أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى بارت ١٩

يسعدني تفاعلكم
إعجاب ومتابعة وتعليق للصفحة الكاتب مرتضى الهاشمي إنتقام أنثى
بارت ١٩
شهد تترك فراس وسحر وتروح على عمر تطمن عليه
بينما فراس وسحر يكملون جدالهم
فراس إذا سويتي إلي بالج أخر يوم بيني وبينج
سحر علمودك بكلشي أضحي حتى لو بيك
فراس يمسك سحر بقوة من زندها
إنتي مخبلة شتريدين يكولون الناس عليه اغتصبو مرته وعاف الشغلة عادي
سحر خل يكولون إلي يكولو انت ما عفت شي وحاولت شسوي بعد بعدين تعال اكلك هو منو يهمك كلام الناس لو عائلتك
فراس لتغيرين الموضوع ولا تربطين هاي القضية بيكم
سحر شلون ما اربطها انت متعرف إحنا متقوين بيك انت كل قوتنا بهاي الدنيا وخايفة عليك ما أريد ننذل بعدك
فراس شبيج سحر إنتي تعرفيهم لو سامعة شي لو مهدديج بشي
سحر لا أحد هدد ولا متذكرة شي ولا سامعة بس إلي يغتصب مرة ورجلها هيجي مهم فلتتخيل هذا الي سواها مو قاصدك إنت يريد يثبت للكل ولنفسه هو أقوى منك وعرف شلون ينطيك ضربة قاضية بدون ميموتك وبأعز شخص عندك
فراس هذا تحليلج لو منين هذا الكلام
سحر كل واحد يصفن يحلل هذا التحليل ماكو غيره يعني معقولة واحد مشوه جنسيا يجي يتعرض لوحدة رجلها مقاول كبير وعنده شركة ضخمة و مسؤولين كبار  عرف بظهره ويتحارش بزوجته لو نيته إغتصاب  كان اغتصب أي وحدة عادية بس مبينة الشغلة أكبر وهذا تنبيه إلك فراس فدوة لهنا و كافي ابوس إيدك
شهد تنادي عليهم بعد ما وصلتلهم فرحانة ومسرعة وتكللهم
عمر صحى تعالو شوفو سمحو الزيارة اله
سحر تحضنها الحمدلله على سلامته حبيبتي
سحر تتكلم بداخلها
عندك سبع أرواح ما عليك شي صدك عار بس منين تخلص ولك إله منيتك على إيدي ولله ما اعوفك
دخلو على الردهة إلي بيها عمر وعمر نايم بس يكدر يتكلم وجسمه مجبس
شهد تركض عليه وتحضنه
شلونك حبيبي الحمدلله على سلامتك
عمر بخير حبيبتي مسحي دموعج مابيه شي
شهد أخذتو نص عمري بهبطاتكم يوم سحر يوم امي يوم إنت
عمر أريد اشوف معزتي عندج يا روحي
فراس يريد يلطف الجو بسبب بكاء شهد
فراس الحمدلله على سلامتك ضلعي ولله هاي يرادلها اذبحلك بيها عجل هم مو طلي شهد عيني إنطيني مجال خل أشوف زميلي بالشغل ترى هم عندي حق عليه هههههه
عمر تسلم حبيبي أبو حمودي بس شنو ذنب العجل بثور ميعرف يسوق هههههه
يضحكون كلهم
سحر لا حشاك يجوز الصوج مو منك مال الحادث بس الله ينبهك
عمر ليش على شنو ينبهني
سحر يعني كل واحد عنده اغلاط بحياته واكو اغلاط تصلح واكو لا فأكيد الله راد يكلك ديربالك هسه أني إلي صار بيه أكيد كان غلط بحياتي وكبير ولهذا السبب ما أتذكر كل شي قبل الحادث ورب العالمين بلاني لو انت شتكووول
