أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى بارت ٣٤

متابعة الكاتب مرتضى الهاشمي
إنتقام أنثى
بارت ٣٤
أم حازم وهي تنزل على حذاء الضابط وتريد تبوسها
الله يخليك سيدي هاي مو اله ولله سيدي بس خل افهمك هاي مال مره إجتنا الصبح
الضابط يسحب روحة ويگللها
حجية أني لزمته متلبس و هناك بالمركز عود يثبت روحة عنده شي لو لا
يطلعون من البيت ويصعدون بسيارات الشرطة ووياهم أبو حازم معتقل
سحر تلفونها يرن وترد على المكالمة
الوووو ..... نعم أني سحر أخت شهد ليش بيها شي شهد ليش متصلت عليه هي ...شنووو إي هسه أجي بس مسافة الطريق
النقيب علي بعد ما وصل للمركز إلي بي فراس موقوف وبعد ما سلم على فراس والضابط
أني هواي كتلك قبل اتعاون ويايه وإنت مقبلت تتعاون
فراس سيادة النقيب أني هواي تعاونت وياكم ليش تنكر هذا الشي وتذب اللوم عليه وبعدين هواي أمور ما چنت أدري بيها لا أدري عمر إلي كان السبب ولا أدري سحر مفاقدة الذاكرة
النقيب علي عموما أريدك بالمستقبل تتعاون ويانه أكثر ودير بالك على سحر إذا مثلت هيجي معناها اكو خطة جبيرة براسها وتريد تنتقم
فراس شلون اكدر اسيطر عليها وأني موقوف هنا وكإنما أني المتهم
النقيب علي إنت اليوم تطلع  لأن ماكو دعوة ضدك ونگدر نكول إلي صار مجرد هستريا بسبب الصدمة إلي صارت الكم واما بالنسبة إلك أريد منك تعهد بعد متتعرض لعمر ومن رخصت السيد الضابط ملازم مهند (ضابط المركز إلي بي فراس موقوف ) أتمنى ينقل ملف القضية يمي لأن أني متابع تفاصيلها من البداية وأي إسم إنذكر بهاي القضية وصار عنده مشكلة أو دخل لاي مركز يتحول يمي حتى أكدر أربط جميع الأمور وأحل هذا اللغز من الغامض من القضية إلي محد يقبل يتعاون بيها ويانه
ملازم مهند تدلل سيدي وشتريد أني بالخدمة  وهسه راح أفرج عن فراس
فراس أني خادم للقانون و مقتنع من زمان حقي أخذه عن طريقكم وراح أحاول بكل جهدي أقنع سحر ترجع لعقلها وتعوف التهور
سحر توصل للمستشفى وتروح للطوارئ وتشوف شهد نايمة وحاطيلها مغذي
سحر تسأل الدكتور
خير شبيها دكتور أني أختها
الدكتور وين چنتو عنها صارلها ٣ أيام هنا لوحدها لا نوم ولا أكل ولا راحة صار بيها انهيار عصبي نتيجة للجهد القوي الي اتعرضتله
سحر بعد ما اعوفها وأبقى يمها بس صارت عدنا مشاكل وظروف أقوى
الدكتور حاليا راح ننقلها للردهة ترتاح وبعد ما نطمن عليها تطلع
بعد ما وصلت القوة لمركز الشرطة ويتهم أبو حازم دخلو ووياهم أبو حازم مكلبچ ويستقبله الضابط  إلي يحقق بقضية أبو حازم هو نفسه النقيب علي
يا هلا وميت هلا رجعت إلنا أبو حازم بس هالمرة بقضية أقوى بعد منو يشفعلك ويغلق القضية ويتنازل
أبو حازم سيدي ولله أني ما أعرف هاي الحبوب منين جني والفلوس الدولارات مال بنية گالتلي صرفها والفلوس العراقي اداينتها من جماعة حتى اصرف فلوس البنية 
النقيب علي متجوز من الچذب مالتك مو شعرك كله شب شوكت تتعض بس هم أجي وأريد أعرف البنية شسمها
أبو حازم ما أعرف إسمها سيدي
الضابط  زين وين ساكنه
أبو حازم هم ما أعرف سيدي كلشي ما أعرف شي عليها 
الضابط يعني تريد تقنعني متعرف شي عنها واجتي خلت يمك هذا المبلغ يمك هيچي شكلك مريح و أمنت بيك
أبو حازم إي ولله سيدي هذا إلي صار وعندي شهود
الضابط تدري إنت اجانه بلاغ ضدك من المنطقة نفسها إنت تاجر بالحبوب و تبيع دولارات مزورة
ابو حازم سيدي ولله أني على كد حالي والله يشهد
الضابط هذا إلي اجانة والدليل عدنا شوفلك محامي زين مع العلم الدولارات فحصناها وطلعت مزورة
أبو حازم لا سيدي دخيلك أني راح افهمك و اسولفلك الصار
الضابط گول إلي عندك وراح ادون اقوالك وأقوال الشهود بعد ما ادز عليهم
