أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى البارت السادس

لايك متابعة وتعليق على الصفحة فضلا
مرتضى الهاشمي
إنتقام أنثى
البارت السادس
رضا يفكر ويه نفسه ويتصل على سحر ميحصلها
هاي شبيها ليش هيجي كطعت صاير شي لكفها زوجها هسه أني ليش مدوخ روحي بيها
بس المشكلة مو بيدي ما أدري احس كمت اشتاقلها هواي  اهوووو خل تولي أني مو من البداية كلت نزوة وتروح بس جنها مو نزوة وراح تضل بكلبي
لا رضا لتصير خبل عندك زوجة وطفلة صير عاقل و خل تولي سحر
اوووووف يا الله ما أعرف شلون أفكر أريدها لو لا هسه ليش شاغل روحي يجي يوم وتفتح تلفونها وأعرف شبيها
بس لا صدك رجلها لكفها وكاعد يدور عليه هسه أني ليش مدوخ روحي خل تولي عود بوكتها نشوف شيصير
في صباح اليوم الثاني
فراس و عمر يدورون عليها وامها يمهم بالبيت واختها والبيت كله بجي و كلهم قلقين على سحر وعيونهم على الباب وكل شوية يتصلون عليها بس ميحصلوها
سحر مرمية بنفس المكان ومصحت من الغيبوبة بالخرابة محد يدري بيها ومكفنة بس مرو من يمها ٦ ولد مراهقين يبحثون بالنفايات على قواطي بيبسي حتى يبيعوها أكبر واحد بيهم ١٦ سنة واصغر واحد عمره ١٠ سنوات والباقين اعمارهم تتراوح بين ال١٦ وال١٠ سنوات شافو الجرجف إلي سحر ملفوفة بي واستغربو وخافو
أكبر واحد بيهم إسمه حسن يلقبوه حسوني اجة حسوني ويريد يفتح الجفن يريد يعرف شنو بداخلة بس إلي ويا كالولة لا إنت شسوي راح تورطنا يجوز واحد كاتلي وإحنا نتورط بي
بس حسوني كان مصر والفضول كتله وكاللهم هو منو راح يعرف خل أفتح وأشوف فتح الجرجف وكلهم تفاجؤ وخافو من التعذيب والحرق إلي شافو بجسم سحر الولد خافو ويريدون ينهزمون حتى محد يشوفهم و يبليهم بيها
بس حسوني ضل مصر شاف جسمها وبنيه وكال وين نشرد يا ولد  اني محروم وهاي فرصة أريد استغلها أريد اباوع براحتي وما اعوفها قبل ما أخذ إلي اريده منها شوفوها شكد حلوة
جماعته اتعجبو وكالولة إنت مخبل هاي ميته ومتشوف جسمها كله مشوه وماكو شي بجسمها صاحي شلون نفس عليك تريد تنام وياها
حسوني هسه تكولون شلون نفسك ترضه تنام ويه وحدة ميته و نسيتو نفسنه تقبل ندور من الزبالة وناكل
أني كلشي بحياتي ميت ما عندي احساس وهاي مبينة وحدة بت عائلة واخذو منها إلي يردو وشمروها لازم ما اضيعها من إيدي على الأقل نمت ويه وحدة بحياتي بت أكابر حتى لو ميته
واحد من جماعته كاله أكيد إنت مخبل وصار بعقلك شي شبيك إنت من كل عقلك تحجي لك معقولة وصلت بيك القذارة لهاي المرحلة
حسوني يعجبك تباوع ضل باوع ميعجبك روح ولدوخني وإذا تريد تعال ورايه من اخلص
يرد عليه صاحبه
ولك شنو هالنفسية متشوف جسمها كله دم وتعذيب وميته شلون إلك نفسية تنام وياها
حسوني يجاوبه بعصبية ويخنكة من ركبته
ميعجبك روح ولي من يمي كاعد يدورلي نظافة واحنا حياتنا كلها بالزبالة  وينزع ملابسه حسن وكام يغتصب بيها بقوة بقوة بغريزة حيوانية بدون رحمة ولا شفقة ولا خله مساحة ولا خوف من رب العالمين  وجماعته يباوعون عليه واحد من جماعته كام يصور بي بموبايله حتى ينتقم من حسن لإن خنكه وراد يضربه كدام جماعته
