أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى بارت ١٥

مرتضى الهاشمي
إنتقام انثى
البارت ١٥
وحسيت أني ضعت بعد ماكو وحدة اشكيلها همومي ماكو وحدة تضمني بصدرها وتخاف عليه بس الحمدلله إنتي رجعتي بنفس طيبتج وحنيتج أني ما عندي غيرج حبيبتي سحورة
سحر تحضن شهد بقوة ودموعها تنزل حبيبتي وأني اموت عليج إنتي كل حياتي انتو الرجعتو الأمل بيه انتو إلي خليتوني اكوم من جديد انتي وفراس عمري كله مديونه الكم حبيبتي كافي بجي تمسح دموعها
أني شوية واروح للبيت أريد اتحضر للسفرة
شهد يا سفرة
سحر نغير جو بتركيا و أسوي عملية تجميل
شهد ترجعون بالسلامة حبيبتي أجي وياج احضر الجنط مال الأولاد
سحر تسلمين حبيبتي همه كبرو بعد وكل واحد صار إله خصوصية أني امهم وميخلوني اطب لغرفهم بدون ما ادك الباب
صدك شهودة أني قبل لا أفقد الذاكرة كنت اطب عليهم بدون ما ادك الباب لو لا
شهد تضحك ههههههه إي لحد ما اتعاركو وياج بسبب دخلتج غفل عليهم يكولون شعندج تدخلين على غرفنا بدون ما ادكين الباب مثل ما غرفتكم الها خصوصية إحنا هم عدنا خصوصية
سحر وشنو خصوصيتهم ذولة
شهد همه أصلا غرفهم فارغة ودومهم بالحديقة بس يريدون يسووها وحدة بوحدة شلون إنتي متخليهم يدخلون بغرفتج غفل هههههههه
سحر يا ولد اللللل هههههههه
شهد لا على كيفج لتسبيهم امهم وابوهم احبهم ما أقبل ينغلط عليهم كدامي هههههه
سحر تضحك هههههههه
عمر يدخل للبيت ويسلم عليهم
عمر يا هلا وميت هلا شنو هالمفاجأة الحلوة شعجب اليوم هنا صارلج فترة ماكو
سحر لا إن شاءالله منا وهيج راح تشوفني حتى بأحلامك تضحك ضحكة صفرة هههههه
عمر بس ديري بالج توصلين لاحلامي لأن بالأحلام أخوف و ما انضمن
سحر ماكو شي يخوفني وإذا جيتك للحلم عود احجي الحلم مو تضمه
عمر ليش اكو حلم أني ضامه
سحر شكلك يكول اكو
شهد شبيكم احسكم راح تتعاركون بسبب الأحلام هههه ليش محد يطيق الثاني قبل كنتو أكثر من أخوة
عمر أني عن نفسي سحر متغيرت بنظري بس هي الذاكرة أثرت عليها وكامت متطيقني ههههه مو صحيح لو اكو شي ثاني
سحر أنتو لهوني بالسوالف وإنتي بالكذب مقدمتيلي شي
شهد بهاي حقج حبيبتي هسه اكوم اسويلج شي
راحت شهد واجه عمر لسحر ويهددها
عمر شوفي سحر لتلعبين ويايه إنتي مو كدي وتعرفيني زين ووجهي الثاني شفتي
سحر مفتهمت شتقصد ليش اكو شي
عمر يتفاجئ ويصير عصبي أكثر شوفي اكلج سحر لتغشمين روحج
سحر إنت شبيك تخبلت على شنو اغشم روحي ليش اكو شي تعال فهمني
عمر هذا كلامج إلي تبسمريني بي شتقصدين
سحر يا كلام وشنو اتقصدين إنت على شنو تحجي تعرف شي وضامه عليه
عمر ولج راح اتخبل شبيج يا بنت الناس فهميني
سحر إنت إلي شبيك وشنو إلي تريد توصله وعلى شنو تحجي أني كلشي ما فاهمة وإذا تقصد على كلامي فمجرد إحساسي بيك ما ارتاحلك أني ما أعرف أجامل
عمر ولج شسوين إنتي وين تريدين توصلين
سحر إنت صدك غريب اكو شي بيناتنه ليش هيجي تحجي ويايه
عمر كلامج كله يدل على انو إنتي ما فاقدة الذاكرة
سحر وهذا بيش يهمك إذا فاقدتها أو لا ليش جاوبني
عمر إنتي إلي اريدج تجاوبيني وكلمة كلتها وانتهت إذا ما عاجبج وراح تبقين تتحارشين بيه فماتلومين إلا نفسج
سحر إنت مو عاقل وإذا كررت كلامك هذا أكول لشهد ليش هيجي تحجي ويايه
شهد تجي وشايله صينية بيها جاي وبسكت
سحر أني اترخص حبيبتي عندي شغل هواي
شهد ليش متشربين الجاي
