أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى البارت العاشر

مساء الخير احبائي
تعليق  ومتابعة ممن لم يضع متابعة وإعجاب للصفحة لكي تصل القصص لكل محبي القصص
الكاتب مرتضى الهاشمي
البارت العاشر
إنتقام أنثى
فراس ميعرف يجاوب بعد ما سألت عن الحادث ويباوع على الدكتورة بلكي تجاوب وستاعده
الدكتورة تفهم طلب سحر وتجاوب بمكانه
تعرضتي لحادث سيارة
سحر أني تعرضت لحادث سيارة
الدكتورة نعم وكان حادث قوي
سحر زين شعري شنو علاقته بالحادث ليش إتقطع
الدكتورة أكيد جلب بشي وبسبب إنقلاب السيارة إتقطع
فراس لا تهتمين حبيبتي المهم رجعتي بالسلامة وشعرج يرجع وكل الكدمات والجروح راح تطيب
سحر زين ليش جسمي محترك إيدي ووجهي
الدكتورة ماما سحر صار حريق بالسيارة وراح تلكين حرق حتى بجسمج لا تنصدمين عادي
شهد متحملت كلام الدكتورة بجت وخلت إيدها على حلكها وطلعت بره الغرفة بالممر و إنتجت على الحايط وهي تبجي وتحس نفسها تنهار وتسقط وهي منتجية على الحايط بعدها تكعد على على الأرض وتبجي وتكول
ليش ربي ليش هذا إلي يصير بينا أختي ما أعرف إلي سوه بيها هيجي وجسمها كله محترك وكدمات وفاقدة الذاكرة وأمي بالعناية المركزة منعرف تعيش لو تموت ليش ياربي شنو الي سوينا ربي ألطف ربي إختبارك صعب وتتساقط دموعها على الأرض
سحر وفراس والدكتورة يتفاجؤن بإنهيار شهد
سحر تسأل بإستغراب
هاي مو البنية البارحة كالت أني اختج ليش طلعت وشبيها تبجي
فراس حبيبتي تبجي علمودج لأن الحادث كان صعب علينا كلنا وضنينا بعد متكومين وإنقهرت عليج بسبب الحروق والكدمات
سحر زين أبويه وأمي وأخواني الباقين وين
فراس ابوج ميت الله يرحمه وإنتي ما عندج أخوان غير شهد
سحر وأمي وين
فراس يباوع على الدكتورة وترد عليها الدكتورة
أمج كانت وياج بالحادث وهي هم متعرضة لكسور
سحر شنوووو أمي هم مصابة
فراس بس من تكومين وتصيرين زينه أخليج تشوفيها خل أصيحلج شهد حتى تحجين وياها
فراس يطلع ويصيح شهد لكن ينصدم بيها كاعدة على الأرض بالممر ومنتجية على الحايط وهي تبجي .
فراس يجي عليها ويكومها
شنو هاي شهد ليش إنهاريتي مو هسه كلنا يا الله وسحر تجاوب ويانه
شهد تنهار من البكاء وتحط راسها على جتفه
تعبت فراس بعد ما أكدر أكابر أمي بصفحة وأختي بصفحة تعبت و أحس روحي إنهاريت
فراس كافي شهد صيري مؤمنة هذا أمر الله هذا إختبار يله مسحي دموعج ودخليلها متريدين تحجين وياها وإذا على الحروق والشعر عمليات تجميل وترجع افضل من قبل
شهد ما اكدر فراس ما أكدر
فراس سحر تنتظر يله صيري قوية بدون دلع إنتي مو تكلولي إنت أخوية إلي الله رزقني بيك وهسه أخوج يكلج صيري قوية سمعي كلام أخوج
يلزمها من حنجها ويهز راسها يشاقيها حتى يضحكها
شهد إنت هم لتكابر انت هم الحزن مبين عليك وعيونك مدمعة
فراس لازم نكابر كدام سحر أني ما ارتاح إذا ما اخذ ثارها عن طريق القانون أو عن طريقتي الخاصة إذا القانون عجز
شهد شنو تقصد راح تكتل وتصير قاتل
فراس هذا الموضوع مو وقته يله لخاطري دخلي لسحر ويايه
شهد تمسح دموعها
اوكي جايه وراك
تدخل شهد لسحر وسحر تباوع عليها وتبدي دموع سحر تنزل
شهد متتحمل وتركض على سحر وتحضنها وتنفجر من البكاء وتبوس بسحر أيدها ووجها ورأسها وتكللها
خيتي حبيبتي فدوة لعطرج وفدوة لطولج الحمدلله على سلامتج كسرتيني سحر كلش كسرتيني
سحر تبكي وياها
كافي تبجين بجيتيني وياج سولفيلي إحجيلي عن نفسج أريد اتذكرج حبيبتي شكد تحبيني وهالكد بيجيتي عليه
شهد تباوع على وجه سحر وتلزمها من وجهة
