أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى بارت ٣١

مساء الورد
تعليقاتكم الحلوة للصفحة
الكاتب مرتضى الهاشمي
إنتقام أنثى
بارت ٣١
بعد ما گعدت وياهم ولعبت وياهم لأن صار فترة ما گاعدة وياهم طبعا أولاد شهد وعمر وياهم
جتي سرى عليهم و تگللهم
يله حبايب عمتو تعالو تعشو
الجهال ميقبلون يروحون للمطبخ ويتعشون على ميز الطعام
رامي أني أريد ناكل هنا بالگاع نفرش سفرة وناكل شلون من نطلع سفرة
سحر تلزمه من رأسه بثنين إيدها وتبوسه من حلمه تدلل عيون ماما هسه أجيبلك العشا
رامي ينحرج ويتعصب هاي شنو ماما قابل أني صغير مو كبرت ليش هيجي تحرجيني
سحر ورسى يضحكون هههههههه
سحر تگرصه من خده ولك متكبر گدام أمك يا عيون ماما
سحر تكوم تجيب الصينية
سرى لا تگومين حبيبتي أني أجيب العشه
سجى ماما بوثيني أني ما أتحي منا أده (منا هذا ) وتأشر على حلگها
سحر يا عيون وگلب ماما تعالي ولچ اشبعچ بوووووس حبيبتي
رامي حبيبتي ماما شگد محتاجين هيچي كعده وياچ ونلعب ناقصها بابا
سحر بابا راح يرجع وأوعدكم راح تشوفون أيام حلوة كلها لعب وونسة وطلعة وسفرة
سارة بنت عمر
خالة وإحنا ليش ماما وبابا ماكو
سحر بابا مريض وماما يمه يصير زين ويجون يمكم حبيبتي شنو ما گالتكم
سارة گالت بس مجوي  بابا وماما يلعبون ويانه
سحر دزوني أني ألعب وياكم مو أني خالتو وحبيبتكم
سحر تجيب الأكل سحر تأخذ الكتشب وتعصره على ساره تلعب وياها
وكل واحد منهم من لزم الكتشب والصاص والمايونيز ويلعبون كلهم وحتى سرى شاركتهم
بعد ما تعشو وخلصو
سحر طبعا ما أريدكم بعد تلعبون بنعمة الله هيچي بس اليوم سماح من عندي ردت أغيرلكم جو حبايبي
كلهم بصوت واحد نعم ست ويهجمون عليها ويرشون يعصرون عليها الكاتشاب والمايونيز والصاص ويحضنوها وكلهم يوگعون ويضحكون
سرى يله حبايب عمتو الكل للحمام حتى تسبحون وتنامون
كلهم يروحون يسبحون
تگعد سرى وسحر ويسولفون بعد ما شالو الأكل وغسلو المواعين
سرى أني ما أعرف شگلچ نفسيتهم كلش تعبانة وميقبلون ياكلون ذيچ الفترة
سحر أعرف وحسيت بيهم ولهذا السبب كل الوسائل حبيت أضحكهم وأونسهم أني أروح أسبح وانام من رخصتچ حبيبتي
سرى أخذي راحتچ حبيبتي أني هم أگوم أسبح وانام
راحت سحر ونامت وهمه بحضنها وكإنما هاي أخر مرة سحر وياهم وتريد تخلي ذكرى حلوة إلهم ومتروح من ذاكرتهم
سحر تكعد ثاني يوم الصبح  وتسحب روحها من الفراش لأن الأطفال نايمين بحضنها متريد اتكعدهم وتروح تغسل وتبدل
سحر تلبس شال ونظارات وحاولت تغير من وجها بالمكياج حتى محد يتعرف عليها وبعد وراحت للسيارة وتوجهت لمنطقة أبو حازم وطبكت السيارة كبال كهوة إلي يگعد بيها أبو حازم بس بعدهم ممفتحين فقررت تعوف السيارة وتروح مشوار وترجع
الدكتور يطلع من الردهة إلي بيها رهف
أبو رهف بشر دكتور شلون صارت رهف
الدكتور الحمدلله خير من الله بنتك اتحسنت وكلشي مابيها صحت وريكناها بس متطلع إلا يكمل التحقيق
أبو رهف نكدر نشوفها
الدكتور تكدرون بس ممنوع تطلع
أبو رهف لا بس نريد نشوفها
الدكتور تفضلو اطمئنو عليها
أبو رهف وام رهف يدخلون عليها لكو رهف صافنة وهي  كاعده ومتجيه راسها وظهرها على رأس السدية وممده رجليها
شافت أبوها وأمها دخلو عليها كانت تبچي
رهف تبچي بابا حبيبي محتاجتك
أبو رهف  هم كام يبچي من شاف رأسها مشدود بشاش وكلش إنقهر عليها
حبيبتي بنيتي  عيون ابوج شبيج ليش هذا النذل هيچي  سوى بيج ليش هيچي كاتلچ
رهف تحضنه وتبچي أكثر
بابا أني إنذليت بابا
