أصدقائي الكرام القصة بعنوان إنتقام أنثى أتمنى أن تعجب حضراتكم

أنتقام أنثى بارت ٢٤

إعجاب ومتابعة وتعليق الكاتب مرتضى الهاشمي
يسعدني تفاعلكم
إنتقام أنثى
البارت ٢٤
سحر كتلك كان تلفون مهم ولازم اجاوب عليه
فراس منو إلي خابرج
سحر صديقتي ويايه بالدوام
فراس يحاول يسوي روحه مقتنع بس هو ممقتنع بداخله لأن سحر هواي كامت تصرف تصرفات غريبة
هالمرة راح أمشيها علمود ما أخرب الفرحة مال عيد ميلاد بس بعدها ما راح أسكت عن كل شي يصير هواي اشياء متعجبني
سحر شبيك فراس ليش أشك بيه
فراس لا تغيرين الموضوع وسدي من يمج
شهد هسه وكتها راح تتناكرون تعالو خل نكمل الإحتفال
وجرتهم شهد من إيديهم
الكل فرحان بمناسبة عيد ميلاد عمر لأن صارلهم فترة ما عدهم فرح بس حزن ومشاكل
لكن شي جذب فراس كلش وهو يوم تاريخ عيد ميلاد عمر وكإنما هذا التاريخ مهم بحياته و اكو سر ورى بس يريد يذكره ميكدر ميعرف لان كل شوية وحد يحجي ويا والأجواء هوسه فمكدر يركز شنو إلي يذكره بيوم عيد ميلاد عمر
سحر قدمت الهدية لعمر ساعة لكن الساعة واكفة ومتشتغل
عمر شكرا سحورة
بعد ما فتح الهدية وشافها
عمر هاي واكفة ومتشتغل
سحر يجوز لأن جديدة اسحب اللزكة يم البيم راح تشتغل
عمر يسحب اللزكة هم مشتغلت ويكللها
هم مشتغلت شنو جايبتها عاطلة
سحر بنظرات إستفزازية واكو بنظراتها
يجوز قشمرني هذا أبو الساعات يله حظك هيجي فلازم بعد كلشي تتقبل
عمر صفن و خاف من نظرات سحر إله وعرف الها قصد بيها ومعناها حياته وكفت بس ميكدر يحجي شي غير بس يباوع
فراس لاحظ خوف عمر وارتباكه من هدية سحر ولاحظ نظرات سحر المزيفة بالضحك والمجاملة وهي كلها حقد من جوه و اكو سر بس ميعرف شنو السر خله فراس يشك ولفت نظره تاريخ يوم عيد ميلاد عمر
فراس قرر يسكت ويتحره عن الموضوع بنفسه وميكول لأحد
بعد نهاية العيد ميلاد ضل فراس لمنتصف الليل و يذكر كلام سحر قبل الحادث ومن تغيرت فجأة عليه وتذكر من كانت تكسر بالغراض وكإنما اكو أشياء تهددها لازم يربطها بعضها
كام فراس يحجي بداخله
أني لازم أتحرك وأشوف شنو إلي يصير مبين اكو ناس كانت تهدد سحر ومتقبل تكلي أني باجر من الصبح أروح للمركز
سحر كعدت الصبح تفاجئت فراس ماكو كامت تنادي
فراس فراس وادور عليه وملكته
وتفاجأت وين راح قبل ليتريك وليش مخبرها كامت سبحت وبدلت وطلعت
فراس بالمركز متفاجأ وبغضب
شلووون سيادة الضابط  صدك تحجي انت مستحيل هيجي تسوي سحر وليش ما كالتلي
الضابط أني عبالي كلتلك بعدين حاولت وياها البارحة وكتلها مو وكتها تغلقين الملف مقبلت وتعرف الأوراق بعدها ما صاعدة للقاضي فأضطريت أن أفرج على جميع المتهمين
فراس زين تندل عناوينهم
الضابط هذا شغلنا أستاذ فراس معليك بعناوينهم إحنا راح نراقب المتهمين
فراس بس الدعوة أني سويتها شلون سحر تغلقها
الضابط سحر هي الضحية و على أساسها الدعوة صارت فتكدر هي تغلقها
فراس بس أني بعد ما أسكت سمعت كلامك هواي و مجبتولي حقي
الضابط أعتقد لو متعاونين إنت و زوجتك ويانه أكثر كان توصلنا لخيوط الحقيقة