فراس يمعودة هذا تربايتي هو منيله غلط هههههه
سحر ماكو واحد معصوم من غلط
كلهم ينظرون إلى سحر بنظرة غضب
فراس شبيج سحر اليوم بدال ما نكله الحمدلله على السلامة
شهد تقاطع فراس
الحمدلله على سلامتك حبيبي عموري المهم رجعتلنا سالم وكمت بالسلامة
سحر أكيد الحمدلله على سلامته وأني عن نفسي راح اهديلك هدية كلش راح تعجبك
عمر يمعودة جيتكم أحلى هدية
سحر لالالالالا هديتي وحد على سلامتك
شهد شنو الهدية الله عليج اتشوقت الها أريد أعرف
سحر بوكتها راح اهديها اله حتى تصير مفاجأة إذا اكولها هسه متصير مفاجأة وتضيع حلاة الهدية
شهد حتى لاختج حبيبتج متكولين
سحر بعدين تعرفيها هههههه
رضا  يتكلم مع نفسه
شبيه أني اشو كمت ما اعرف احجي وياها وسيطرت عليه كلش صدك طلعت هاي داهية وعبالي أني قبل اشتغلها هم مال وهم جمال ولله طيحت حضي وخلتني لعبة بإيديها انوب إلي يشوفها يكول عليها شكد فقيرة هاي ومتعرف كلشي عمي إحنا الزلم الفقرة النسوان مينكدر عليهن هسه شلون اقنع رهف وشلون أرجع سحر للطريق واخليها تذوب بيه مثل قبل انوب هذا فراس اشتغلت عنده الرومانسية هسه وكتها تصير رومانسي وخوب هذا عمر كل البلة من جوى راسه هسه لو بوكتها إله تصورها من تحجي ويايه وتسوي هاي المصايب كلها بس ولله ما افوتها إلك يا عمر و ثاري وياك وحد غير ثار سحر لو ما انت كان أني هسه طاك براسها وهذا المحل بإسمي واليه لوحدي مو مجرد عامل جوى ايدها وشتريد أني اسويلها
فراس أني اترخص عندي شغل اكمله وأرجع سحر اوصلج لو تبقين يم شهد وعمر
سحر أكيد ابقى على كلبهم حتى محد يتغزل بالثاني ويضحكون كلهم ههههههه
شهد لا حبيبتي روحي للبيت وخليج يم جهالي وجهالج فدوة
سحر هاي شبيج عيني عشتي اللحظة ترى عمر ميبات بعد ساعة لو ساعتين بالزايد وطلعون حتى نطلع سوى ويجي فراس ياخذنا لبيتنا
شهد ليش شكد اطول المدة وهو مجبسه رجلة
فراس يمكن اسبوعين
شهد لا عزة
سحر ليش ولج عزة شكو
شهد مو عيد ميلاده٨/٢٢  يعني مو هواي والجبس أقل شي يطول شهر
سحر تصفن وتذكر كلام الضابط من شوفهم الزر مال الزر الذهب  مال القاط ومكتوب عليه ٨/٢٢
بس حافظت سحر على هدوئها لأن همه يمها ومتريدهم يحسون بشي
سحر تتكلم ويه شهد
عادي حبيبتي سوي العيد ميلاد بيتي والهدايا علينا هههههه
شهد  تشاقه ويا
ولله لو ما متكسر والحادث ما اجيبله هدية
سحر وليش خطية ههههه
شهد هو يعرف شمضيع ما أدري شبايع
سحر ليش شنو سولفيلي الله عليج
شهد هدية ثمينة بسعرها والاثمن أني جبتها بس هو ما أدري وين مضيعها
سحر يجوز متزوج عليج وانطاها للثانية هههه
عمر صدكيني شهد ما أعرف وين اختفت
سحر هي شنو عفيه أريد أعرف
شهد الهدية هي ...
