أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى البارت ١٣

إنتقام أنثى
البارت ١٣
شهد وهي بالمستشفى خايفة ومرتبكة وتبجي وتتصل على عمر زوجها
عمر الووو هلو شهد خير شكو
شنووووو انتظري هسه أجي مسافة الطريق وأوصل
عمر يتصل على فراس ويبلغه
فراس الووو هلو عمر شنووو خوش خوش جاي بالطريق
سحر تتفاحئ من تصرف فراس وارتباكه
سحر خير فراس شكو
فراس لا ااا ماكو شي بس عندي مشاكل بالشغل ولازم هسه ارجعج للبيت واروح للمكتب
الضابط خير فراس مو على بعضك اكو شي
سحر إي فراس إنت عمرك ما صرت مرتبك بخصوص شغلك مثل هسه شنو صاير شي
الضابط وفراس انتبهو على كلام سحر
الضابط ليش فراس انت لحكت تسولف كلشي لسحر قبل لا تفقد ذاكرتها
سحر لااااا ما كلي ولا سولفلي  شي بس الاحظ من طلعت من المستشفى لهسه فراس مرايح للشغل ولا مهتم للشغل
الضابط بيها الخير إن شاءالله توكلو وأي شي تحتاجو أني موجود بس خابروني
فراس شكرا أني اترخص
بعد ما ركبو بالسيارة سحر ضلت تلح على فراس شنو صاير بس فراس مقبل يحجي  وسحر أصرت تروح ويه فراس ومترجع للبيت تريد تعرف شنو إلي صار
فراس سحر إنتي أكيد تخبلتي شنو تجين ويايه ما عندي وقت اشرحلج
سحر  إذا متكلي شكو لعد أجي وياك وافتهم بنفسي شجاي يصير
فراس خلاص هاي هي تعالي وأني ما أتحمل العواقب إذا انصدمتي بشي
سحر تكلم فراس
ليش فراس اكو شي حاجيني فدوة كلي نبهني حتى متكون الصدمة عليه قوية
فراس يباوع على سحر ويكللها
امج حالتها خطرة و لازم نروح عليها هسه
سحر تنهار بالكباء
شنو وتضم عليه هيجي خبر تريد تحرمني من آخر نظرات لامي
فراس لا أني ما أريد احرمج بس لأن حالتج صعبة
سحر لا انتو كلكم غلطانين أني قوية واقوى من قبل وراح الكل ينصدم من قوتي إلي صار بيه مو هين ولا سهل خلاني أعرف شنو القرارت إلي اخذها
فراس يدوس بريك قوي وتوكف السيارة ويكلم سحر
شبيج سحر أني يومية انصدم منج إنتي فاقدة الذاكرة لو لا كلامج يأكد إنتي ما فاقدة الذاكرة
سحر ليش يهمك بشي إذا كنت فاقدتها أو لا
فراس أكيد يهمني
سحر إي حتى تروح تكول للضابط ويومية تعالي تحقيق وروحي وكلشي ميسوي وحقي يضيع
فراس يعني إنتي مااا
سحر تقاطعه لا فراس اطمن أني ما اتذكر شي ورجاءا لتلح بهذا الموضوع وخل نلحك على أمي ابوس إيدك
فراس أني راح احرك السيارة واخليج على راحتج لخاطر الموقف إلي بي إنتي وامج وضعها خطر بس إذا تذكرين شي كليلي اكدر اساعدج حتى نكدر نمر بمشكلتنا سوة ونعدي هاي الازمة قبل لا نوكع بأزمة ثانية الله اليعلم منكدر نطلع منها
سحر هسه خل نروح لأمي فدوة وأجل الحديث بهذا الموضوع
وصلو سحر وفراس للمستشفى وشافو شهد وعمر باب العناية المركزة
تفاجؤ بوجود سحر وشهد ركضت على سحر وحضنتها
شهد أدري المفروض كان متجين بس الحمدلله جيتي محتاجتج سحر أمي راح تموت
سحر وشهد يبكون بحرقة والدموع تتساقط بكثرة على خدودهم
سحر حبيبتي إن شاءالله امنا تكوم بالسلامة ادعيلها فدوة حبيبتي
فراس يسأل عمر خير شكال الدكتور
عمر الدكتور يكول بقت يم الله وطبو جوة بالعناية المركزة صارلهم نص ساعة ننتظر واحد منهم يطلع ويطمنه
بعد ربع ساعة طلع الدكتور من غرفة العناية المركزة والتمو عليه اربعتهم ويسإلو شلون صارت الحجية
الدكتور يدنك راسه ويكللهم البقاء لله
سحر تعيط بكل صوتها واتهسترت من البجي وشهد تبجي وتعيط بس بالها كله يم سحر لا ترجع حالتها تسوء
فراس البقاء لله سحر هذا أمر الله رجعو للبيت وإحنا نروح ندفنها
سحر لا أجي وياكم ادفنها واغسلها بإيدي أريد أشوفها آخر مرة ابوس ايدكم أريد أشوفها
الدكتور يوافق يطبون و يشوفوها قبل لا يودوها للثلاجة
سحر تشوف امها وتنهار بالبجي وتبوسها وتحضنها
ولج يمه وين رحتي وعفيتيني ولج مو واعدتيني تزوجين اولادي  بيدج
يمه رجعي ابوس ايدج رجعي يمه
شهد هم حضنت امها وتبجي
بدا صوت عياط سحر وشهد بالنعي والبكاء على امهن يعلى مما دفع الدكتور يطلب من فراس يطلعهم من الصالة
فراس سحب سحر وعمر سحب شهد ويحاولون يطلعوهم من الصالة
