أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى البارت ١٤

لا تنسوا إعجاب ومتابعة الصفحة مع التعليق
الكاتب مرتضى الهاشمي
انتقام أنثى
البارت ١٤
عمر يكلم نفسه
هاي شلون ورطة لو متخلص منها من البداية احسلي هسه أني عبالي ماتت شمدريني تطلع ب٧أرواح
شهد شبيك عمر شو صافن بس لا صدك إنت متزوج عليه لو تخوني وبيه وحدة ثانية
عمر يضحك ههههه وأني وين الكه مثلج حبيبتي حتى أتزوج عليج
شهد لعد متجاوب شبيك وين كنت وشسوي بغداد الجديدة
عمر هاي شبيج شهد غير عندي صديق هناك المرة الثانية اخذج ويايه بالسيارة واوديج هناك حتى تصدكين أني أروح لاصدقائي بس سحر هاي ممقبولة منج وهذا تجسس عليه ومالج حق تدخلين بخصوصياتي
سحر أني ما أتجسس على أحد بس صديقتي شافتك بالصدفة وأكثر من مرة هناك
فراس خلص سدو الموضوع عمر وشهد عندي كلام وياكم
سحر ليش متحجي كدامي
فراس بعدين اكلج شريد منهم بس اريد اتكلم عن إنفراد حتى لا تصير مشكلة بين عمر وشهد بسببج
سحر هسه أني صرت أم المشاكل أني صاعدة لغرفتي أترخص
شهد وين رايحة سحر
فراس عوفيها خل تروح أني أريد أتكلم وياكم
عمر كول فراس سحر راحت شتريد تكول
فراس سحر حاليا تمر بمرحلة صعبة جدا بحياتها وحسب ما كالت الدكتورة إليه سحر يتهيأ الها هواي شغلات لأن ذاكرتها مخربطة تذكر اشياء من طفولتها ومراهقتها لحد هذا عمرها بس بصورة مخربطة يعني لا تستغرب يجي يوم وتكلك انت أبوية أو مدير مدرستي أو اي شخص هذا مرض نادر والشفاء مالته ممكن بس يراد راحة تامة وبدون أي ضغط نفسي وخاصة سحر تعرضت لضغط نفسي بسبب وفاة أمها فلازم كلنا نكون إيد وحدة ونحاول منزعلها وشتريد نكللها حاضر لأن سحر محتاجة حضن دافي وإهتمام أكثر من إهتمام الطفل
شهد بس هي كالت صديقتي كالت
فراس يتهيأ الها الظاهر تذكر كلام من كانت صغيرة أو من مسلسل شافته حتى بس تسولف بي بالحاضر وتضن هذا صار بالوقت الحاضر
شهد تنزل دموعها ياحبيبتي يا سحورة  الله يشافيج يارب
عمر يصفن ويكلم روحه
لا إلي صار صحيح وسحر تمثل علينه ومخليتني بالها
شهد عمر ليش صافن
عمر لا هيجي بس افكر بسحر خطية كسرت كلبي واواعدكم أبد ما ازعلها حتى لو كلشي تكول عليه همزين كتلي فراس
شهد تكلم فراس  لعد ليش تخليها تروح للمركز وتشوف إلي إغتصبوها
فراس لازم ما ارفض الها اي طلب ولازم تتعايش حتى تستعيد الذاكرة لأن هي ذاكرتها مخربطة ومتكدر تسلسل الأحداث فكلشي لازم تشوفه وتعرف بلكي ترجع الذاكرة الها وتسلسل الذاكرة بعقلها
عمر اول مرة اسمع بهيجي مرض والله يعينك شلون راح تكدر تتعامل
فراس الحمدلله على كل حال المهم ترجع بالسلامه
رضا صديق سحر القديم قبل الحادثة شاءت الأقدار ويفتح سوبر ماركت قريب عن بيت عمر
(طبعا مو صدفة لكن مرتب هذا الأمر بس بعدين يبين من خلال القصة ما أريد احرك أحداث القصة عليكم تحياتي )
رضا بده يكسب زباين وصار عنده معاميل وصار من أصدقاء عمر المقربين و دائما عمر يمه بالأسواق بوقت فراغه
