الكاتب مرتضى الهاشمي
إنتقام أنثى
بارت ٣٨
فراس راح أجاوب هسه ثبرتني هاي
فراس يرد على المكالمة
سرى أخت فراس تبچي ومرعوبة وخايفة وتتكلم ويه فراس بحرگة وعصبية
إنت ليش متجاوب صارلي ساعة ادك عليك
فراس خير سرى شبيج غير بالمستشفى صاير شي
سرى إي صارت مصيبة
فراس شنو شصاير يا ستار
سرى سارة بت شهد
فراس شبيها
سرى انخطفت اجة واحد للبيت وشاف الجهال يلعبون بالحديقة وخطفها
فراس يرد عليها بعصبية وصوت عالي
شنوووو إنتي شتحچين أني هسه جاي
سحر خير شكو فراس شنو صاير
فراس شكله مرعوب ومصدوم وعصبي يباوع عليها وعلى شهد ويطلع خارج الغرفة
سحر تلحگه و توگفه بالممر وهو طالع شبيك فراس حاچيني
فراس بعد ما طلع من الغرفة وهو بالممر
ما عندي وكت اشرحلچ اروح للبيت وافتهم
سحر شگالتلك سرى شكو هيجي اتغيرت فجأة
فراس سارة بت شهد انخطفت
سحر تضرب ايدها على خدها حيل
عزة بعينج سحر ولج شنو هالمصايب إلي تجينا شخطفها ومنو خطفها وليش
فراس تخليني أروح افتهم لو ابقى اگابلج وابجي والطم هنا وخري خل أروح افتهم بس لتجيبين طاري لشهد ما أريدها تعرف شي
يعوفها ويطلع من المستشفى بسرعة
سحر ترجع يم شهد
وشهد على نار تريد تعرف شنو صار
شهد ها سحر خير شصاير
سحر تحاول اضم قهرها وضوجتها ومتريد تگول لشهد بسبب حالتها الصحية
سحر لا حبيبتي ماكو شي سرى يمكن متعاركة ويه رجلها
شهد ولچ لتكذبين سحر شبيج كلنا نعرف سرى ورجلها متفاهمين كلش گليلي شنو ضل بالي عفيه أني من الصبح اليوم كلبي مقبوض
سحر صدگي ماكو شي أني اروح اخابر واجي هسه
شهد وين رايحة گلبي مثل النار
سحر شوية واجيجچهسه
سحر تطلع خارج الردهة وتتصل على رضا
رضا يفتح خط ويگللها
هلو سحورة چنت منتظر تخابريني
سحر لك إنت متستحي على طولك وصلتها للأطفال
رضا هههههه إنتي مخبلة لوبيچ شي هو منو بده اللعبة ومنو تحارش بمنو ولله إلا اندمج شوفي ولج أريد ٥ شدات اتحضريها وأني بعدين اخابرچ وإذا خابرتچ وممحضرتها بنتج تموت وتموت وأني مغتصبها أخاف إنتي تسويها بمرتي أني اسويها بنتج وطفلة حتى اشوفچ أني منو مو أني إلي تضحكين عليه حقيرة يسد التلفون بوجها
سحر الوووو الوووو
تتهستر وتگوم تصيح وتبچي
حقير كلب أني أعلمك ولك كلشي ولا ساره هاي طفلة الله ينتقم منك ولله لا أشرب من دمك
الناس إلي بالمستشفى شافوها تبچي وتعيط والتمو عليها حست على روحها وكامت تعيط عليهم
شبيكم تباعون خير الفضول كتلكم بنت أختي انخطفت وأختي مريضة ومتتحمل أي صدمة ارتاحيتو هسه عرفتو السبب ليش أصيح وأبچي
شهد واگفة ورى الناس الواگفين ويتفرجون بس سحر منتبهت عليها وسمعت شهد كلام سحر كله
شهد تركض على سحر
صدك ساره انخطفت لو تكذبين گولي عفيه ما أتحمل صدمة أكبر گولي أكذب عليچ گولي أني سمعت غلط
سحر انتي شطلعچ من الغرفة ليش اطلعين
شهد تضرب بسحر وتعيط أريد بنتي جيبيلي ساره ولچ أريد بنتي ساره أريد ساره ليش تكذبين عليه وتگولين ماكو شي ولچ ليش تگولين سرى تعاركت ويه رجلها
شهد اتهسترت وگامت تلطم على راسها حيلةوتبچي وتعيط ومحد يسطير عليها لحد ما وكعت واغمى عليها من الصدمة
سحر تصيح بأعلى صوتها وتحاول تصحي شهد
ولچ شهد شبيج شهد شهد ولج ابوس ايدچ جاوبي واحد يجي عليها دكتور وينك شهد راح تموت
اجوي الممرضين واخذو شهد ودوها للردهة وعزلوها بغرفة وحدها وانطوها ابرة مهدئة
الدكتور بعد ما طلع من غرفة شهد وسحر مبين عليها التعب والقهر وسانده روحها كوه والدموع مثل المطر تنزل على خدودها تكول للدكتور
شلونها شهد هسه راح تتخبل لو تروح من ايدينا
الدكتور شهد لازم تبقى لوحدها ومتخلوها تنصدم
سحر مو بيدنا إحنا انصدمنا بخطف بتها وهي لحگتني بره وسمعت كلامي
