مرتضى الهاشمي
إنتقام أنثى
بارت ٢٣
سحر يعني نفس عمر صرت يهمك جسمي و بس وتساومني بفيديوهاتي
رضا إنتي إلي جبرتيني أصير هيجي
سحر شوف اكلك يجوز لهسه بكلبي لهفة الك وكلبي ينبض ولو قليل إلك ويجوز إلك مكان بكلبي لو مستغل هذا الشي كان اخذت إلي تريده بالمستقبل و كنت أني أهدي إلك بعد ما اخلص إنتقامي من عمر بس أحب اكلك شي واحد هالمرة راح تجيني راكع و أعلمك ويامن تلعب و تكمل إلي أريده غصبا عليك تسوي أني رايحة بس قبل لا اروح أريد اكلك إستغل الفرصة قبل لا تندم وراها
رضا يضحك بإستهزاء ههههههههه الأيام بيناتنه واسبوع كدامج إذا مجيتي راح كل الفيديوهات يم فراس ادزها
سحر بكل هدوء وإستفزاز تكون توكف وإدنك عليه وتستهزئ بي تأشر بإيدها على خشمه
راح تجي تركع قبل الإسبوع واذكرك
سحر طلعت من المطعم و لبست مناظرها الشمسية وهي تمشي و أجرت تكسي وراحت رجعت لنفس المكان إلي ركنت السيارة بي
شهد تتصل بسحر
سحر الوووو هلو شهد ....أني شوية اتأخر ....لا أروح للصالون ...صدك حبيبتي فراس يمج .... زين كليله راح اتأخر اروح للصالون بطريقي أوكي حبيبتي ...... إي وصيت على كل إلي ردتي وباجر توصل للييت أبو التوصيل يجيبها
سحر تتكلم ويه نفسها راح مو بس أتغير بكلشي حتى بشكلي واصير أحلى وأحلى وأريد واحد يتجرأ يتحارش بيه بسبب جمالي خل أشوفكم سحر شنو راح اصدمكم وابدي انتقم منكم واحد واحد
سحر رجعت للبيت بعد ما راحت للصالون وكملت احتياجاتها للمول
الكل تفاجأ بشكلها
فراس هاي شنو سحر شنو هذا التغيير شعرج صابغته أصفر ووشم على ايدج والتاتو أحس حتى ملامح وجهج متغيرة
سحر ها حبيبي عجبتك حلوة الله عليك
فراس شعجب صيغتي شعرج أصفر كنتي تحبين الأسود وحتى بزفافنه مقبلتي تغيري
سحر هسه غيرته واقتنعت بي
فراس والوشم مو مبالغة بي ليش زنودج كلها وشم
سحر هذا مو وشم حقيقي مجرد لزكة يعني فترة ويروح
فراس المهم شما تكونين تبقين حلوة بعيني
سحر تسلملي عيونك حبيبي
فراس بس شلون تطلعين وهذا الوشم يعني تبرزين الزند مالتج
سحر انت من كل عقلك أخلي واحد غيرك يشوفه ترى لو عمر موجود ما أطلع زندي بس غير إنت وشهد بس هنا بس ادري عمر نايم ومن اطلع البس ردان طويل بس عجبني أخلي لفترة محددة وبس
شهد تخبلين حبيبتي تعالي كليلي شوصيتي
سحر تعالي خل اشوفج بالموبايل طكيت صور للكيك وللهدايا إلي ردتيها
رضا كاعد بالأسواق وصافن ويحجي بداخله
شسوين بله هو انتي كل قوتج بسببي انتو أصحاب الأملاك تريدونه حسب اوامركم وتتعاملون ويانه كعبيد وحتى بالفراغ العاطفي تجيني شوكت ما يعوفج فراس بس لهنا وكافي وأني راح اعلمج منو رضا إلي تضحكين عليه
كعدو على سفرة الطعام سحر وشهد وفراس والأولاد كلهم اجة آخر واحد عمر واتفاجأ بسحر
عمر شنو هالتغيير ماشاءالله معرفتج
سحر تباوع عليه راح تنصدم عن قريب بيه و تكول هاي صدك ما أعرفها
عمر رجعنا نبسمر خير شكو إذا مضوجيج نطلع من البيت
شهد شييك عمر إنت متعلمت على سحر واسلوبها وياك تحب تلاشيك
سحر اكعد اكل عمر
عمر إي ولله جوعان اليوم متغديت بسببج
فراس ضربله ماعونين تمن وفخذ دجاجة ومركة وزلاطة بعد شلون تتغده فهمني
عمر شبيك فراس انوب انت حاط عينك عليه
فراس اكل عيني لا بعدين تطلع ممتعشي من البارحة بسببي
عمر أكل ليش لا بسم الله ويخلي اول لكمه بحلكه
شهد لو تدري باجر شنو المفاجأة إلي ضامتها إلك سحر
عمر يغص ويكوم يكح
شهد تضرب ظهر عمر وتنطي مي
عمر يبلع اللكمة بعد ما شرب مي
شهد شبيك غصيت شكتلك
عمر يا ستار شنو مفاجأة سحر كلبي يفز منها