فراس أني تعاونت وكلت كلشي إلي أعرفه بس لهنا وبس شسوي بعد لحد يلومني
سحر وهي بالسيارة تسوق و تحجي بداخلها
إجاك الموت يا تارك الصلاة و جتي الساعة إلي لازم تركع كدامي يارضا خل أشوفك شنو راح تسوي بعد المفاجئة
توصل قريب من بيت رضا وتباوع على ليان بنت رضا تلعب بالشارع استغلت سحر الشارع فارغ ومحد يم ليان  واجتي سحر على ليان وكالتلها
هلوووو حبيبتي شسمج
ليان لونه
فديت لونه حبيبتي وين بابا
ليان بابا بالشغل
تعالي ويايه بالسيارة خل نروح لبابا واشتريلج حلويات والعاب وملابس
ليان أكول لماما واجي
سحر لا حبيبتي راح نسوي مفاجئة لماما تعالي ويايه بالسيارة شوفيها شلون سيارة حلوة يله حبيبتي بابا كالي جيبي ليان وتعالي
صعدت ليان ويه سحر وتحركت  السيارة وراحت سحر وليان لشقة مؤثثة (الشقة هي نفسها إلي رضا كال لعمر أجرها الظاهر كانت سحر كلشي مخططة مسبقا) وحاطة بنية عمرها يقارب ال٣٥ سنة مدبرة منزل وتنطيها راتب والبنية إسمها فاتن
سحر تفتح باب الشقة وياها ليان وتسلم على فاتن
فاتن أهلا ست نورتي بيتج
سحر شكرا...عندي كلام وياج ما اريد ليان تسمعه
فاتن صار ست
سحر تعالي للغرفة
تشوفين هاي البنية بنتي وأني إتفقت مسبقا بس مفهمتج قصتي هسه اكلج بيها بس أريد متحجين أبد الشي إلي تحجي متجيبيله طاري وحتى لروحج
أني مطلقة وطليقي عنده نفوذ وفلوس و ما اكدر اخذها من عنده فخطفتها وراح تبقى يمي بين ما أكمل اجراءات السفر وأخذها واسافر ويومية أجي عليج لأن أشتغل و ما اكدر أبوها يشوفني هنا ويحس بليان يمي تعرفين أكيد راح يراقبني فالاريدة منج متحجين ولا تعوفين البيت وشتريد ليان تنطيها واديرين بالج عليها كإنما بنتج زين إنتي أم وتعرفين بكلب الأم أريد بنتي يمي ومياخذها ابوها ويحرمني منها
فاتن صار ست و سرج بير
سحر وتبلغين اهلج مراح تكدرين تروحيلهم وإذا تريدين تشوفين جهالج يجوج لهنا حتى لو يباتون يمج
فاتن شكرا ست فكرتي بجهالي لأن تدرين أني هم مطلقة و جهالي ما اكدر اعوفهم هواي حتى لو يم أهلي
سحر بس اريدج مثل ما راعيت ظرفج تراعيني وتسمعين اوامري
فاتن خادمة الج ست
سحر تعالي خل نروح ليان ونفهمها إنتي أختي
صدك نسيت اكلج ليان مراح تصيحلي ماما لأن أبوها نساها شكلي صارلها فترة طويلة مشايفتها فلتستغربين من كلشي
فاتن الله يساعد كلبج ست
سحر تمثل بالبكاء
الحمدلله على كل حال يله خل نروح لليان
فراس يرجع للبيت وعيونه صايرة نار و عصبي لكه سحر مموجودة وكام يدور بالكنتور وبغراضها فشاف دفتر التوفير فتحه ولكاها ساحبة مبالغ هواي آخرها قبل ٥ أيام ٣ ملايين وقبلها بفترات متقطعة حسبها تقريبا ٣٥ مليون فراس كلش انصدم بالمبلغ وينتظر سحر على أحر من الجمر حتى تجي ويعرف شسوت بيها فقرر يتصل بيها
سحر تلفونها يرن وهي بالشقة فتحت خط الووووو
فراس سحر إنتي وين
سحر حبيبي إنت إلي من الصبح وين
فراس جاوبيني على سؤالي إنتي وين وبعدين شنو تحاسبيني أني وين رحت الصبح إذا إنتي اطلعين براحتج وترجعين براحتج
سحر شبيك فراس أني كنت بالدائرة ورحت مناك للمول أني شوية وأرجع للبيت ليش اكو شي