إثناء ما قام حسوني بإغتصابها قوة كبيرة  وكامت تتحرك جوى لحد ما صحت و دفعته حيل وتعيط بكل صوتها مثل المخبلة وبعدين لزمت حسوني وتضرب بي وتخرمشه وتعيط بأعلى صوتها  الولد كلش خافو انهزمو وحسوني ضربها على راسها حيل أغمى عليها أيضا بسبب الضربة  يريد ينهزم وهو عاري تماما الولد كلش انصدمو وضلو يركضون ويعيطون ويصيحون
الميته صحت الميته صحت بسبب حسوني 
الناس الي بالمنطقة التمت على صوت الولد وراحو الخرابة وشافو حسوني عريان يريد ينهزم وسحر عريانة وواكعة لزمو حسن وخابرو الشرطة وسترو سحر بس سحر مغمى عليها
فراس تلفونه رن فتح خط
الووووو نعم سيدي بشرني اكو خبر عن سحر هااااا ياالله الله يبشرك بالخير وين هسه جاي لمدينة الطب
فراس حب يبشر ولده وباقي العائلة  إتصل على شهد وكال
الو شهد سحر لكوها هسه بالمستشفى
شهد
زين وين لكوها ووين كانت وشلونها زينه لو لا
فراس ما أعرف شهد المهم لكوها خل أروح أشوف شبيها
عمر جان بالمحل يجيب مي ورجع شاف فراس فرحان ويريد يصعد بالسيارة كاله
انت وين رايح فراس انتظرني
فراس آسف عمر بس لكو سحر وهسه بمدينة الطب
عمر يله خل نتوكل بس شنو عايشه لو ميته
فراس ليش تفاول عليها اكيد عايشة
عمر يخاف ويحاول يخفي خوفه
زييين أني اروح أجيب شهد
فراس خابرتها أني يمكن راح يجون للمستشفى
عمر لا أني اجيبهم انت روح كدامي
عمر يتكلم ويه نفسه
هاي شلون بلوة معقولة عايشه مو شفتها ماكو اي نفس بيها أكثر من ساعة وشكد كفخت بيها مصحت أني اختفي بعدين اخابر واشوف شنو الوضع
كلهم راحو للمستشفى على سحر ما عدى عمر بقه على إتصال بشهد
فراس راح للاستعلامات يسأل عن سحر يا غرفة نايمة أبو الاستعلامات دزه راح فراس بس مخلو يدخل عليها جوة الدكتورة طلعت من الغرفةومرت من الإستعلامات وراها الضابط 
فراس يصيح على الضابط
سيادة الضابط أني فراس
الضابط بندار عليه ويكول للإستعلامات خلو يدخل
دخل فراس ويسأل الضابط
وين سحر
الضابط منو كالك لكينا سحر  
فراس مو خابرتني انت
الضابط كتلك لكينه بنيه نفس عمر زوجتك تقريبا بس ممتأكدين هي تعال شوفها وإتأكد
دخل فراس والضابط والدكتورة ويلهم
الدكتورة بس من البداية لا تنصدم بالراح تشوفه ولا تنهار وبدون متلمسها
فراس ليش دكتورة شبيها سحر ميته
الدكتورة لا الحمدلله بس جنها مخطوفة ومرمية بالخرابة
فراس يندار على الضابط وين لكيتوها وليش ما خبرتني بالبداية
الضابط غير نتأكد هي زوجتك سحر و بعدين وضعها كلش صعب مو مال تنتظر بين الموت والحياة هم زين لحكنا نجيبها هنا
فراس هسه أريد اشوفها
يدخلون على الصالة إلي بيها سحر ينصدم فراس لأن سحر متعذبة وشعرها مكصوص وكلها دم وحروق كااام يصيح باعلى صوته
لكن الضابط طلعه من الصالة
اني مو كتلك لا تتفعل
فراس هاي منو سوه بيها هيجي وليش وشنو السبب
الضابط هذا جوابه يمك هسه اريدك تطمن عليها وبعدين تجي للمركز ويايه أخذ أقوالك
فراس زين بس اريد اسال الدكتورة كولي دكتورة خير شبيها سحر.