سحر تباوع على عمر وتكول لا نفسيتي انسدت أروح للبيت هناك بلكي على الأقل أشوف ناس افتهم كلامهم مع السلامة حبيبتي شهد
طلعت سحر
فراس يتكلم بالتلفون معقولة كلشي متذكر وهذا مجرد إحساس كانت تكوله
شهد إي ولله أني هم تفاجأت رحت أسوي روحي أسوي جاي وضليت اصنت عليهم وعمر كلش ضايج لأن تلح ويا ويكللها بعد لتحجين ويايه هيجي وإذا تذكرين شي كولي
بس مبينه هي كلشي متذكر وهسه أني اتأكدت هم سحر متمثل علينا بفقدان الذاكرة
فراس لعد ليش كلامها بي ألغاز يجوز من فقدان الذاكرة تهلوس وصحيح سحر متعرف تضم مشاعرها اتجاه شخص ومتعرف تجامل
شهد إي صحيح بس ليش عمر بالذات راح اتخبل
فراس مع السلامة شهد هاي سحر وصلت ما أريد أي كائن يعرف أني اراقبها
شهد لا تخاف بس ما أتصور سحر تذكر إلي اغتصبوها ومتمثل علينا
مع السلامة
رهف زوجة رضا تتكلم مع رضا
هلو حبيبي اليوم من وكت اجيت
رضا اليوم خليت عامل بالمحل
رهف زين إنت وين راح تلحك تدفع الدين للرجال إلي داينك فلوس وتشتري المحل انوب تحط عامل
رضا المحل شغله زين حبيبتي ولازم ٢ عمال مو عامل واحد المحل ضخم وبضاعته غالية وهواي
رهف أني هذا إلي مصفني شلون الرجال امن بيك وانطاك هيجي مبلغ حتى تسوي المحل
رضا شبيج رهف إنتي راح ترجعين تسويلي تحقيق مو مليت منج ومن سوالفج بدال ما تكليلي عاشت إيدك إنت بطل شلون قنعته وبعدين ليش أني مو مصدر ثقة حتى واحد يأمن فلوسه يمي بعدين لتنسين أني كنت أشتغل محاسب بمحلات الجملة الضخمة وأعرف شلون أدير أكبر محل ميعصه عليه هيجي محل
رهف لا تضوج حبيبي بس كان مجرد استفسار
رضا مو ١٠٠٠ مرة كتلج ووضحتلج وإنتي تلحين بالموضوع هسه عوفينا من سالفة المحل ليان وينها مشتاقلها(ليان بتهم وعمرها ٧ سنوات راحت للصف الثاني)
رهف نايمة ليان خطية هسه اكعدها إلك جانت تلعب ويه جهال خالها
راحو لتركيا فراس وسحر وولدهم
سحر سوت عمليات التجميل ورجعت أحلى من قبل وقررو يمددون السفرة أكثر طولت سفرتهم هواي
فراس وسحر كاعدين على البحر
فراس يلعب بشعر سحر ويحاجيها
الله حبيبتي إنتي شكد حلوة رجع شعرج مثل قبل ورجعتي أحلى
سحر تضحك ههههه حبيبي هذا مو حقيقي بس اواعدك راح اطوله وارجعه اطول
فراس حبيبتي سحورة شلون ما تكونين احبج
سحر حبيبي إنت أغلى شي عندي بالوجود أنت النفس مالي إنت حياتي ما أعرف شلون اشكرك أنت نقذتني وخليتني أسعد وحدة بالكون من فتحت عيني من العملية لهسه أني ما أشوف غير بس إنت بحياتي
فراس حبيبتي إنتي كل حياتي ما حاجة تشكريني اكو واحد يشكر روحه أني وياج روح وحدة بجسدين
سحر ما اكدر أتصور حياتي بدونك
فراس يجوز إنتي هذا الشي مجربتي بس أني جربته ومكدرت أعيش بدونج من كنتي بعيدة علينا كان كل لحظة اموت بيها ١٠٠٠ موته اتخايل روحي غركان ومختنك وبس  إنتي إلي تنقذيني
سحر حبيبي ربي يحفظك اليه وميفرقنا عن بعض
فراس حياتي إنتي أمين يارب
سحر اكلك حبيبي تعال ويايه خل نمشي شوية بنص البحر
فراس يله
يلزم إيد سحر ويروحون للبحر بس سحر تفاجأ فراس وتشمره بالمي وولدها من بعيد يباوعون ويضحكون فراس يضحك ويكوم يشمر المي على سحر ويركض وراها على شاطئ البحر
النقيب علي هو نفسه الضابط إلي يحقق بقضية سحر يلقي القبض على ابو حازم بيته ويكله
شكد تريد تنهزم ووين تروح القانون وراك ولازم تكون أبو حازم صارلي فترة طويلة اراقبك بالمنطقة بعد متكدر تفلت من العدالة
للقصة بقيه
بقلم مرتضى الهاشمي
يتبع بارت ١٦