رجل مجهول يكلم أبو حازم بالتليفون
  الووووو الوووو نعم إي صار كله حسب الإتفاق أمشي أني إي كلشي سويت وكلشي حضرت
ابو حازم بس كان يرد على المكالمة والظاهر إلي يحجي ويا محد يريد يعرفه
نعم راح أسوي الي تكلولي عليه
فراس كعد ويه سحر ويتكلم وياها لوحدهم بعد خروج شهد وعمر ورجعو لبيتهم
اليوم شبيج ويه عمر ليش هيجي تجرحي
سحر لا بالعكس أني ما جرحته وبعدين هو لو ممسوي شي غلط كان متنرفز
فراس أني كتلج شي واعيده عليج إذا تذكرين إلي قبل الحادثة فكولي وأني أخذ حقج خل نتفاده الأمور بدون تهور
سحر لا ما أتذكر شي حبيبي اطمن معقولة راح اضم عليك هيجي شي
فراس أتمنى متكذبين عليه وهاي أخر مرة اكلج وتعرفين بيه ما أحب الح عليج بس أحب اكلج شي إنتي متغيرة ومو سحر إلي اعرفها
سحر تنزعج من كلام فراس وتكوم وتشك ملابسها وطلع اثار الحروق والكدمات إلي بجسمها
شوف جسمي شلون خرب ليش إلي صار بيه قليل طبعا لازم أتغير أني كاعدة بنص غابة ووحوش
فراس ليش متخليني اساعدج
سحر النار إلي جوايه متبرد إله أني اطفيها وانتقم من كل واحد مسني بشعرة
فراس شتقصدين بهذا كلامج تعرفين الإغتصبج
سحر انتو ليش دائما تربطون كلامي بالذاكرة ابتلي على عمري إذا أحجي شي
فراس لعد شنو قصدج فهميني
سحر أقصد أخاف على مرة من زوجها ومن كل رجال كمت أشوف الكل وحوش كدامي وما ارتاح الا اني اخذ ثاري بيدي من إلي سوه بيه هيجي
فراس بس كنتي تسوين مشكلة بين شهد وعمر
سحر إعتبروني مخبلة وأحجي بكيفي راعو ضرفي تبجي وتضرب على وجهة وراسها تحملوني ابوس إيدكم الي بيه مو شوية ولا جرحي يطيب بسرعة انت متشوف المصايب الي بيها أني
فراس يحضنها إنتي روحي وكلبي وشسوين أتحملج والي ما يتحملج يضرب راسه بالحايط يله كافي لا تلحين ولا تضلين تبجين يبوسها من راسها
سحر تضم راسها على صدره أحبك يا أحن شخص إليه يا صديقي وحبيبي وزوجي
فراس فداج فراس حبيبتي كلبي طلبي كولي شنو تريدين بلكي شي يفرحج
سحر صدك فراس عندي طلب يمك
فراس يشاقه وياها ويضحك  يا طماعة كولي حبيبتي إنتي تؤمرين بس قبل لطلبين شتقصدين بالوحوش عمر لو غيره
سحر أكيد مو عمر بس كمت أخاف على كل مرة من كل رجال
وبعدين طلبي هو اريدك تجيبلي سيارة
فراس بس إنتي فاقدة الذاكرة شلون راح تذكرين السياقة و بعدين تخافين مني وحذرة مني
سحر لا حبيبي السياقة متنسي وأخاف عبالك أمثل عليك اسأل واما عن الخوف منك فإنت روحي ياريت كل الزلم مثلك
فراس أني ما أقصد تمثلين عليه بس راح اجيبلج سيارة بس بشرط
سحر اشرط حبيبي إنت تؤمر
فراس نطلع سفرة وعلاج اسويلج تجميل ترى هواي تأخرنا
سحر أوكي شوكت متريد أني حاضرة و مدام الجهال عدهم إجازة
فراس يومين وكلشي احضر نروح لتركيا بس إنتي مو كلتي الجهال يبقون بيت عمتهم
سحر لا الجهال يجون ويانه يتونسون ما أعرف شنو راح يصير بعد هاي السفرة