فراس تعالي هسه فورا
سحر صار بس كلي شكو صاير شي طمني
فراس ينهي المكالمة
التلفون على خدها وصفنت وخافت لا اكو شي أو فراس عرف شي وهي مرتبكة شلون راح تواجه فراس وخايفة لكن ما مفر من المواجهة سحر ادنك على ليان وتكللها
حبيبتي هاي خالة فاتن بابا خلاج يمها لأن هو مريض ومسوي عملية وماما يمه بالمستشفى بس يصير زين أني اوديج يمهم
ليان تبجي أريد ماما أريد بابا
سحر تحضنها ودموعها تنزل حبيبتي ما كنت أقصد أنزل دموعج بس ابوج غصبني ولله راح اونسج واشبعج طلعات وملاعيب وحلويات شتريدين اسويلج بس يصير زين وارجعج لبابا
فاتن حبيبي خالة  تعالي شوفي غرفتج والمسبح إلي موجود بالحمام  إلي اشترته الج ماما سحر
ليان ماما اسمها رهف مو سحر
سحر تباوع على فاتن بقصد التنبيه
وتحجي ويه ليان إي حبيبتي تقصد ماما رهف اشترتلج المسبح وخلينا الج بالحمام تعالي لعبي وسبحي بي
سحر تحجي ويه فاتن
حبيبتي أني هسه رايحة لبابا وماما للمستشفى و بعدين أجي عليج
فاتن ست إذا رحتي وبجت شلون هسه أصلا تبجي وما أعرف اسكتها
سحر إنتي أم وعندج أولاد أكيد راح تعرفين تسكتيها واديرين بالج عليها بس ديري بالج تبجيها لو تكتليها عامليها أكثر حنية من اولادج
فاتن صار ست تدللين بعيني
سحر أني لازم أروح هسه
طلعت سحر وليان تبجي على أمها وأبوها سدت باب الشقة حتى صوت ليان ميسمعو الجيران ونزلت من العمارة وراحت ركبت سيارتها وراحت للبيت
بعد ما وصلت سحر للبيت وتطبك السيارة بالكراج
فراس يباوع عليها من الشباك مال الغرفة لحد ما نزلت من السيارة وهي تدخل لداخل البيت
سحر تريد تصعد الدرج الدرج لكن تفاجئت من شافت فراس واكف ومنتظرها بأعلى الدرج وعيونه حمر من العصبية و شايل بيده دفتر التوفير. ويكللها بإستهزاء و عصبية وصوت عالي
يا أهلا وسهلا بالخاتوووووون أشرقت وأنورت ست سحر وين چنتي
سحر الخوف والإرتباك يسيطر عليها لان اول مرة اشوف فراس هيجي
أني كتلك وين چنت من خابرتني
فراس يضحك بإستهزاء ههههههههه بالمول مو مثل ما چذبتي عليه البارحة وطلعتي رايحة للمركز تغلقين الدعوة
سحر نصي صوتك عدنا غرفة ونتفاهم بيها عيب الكل سمعت
فراس يعلي صوته بالزايد
أني حر وبيتي وأعلي صوتي وين ميعجبني وأريد الكل تسمع حضرت الخاتون سحر چانت تستغفلني كل ذيچي الفترة
عمر وشهد والأولاد  يجون على صوتهم العالي ويوكفون يم سحر متفاجئين
شهد شبيكم خير شصاير
سحر سألي الأفندي من جيت لهيه بس يتعارك ويصيح وميقبل يفهمني
فراس خطية فقيرة و كلشي متعرف وتريد لهسه تستغفلني
سحر أني ممستغفلتك وغلقت القضية علمودك خايفة عليك لا احد يأذيك ليش متصدك كل الأسوي علمودك
فراس متبطلين چذب
شهد توكف كبال سحر وتباوع بوجها صدك هيجي سويتي وليش شنو السبب
سحر هاي قضيتي ومحد يدخل بيها
فراس الاوراق كلها إنكشفت كدامي
سحر لا ميحتاج أني بعد كلشي أكول
عمر يرجف ويكوم يعرك هواي من الخوف
سحر لهنا ولازم كلشي احجي خلص بعد
للقصة بقية
بقلم مرتضى الهاشمي
تفاعلكم متابعيني
محبتي لكم
يتبع البارت ٢٥