أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى بارت ٢٠

يسعدني تفاعلكم
مرتضى الهاشمي
إنتقام انثى
بارت ٢٠
سحر لا أني ما خنته غلطت إي بس ما خنت فراس ولا كنت أفكر اخونه وإذا إنت صدك تحبه وكلبك على فراس  المفروض توجهني على الصحيح مو هيجي تستغلني وشكد كنت محتاجة قبل لواحد يوجهني بس إنت إلي خربت كلشي و أني دفعت ثمن غلطتي بس بقيت إنت لازم تدفع ثمن غلطتك وأني إلي راح أعلمك وادفعك الثمن غالي
عمر أني صحيت هسه على نفسي وأتمنى تراجعين نفسج وتسامحيني مو لخاطري لخاطر اختج والاطفال لو ما أني نادم اكدر افضحج وشيصير خل يصير بس أريد اصحح غلطتي وابدي صفحة جديدة  وما أريد الغلط يتكرر
سحر هههههههه انت من كل عقلك اسامحك على شنو اسامحك على جسمي إلي شوهته واخذته غصب لو على المصايب إلي جتي من جوى راسك شوف اكلك إذاإنت رجال كول وإحجي بس متسويها تعرف ليش لأن تدري كلش زين راح يكون أخر يوم بحياتك وإنت جبان متسويها إنت بس بالغدر فالح وبعدين شنو الي يثبت عندي علاقة ثانية قبل الحادث و شنو اليثبت أني سويت الحادث لا تضل تسوي روحك فقير ومتريد تحجي بس إنت جبان وأي دليل ما عندك
شهد رجعت للغرفة وكطعو عمر وسحر كلامهم
شهد جبتلكم عصير وكيك
سحر تسلمين حبيبتي
عمر جان جبتي غدة انتو أكيد مااكلتو شي من الصبح
شهد لا الكيكة كافية منشتهي ناكل شي ثكيل لأن الهبطة سدت نفسنا
بعد ما أمر الدكتور  خروجهم من المستشفى لأن عمرصار زين قرر فراس عمر وشهد يجون يمهم بالبيت بين ما عمر يفتح الجبس مال رجله
بعد  مرور يومين بيت فراس
سحر تخرج للحديقة وتتصل على رضا
رضا الوووو
سحر هلو رضا
رضا هلو روحي
سحر راح تخليني اتجاوز
رضا شبيج سحر أني مكلت شي حتى تجاوزين
سحر أني الست سحر وأكثر من مرة كتلك أحترم المقابيلك من تتكلم زين
رضا ليش أني قللت احترامي وياج
سحر وهذا الكلام شنو معناه
رضا هذا كلامنا أني وياج ومشاعرنا
سحر أكثر من مليون مرة كتلك ذاك الموضوع سده وعلاقتي وياك بعد الحادث بسبب أرجع كرامتي من عمر وانتقم منه وبس والدليل الفلوس إلي انطيتها إلك بالهبل
رضا يله خلص
سحر أتصلت بالرجال إلي كتلك عليه
رضا اتصلت بي ووديت رهف واقتنعت هذا صاحب المال بس شلون اجتي الفكرة على بالج تخليني أتفق ويه واحد وتخلين العقد مال المحل  بإسمه ومنين تعرفي وشلون امنتي بي
سحر هذا الشغل كبير على عقلك ما راح تفهمه وهذا الرجال يريد يعيش بشكم فلس كلشي يسوي مو مثلك ميعرف شيريد وبالنسبة للعقد مزور وتشكك بعد ما جاي صكارتك وشافته
رضا شبيج سحر اشو متغيرة هواي أني رضا شنو نسيتيني ليش هيجي متغيرة عليه وكلامج كله رزايل
سحر أعرف إنت رضا  السبب بخراب بيتي
رضا إذا تريدين اعوفج عادي أني لهنا ومهمتي تخلص وأعتذر إذا سويتلج ازعاج بحياتج
سحر اووووكف وين تروح مو اتفقنا نكمل للنهاية لو هو لعب جهال مو مو كتلك إنت طفل و تبقى متعرف تصرف
رضا نكمل حسب اتفاقنه مو تقلبين عليه
سحر أني ما قلبت عليك وفلوسك توصلك
رضا لا إنتي تدرين كلش زين أني ميهمني الفلوس بكد ما إنتي تهميني
سحر احترم نفسك وأعرف ويامن تحجي