فراس ليش يا ستار شتقصدين بهذا كلامج
سحر لا اقصد أريد اشبع من الكل وما أريد واحد منكم يصير بعيد عليه
سحر تكلم نفسها هاي فرصتج سحر تميزين من اليحبج صدك ومنو يمثل عليج هاي أحسن فرصة حتى أعرف انتقم من كل واحد اذاني واحد واحد
ثم تكلم فراس
اكلك حبيبي عندي طلب ثاني
فراس كولي حبيبتي
سحر بس متردني
فراس لا أكيد
سحر أريد أسد الموضوع مال الاغتصاب للاخير وأريد من أرجع  وحدة ثانية سحر القديمة وكإنما كلشي ماصار
فراس إنتي صار بعقلج شي تريدين اعوف إلي دمروج اشو كلامج كل شوية يتغير
سحر عفيه فراس افتهمني أني تعبت وما أريد افكر من جديد أريد احاول انسى كل إلي صار بهاي روحتي لتركيا
فراس لعد وينج سحر الثانية القوية الي راح تفاجئ الكل
سحر حبيبي حالتي النفسية زفت وهذا الكلام بسبب تفكيري بالمشكلة فأترجاك توافق
فراس إذا إنتي تنسين فأني لا
سحر تنزعج ايضا من كلام فراس ومحد يعرف شنو إلي يدور براسها
وترجع سحر تكلم فراس
زين اكلك حبييي
فراس كولي
سحر أريد سيارتك شوية أفتر بيها واشتري كم حاجة من المول أريد أروح لوحدي مثل قبل وأريد أروح لدوامي أشوف صديقاتي
فراس ميخالف روحي بس ديري بالج وأي شي يصير خابريني
سحر اوكي حبيبي
رضا يا هلا وميت هلا بعمر شلونك شخبارك وين هالغيبة
عمر ولله رضا عندي مشاكل ومحيرتني
رضا خير خويي كلي محتاج شي
عمر أريد سلامتك حبيبي
رضا كلي شبيك يمعود ضل بالي يمك
عمر شكلك يعني السالفة متسولف خليها سكتة
رضا عموما إذا متريد تكول براحتك وإذا تريد تكول بلكي اكدر اساعدك ما اريد اضغط عليك بس عسى أشوف حل
عمر إذا احجيلك تساعدني ومتجيب طاري لأي بشر
رصا عيب تحجيها عمر أني اخوك
شهد تكلم نفسها كلام سحر لعمر كله الغاز وكإنما واحد يفهم الثاني وواحد يبسمر الثاني ليش سحر مترتاح لعمر شسوه عمر وشنو بيناتهم اوووف ياربي ولله راح اتخبل معقولة سحر متقصد لو تقصد بشي وضامينه هي وعمر علينا أني أحسن شي أروح لسحر لو اخابرها وافتهم منها إي خل ادك عليها لأن كلام فراس مو مقنع واكيد حجه هذا الكلام حتى متصير مشكلة بيني وبين عمر بس هو كالي راقبيها ومراقبي تصرفاتها شعجب يبرر منا ويكلي راقبيها منا
سحر تسوق بالسيارة وشهد دكت عليها سحر ردت على التلفون
الوووو هلو حبيبتي
شهد هلو سحورة إنتي وين بالبيت
سحر لا طالعة بالسيارة أفتر ورحت للمول
شهد صدك تحجين إنتي مخبلة شلون تطلعين لوحدج
سحر ليش ولج أني صغيرة
شهد لا بالعكس مو قصة صغيرة بس وضعج وفاقدة الذاكرة شلون اطلعين لوحدج
سحر لا اطمني الطريق حفظته وإلمكان الي  ما اندله أسأل عليه بعدين الجي بي اس موجود
شهد زين تكدرين تمريلي من تخلصين
سحر من أخلص أجي عليج
شهد تمام حبي انتظرج
رضا يكلم عمر
ولك انت مسوي بلاوي كل هذا يطلع منك شلون جتك الجراة تسوي هيجي
عمر أني سولفتلك حتى تصير ضدي لو تعيرني أني أريدك تكلي شسوي اتت تعرف ما اكدر اسولف لكل واحد
