أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام انثى البارت الثالث

مساء الورد
متابعة الحساب والإعجاب فضلا
انتقام انثى
البارت الثالث
كامت سحربعد ما سقطت من فراس حاول يضربها  كلش اتنرفت وضاجت بسبب معاملة فراس لأن بعمره ما ضاربها من تزوجت منه لحد هاي اللحظة
سحر  تحجي بضوجة وعصبية كلش وتكله
تضربني فراس تريد تضربني هيجي وصلت المرحلة زيايه تضربني علمود تلبي رغباتك شوكت ما تريد والوقت اليعجبك وأني مالي حق أطلب منك أي شي وحق من حقوقي كزوجة لتضرب أني جارية الك مثل ما تحب وتحت أمرك مو هذا الشي تريده ومن أكلك لا تضربني ومتعذرني وأني أيام وليالي أريد اسمع منك كلمة حلوة ماكو وأنام و دموعي على المادة هاك فراس إلي تريده أخذه
تشك ملابسها وتتعره كدامه وتكله
تعال تريد أخذ أني إلي تريده  وياك مجرد لعابة شوكت متخلص منها ترميها أني تعلمت اباوع على أربع حيطان بس وأكضي حياتي لوحدي وويا طلبات جهالك تعال اخذ ليش واكف ومستغرب لو تريد تضرب بعد
بس فراس كلش انقهر  وضاج  وما كان متوقع هذا الرد منها وكإنما متحمله عليه من سنوات انتفض وكاللها
لج إنتي هواي اتغيرتي أني عمري مفكرت بهاي الطريقة ولا ردت أمد ايدي عليج لهذا السبب ولا تحورين الكلام لصالحج  بس الظاهر أني غلطان من جنت اتعبت علمودج واجي آخر الليل جوعان نوم وراحة عبالي تقدرين إلي أسوي علمودج بس كافي تجريح ولبسي ملابسج أني عمري ما فكرتت هيجي علمود غريزتي بس تفكريج صار تفكير مراهقة وكإنما بس هذا الشي الي بين المرة والرجال تريدين الصدك أني صوجي لأن  اليوم كله افكر بيج لإن البارحة تأثرت بكلامج وضليت أفكر بيج سحر راجعي نفسج تصبحين على خير
سحر ضلت تبجي و لبست الروب ونزلت بالاستقبال و كعدت على القنفة تبجي وتكول أني شلون هيجي أحاجي الغلط مني لو منه شلون ياربي سحر خلت راسها على يدة القنفة وايديها جوة راسها وقبل لا تنام كامت تبجي و متعرف هي الي سوته صح لو غلط متعرف شلون تتصرف كامت تكره فراس وحياة فراس بسبب رضا إلي دخل حياتها فجأة نامت بوقت متأخر بالإستقبال بعد تفكير و بجي
صحت سحر الصبح ركضت لغرفتها ولبست ملابسها وحضرت ريوك للعائلة كعدو على ميز الطعام يتريكون بس فراس نزل ما كعد على الريوك وياهم كالعادة وهي تصبله جاي كالتله فراس تعال تريك
فراس مبدل وباوع عليها بنظرة عتب وزعل وطلع بدون أي شي يحجي
وولدها راحو للمدارس كعدت سحر على الكرسي وانتجت على ايدها على ميز الطعام وتفكر وتكول ويا نفسها
ياربي أني شسويت البارحة أني على صح لو غلط أني غلطانة لو لا المن اشتكي المن أكول منو يفهمني أني وحدة ساقطة لو شريفة كافي أفكر خل أروح للمستشفى على رضا لازم أشوفه سحر بقت تفكر برضا لأن ماخذ كل عقلها ومتكدر تنسى لأن تعتبره الصدر الحنون إلها
راحت سحر للحمام وسبحت وبدلت وتعطرت وخلت مكياج طلعت سحر جنها كمر وهي راحت للمستشفى تزور رضا وبطريقها اشترت باقة ورد بس وكتبت عليها الحمدلله على السلامة  لكن رشت الكارت بعطرها إلي خالته بالسيارة راحت سحر للمشتشفى وصلت لكن اترددت تدخل للغرفة إلي بيها رضا لإن حست زوجته داخل الغرفة يمه فوصت الممرضة بتوصيل الباقة إلى رضا داخل الغرفة وأن تكله هاي الباقة من رجل مو مرة
الممرضة راحت للغرفة ودكت الباب ودخلت بيدها الباقة وكالتله هاي باقة اجة واحد كال صديق وخلاها بالاستعلامات وطلب إحنا نوصلها
زوجة رضا إسمها رهف كامت أخذت الباقة وشمتها
رهف بس الكارت بي ريحة عطر نسائي متأكدة رجال عافها
الممرضة ردت على رهف يعني ليش أكذب أني إلي عليه وصلتها وخلص رضا صفن وضحك وعرف هاي الباقة من سحر
رهف تكول الممرضة زين ليش ما دخل
الممرضة ست أني شعرفني ليش مدخل جوه إنطاني الباقة وراح قابل أضل احقق ويا
رهف شلون لسان عمي أني اسفة وانت رضا صير زين وأني أعرف شلون