سحر تتصل على رضا
رضا يرد على المكالمة
الوووو
سحر هلو رضا شلونك هسه بعدك تريد تخلي راسك براسي غيرك لو عرفت حجمك
رضا شتريدين مني بعد ما هجمتي حياتي صرت مشرد وزوجتي ما اعرف ميته لو عايشة بسببج شتريدين مني بعد
سحر أريد اشكرك وانطيك هدية
رضا ما أريد شي منچ چفيني شرچ
سحر لا أني حقانية ولازم أردلك الجميل وبعدين غير تعرف على شنو أشكرك
رضا لا ما أريد
سحر لازم تعرف أني هواي اشكرك بالبداية على حبوب الكريستال وباقي الحبوب إلي انطيتها اليه قبل و وثانيا على الدولارات المزورة الجبتلياها
رضا ليش صرتي مدمنة وتريدين بعد
سحر لا استفاديت منهن تذكر من كنت اطلب منك وتجيبلي كل فترة شوية هسه ممحتاجتها بعد والدولارات إلي اشتريتهن هم ما احتاجهن بس  أريد انطيك هدية وإنت هواي تريدها وراح تكيف بيها
رضا ما أريد شي منچ چفيني شرچ گتلچ
سحر راح تخلص مني وهذا آخر إتصال بيني وبينك وأريد اصفي حسابي وياك
رضا خير هم اكو بعد حساب
سحر أكيد
رضا شتريدين مني أكثر من السويتي بيه
سحر أريد انطيك مكان الولد إلي اعتده على رهف وادليك بيته حتى تاخذ ثارك مو جنت فاتح كامرة ويايه وتشوفه بعينك شلون اغتصب رهف لو نسيت إذا نسيت أني هم دزيتلك فيديو شوفه حتى تتأكد منه وتذكر أخاف نسيت
رضا ولج إنتي شرايدة مني
سحر مو گتلك أريدك الخير راح انطيك مكانه وادليك بيته هاي فوگ ما أردلك الجميل بدال متشكرني هسه شگلت تريد مكانه لو لا
رضا إي أريده أريد أشرب من دمه
سحر زين اكتب العنوان
رضا دزي برسالة بسرعة
سحر راح ادزة إلك برسالة  هذا راح يكون آخر إتصال و رسالة بيني وبينك
رضا بس حسابي وياج مخلص
سحر هههههههه ليش متجوز مني ماماتي إنت مو گدي لتلعب ويايه لو أختك مهامتك وتريد يصير بيها مثل ما صار لرهف
رضا إنتي شيطانة
سحر تربايتك إنت خليتني هيچي أصير  يله راح ادزلك عنوان الولد وإنت اتصافة ويا وأني لهنا وبعد لتحاول تجيبني حتى بأفكارك لأن ما راح يصير خير بعدها
تنهي المكالمة ودزت الرسالة بعدها غلقت التلفون وطلعت السيم كارت وكسرته 
خلصت منكم و شربتكم نفس السم الشربتوني منه
فراس يطلع من السجن ويتصل على سحر
سحر ترد على المكالمة
الوووووو
فراس الووووو هلو سحر إنتي وين ليش متيجن عليه للسجن وتسألين عليه
سحر أني اسفة بس أني بالمستشفى
فراس ليش شبيج
سحر شهد صار عدها إنهيار عصبي ومحد يمها بالمستشفى أني بقيت يمها
فراس ذولة امحيهم من حياتج بعد
سحر هاي أختي الوحيدة فراس ما احاسبها على غلطة عمر
فراس أكيد كانت تعرف بدگايك عمر
سحر لا ما أتصور تعرف
فراس الأيام تثبتلج
سحر هسه خل اطيب والأيام تثبت
فراس أني جايچ للمستشفى
سحر ليش إنت طلعت
فراس إي وهواي أمور لازم افهمچ بيها و عندي أسألها جوابها  يمچ بس بعد لتكذبين عليه اريدچ واضحة ويايه
سحر روح للبيت اسبح وارتاح و بعدين تعال شوف الأولاد خطية يبچون عليك وميبطلون سؤال عليك
فراس أني راجع للبيت بس تواعديني متتحركين لا منا ولا منا
سحر اطمن بعد ما عندي شي اضمه
فراس زين مع السلامة
سحر الله وياك حبيبي
فراس ينهي المكالمة ويرجع للبيت
سحر تكلم روحها
الحمدلله كلشي صفيت الفيديوهات إلي يم رضا بعد ميگدر ينشرها و ابو حازم انتهيت منه و حسون رضا راح يقضي عليه بقه بس عمر أبو سبع أرواح راح أعرف شلون انتقم منه بس بوكتها و إذا بقه مشلول طول عمره فهذا الشي يكفي ما أعتقد الحبوب إلي كنت اخليها إله بالعصير والأكل راح يگوم منها  و خاصة هي چانت  السبب بالجلطة مالته
أبو رهف يكلم رهف وام رهف
باجر الصبح إن شاءالله رهف تطلع ونرجع للبيت
رهف أجي وياكم للبيت لو راح تعوفني لو تكتلني
مرتضى الهاشمي
يتبع بارت٣٥
🌹❤️🌹❤️🌹