أصدقائي الكرام القصة بعنوان إنتقام أنثى أتمنى أن تعجب حضراتكم

البارت الأول

إنتقام انثى
السلام عليكم
على بركة الله
هاي اول قصة بعنوان إنتقام انثى وتتكلم عن الخيانة الزوجية عواقبها على العائلة بل عوائل ستنجر وراء هذه المشاكل
القصة من 40 بارت هذا البارت الأول أريد تفاعلكم حتى ينزل البارت الثاني وباقي البارات اقروها واتمنى تنال إعجابكم
إنتقام أنثى
مرتضى الهاشمي 
البارت الأول
أني إسمي سحر  متزوجة عمري ٣٦ سنة حلوة كلش شعري طويل أسود سرح بيضة عيوني كبار وعسلية ومعاني وجهي حلوات ومتناسقات كلش جسمي حلو ومتناسق  وجسمي متوسط لا سمينه حيل ولا ضعيفة كلش معتنية بشكلي هوااااي
زوجي كل وقته بالشغل يطلع الصبح ويجي ويه الغروب أحيانا يجي بليل يتأخر بعد الساعة ١١ ومن يجي يكضي وقته بسماع أطفاله وبعدها يخلد للنوم وتاركني مو مثل إعتناءه بيه أول ما تزوجنا خاصة بعد ما إشتغل بالمقاولات  و فتح شركة لوحدة صار وقته كله للشغل وصار د كل ست أشهر ياخذلة فترة إستراحة إسبوع أو إسبوعين بالزايد شهر  ينفه علينا وعن نفسه ويطلعنا أما لاربيل أو لدولة ثانية نتونس ونرجع وأني دائما اكله هذا الوكت قليل أريد وقت أكثر إحنا بعدنا شباب ميحتاج نرهق نفسنا هيجي بالشغل بس هو ميقتنع ويكول أريد اسوي مستقبل إلكم تحلمون بي ما أريد أبنائي يحتاجون شي من يكبرون وأني كنت أعترض لأن هم شابة وأريد اتونس وأطلع وأعيش حياتي مع زوجي وقته إليه مو بس لعمله وبسبب إبتعاده عني أني وقت فراغي طويل بالبيت وخاصة من أجي من الدوام أني موظفة واضل اعيش حياتي لوحدي وضوجتي محد يسليني بيها أما اتفرج بالموبايل أما اكضيها مع أولادي عندي ٢ أولاد وبنوتة صغيرة الكبير من أولادي أحمد عمره ١٦ بالرابع علمي والصغير اسمة رامي  ١١ سنة بالأول متوسط وعندي بنوته عمرها سنة ونص إسمها سجى
مرة وأني كاعدة اكلب بالتلفون شفت منشور عجبني مكتوب عليه لو أني زوجج و اجيتج متأخر بليل وحمرة بقميصي شسويين طبعا إلي كاتب المنشور واحد اسمه رضا أني علقت على المنشور وكتله لو أني مرتك وغمزلي واحد كدامك شسوي هو رد على تعليقي كالي هاي الصورة إلي خالتها صورتج جاوبته لا بس تشبهني رد عليه اعذره لإن جمالج مينوصف أني معرفت شجاوب انعجبت بتعليقه وطلعت من المنشور دزلي طلب صداقة أني بيني وبين نفسي كلت أني مرة متزوجة وكبيرة وعندي أطفال معقولة راح انطي فرصة لروحي اغلط أني عاقلة خل أوافق على الطلب و هم يسد عليه ضوجتي طبيت على صفحته وشفت صورته ومنشوراته مال واحد عاقل وفاهم ومتزوج مو مال واحد مو خوش ولد أني انعجبت بشخصيته وبشكله واطمنت لإن هو متزوج فكلت بيني وبين نفسي إحنا فاهمين وراح تكون مجرد علاقة عابرة وسطحية وصداقة عادية ما كان بالي علاقة حب أبد  وافقت على طلب الصداقة دزلي وردة أني كتله يسلمو عطرها كالي أني أسف أخاف احرجتج بالتعليق مو قصدي شفتج بعد سكتي أني رجعت سكتت ورى ١٠ دقايق رجع راسلني كالي شنو هنا هم احرجتج أني أسف مو قصدي اضوجج أني كتله لا ولا يهمك بس أني شوية خجولة وضحكت سألني وين اداويمن شكد عمرج متزوجة شكم طفل عندج شبعني اسئلة مال تعارف 😂😂😂😂 أني جاوبته بكلشي وبصراحة كلت ليش أكذب عليه مبين محترم كمنا نتراسل هواي كمت بدال الساعة ساعتين اتراسل ويا و أشوف ستورياته كلش انعجب بيها وهو يدزها اليه من أطلب منه يدزها لأن حلوة وأحيانا تعبر عن حالتي أحسها لحد ما كمت احس اتعلق بي وما اكدر إذا ما اراسله حتى بالدائرة نتراسل من اداوم لإن صار هو كل حياتي وضحكتي وونستي مضت