الدكتور لازم نبعدها حاليا عن كل ضغط نفسي وحاولو تلگون بتها بأسرع وقت وتجيبوها إلها هذا الشي الوحيد إلي راح يخليها تتحسن
سحر أني رايحة دكتور وما أرجع إلا بتها ويايه ديربالك عليها عفيه حطلها أكثر من ممرضة اتابعها
دكتور هذا شغلنا وإن شاءالله منقصر
سحر تطلع من المشتشفى وتشغل سيارتها وتمشي كل سرعتها
فراس بعد ما رجع للبيت و سولفولة حادثة الخطف بالتفصيل يتصل بالنقيب علي والنقيب ياخذ قوة ويحاصر المنطقة كلها وخله سيطرات على كل منافذ المنطقة
النقيب علي بيت فراس
اطمن فراس المجرم ملحگ ينهزم بعيد حسب اعتقادي لأن هو خاطف طفلة والطفلة أكيد رابطها ورابط حلكها لأن هي تكدر تحجي وميكدر ياخذ تكسي حتى لحد يشوف عنده طفلة و مربوطة ويشك بي وإنت بلغت بسرعة فأعتقد هو داخل المنطقة ومحاصر حاليا وكل منافذ المنطقة إحنا محاوطيها وراح نفتش بيت بيت لحد ما انلزمه
فراس على الله وعليكم سيادة النقيب ترى هاي طفلة مالها ذنب وأمها حالتها صعبة ومنعرف شنگللها
سحر ترجع للبيت وتدخل وتلاگيهم كلهم جوة بالاستقبال كاعدين
النقيب علي يا أهلا بست سحر چنت أنتظر اشوفج لأن اكو كلام هواي خاصة ما خيوط قضيتج انعرفت وصارت واضحة
سحر قضيتي غلقتها وانتهت أما هسه أريد أشوف همتك بساره رجعلنا ساره
النقيب علي قضيتج منتهت وأني أمرت بفتحها من جديد خاصة من عرفت إنتي ما فاقدة الذاكرة المجرمين لازم ياخذون جزائهم و هذا حق الدولة لأن يشكلون خطر على المجتمع
سحر إلي ييني وبينكم قضية ساره وبس قضيتي انسوها ركز بقضية ساره وبعدما ترجعها أوعدك راح اگلك بكلشي أعرفه عن قضيتي
النقيب علي هاي قضية وهاي قضية مثل ما بذلت جهد وياچ راح ابذل كل جهدي علمود سارة مو تقايضيني هذا عملنا
سحر أي جهد بذلته ويايه وإنت ما اخذتلي حقي ويوميه تحقيق وكلشي ماكو يا حق جبته إليه گلي سيادة النقيبيب
النقيب علي بسبب تمثيلج علينا بفقدان الذاكرة شوشتي على كل المعلومات
سحر أفرض أني فاقدة الذاكرة من صدگ چان هم شسويت هم تذب اللوم عليه لا ترمي أخطائك عليه أني مو شماعة لأخطائك
فراس عفيه هسه عوفو قضية سحر واريد النقيب يركزلي على ساره
النقيب علي يباوع على سحر بعصبية هذا واجبنا أستاذ فراس وراح تعرفون شلون نشتغل إذا ماكو تشويش علينا
سحر أتمنى تجيبون ساره بأقرب وقت لأن كمت أشك بقدراتك
فراس هذا الكلام مو وكته سحر صدك سحر ليش عفتي شهد مو گتلچ إبقي يمها
سحر صارت كارثة
فراس خير شصار
سحر عرفت وسمعت من كنت اتكلم وياك أني اتهسترت وراك وكمت اعيط وابجي بصوت عالي الناس التمو صحت عليهم وكتلهم الفضول كتلكم تريدون تعرفون شصار بت أختي انخطفت وأختي حالتها حرجة طلعت شهد تراقبني وبين الناس واكفة متحملت الصدمة وانهارت والدكتور كال لتجون إلا بتها وياكم ومنع أي واحد يمها غير بس الممرضة يمها
فراس لا حول ولا قوة إلا بالله
النقيب علي اواعدكم ساره عن قريب ترجع لأمها بس گلولولي شتعرفون عن عمر و عنده عداوة ويه واحد
فراس ما أعرف شي عنه لأن أقرب شخص اليه هو طعني أكيد اكو أشياء هوايه ما أعرفها عنه وحتى إذا جنت أعرف عنه معلومة أكيد غلط لأن هو كذاب و ما اثق بكلامه
النقيب علي أني أشوف شغلي واروح أتابع الأمور بنفسي
فراس أكدر أجي وياك
النقيب علي إذا جيت وإذا بقيت ميتغير شي ابقى هنا ونشوف شغلنا إحنا من رخصتكم
للقصة بقية
مرتضى الهاشمي
يتبع بارت٣٩ بالتعليقات
أنت تقرأ
أصدقائي الكرام القصة بعنوان إنتقام أنثى أتمنى أن تعجب حضراتكم
Misterio / Suspensoالخيانة الزوجية والمراهقة في وقت متأخر له جوانب مظلمة ولها أثر على ضياع العائلة وخاصة إذا كانت المرأة فسترى الذئاب من حولها تريد إفتراسها بسبب تسجيل عليها نقطة سلبية وأن سكوتهم وعدم فضحها تقوم أمام المقايضة على جسدها لكن هناك أحداث أخرى ويكون إنتقام...