الدكتورة سحر كلش مو زينة والنزيف مستمر وميتوقف بسبب الاغتصاب سحر لازم تسوي عملية حالا ومتعرضة للتعذيب والحرق يعني عمليات تجميل ايضا تحتاج
فراس زين اكدر اشوفها مرة ثانية أريد أشوف شصاير بيها مركزت عليها
الدكتورة لا خليك بعيد أحسن ممتأكدين لهسه منو كان السبب يجوز إنت  إلك يد بخطفها هذا كلام الضابط مو أني
فراس يتعصب شنوووو أني السبب لو إلي يد شلون يعني أني إلي سويت هيجي لسحر وأني أول واحد بلغ الشرطة والضابط نفسه يعرف سألوها وشوفوها وأني زوجها شلون أسوي هيجي بزوجتي
الدكتورة نتمنى نسألها بس ما أعتقد راح تجاوب طابة بغيبوبة كانت ومن فوقناها من الغيبوبة كامت تعيط وتبجي ضربناها ابرة مهدئة سحر أعصابها كلش تعبانة
فراس بس أني زوجها ومن حقي اطمن عليها
الدكتورة هاي تعليمات الضابط  كله هو يمنا ويسمعنا بعدين يجوز إنت مأذيها ومن تشوفك حالتها تسوء
فراس دكتورة شنو هذا الكلام إنتي صدك تحجين يعني شلون اشمر مرتي هيجي وافضح روحي لو أريد هي مرتي على شنو اغتصبها
فراس يحجي ويه الضابط ليش مانعني من زيارة سحر
الضابط يرد عليه أني ما مانعك بس كتلك تعال للمركز عندي إجراءات أريد اكملها والمتهمين هناك إنت ليش مستقبل تجي  للمركز
فراس يعني غير اطمن على زوجتي وبعدين ليش ما خابرتني أول ما لكيتوها ليش جبتوها للمستشفى وأني أخر من يعلم
الضابط ليش متريد نجيبها للمستشفى
فراس جنك تحقق ويايه أني قصدي المفروض أول واحد هناك سيادة الضابط ترى أني زوجها ومن حقي أعرف وين كانت ومنو اعتدى عليها وأيضا من حقي أجي عليها واطمن عليها بالمستشفى
الضابط اطمن عليها براحتك وأني فعلا خابرتك أول واحد  بس عندي  كم سؤال وكنت اتمنى جاي للمركز ومكمل الإجراءات بدال ما انتظرك واركض  وراك بالمستشفى
فراس ترى إلي كدامك زوجها مو متهم المهم كلي شنو سؤالك إسالني هنا ما أتحرك منا إذا سحر متصحى 
الضابط زين اجي وياك
واول سؤال عندك أعداء
فراس لا الحمدلله ما عندي
الضابط لعد ليش موقف جميع نشاطات شغلك حسب ما سألت السكرتيرة مالتك
فراس زوجتي صارلها يومين ماكو شتريد أروح للشغل
الضابط لا القصد أي واحد يسأل على موعد حتى لو بعيد السكرتيرة كالت راح نصفي الشركة وأستاذ فراس راح يكتفي بالشغل الصباحي فقط للشركة وإنت إلك منافسين هواي بالمقاولات يعني المقاولين يكيفون انت تبتعد عن السوق بس أكيد هذا الشي بسبب تهديد مسبق
فراس لا بالعكس اني حسيت روحي تعبت وردت أفرغ وقت لبيتي
ضابط شمعنى بهذا الوقت
فراس لأن من إختفت سحر لاحظت أني بعيد عن البيت والأولاد وكلت لازم بعد أتفرغ
يتبع البارت السابع
الكاتب مرتضى الهاشمي