رضا خلص أني منسحب يغلق التلفون
سحر الوووو الووووو
هذا سده بوجهي وين راح منو راح يكمل إلي مخخطه إله
رضا يكلم نفسه إاااي هسه راح اخليج ترجعين لحضني وخاتم باصبعي بس صبري يا سحر
ابو حازم اي هسه ضعت بالسجن لا عمر يسأل ولا واحد يجي يزورني والقضية صارت براسي لازم الكه حل لهاي البلاوي إلي على راسي توكع ولازم أفضح عمر عليه وعلى اعدائي من يجي اليوم حازم وامه اكللهم شيسوون حتى بعدها أتخذ إجراء إذا ميجيب الفلوس الي إتفقنه عليها وينطيها لحازم
عمر يتصل على رضا بس تلفون رضا مغلق
عمر شلون بلوة هذا قفل تلفونه عود كتله روح فهم أبو حازم شيكول بين وينطي فلوسه ما اطيب حتى بعدها اتفرغ لسحر وأعرف شلون اكسرها ولج سحر إنتي هيجي تسوين بيه وتكعديني كل هاي الفترة مكسر إله اخليج تندمين على الساعة إلي انولدتي بيها
سحر هذا لازم أتواصل ويا لازم اروحله بس وين اروحله للبيت ولله حيرة خل أروح هسه للسوبر ماركت بلكي مفتح الكى أكيد هو ميعزل حتى اكدر اتفاهم ويا
وصلت للمحل لكته معزل راحت لمنطقته وتفتر يم بيته والفرع بلكي تلكى شافته من بعيد كاعد بالكهوة
نزلت سحر من السيارة وراحت تتكلم ويا
رضا شاف سحر ارتبك وكام بسرعة واجاها
ليش جيتي هنا
سحر إنت وينك و ليش قفلت التلفون وبكيفي وين ما أجي أجي مو زين ما رحت لبيتك
رضا لبيتي شسوين
سحر لو تكمل لا أروح أكول لحبيبة القلب رهف أني صاحبة المحل
رضا أني كلت إلي عندي
سحر مو بكيفك تكمل إلي اتفقنا عليه لو انت مثل الطفل كل شوية براي تذكر قبل يومين من جيتني وتتوسل علمود أخلي رهف تقتنع شبيك هسه خليت بالاتفاق
رضا كل واحد ملزم بإتفاق بس مو حسب شروطج حسب شروكي أني
سحر أصعد بالسيارة وخل نتفاهم بالطريق
بعد ما صعدو بالسيارة
سحر إنت شتريد بالضبط
رضا إنتي تعرفين كلش زين
سحر أريد أسمع منك
رضا بدون تهجم وبدون كلام زايد تريديني أكمل وياج أريد إلي بالي
سحر وهو شنو
رضا إنتي
سحر وضح شنو أني كل الفلوس إلي انطيتها إلك مكفتك
رضا لا اريدج إنتي ولو مرة وحدة رايد جسمج
سحر انت واحد ما عندك غيرة
رضا خلص أني انسحب
سحر إنسحب وأني أروح لرهف وأكللها أني صاحبة المحل
رضا عادي روحي وصورج وفيديوهاتج كلها يمي من كنتي ادزيها اليه أني أوديها لفراس
سحر تصير عصبية وتنصدم بكلامه
شتكوووول لك انت حيوان إنت ساقط يعني كنت كل ذيج الفترة تستغلني
رضا  لا تغلطين و إحترمي نفسج وهسه أني أخيرج تريدين نكمل المشوار أريد جسمج متريدين يجوز ما ألزم نفسي اروح لفراس وأنطي الفيديوهات مالتج
سحر انت واحد ساقط
رضا بدينه نغلط عموما الج إسبوع فكري ورديلي خبر
سحر امشي انزل من السيارة
رضا أني نازل بس خليها بالج إنتي راح تجيني زين حبابة ماكو واحد بالدنيا كلها تكدرين تأمنين روحج اله غيري
سحر امشي ولي من كدامي
سحر ترجع للبيت وهي بالطريق و تسوق السيارة وتبكي بحرقة تصرخ بعلو صوتها وتكول
أني شسويت بروحي دمرت نفسي كلها بسبب علاقة غبرة مو كان عندي بيت ورجال وأولاد بطولي شجاني ووكعت نفسي بهيجي بلوة
صوووجي كل من جوة ايدي استاهل وأكثر
رجعت سحر للييت محبطة ومبين الإحباط عليها