رضا أني مو قصدي حبيبي اعيرك ولا الومك راح اساعدك بس خل اصفن واتكتكلك وإلا اطلعك من هاي السالفة التعبانة بس بعد لتورط روحك هيجي
عمر ياريت الوكت يرجع وانجب وكلشي ما أسوي هسه أني متورط كل الورطة
شهد هلو سحورة شلونج حبيبتي هاي أول مرة تجين لبيتي بعد  الحادثة
سحر وإن شاءالله دائما صدك شهد أني جايه هنا قبل وشكد جنت اجي لأن تيهت ١٠٠٠ مرة لحد ما وصلت إنتي متعرفين توصفين
شهد تضحك ههههههه ولج جنتي دائما يمي لو أني يمج بس آخر فترة قبل الحادثة شوية افتركنا و إنتي ما كان عندج مزاج تجين يمي وحتى ماما الله يرحمها قللتي روحاتج عليها
سحر ليش شنو السبب
شهد ولله ما أدري يمكن جنتي عاشكة ههههههه لأن إنتي من حبيتي فراس هم عزلتي روحج وضليتي لوحدج لأن بس من تحبين تعزلين روحج
يضحكون إثنينهم
سحر طاح حظج شلون احب وأني متزوجة
شهد اشاقة ولج عزاااا شلون صدكتي
سحر  هههههههه عموما كولي حبيبتي شنو ردتي من عندي
شهد كلام طويل بس إنتي اختصرتي و جاوبتي على كل اسإلتي
سحر خير شكو
شهد لتخلين بالج اتأكدت هسه
سحر من شنو اتأكدتي
شهد لا هيجي
سحر شبيج متحجين ضل بالي
شهد بصراحة وبدون زعل
سحر اواعدج ما أزعل منج
شهد هسه اتأكدت إنتي متذكرين شي بعد ما تيهتي بيتي
سحر وهسه إتأكدتي أني ما أكذب
شهد حشاج من الكذب
سحر لا ليش كلكم عيالكم أمثل عليكم
شهد لا حبيبتي بس كلامج ويه عمر كان غريب و كإنما عندك شي ويا لو متأكذه هو يخوني
سحر أني كمت أخاف من كل رجال
شهد شمعنه فراس ما خفتي منه
سحر فراس أحسه شي ثاني فراس ضلي وميريد يزعلني وحياته يمي شلون اخاف منه
شهد أني اسفه حبيبتي زعلتج
سحر إنجبي لج أزعل من الدنيا كلها وما أزعل منج حيوانه شوفي شجبتلكم ويايه تفتح العلاكة هذا الشال ويه الجنطة هاي يخبلن تخايلتج إنتي لابستها كلت الا اجيبها إلج
شهد تحضن سحر وتبجي وتخلي راسها على صدر سحر
سحر تستغرب وتشاقه وياها ليش تبجين لو ادري اجيبلج المول كله كل هذا علمود شال وجنطة
شهد لا سحر مو قصة شال بس إنتي الوحيدة الي بالدنيا كلها تذكرني بكلشي ضنيت راح أخسرج من شفتج بالمستشفى إنتي أحن شخص إليه من كنت صغيرة ولحد ما كبرت احسج أمي مو أختي وهاي دموعي دموع فرح لأن رجعتي وأشوفج بيتي وتجين سحر إنتي متعرفين شنو بالنسبة إليه
سحر يا روحي إنتي شعندي غيرج وشلون اعوفج أصلا اني صرت قوية بسبب حبكم إليه كافي لا تبجيني يله كومي وشال الأسود إلي جبته لو أدري ما جايبته إلا أحركه إنتي كل هذا البجي علموده
شهد تضحك لا حبيبتي ولله فرحانة بيج وبطلتج عليه بالبيت بجيبت لأن حسيت أني ما خسرتج
تشاقه وياها والشال ما انطي أخذه اليه
ترجع تحضن سحر
ما كنت متصورة اشم عطرج من جديد ما أعرف أضم إلي بصدري أكثر سحر ما اريد افاول عليج بس أريد اشبع منج خليني اصدك إنتي يمي تدرين اول ما دخلت عليج بالمستشفى وشفتج ومعرفتيني الدنيا ضاقت عليه
يتبع البارت ١٥
مرتضى الهاشمي