على علاقتنا ١٠ أيام بعدها انكطع رضا يومين رجعت لضوجتي ولهمومي ووحدتي حسيت هو إلي كان مالي حياتي حتى زوجي يكلي اشوفج فرحانة هاي الايام مو مثل باقي الأيام صايره 24 ساعة معوشة  وضايجة أني ما أجاوبه لأن أحس هو السبب بضوجتي المهم ضليت اراسل رضا يومين ميجاوب لحد ما مرة كاعدة أسوي عشه وأني بالمطبخ اجتني رسالة شفتها من رضا نسيت العشا ونسيت الدنيا كلها أخذت التلفون وطلعت برة بالحديقة حتى محد يسمعني واتصلت بي فتح خط وكلامي كان ويا واضحة اللهفة عليه و مشتاقتله واعاتب بي واسأل عليه وينك ليش هيجي تسوي بيه مو حرام عليك ليش ما كتلي راح أغيب عنج هاي الفترة الصدمني رضا كلشي مجاوب أني لحيت عليه وكتله رضا شبيك متجاوب رضا جاوبني وكالي مصدوم بيج وبصوتج صوتج كلش حلو ولهفتج عليه صدمتني أكثر وتأسف هواي على غيابه ذيج الفترة بس أني كلش خجلت من روحي سكتت وكتله مو إحنا أصدقاء ولازم اسأل عنك وأشوف أخبارك بذاك اليوم حسينا أني ورضا إلي بيناتنه مو صداقة يجمعنا حب مخفي و واحد لكه الثاني إلي يفهمه رغم المدة كانت صغيرة جدا و ممتشاوفين أني ويا وهاي أول مرة نتصل ونسمع صوت بعض وراها أشتم ريحة عطاب الأكل احترك على النار وزوجي كام يصيح عليه أني سديت التلفون ورجعت سويت عشا من جديد بس كنت فرحانة كلش ورايحة بغير عالم وكأنما أول مرة أمر هيجي حالة احس كلبي يخفق كلش سريع ويريد ينشلع من مكانه وأريد اطير من الفرحة اتعشو العائلة بس أني متعشيت جنت بس صافنة ورايحة بغير عالم سألني زوجي كالي سحر شبيج صافنة وويامن جنتي تحجين من احترك الأكل أني جاوبته بس كلش مرتبكة لإن جنت أفكر برضا وهو سألني على غفلة ما كنت مستعدة لجواب بس مشيتها عليه وكتله هاي صديقتي قديمة صارلي هواي مشايفتها واليوم خابرتني زوجي باوع عليه وسكتت زوجي إسمه فراس كالي ليش متاكلين كتله شبعانه ما اشتهي خلصو عشه كامو كل واحد لغرفته وأني زوجي رحنا للغرفة طبيت لحمام الغرفة سبحت وطلعت اسشور شعري واتمكيج وحضرت سيت نوم كلش حلو ومغري وشفاف وخليت عطر هواي بحيث الغرفة كلها صارت ريحة عطري بس كالعادة زوجي نام وعافني بس أني كنت ما ناوية اعوف هاي الليلة كنت كلش مستعدة وأريد أقوي علاقتي ويا زوجي و محتاجة لهذا الشي لإن صارلنا ١٠ أيام ممتقربلي رحت صعدت على الجرباية هو نايم ومنطيني ظهرة أني كعدت ورى ومديت راسي على وجهة من فوك جسمه وشعري يطير ويه الهوى و كتله وبصوت ناصي ومال اشتياق فروستي عجبك عطري بس اتفاجأت من كالي أريد أنام تعبان باجر ورايه دوام أني متحملت وبجيت كتله فراس هذا حقي أني شنو ذنبي صارلي فوك ال١٠ أيام هم خصصلي وقت إليه اندار وكالي بله متستحين على نفسج ولدج صارو بطولج وإنتي بعدج بهاي الأفكار وشنو هذا اللبس إلي لابسته أني كلش انجرحت معرفت شسوي كتله اشكرك فراس بس هذا إلي لابسته إلك إذا إنت تشوف نفسك كبرت فأني بعدني صغيرة وما أكبر وهذا الشي أريده مو بكيفك لا تحس بيه لا تكعد يمي ولا مخصص اي وقت اليه وقتك بس لشغلك فراس رد عليه ويكول شغلي هذا علمودج و مستقبلج ومستقبل ولدج بس أصبري فترة راح يخلص وراح اعوضج أني كمت اصيح كتله شكد يعني اصبر مو عمري خلص كاااااافي ارحمني حس بيه أني بشر مو حجر كدامك فراس عافني ورجع نام وأني كالعادة رجعت خليت راسي على مخدتي ودموعي على المخدة تتساقط ضليت ساعتين وهو نام بسابع نومه ولا حاس بيه أني كلش اتأذيت بس متعلمة وكلبي مو أول مرة ينكسر المشكلة أكول ينجبر مرة ثانية وانجرح جرح أكبر
يتبع البارت الثاني
مرتضى الهاشمي