تفاجات شهد بسحر وسألتها
شهد شبيج حبيبتي مو على بعضج
سحر مجاوبت راحت صعدت لغرفتها
شهد راحت ورى سحر للغرفة وتحاجي سحر
شهد شبيج ضل بالي عليج ليش متجاوبيني
سحر بعدين شوية واحجي إلي بكلبي بس أريد اكعد شوية لوحدي
شهد شبيج حبيبتي صاير شي
سحر لا ما صاير شي عوفيني فدوة أريد اكعد لوحدي
شهد اوكي حبيبتي شوية واجي اطمأن عليج اجيبلج عصير
سحر  تتهستر وتصيح بأعلى صوتها ما أريد شي عفية بس عوفوني عوفووووووووني
شهد صار حبيبتي أعوفج بس على كيفك لتسوين بروحج شي
تطلع شهد من الغرفة وهي مستغربة كلش لحالة سحر شبيها وليش هيجي اسلوبها صار
بعدها سحر قفلت الباب حتى محد يدخل عليها
بقت شهد تنتظر سحر ورى الباب تصيلحلها حتى تحجي وياها شبيها بس سحر مترد
شهد تحجي ويه نفسها
شكو ياربي ليش منرتاح من هم لهم ومن مصيبة لمصيبة المصايب بس على راسنا توكع دخيلك ياربي هسه شلون شوكت تفرج علينا ونرتاح وترجع الضحكة إلنا مثل قبل اوووف ياربي سحر شبيها وليش هيجي مقهورة أكيد اكو سبب قوي
سحر كعدت والقهر كاتلها وتلوم بروحها وتبجي ومتعرف شسوي
سحر تكلم نفسها  تضرب و تلطم على راسها ووجها
شلون هسه شسوي المن اشتكي وشكول منو راح يسمعني ويفهمني منو راح يوجهني منو يحس بوجعي شسوي هسه دخيلك يا ربي بس إنت تفهمني غلطت ودفعت ثمن غلطتي ليش بعدني لهسه اتحاسب عليها لييييش يعني معقولة إلي صار بيه مكفر عن ذنبي كنت اركض ورى نوزتي وشهوتي وتعاقبت وهسه اتعاقبت لأن أريد أحافظ عن نفسي ربي بس إنت تسمعني وتعرف شنو الي بداخلي محد يفهمني غيرك ياربي ومحد راح يقتنع بكلامي ولا واحد راح يبرر وين أروح إلمن أشتكي تعبت ولله تعبت ليش أتعاقب يومية ليش محد يحس الي بداخلي ويصدكني
تكوم وتوكف كدام المرايا وتلزم صورة فراس إلي خالتها على المرايه
أحسن شي اصارحه وأكله وشيصير خل يصير تعبت
لا شلون اصارحه منو يكول راح يصدكني ويسامحني ويصدك أني احبه و متندمه أخاف اخسره وأخسر أولادي هم خل اكله وشيصير خل يصير المهم أريح ضميري لا ااااا غلط غلط حتى لو صدك بيه وسامحني ما راح يعوف عمر ورضا ويكتلهم ويدخل السجن اوووووف ياربس شسوي دليني ياربي علمني وين أروح
أحسن شي أروح لشهد اي أحسن شي أروح لشهد وهي توجهني بس شكووووووول لشهد شكللها زوجج خانج ويايه زوجج إغتصب أختج ترجع تطلم على وجها زين وين أروح والمن أشتكي لا لا لااااا هم غلط وين أروح ياربي ما أعرف اتصرف أحسن شي أنتحر إي الموت ارحملي وهو الوحيد الي راح يحافظ على عائلتي بعد محد يحجي والكل يسكت أصلا يخافون يجيبون طاري بس لااااااااااا أموت وهمه يتمتعون بحياتهم أموت والي نهش لحمي حر طليق لا والف لا إلا أنتقم واكتلهم واحد واحد مو بس عمر ورضا شكو واحد اله إيد
بس شلووووون شلون أنتقم وأني لوحدي وضعيفة وماكو واحد يسندني
شهد إدك الباب مال الغرفة على سحر
سحر منووووو مو كلت أريد أبقى لوحدي
شهد حبيبتي ضل بالي يمج
سحر تعصب وتكون تصيح
عوفووووووووووني دخيل الله عوفوني لوحدي
أريد رأيكم بالقصة لأن يهمني
للقصة بقية
محبتي لكم جميعا
مرتضى الهاشمي
يتبع البارت ٢١