ولج افديج بروحي هو أني كم سحورة عندي غير إنتي اختي الوحيدة لا إنتي مو اختي انتي توأم روحي
سحر شهد إذا تحبيني اريد اشوف أمي
شهد تندار على فراس والدكتورة
فراس يرد حتى يداري الموقف
كنالها أمج إتعرضت لكسور بالحادث مال سيارة منكدر نضم عليها
سحر شوكت اشوف أمي
الدكتورة بس تصيرين زينه أخليج تشوفيها
سحر مو صرت زينه هسه
الدكتورة اتأكد من حالتج و أكتبلج خروج يله
سحر شوكت تكتبيلي خروج
الدكتورة اذا بقيتي هيجي قوية باجر اكدر أكتبلج خروج
سحر أصير قوية واطلع إن شااءالله
الدكتورة أني اترخص انتوا ابقوا سوه
فراس بالسلامة دكتورة
سحر تكلم شهد تعالي سولفيلي إنتي متزوجة لو لا
شهد إي متزوجة وعندي اطفال يحبوج وتحبيهم وأكثر وقتهم يمج
سحر نسيت حتى اطفالي ما أتذكر شي
شهد راح تذكرين كل شي
تلفون شهد يرن
أني من رخصتج شهودة أرد على التلفون هذا زوجي عمر
شهد ترد على التلفون وهي طالعة من الغرفة
عمر هلو شهد بشري شنو الأوضاع
شهد سحر فاقدة الذاكرة ومتذكر شي
عمر يفرح بداخله لكن يبين هو ضايج
شلووون صدك تحجين و إتأكدو
شهد طبعا غير حتى أطفالها متذكرهم شوكت تجي مو تأخرت
عمر بسيطة أحاول أجي إن شاءالله بس هذا مو خوش خبر
شهد الحمدلله على كل حال
عمر بعد ما غلق التلفون اي هاي من جانبي أروح وأرجع ولازم أتخلص منها قبل لا تذكر وتفضحني
رجعت شهد لسحر وصلت تسولف وياها
فراس يتركهم ويروح للدكتورة
فراس دكتورة ليش كلتي لسحر على امها
الدكتورة كان لازم اكللها ميصير نضم عليها وراح تسأل هواي وتفكر وإحتمال تتأذى بالأكثر
فراس لو مصدومة ورجعت حالتها شلون
الدكتورة لا أني أعرف اتعامل ويه هيجي حالات
فراس زين باجر اكيد تكتبيلها خروج أخاف مو زين عليها
الدكتورة لا فراس من علاج سحر تشوف البيت وأطفالها ومن تعيش بوسطكم لا تحاولون تزعجوها ولازم تجيبها كل فترة أسوي فحوصات إلها وتقبلوا من تقلبات مزاجها عادي لان تحسكم غربة
فراس وإذا راد الضابط ياخذ أقوالها
الدكتورة لا طبعا بعدين نكللها شنو طبيعة الحادث وإذا لح عليك الضابط كله ذبها براسي
فراس أني ممنون منج دكتورة
بعد ما خرج فراس من الدكتورة ورجع يم سحر بالغرفة يسولفون وفرحانين والوقت يمر بسرعة لأن فرحانين بسحر
تلفون فراس يرن ويفتح خط
هلو سرى
سرى فراس شلونك طمني سحر شلونها
فراس سحر كلش زينة وإحنا يمها
سرى يا بذات وهسه تكلي بدون ما تتصل بيه الا اني اتصل بيك
فراس اسف حبيبتي ولله نسيت الجهال شلونهم
سرى إذا تكدر الجهال يحجون وياها
سحر فراس ويه من تتصل ومنو هاي سرى
شهد تضحك هههههههه يعني نسيتي كلشي والغيرة ما نسيتيها يمه الحب يمه
فراس يضحك هاي أختي حبيبتي
سحر تنحرج إنطينياها احجي وياها
فراس لا خل أخابرها على الواتساب ونفتح كامرة الجهال يريدون يشوفوج
سحر عفيه ياريت
فراس يفتح كامرة وبنطيها لسحر
سرى حبيبتي سحر الحمدلله على سلامتج
سحر الله يسلمج
سرى تستغرب سحر شبيج تعبانة
سحر إنتي مو اخت فراس هسه كالي
سرى تستغرب فراس يرد على سرى
سحر فقدت الذاكرة سرى نسيت أكلج
سرى تبجي بس تحاول تكابر
الحمدلله  سلامتج حبيبتي المهم انتي زينه وشفناج
شهد تتكلم ويه سحر
هاي سرى حبيبتج وصديقتج. حتى نوبات أغار عليج منها هههههه
سرى حبيباتي إنتو
سحر ليش مجيتي للمستشفى
سرى الجهال محد يمهم
سحر بلهفة أريد اشوفهم عفيه
سرى تدللين
تعالووووو حبايب عمتو أمكم تريد تشوفكم
كلهم يفرحون ويركضون على التلفون
سحر تنفجر من البكاء
ولكم حبايبي فدوة اروحلكم ماما