سحر لا خير ليش اكو غير الخير من يمي
عمر غير أعرف ؟؟
شهد يجي باجر وتعرف يا حبيبي صدك هاي مو بس هي أني وياها طبعا بس حبيت اوضحلك راح باجر تعرف شكد تعبت علمودك
سحر كافي مو راح تفضحينا خلي المفاجأة باجر والا ما راح تصير مفاجأة
عمر ترى قلقتيني
فراس شبيك عمر يعني هي مفاجأة شنو الشي اليقلق بيها
سحر تتكلم بداخلها هذا راح يخليهم يحسون خل احجي قبل لا يفلتها هذا الغبي
سحر تباوع على عمر وتكله
باجر عيد ميلادك وحضرتلك عيد ميلاد ارتاحيت مثل الطفل ما عندك صبر
عمر يرتاح بداخله
ليش هالزحمة يا سحورة حتى أني ناسي العيد ميلاد
شهد ليش كلتيله المفاجأة راحت
سحر متشوفي مثل الطفل ميصبر
عمر وانتي شهد أكيد ناسيه
شهد هو منو صاحب الفكرة أصلا بس غير ما اكدر اعوفك لأن مصاب بالحادث
عمر يله ما بقه شي ٥ أيام وافك الجبس ونرجع لبيتنه
أبو حازم يوصل لبيته و يدك الباب طلعت مرته شافته وانصدمت كامت تهلهل وتكله
أم حازم هاااا طلعوك حجي ولك حازم ابوك طلعو براءة
أبو حازم خل اكعد أرتاح على صوتج العالم راح تلتم
دخل جوة وكعد
حازم يابا بشر شلون طلعت
أبو حازم سحر تنازلت على القضية اليوم وطلعونه كلنا وانغلق الملف
حازم الحمدلله بويه الحمدلله على سلامتك
أبو حازم إي خوش تعلمت من السجن درس عمري ما انسى
حازم ليش بويه خير
أبو حازم خسرت وظيفتي بعد ما وصلت للتقاعد شلون تريدني أسكت
حازم وشراح تسوي بوية
أبو حازم إلي ورطني أعرف شلون اطيحه
حازم عمر تقصد بوية
أبو حازم إي بوية عمر حضرولي الحمام خل أسبح واتعشه وانام وباجر يصير خير إن شاءالله
حازم صار بوية
سحر كاعدة بغرفتها وصافنة وتكلب بألبوم الصور وتشوف صور أمها وتتكلم سحر بداخلها
سحر يومه ما نسيت ثارج وأعرف بسبب منو وعد مني يمه إله اخليهم يشربون السم إله اندمهم واحد واحد معركتي القادمة هي معركتي الرئيسية واحتمال الحكج لو أنتصر بيها المهم اخوضها لوحدي بس قبل لا أبدي بيها اخليهم يتصافون بيناتهم حتى يضعفون وكل واحد أعرف شنو قوته الله يرحمج ماما وسامحيني حبيبتي تبوس صورة أمها وتحضنها
وثاني يوم ووكت العصر بالذات بده حفل عيد ميلاد عمر والبيت بين عليه الفرح والكيك بكل مكان لكن يخلو من الموسيقى العالية بسبب عدم مرور سنة على وفاة امهم
الجميع حول الكيكة ويغنون
سنة حلوة يا عمر سنة حلوة يا عمر
سحر تلفونها يرن عافت الحفلة وطلعت بالحديقة وفتحت خط
الوووووو
رضا هلو سحر
سحر ها رضا شتريد
رضا فكرتي لا ترى مر أول يوم وباقي ٦ أيام وأني جاد شراح أسوي
سحر إنت انطيت مهلة إسبوع وأني هم انطيتك إسبوع نشوف يا بطل راح يستغل هذا الإسبوع إله زين
رضا شنو حضرتج تهددين
سحر هسه خل يخلص الإسبوع وشتريد تسوي سوي يله باي
تغلق التلفون بوجها
رجعت سحر لكتهم مطفين الشموع
سحر ليش منتظرتوني
شهد آسفة حبيبتي الجهال طفو الشموع قبل ابوهم أصلا
فراس عصبي و مغثوث من سحر كلش
هو منو المفروض يعتذر إنتي لو شهد
سحر ليس اعتذر صار عندي إتصال مهم
فراس إتصال مهم كولي كدام أختج هذا الإتصال كان ويه منو ليش تتهزمين من الجواب
للقصة بقية
محبتي لكم
مرتضى الهاشمي
يتبع البارت ٢٤
أنت تقرأ
أصدقائي الكرام القصة بعنوان إنتقام أنثى أتمنى أن تعجب حضراتكم
Mystery / Thrillerالخيانة الزوجية والمراهقة في وقت متأخر له جوانب مظلمة ولها أثر على ضياع العائلة وخاصة إذا كانت المرأة فسترى الذئاب من حولها تريد إفتراسها بسبب تسجيل عليها نقطة سلبية وأن سكوتهم وعدم فضحها تقوم أمام المقايضة على جسدها لكن هناك أحداث أخرى ويكون إنتقام...