أبو رهف ما عاش اليذلچ وأني أشم الهوى بنيتي سولفيلي ليش هيچي سوه بيچ هذا الدوني
أم رهف تبچي وتحضنها
سلامتچ يا بعد روحي شبيچ گلبي إحچي
رهف تلطم على وجهه
شسولفلكم هذا الكلب يعرف وحده عليه وعاشگها وبسببهم أنخطفت ليان وأني أنخطفت
أبو رهف شنو بويه أنخطفتي إنتي هم شوكت وشلون ومنو الخطفچ
رهف بابا كلشي أحچيلك وبالتفصيل  بس أبوس إيدك لا تسولي شي لحد ما تسمعني للأخير بعدها شتريد تسوي سوي عسى ما تكلني خلاص قابلة
أبو رهف بنيتي گلبي كام يلعب خير شكو صاير شي گليلي لا تضمين عليه سولفي وأني سامعچ
رهف عيونها تفيض من الدمع وهي تحچي
بابا أحچي ولله كلشي أحچي بس أوعدني قبلها أكمل كلامها وتصدگ وأني مظلومة ولله بابا وبعد ما أكمل شتريد تسوي سوي عسى ما تغسل عارك بيدك أني قابلة
أبو رهف يتعصب
ولچ ما تحچين شتنتظرين مو شلعتي گلبي هي مال ألغاز وليش. تگولين هيچي إنتي غلطانه ويه واحد أحچي
رهف ما واعدتني توعدني يله بعدها إنت تحكم وأني قابلة بحكمك
أبو رهف گلبي صار نار أكثر ما هو مشتعل إحچي عاد فضينا
رهف توعدني يله
أبو رهف راح أطكچ راشدي مو گتلچ إحچي
أم رهف إحچي يا يمه لا تخلينا بنار أكثر
رهف صار راح أحچي كلشي
بدت رهف تحچيلهم بالتفاصيل أول ما أنخطفت ليان ولحد ما سحر إستدرجت رهف وعن محل رضا والإغتصاب حچت كلشي بالتفاصيل
بعد ما مرت ساعة كاملة رجعت سحر للسيارة الطابگتهة باب الگهوة طبعا سحر إتأگت وعرفت شوكت يجي أبو حازم للگهوة لأن تحرت عليه وعرفت هو الصبح يجي للگهوة ويگعد إذا إجه شغل يطلع وإذا ما إجى شغل يرجع للبيت والعصر يرجع بالگهوة لليل لحد ما تعزل يومية على هذا المنوال
وفتحت سحر البنيد مال السيارة وضلت تباوع على محرك السيارة  بحجة السيارة عاطلة ومتعرف تسويها حتى واحد يجي يساعدها
أبو حازم يحاچي ولد شتغل بالگهوة
هاي البنية منو وشعدها هنا چن سيارتها عاطلة
العامل بالگهوة  إي حجي من فتحت لگيت السيارة طابگه وهسه صاحبتها جتي چنها مو منا چنها مو منا حجي وغريبة
أبو حازم إمشينا نساعدها مادام غريبة
العامل يله حجي
راحو إثنين من الگهوة ووياهم أبو حازم لسحر ويشوفون شتحتاج مساعدة
سرى تگعد الصبح وتروح لغرفة سحر حتى تكعدها ويتريگون بس إتفاجئت با ب الغرفة مفتوح والجهال نايمين وسحر ماكو بنصهم
سرى تحچي ويه نفسها هاي وين راحت خل أروح أخابرها
تروح لغرفتها وتاخذ التلفون وتتصل على سحر
بس تلفون سحر مقفل
سرى وين رحتي سحر صدگ گمت اخاف عليچ من نفسچ
بعد ما وصلو أبو حازم والولد الإثنين لسحر وهي صافنة على بنيد السيارة
أبو حازم يحچي وياها
تفضلي بنيتي خير محتاچة شي
سحر تسمع كلامه ومتندار وتبقى صافنه على محرك السيارة عليه والغل والحقد بعينها وتذكر من عمر إغتصبها ومن صحت على حسون وهو يغتصبها ومن راقبت أبو حازم من إنهزم من المستشفى بيوم سحبو الكامرات وتذكر شهادته بالمركز ومقبل يحچي ويعترف على عمر كل الأحداث رجعت إلها صار نار من العصبية خاصة من تذكرت وهي تگله بيوم التحقيق بالمركز أني بعمر بنتك گول ليش هيچي سويت ولو طلبت من عدنا ١٠٠٠ دولار كان إنطيناك مو بعت ضميرك ب٥٠٠ دولار وضيعت سمعة عائلة كاملة
كل هاي الذكريات مرت على سحر خلال ثواني ومن سمعت صوت أبو حازم وكإنما فيديو سريع وإنعاد عليها
أبو حازم والولد وراها  وهي صافنة على المحرك يحاچيها أبو حازم  مرة ثانية
بنيتي سمعيني محتاجة شي نساعدچ
سحر تلتفت بكل هدوء على أبو حازم ومدنگة راسها ومن تندار عليه ترفع راسها ونظرات عيونها مباشرة لعيونه
للقصة بقية
بقلم مرتضى الهاشمي
يتبع بارت ٣٢