وإنهمرو بالكلام والسؤال
ودخل بعدها عمر عليهم
عمر السلام عليكم
فراس يا ألف هلا بعضيدي
شهد هلو عمر
سحر تباوع وهي مستغربة وتباوع على شهد وفراس حتى يجاوبوها من هذا
فراس هذا عمر زوج شهد ركض علمودج ولهسه ما شاف بيته ولو من البارحة ما اعرف وين راح البذات هههه
عمر لا إحنا اهل وعائلة وحدة
شهد شلون تكول عندي شغل عمر وفراس ميدري انتو مو شغلكم سوه
عمر مو وكتها شهد هسه خل نطمن على سحر
الدكتورة تدخل عليهم
لازم تخلون سحر ترتاح وقت العشاء حان وبعدها تاخذ علاجها
فراس أني اليوم ابقه يمها شهد وعمر رجعو للبيت
شهد لا أني باجر ارجع وياها
فراس روحي للبيت باجر نرجع هم ترتاحين وهم ترتبون البيت باجر عدنا حفلة برجوع سحر ههههه
عمر زين لعد من الصبح نجي اني وشهد ناخذكم
بعد ما طلعو عمر وشهد
شهد يون جنت عمر شنو تكذب عليه تكول عندي شغل
عمر يعني بس ويه فراس عندي شغل
شهد وانت شعندك شغل ثاني
عمر صاحبي عنده معارض وكالي أريدك تشاركني رحت شفت الشغل
شهد هو هسه وكت مشاريع جديدة وبعدين انت منيلك تشارك واحد بمعرض سيارات
عمر هسه عبالي أدبر وما صارت كافي لا تلحين
شهد راح اسكت هالمرة لخاطر فرحتي بسحر
فراس اوكي
في اليوم التالي وسحر كتبولها خروج وهي تطلع طلبت تشوف امها قبل ما تغادر المستشفى
الدكتورة توافق
تنصدم سحر لأن شافتها بالعناية المركزة
انتو مو كتولي امي بيها كسور
فراس لأن كبيرة لازم عناية أكثر
الدكتور المسؤول على حالة امها سمحلها تدخل لفترة قصيرة وتطلع تعاطف مع حالتها
سحر بعد ما دخلت على امها وتشوف امها تبجي وتلزم ايد امها وتبوسها يمه حبيبتي ام سحر كومي لخاطري لا تكسرين كلبي وتفجعيني بيج يمه أني وكفت على اعصابي وصرت قوية لخاطر البقية يمه كومي ابوس ايدك لخاطري
أمها تلزم أيدها
سحر تنهار بالبكاء يمه حبيبتي سمعتيني يمه
الدكتور يدخل عليها ويكللها اختي الزيارة إنتهت
سحر خل ابقه شوية يمها
الدكتور علمودها لازم طلعين
سحر مع السلامة ماما حبيبتي
سحر تطلع من الانعاش وتبجي وتشوف شهد وعمر جايين واكفين يم فراس حتى يطلعوهة
سحر تروح على شهد
أمي لزمت ايدي شهد لزمتها
شهد تبجي حبيبتي الله يبشرج تكوم بالسلامة يارب
تركض شهد على الدكتور امي شلون صحتها صارت
الدكتور نفس وضعها بي الإستجابة لسحر ولزمت أيدها إن شاءالله اكو تحسن
شهد أني ابقه
عمر بس نرجع سحر للبيت نرجع ما عايفين امج
شهد لا أني باقيه هنا شلون البارحة عفتها ورحت
عمر لا تلومين روحج أمج بالعناية وميخلون واحد يدخل عليها ومن نبقى يمها نكعد هنا بالممر
شهد اي راح ابقه هنا
فراس يكلم شهد على إنفراد
مو إتفقنا منتكلم كدام سحر بي خل تعدي أزمتها
شهد تمسح دموعها أني اسفة يله نوصل سحر وبعدين ارجع
بعد ما وصلو للبيت وصارت الدنيا ليل رن تلفون فراس
فراس الووو
الضابط هلو فراس
فراس أهلا سيادة الضابط
الضابط هذا إتفاقي وياك تاخذ سحر وتنهزم
فراس تنهزم شنو ليش إحنا متهمين بعدين كتبولهه خروج ورحنا للبيت وين منهزم
الضابط مو متفقين ناخذ أقوالها
فراس حالتها ممتسقرة أصلا كنالها حادث سيارة بعدين هي من الصبح طلعت لو تريد تحاسب حاسب الدكتورة ليش مبلغتك وحاسب الشرطي إلي انت حاطه
حاسبتهم وراح احاسبك انت هم بإعتبارك متواطيء ومتريد ناخذ أقوالها ونعرف نشوف شغلنا
فراس أني حاليا اهم شي عندي زوجتي ترجع صحتها واي شي تريده أني مستعد بدون ما تأثر عليها
الضابط انت متخلينا نشتغل وأني مجبور أخليك بالتوقيف إذا متتعاون

يتبع البارت ١١
للقصة بقية  بقلم مرتضى الهاشمي