့သားရေ သတို့သမီးလေးကို လာကြည့်တာလား "

"ဟုတ်ကဲ့ "

"ဘယ်လိုလဲ လှရဲ့လား "

"အရမ်းလှတယ် "

ခါတိုင်းနှင့်မတူပဲ မိတ်ကပ်ကို ပါးပါးလေးခြယ်သထားတာကြောင့် ပါးဖောင်းဖောင်းလေးတွေမှာ စိုအိနေပြီး ဆွဲကိုက်ချင်စရာလေးပင် ...
နှုတ်ခမ်းဖူးဖူးလေးထက်မှာလဲ နှင်းဆီနီရောင် နှုတ်ခမ်းနီရဲရဲတောက်တောက်လေးဆိုးထားပြီး တကယ်ကို တောက်ပကာ လှပနေသည် ...

လှတယ်ဆိုတဲ့စကားလုံးထက်ပိုတာရှိရင် အဲ့စကားလုံးက သူမအတွက်ပင် ...

"အဲ့တာဆို အဝတ်စားလဲဖို့ပဲကျန်တော့တယ်နော် ညီမလေး "

"ဟုတ်"

ပိုးသား အခန်းထဲဝင်ကာ အသင့်ထုတ်ထားတဲ့ သူမရဲ့ မဂ်လာဂါဝန်အဖြူရောင်လေးကို ဝတ်ဆင်လိုက်သည် ...

ထို့နောက် ဂါဝန်လေးကိုအသာ မ ကာ အခန်းပြင်ထွက်ခဲ့လိုက်၏ ...

"ဟယ် လှလိုက်တာ ... မဂ်လာဆောင်ချင်စိတ်တောင် ပေါက်သွားပြီ "

"ကိုယ့်နတ်သမီးလေးက ကိုယ့်ကိုအမြဲတမ်း မှင်သက်စေတာပဲ "

"သတို့သမီးလေးကို ခေါ်သွားလို့ရပါပြီရှင် "

တည်ကြည်ခန့် ပိုးသားဆီသို့ လက်ကလေးဖြန့်ကာလှမ်းလိုက်တော့ ပိုးသားက သူ့လက်ထဲသို့ သူမလက်ကလေးလှမ်းကိုင်လိုက်သည် ...
ပိုးသားလက်ကလေးကို အုပ်ကိုင်လိုက်ပြီးမဂ်လာကားလေးဆီသို့ ဦးဆောင်ကာ ခေါ်သွားလိုက်သည် ...

ဖဲကြိုးတွေ ပူဖောင်းတွေ ပန်းတွေနှင့် အလှဆင်ထားတဲ့ ကားအဖြူလေးပေါ်သို့ သူမကိုတက်စေပြီး သူကလလည်း တစ်ဖက်ကနေ ဝင်ထိုင်လိုက်သည် ...
ပိုးသားမိဘတွေအတွက် ကားနောက်တစ်စီးဖြင့် သူ့ဒရိုင်ဘာကို မောင်းခိုင်းကာ သူတို့ကားနောက်ကနေလိုက်လာကြသည် ...