إنتقام أنثى
البارت الثامن
شهد عيونها متروسة دمع وحمر بسبب البجي وخدودها انحفرت بسبب الدموع على أختها وامها ومتعرف وين تروح ووين تبقى يم أختها لو يم أمها
شهد تتكلم ويه عمر
أني أروح على امي أشوفها شلون صارت
عمر أجي وياج
شهد لا خليك يم فراس
شهد راحت للدكتورة تسأل عن حالة أمها بس الدكتورة دزتها على دكتور ثاني هو بهذا الإختصاص
شهد راحت للدكتور وسألتها عن حالة امها
شهد بشر دكتور امي إلي تخربطت بسبب بتها ونقلتوها هنا بالانعاش شلون صارت
الدكتور ما اضم عليج امج حالتها حرجة وحاليا سوينا كل التحاليل وننتظر تطلع من المختبر ويحتاجلها مفراس وهسه بالانعاش والزيارة ممنوعة
شهد ليش دكتور شبيها امي كلي عفيه لتخليني بقلق أكثر ولتضم عليه على الأقل نتلقى الصدمة هسه أحسن ما بعدين تصير الصدمة صدمتين
الدكتور إله أشوف التحاليل والمفراس يله بس إلي اشك بي امج اتعرضت لجلطة بالدماغ
شهد مصدومة ومتعرف شسوي وتكول للدكتور
دكتور شنو يعني امي انشلت
الدكتور انتظري التحاليل رجاءا ما اكدر اجاوبج ننتظر التحاليل تطلع
شهد متكدر تلزم نفسها وتخرب وتوكع بالكاع
صحت شهد وشافت عمر لازم ايديها وواكف فراس بصفه
فراس الحمدلله على سلامتج وأني أسف مو كان قصدي اسبب الجلطة لامج
عمر الحمدلله على سلامتج شهودة ديري بالج على روحج إلي صار صار لازم نتعدى الأزمة ونكون أقوياء هذا مو كلامج قبل شوية والحمدلله طلع مابيج شي إنتي بس ضغطج هبط بسبب الإرهاق والتعب
شهد تبكي أني ما اعرف منين اتلكاها ليش ياربي أختي بالعناية المركزة وامي كذلك ليش هذا إلي يصير بينا شسوينا ليش هذا الألم والاختبار الصعب يارب
فراس الحمدلله على كل حال شهد هذا أمر الله
شهد فراس أني آسفة على كلامي الجارح إنت حقك مو كان قصدك اتأذي امي بس كلنا اعصابنا منهارة
فراس ولا يهمج المهم نعدي الأزمة إن شاءالله يله عمر اخذ مرتك وأرجع للبيت أني باقي هنا
شهد هذا شلو كلام فراس شلون تبقى لوحدك
فراس يعني بقائنا كلنا شراح يسوي على الأقل إنتي يم الأطفال وأني هنا اضل يمهم ومن تجون اروح اسبح وابدل ملابسي وأرجع
شهد بس أني ما اكدر أروح واعوف امي واختي بدون ما اطمن عليهم
عمر كلام فراس صحيح لازم ايديرين بالج على الأطفال وبعدين إحنا باجر راجعين ونبقى على تواصل ويه فراس حتى نكدر نراوس باجر ميصير كلنا هنا بعدين كلنا نوكع
شهد لا عفيه موو......
فراس يقاطع شهد فدوة شهد كلام عمر صحيح روحي ارتاحي وباجر تعالي
شهد تباوع على عمر وعمر يهز براسه بمعنى كلام فراس صحيح
راحت شهد ورجعت للبيت ويه عمر لكت الأطفال يبجون وبالهم يم امهم ويسألون ليش ما جتي وياهم والطفلة بت سحر اسمها سجى ايضا خلوها يم عمتها أخت فراس عمتهم متزوجة واسمها سرى
سرى شهد بشري شلون صارت سحر
شهد تشبك سرى وتكوم تبجي
شهد سحر وامي راح يروحون من ايدنا سرى
سرى تحضن شهد بقوى وتبجي وتواسيها وبعدين توخرها وتباوع على وجها ليش شهد امج وسحر شبيهم
شهد تعالي فوك خل احجيلج ما أريد الأطفال يسمعون
الدكتورة أستاذ فراس
فراس نعم دكتورة خير بشري
الدكتورة سحر سوينالها العملية ونجحت والنزيف وكف
فراس الحمدلله وشلون صارت اكدر اشوفها
الدكتورة باجر إن شاءالله بس خل اعصبها تهدئ ومنريد انعرضها لصدمة بس إحنا نعرف شلون نتعامل وياها ونخليها تكدر تستقبل تشوف أحد مره ثانية لإن حاليا اي واحد تشوفه تبجي وتصيح وترجع الحالة تسوء
فراس زين هي نايمة هسه لو كاعدة
الدكتورة بعد نص ساعة تفيق من البنج راح اسمحلك تدخل إلها بس ما أريدك تنفعل راح تخرب كل شغلنا وراح تأثر عليها هواي
فراس لا دكتورة تدللين
الدكتورة خمس دقايق بس وبكل هدوء
