إنتقام أنثى
بارت ٣٩
سحر تروح لسرى وتحجيلها سرى شصار بالتفصيل
سحر دخيلك ياربي المصايب مثل المطر علينا
سرى أني آسفة ولله مو قصدي اتركهم بالحديقة وأني متعلمة دائما يلعبون هناك بس ممتصورة الواحد يطب جوى ويخطف طفل ويطلع وكان رامي يمهم وأني بالمطبخ اطبخ
سحر لا حبيبتي لتلومين روحج هذا قدر ومكتوب
سرى تحضن سحر وتبچي
أني هواي آسفة وأعتذر بصراحة احس بتأنيب الضمير و أريد أسوي شي تسامحوني عنه
سحر ما حاجة تتأسفين حبيبتي
اني اترخص حبيبتي ولتأنبين ضميرج هذا شي مدبر و مخطط إله اكو ناس تتربص إلنا بس فراس ميقتنع أني خايفه لا يوم يجون على فراس
سرى ذولة منو وليش هيجي ضده
سحر هذا الشي المفروض فراس يجاوب عليه بس ميقتنع أصلا هو مستهدف
عموما حبيبتي أروح أسبح وارتاح بغرفتي شوية لأن راح اوكع من التعب والصدمة
سرى اخذي راحتج حبيبتي
سحر بعد ما راحت لغرفتها كعدت كبال المراية وتكلم روحها
اجاك الموت يا رضا راح انتقم منك شر إنتقام إله أشرب من دمك كل إلي صار بيه بسببك إنت وعمر يا نذل تدني روحك لطفلة شكد خسيس إنت
تروح سحر للكنتور وطلع مسدس زوجها فراس وتحجي ويه روحها
هسه اجه وكتك لازم الطخ إيدي بدمكم لازم أنهي هاي القضية واعرفكم منو سحر راح أسوي إلي عمرك ممتوقعه
سحر تاخذ المسدس وفلوس حوالي ٣٠ ألف دولار ٣ شدات وتطلع من البيت وتروح للمصرف حتى تسحب باقي الفلوس إلي محتاجتها وإلي طلبها رضا وهي ٥ شدات وباقي شدتين تسحبها من المصرف
فراس يتصل على النقيب علي
الوووو
النقيب علي تفضل فراس شصار يمك
فراس مثل ما اتوقعت إنت
الظاهر أني المستهدف وإلي خطف ساره كان قصده سجى بنتي لأن سحر اخذت الفلوس ومسدسي من الكنتور
النقيب علي عاشت إيدك هذا التعاون إلي كنت أريده منك أني أراقب سحر من بعيد وهي راحت للمصرف وراح تطلع اشوفها وين تروح وحاليا تلفونها مراقب من قبلنا
فراس كلي يا مصرف لازم اجيك
النقيب علي اترجاك لتجي أني أريد أعرف شنو يدور براس سحر ولازم نعرف منو هذا إلي يهدد حياتكم كل هاي الفترة غير عمر
فراس بالي يمها ليصير بيها شي ومسدس بيدها ما أريدها تسوي شي بحالة غضب
المقدم علي لتخاف أني مراقبها زين وما اخليها تأذي نفسها
رضا يتصل على سحر
سحر تلفونها يرن وتفتح خط وترد على المكالمة
الووووو ها رضا إنت وين
رضا أني محاصر بمنطقتكم قسما بالله إذا ما تجيني واطلعيني بسيارتج والفلوس وياج اكتل البنية وعليه وعلى أعدائي
سحر لا لا عفيه شتريد اسويلك والفلوس يمي بس عوف البنية كلي إنت وين وأني اجيك
رضا أني راح اكلج وين بس أي غلط لو تهور وإتفاق بينج وبين الشرطة يكون ثمنها حياة بنتج
سحر إي تدلل وأني تحت أمرك
رضا أريد تجيبين وياج ملابس رجالية وشال وعبايه
سحر شال وعبايه شسوي بيها
رضا مثل ما اكلج لتسألين وتعالي بسرعة للمكان إلي اكلج عليه
سحر صار راح اجيب إلي تكول عليه بس كلي العنوان وين
سحر صار راح اجيب إلي تكول عليه بس كلي العنوان وين
النقيب علي يتصل على واحد من الاستخبارات ويتابع معهم القضية
النقيب علي الوووو ......حي الله أصلك...... قبل شوية كان اكو إتصال لسحر عرفتو ويامن وكدرتو تحددون مكان المتصل .......... هذا كنت اتوقعه خليت على الخط خل أنادي الدوريات