سحر بصوت عالي لحظة أني راح اطلع بس عندي كلمة أريد اكولها لامي وتباوع على امها و تبجي لكن تريد تصير قوية وتكمل كلامها وهي بكل قوتها وتباوع على عمر وكإنما الكلام موجه لعمر
وروح أمي الغالية إلي ما عندي أغلى منها وإلي ماتت بسبب حركتها عليه أني ما اعوف ثارها واله انتقم شر إنتقام من إلي سوى ويايه هاي الدكة الدنيئة وأي واحد لمسني بشعره راح أخذ عمره وهمه إلي لعبو بعداد عمرهم
الكل يتفاجئ بكلام سحر وعمر ميعرف شيسوي ويريد يبرر عود الكلام مو موجه إله والغريب عمر كلشي متكلم وطلعت سحر من الصالة
بس الكل منتبه هي تقصد عمر
شهد ركضت ورى سحر ورجعتها حتى يطلعون سوى من المستشفىتكملة بارت ١٣
في اليوم الثاني بعد ما غسلوها ويروحون يدفنوها
وصلو للمقبرة و يريدون  يدفنون امهم بالقبر وينزلوها
سحرنزلت للقبر قبل امها وتكول
دفنوني أني بمكانها امي متنام جوة التراب وتشيل التراب وتحطه على راسها وتبجي وتلطم
فراس يحاول يطلعها ويهدأها لكن سحر متستجيب و كرر المحاولة وياها  فراس
بعد ما جرها خارج القبر شهد حضنت سحر وتبجي
سحر اليوم انكسر ظهري اليوم محد اليه يمه ليش عفتيني
دفنو أمهم جوى التراب و شهد وسحر حالتهم صعبة وسط النواعي والبجي
والموجود بينهم يحاول يهديهم من أقاربهم
بعد مضي اسبوعين من الوفاة
سحر كانت رايحة للدكتورة تراجع على حالتها لأن كالتلها أريد اتابع حالتج ومن رجعت سحر من المستشفى وهي صاعدة بالتكسي فكرت تروح على بيت أبو حازم وتستفسر عنه
وطلبت من أبو التكسي يوديها لبغداد الجديدة مناك يرجعها للبيت بعدما وصلو اتفاجأت سحر بوجود سيارة عمر براس الفرع مال بيت أبو حازم وهو نازل ويسأل جيرانهم
سحر طلبت من السايق يوكف بعيد وتراقب لحدما تحرك عمر وراح بالسيارة بعدها رجعت كالت سحر للسايق يرجعها لبيتها
بعد ما رجعت سحر للبيت لكت فراس ينتظرها
فراس هلو سحر ضل بالي عليج وين جنتي
سحر جنت يم الدكتورة
فراس لو كايلتلي أني موصلج
سحر لا حبيبي ميحتاج اتعبك بعدين لازم اعتمد على نفسي مو اضل هيجي لازم اشوف واتعلم من جديد
فراس أريد اكلج بموضوع
سحر كول حبيبي
فراس إنتي تذكرين لو لا سحر كلامج إلي بالسيارة قبل وفاة امج كان يدل إنتي تذكرين
سحر حبيبي يعني ليش اضم عليك إذا أتذكر شي بس نوبات تجي افكار براسي ونوبات تجي بالي افكار وخربطات اكوم أحجيها واحس ناس اكرهم ما ارتاحلهم
فراس يضحك يعني اني تكرهيني
سحر ليش انت هم تنكره انت حبيبي وكل حياتي
فراس ربي يديمج اليه حبيبتي
بعد يومين
اجه عمر وشهد زيارة لبيت فراس
بعد ما إستقبلوهم فراس وشهد وكاعدين بالإستقبال
عمر الله يرحم الحجية حتى فاتحتها سهلة
سحر عمرها ما صارت عبىء على أحد الله يرحمها وفراكها صعب ومو هين
عمر اكيد من كانت عايشة ومن ماتت سهلة وما عذبتنه هذا إلي أقصده
سحر بس كون الخير يتجازه بخير
فراس شبيج سحر أشوفج هواي تبسمري ليش هواي حاقده عليه
عمر يضحك لا اكيد تشاقه سحر اكو وحدة تحقد على أخوها بس هاي هرمونات نسوان كل شوية تكلب على واحد وإحنا عائلة وحده
سحر بالعكس أني ما أقصد شي على عمر أصلا هو عمر مو أخوية وكلشي واكفلنا وأني سعيت بزواجه من أختي وإحنا كنا وما زلنا عائلة وحدة هذا كلامكم مو بعدين تكولون تذكرين شي ومتكولين
يضحكون كلهم
شهد لا حبيبتي محد يكول هيجي
سحر صدك شهودة عندي صديقتي جتني بالفاتحة أني ما أتذكرها بس كالت أني صديقتج المقربة وأخذت رقمي البارحة خابرتني وكالت شفت زوج أختج نزل من سيارته بغداد الجديدة شنو راح تشيلون هناك لو عدكم أقارب هناك
عمر يغص بالجاي ويكح
شهد لا ما عدنه أقارب هناك شسوي عمر هناك
عمر أني كنت يم صديقي وبعدين شنو هاي صديقتج تجسس عليه
سحر لا بالعكس بس كالت بالصدفة وأني ضل بالي على أختي لا عينك تزوغ منا منا
شهد غير أفكس عيونه
عمر متحترمين نفسج شهد
سحر لا حبيبي مو هاي مو اول مرة صديقتي تشوفك هناك وأني كلبي على شهودة اختي الوحيدة كلبي عليها تعرف كلشي ولا الخيانة
يتبع البارت ١٤