فراس صار
الدكتورة تعال ورايه
راح فراس والدكتورة ودخلو على سحر بالغرفة فراس كعد يمها وهي نايمة ودموعة تنزل ويلزم ايدها
فراس حبيبتي سحر شلونج هسه شتحسين سحر لخاطري لخاطر اولادنا ولخاطر سجاوي الصغيرونة صيري قوية و رجعيلنا
سحر لزمت إيد فراس بس هي نايمة
فراس فرح ونزلت دموع الفرح منه حبيبتي من فدوة رحتلج فتحي عينج حاجيني
الدكتورة فراس انتهت الزيارة ما اريد منك موقف تنفعل بي لحد هسه الأمور زينه وسحر استجابت ولزمت إيدك
فراس يبوس سحر من كصتها ويطلع من الغرفة ويشكر الدكتورة
شهد لازمة التلفون وتحجي
الحمدلله أحلى بشرى يارب تكوم بالسلامة زين أمي شنو وضعها فراس
فراس يكلم شهد بالتلفون امج لهسه بغيبوبة وميخلون أحد يدخل عليها
شهد تبكي الله كريم يارب تكوم بالسلامة يا إلهي يله فراس أخذ راحتك دير بالك على روحك
في اليوم الثاني اجوي عمر وشهد للمستشفى ورجع فراس يسبح ويبدل ملابسه وسرى بقت يم الأطفال
فراس طب للغرفة ويشم بيها ريحة عطر سحر بكل مكان وأخذ صورة سحر على الميز وضل يباوع عليها ويذكر من جانت تشاقي ومن تكله أحبك وكام يذكر من هاي الصورة بالذات طكتها سحرفراس سرح بخياله ويذكر يكول لسحر
ولج اوكفي عدل
سحر ليش أني واكفة عوج غير ياخذ الصورة ويفكني
فراس افكج شنو ولج أني للموت ما افكج بعد سحر ابتسمت وفراس استغل الفرصة واخذلها أحلى لقطة
سحر لا فراس عفيه صدك تحجي غير أعدل روح
سحر تسأل فراس لهسه أني حلوة بعينك
فراس ولج إنتي الدنيا كلها بعيني إنتي إلي محليه حياتي
سحر تشاقه ويا أكيد أني عسل
فراس وأحلى عسل تعالي خل اكل من العسل
سحر ولك وين الجهال ليشوفون
فراس أذوب بيج مو بيدي ويحضن سحر ويبوسها
فجأة تلفون فراس رن
فراس فتح الخط هلو عمر ها بشر اكو شي جديد
عمر تعال هسه للمستشفى
فراس ليش شصاير احجي ضل بالي
هااا اي زين زين هسه اجيت
كام فراس و رجع راح للمستشفى حتى مالحك يسبح ولا يبدل ملابسه سرى اخت فراس ضلت تسأله وين رايح شكو شصاير
فراس بعدين سرى أني اخابرج ما عندي وكت
طلع فراس وصل للمستشفى
فراس شاف عمر وشهد
صدك إلي حجيته عمر
عمر لعد تريدني أكذب بهيجي خبر
زين أريد اطمن واتأكد كلبي مثل النار
عمر إنتظر هسه تطلع الدكتورة واطمنك لو اكلك إنت ضل بمكانك وأني هسه اشوفها وأرجع
راح عمر وصعد للطابق الخامس وشاف المنظف وانطى اوراق وفلوس للمنظف
شهد عمر هواي اتأخر
فراس هسه يجي خل ننتظره
شهد اكيد انت ملحكت ترتاح
فراس ما محتاج راحة جسد محتاج ارتاح واطمن على سحر اهم شي عندي سحر تكوم بالسلامة وامج كذلك خطية
شهد امين يارب
اجه الضابط
السلام عليكم
فراس عليكم السلام
الضابط الحمدلله هاي الخطوة مهمة وراح تفيدنا للكشف على الجاني
فراس والولد إلي يمك شنو مو جناة
الضابط ميعرفون شي ويكولون شفنا البنية بالخرابة وعبالهم ميته وواحد منهم اسمه حسوني إغتصبها غير هذا ميعرفون شي
فراس صدك تحجي شلون إقتنعت بكلامهم همه ذولة ولد شارع
الضابط أني كتلك من البداية الولد مو مال يخطفون هاي شغلة جبيرة المهم هسه هذا الشي راح يثبت منو الجاني وأني متأكد
فراس يا الله
الدكتورة تجي عليهم للمرر وتقصد فراس وتكله
ما ضل شي إن شاءالله اكو اخبار حلوة
يتبع البارت التاسع
أنت تقرأ
أصدقائي الكرام القصة بعنوان إنتقام أنثى أتمنى أن تعجب حضراتكم
Misterio / Suspensoالخيانة الزوجية والمراهقة في وقت متأخر له جوانب مظلمة ولها أثر على ضياع العائلة وخاصة إذا كانت المرأة فسترى الذئاب من حولها تريد إفتراسها بسبب تسجيل عليها نقطة سلبية وأن سكوتهم وعدم فضحها تقوم أمام المقايضة على جسدها لكن هناك أحداث أخرى ويكون إنتقام...