فراس يقاطعها أني اعوفكم تتعاركون واترخص بعدين أجي هههههه
سحر الله وياك حبيبي
بعد ما طلع فراس ترجع سحر تلح بالموضوع
كلولي شنو الهدية عفيه
شهد دكمة مال سترة ذهب عيار ٢١ وكتبت عليها يوم ميلاده الأفندي مضيعها ما أدري بايعها لو منطيها لحبيبته على كولتج
سحر تضحك هههههههه يعني إلي رحمه هو الحادث مصائب قوم عند قوم فوائد
شهد تضحك هههههههه  حبيبتي أني أروح أجيب عصير واجي مبين على عمر وجهة أصفر ما أعرف من الحادث لو من ورايه لأن تذكرت الدكمة ولا أحاسبه هههه
سحر روحي حبيبتي
بعد ما طلعت شهد عمر بده يتكلم ويه سحر
أني ما أعرف شكلج بس هواي أعتذر وأسف أني ممتندم مثل اليوم أني شفت الموت بعيني واريدج تسامحيني
سحر ليش على شنو اسامحك إنت مسوي شي ويايه
عمر أني أدري بيج كلش زين إنتي ما فاقدة الذاكرة وأعرف تريدين فرصة تنتقمين مني وشسوين بيه قليل وأني قابل بعذابج
سحر تضحك ضحكة طويلة وإنت تدري أني إلي دبرت الحادث إلك
عمر شنووووو
سحر أني إلي عطلت البريك بسيارتك وزيدت السلولي مال السيارة شغل عصابات موووو هههههه
عمر إنتي سحر كل هذا يطلع منج إنتي عموما حقج ولله شسوين حقج  وأني مستعد كلشي أسوي أكفر عن ذنبي
سحر ميكفيني إلا موتك إنت راح تشوف أيام سودة لو ما شهد أختي كان انتقمت منك بشهد بس هذا الشي إلي رحمك وغفرلك
عمر إنتي هواي متغيرة
سحر بعدك ما شايف شي مني بعد أني تغيرت بسببك وما راح اسامحك وخليها بالك راح بيوم إلي اذبحك تعرف أشياء تنصدم بيها
عمر مثليش
سحر كلشي بوكته أحسن لتسبق الأحداث ولا تستعجل على موتك كضيلك كم يوم مرتك وجهالك يشبعون شوف منك
عمر أبوس ايدج لتأذين جهالي ولا شهد
سحر انت إلي توصيني بجهالك لو بشهد هسه ليش منين جتك الحنية على شهد ليش نسيت من تنمرت عليها وكلت إنتو من بطن وحدة ليش إنتي أحلى منها ليش إنتي حلوة وهي لا وأنت تغتصب بيه إلي أني أختها أكو أكثر من هيجي دنائة وهسه خايف عليها ومع العلم تعرف شهد شكد حلوة وشكد تقدمولها وعافت عرسان هوااااي علمود جهرتك القذرة حاربت الدنيا علمودك وإنت هاي مجازاتك إلها تغتصب أختها وبسببك أمها تموت يا جربوع
عمر حقج شتكولين حقج وما أكدر أتجرأ وأكلج سامحيني بس لتعيشيني بعذاب
سحر والعذاب إلي اني شفته وعشته منو يعوضني بي اني شفت ايام سودة ما أكدر أرفع عيني حتى بعين زوجي كله بسببك وجاي هسه تكول سامحيني ولك لا خليني مستمتعة بعذابك وأتلذذ بلذة الإنتقام لو أكطعك وصلة وصلة هم ما أرتاح وقليلة بحقك تعرف عمر أحلى شي شنو هسه شكد ما أهددك و أذلك متكدر تسوي شي لأن تكول عذاب إلي أعرفه أحسن من العذاب إلي ما اعرفه هسه إنت تتعذب بس بنظر الباقين عمر الشهم الخوش رجال المعدل وأحسن من عذاب شهد وفراس ونظرة الناس إلك بعد ما يعرفون إنت شسويت هههههههه خليني مستمتعة بعذابك( وتلزم حلكه وتفركه بإيدها بقوة) وانت متكدر تفكه لحلكك
عمر راح تثبتلج الأيام أني نادم وأني عمر القديم مو عمر إلي خان فراس وتغير بساعة شيطان وغدر بي بسبب غيرته وحقده
سحر هسه يله عرفت فراس بعد ما خنته وإغتصبت زوجته و روميتها رميه الكلاب بخرابة وخليت ولد الشوارع ينهشون بلحمها
عمر إنتي هم خنتي فراس مو بس أني إذا تريدين تتكلمين عن الخيانة تذكري روحج
سحر بعصبية بالغة
لااااا أني مخنت فراس
يتبع بارت ٢٠
🌹🌹🌹🌹🌹❤️❤️❤️❤️❤️❤️🌹🌹🌹