رضا يقاطع كلامها ويكللها
تعرفين شنو رهف تحاسبيني إحجي عدل كاعد بأمان الله وجني باقة ورد شسوي أني شنو ذنبي أشمرها قابل
رهف لا حبيبي إحتفظ بيها عموما أني اسفة وسد الموضوع
سحر رجعت للبيت إتصل عليها رضا
سحر هلو رضا بشر طلعت
رضا إي هسه كتبولي خروج وراح أطلع
سحر كلش فرحت الحمدلله على سلامتك إعذرني مكدرت أجي
رضا يقاطعها عطرج فضحج
سحر تحجي ويه روحها أني كلش اتفاجأت شلون عرف هذا عطري ضحكت سحر
رضا عطرج يخبل ولو كان بنفسي اشوفج
سحر هم تتكلم ويه روحها
أني ما أعرف اجاوب شكله هم ضليت ساكته بس رضا يلح وكل شوية يكول سحر ليش ساكته ومتحجين
سحر جاوبته
إنت متزوج وأني متزوجة فلهنا وكافي كمت احس بالذنب إتجاه زوجي واتجاه زوجتك لإن ماخذتك منها بس كان رد رضا غير شكل وكاللها
إذا تريدين تعوفيني لإن مليتي عادي بس إذا علمود ماخذتني من زوجتي فأني محد يكدر ياخذني وينطيني أني حر نفسي وهاي الكلمة بعد لتعيديها
سحر اسفه مو قصدي
رضا أريد اسألج سؤال إنتي مرتاحة ويايه
سحر جاوبته بكل صراحة وبسرعة أكيد مرتاحة
رد عليها رضا إذا مرتاحة انسي الدنيا كلها وسويي إلي يعجبج العمر واحد
بكلمة وحدة عرف شلون يقنعها
مرت أيام وليالي وأشهر وعلاقة سحر ويا رضا اختلفت واطورت هواااااي صارو يفتحون كامرة ويطلعون مطاعم وتصرفات مال مراهقين وصارت علاقتهم مو بريئة وينام وياها لكن عن طريق الكاملة فقط مقنعة نفسها سحر هذا ميعتبر زنا أو خيانة لزوجها لأن ما نامت ويا بالحقيقة حفظت كل تفاصيل جسمه وهو كذلك حفظ تفاصيلها كلهاسحر حست روحها رجعت ٢٠ سنة لورى سوت إلي مسويته حتى بمراهقتها وعاشت ويا أحلى أيامها وتحس هو عوضها حرمان فراس يسأل عليها يتغزل بيها متفرغ دوم إلها وصلت مرحلة كانت تشوف بس رضا حتى من تنام ويا فراس تتخايله رضا  صار حرف R ميفاركها سوت كلادة ودكيت وشم على إيديها بهذا الإسم ومن سألها زوجها فراس  شمعنا هذا الحرف كلتله
مو بيدي كلبي إختار أعز إثنين  إسم رامي ابني ونص إسمك فراس فعجبني هذا يجمع أعز ٢ عندي وهو اقتنع بكلامها 
العصر الساعة ٦ كاعدة سحر و زوجها بعده ما اجة من الشغل و ولدها راحو يلعبون طوبة بساحة قريبة عليهم و كانت سحر تنوم بتها فدك عليها رضا جاوبته سحر
هلو حبيبي فديت إسمك مشتاقتلك
رضا أني هم مشتاقلج حبي
سحر كانت نايمة يم بتها وتنوم بيها وكانت ترضع سجى فجسمها مكشوف وطلب رضا أن تفتح كامرة
سحر ما أكدر تنام سجى وافتح كامرة
رضا لا هسه مشتاقلج وأريد أشوفج
سحر شبيك رضا إثكل فراس على جيه
رد عليها رضا هنياله لفراس
سحر تضحك ليش رهف مقصرة وياك
رضا ولج يا رهف إنتي الروح والريا سحر يله فتحي كامرة
كان الشيطان قوي وسحر ما ترفض طلب لرضا بعد ما إتأكدت من سجى نامت ومحد بالبيت فتحت كامرة و إتعرت وإستعرضت بجسمها
بهاي الاثناء دخل عمر هو زوج شهد إلي تكون الأخت الوحيدة لسحر حفظوا هذا الإسم زين لأن راح تكون البلاوي بسبب عمر
عمر كان جاي على فراس عنده موعد ويا بس فراس اتأخر وعمر اجة شاف الباب مفتوح كبل دخل وضل يصيح عليهم لكن محد سمع سحر حاطة السماعة بإذنها ورايحة بغير عالم ويه رضا فعمر سمع صوت سحر وصعد لغرفتها وكان الباب مفتوح شاف سحر تحجي بالتلفون وخدرانه وفاتحة كامرة وتستعرض مفاتنها لرضا وتتكلم ويا كلام جريء كلش وطلع تلفونه وكام يصور بيها بدون متدري سحر
سحر تكلم رضا وعمر يصور بدون ما تدري
ليش تحسد فراس إنت بالكلب مو فراس إنت حبيبي وهاي إلك وجسمي كله إلك انت حبيبي وانت كل حياتي انت قلبي مو فراس وهي تتحرك ورايحة كبال المراية لكن تفاجأت وشافت عمر كبالها سدت التلفون بسرعة وكالتله
إنت شجابك هنا وشتريد وشسوي
عمر سد التلفون وخلا بجيبه كالها
جابني إلي جاب رضا وخلا يخابرج
يتبع البارت الرابع
مرتضى الهاشمي