ياخذ جهاز اللاسلكي وينادي من داخل السيارة نداء نداء إلى كافة الدوريات الإلتزام بمواقعكم ومحاصرة المنطقة د القريبين من منطقة د عليهم تضييق الحلقة
بعد ما إنتهى من النداء
يرجع للمكالمة أريد ترسل الإحداثيات للملازم رعد خل يتوجه معاه قوى ويتفاوض مع المتهم لإطلاق سراح الضحية أما أني راح أتابع بمراقبة الضحية الثانية سحر حتى نتابع مساومات رضا و نعرف شنو إلي يريد يسوي رضا بحال تحاصر
سحر بعد ما اشترت الملابس و صعدت للسيارة اجتها رسالة من رضا اندلت المكان بالضبط إلي هو خاتل بي
القوة إلي أرسلها النقيب علي على رضا حاصرت مكان رضا وإلي وصفه النقيب بمنطقة د وبده ينادي بالسماعة الملازم رعد بعد ما حاصرو المكان
سلم نفسك المكان محاصر لتعرض نفسك للقتل سلم الرهينة وسلم نفسك وأني اواعدك اساعدك بالتحقيق ويكون الحكم مخفف عليك
رضا يرتبك ويخاف وميكدر يجاوب ويحير وميعرف
بعد ما بقه رضا ساكت
كرر النداء الملازم رعد
رضا يا بنت الكلب يا سحر غدرتي بيه ويرجع يتصل بسحر
سحر ها رضا جايتك بالطريق
رضا يا كلبه يا كذابة ولج ادزين قوة عليه ولله إله اموت بنتج أني بعد ما عندي شي اخسره
سحر ولله ما دزيت شي عليك أكيد مراقبيك وأريد اكلك شي هاي مو بنتي هاي بنت عمر ولله لتكتلها مالها ذنب هاي طفلة أني اواعدك اجيك واخلصك عفيه
رضا ٥ دقايق كليلهم ينسحبون وإلا اكتل البنية خلاص
سحر وأني شنو واكللهم ينسحبون أني كل إلي اكدر عليه أتصل بالنقيب مالهم
رضا ما أعرف كليلهم هسه
سحر حاضر
سحر تتصل على النقيب علي
النقيب علي هلو سحر
سحر سيدي ابوس إيدك بت عمر راح تموت ووو
النقيب علي يقاطعها أني مراقبج وكنت أتمنى تتصلين بيه من زمان وتتعاونين ويايه
سحر قدر ظرفي أبوس إيدك
النقيب علي أكيد ساومج وكالج خل ينسحبون لا اكتل الطفلة
سحر إي سيدي ولله
النقيب علي أني راح اكلج شسوين بس بدون غلطة وشكلج تسوين
سحر أكيد سيدي المهم ساره تطلع بالسلامة
النقيب علي يبدي يكلم سحر ويفهمها شسوي
سحر افتهمت سيدي
الملازم رعد يكرر نداءه للمرة الثالثة على رضا و يهدده إذا ميجاوب راح يقتحم المكان ويقتله
للعلم رضا خاتل بيت هيكل ممكتمل وخاتل جوه البيت
رضا يجاوب الملازم رعد إذا رايدين سلامة الطفلة أريد سيارة تجي اطلعني منا وأني راح أسلم الطفلة وأطلع
الملازم رعد خلص راح تجيك سيارة
طبعا بعد ما كان إتفاق مسبق بين النقيب علي وملازم رعد وسحر
انسحبو الشرطة واجتي سحر بالسيارة كبال للبيت وصعد بيها رضا ويريد يصعد ويا ساره
ساره من شافت سحر كامت تبجي وتشكي
خاله اخذيني وياج أني خايفه
سحر لتخافين حبيبتي أني يمج ما أخلي أي واحد يأذيج
تلتفت سحر على رضا
نزل الطفلة هذا مو كان اتفاقنا
رضا أطلع منا وأوصل لمكان أمن يله
سحر أني وياك عوف الطفلة
رضا يسحب السجينة ويضرب سحر على وجها ويشك خدها والدم يطافر وجها
يتبع بارت٤٠ والاخير
أنت تقرأ
أصدقائي الكرام القصة بعنوان إنتقام أنثى أتمنى أن تعجب حضراتكم
Misterio / Suspensoالخيانة الزوجية والمراهقة في وقت متأخر له جوانب مظلمة ولها أثر على ضياع العائلة وخاصة إذا كانت المرأة فسترى الذئاب من حولها تريد إفتراسها بسبب تسجيل عليها نقطة سلبية وأن سكوتهم وعدم فضحها تقوم أمام المقايضة على جسدها لكن هناك أحداث أخرى ويكون إنتقام...
