أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى بارت ٣٥

بارت ٣٥
أبو رهف ليش ابنيتي اكتلج إنتي مالج ذنب هذا ذنب رضا وصاحبته وذولي ثارهم وياي
رهف بابا خل يطلكني وأخذ بنتي أني اربيها وخل يولي ما أريد اخسرك بسببهم
أبو رهف مو بكيفج شلون اعوف ثاري وبعدين ليش انتي عندج شي ثاني احجي
رهف لا ولله ليش بابا تشك بيه منعرف بنتك شنو
أبو رهف بعد ما اريد اسمع منچ تكليلي عوف رضا
رهف حاضر بابا
النقيب علي يسمع أقوال الشهود بخصوص قضية أبو حازم واجوي الولد الإثنين إلي كانو بالگهوة بيومها وراحو على سيارة سحر ويه أبو حازم عود يصلحوها ويشوفون شبيها
الشاهد الأول دز عليه النقيب علي ودخل للغرفة ومرتبك خاف لا يلقون القبض عليه لأن يعرف أبو حازم
النقيب علي تعال استريح هنا
الشاهد الأول شكرا سيدي
النقيب علي أريد تسولفلي شتعرف عن أبو حازم وشنو شفتو الصبح بيوم الإعتقال بالبداية إسمك الثلاثي أو جنسيتك
الشاهد الأول ينطي الجنسية للضابط وايده ترجف
النقيب علي ليش خايف مبين عليك متوتر كلش
الشاهد الأول ولله سيدي أني مالي علاقة بكلشي
النقيب علي بس أني ما تهمتك بشي بس أريد تسولف شتعرف عن أبو حازم
الشاهد الأول أبو حازم رجال غامض چنه ندري بي يشتغل فراش بالمستشفى بس فجأة بطل وشال فترة وبعدين رجع ومن رجع عنده فلوس و دولارات وسمعنا عليه انسجن فترة قبل لا يرجع للمنطقة و رغم ما بقه بدون شغل بس أمورة ماشية مو مال واحد يشتغل يوم و١٠ كاعد
النقيب علي متعرف منين تجي فلوس وشنو چان يشتغل
الشاهد الأول كان يشتغل فراش بمستشفى وبعدها إنفصل وگام يشتغل يوم عمالة يوم يشتري سيارة بسعر رخيص ويعمرها ويبعيها
النقيب علي زين كان يشتغل بالمخدرات ما شفتو يوم عنده حبوب
الشاهد الأول لا بصراحة بس چان إبنه يكبسل وكان يومية يسوي مشاكل بالمنطقة
النقيب علي زين منو كان يتردد عليه
الشاهد الأول كان يتردد عليه واحد مرتب مبين طاك وسيارته حديثة وخاصة من چان شايل أبو حازم چان يومية هذا الزلمة يجي ويسأل عليه لحد ما فترة وگطع
النقيب علي تكدر تنطيني اوصافة
الشاهد الأول إي سيدي انطيك اوصافه
النقيب علي يطلع صورة من الميز لعمر وينطيها للشاهد الأول ويكله
بدون ما أسمع اوصافة هذا شايفه
الشاهد الأول ياخذ الصورة ويدقق بيها وينفاجئ و يكول
إي سيدي هو هذا الزلمة إلي كان يتردد على البيت دائما
النقيب علي متأكد
الشاهد الأول ١٠٠% سيدي مثل ما متأكد جاي اشوفك هسه
النقيب علي زين سولفلي على البنية إلي سيارتها عاطلة
الشاهد الأول هاي لگيناها طابگة الصبح ليغاد من الگهوة وسيارتها عاطلة ومن سألناها شسوين هنا كالت جيت على وحدة صاحبتي بس تيهت بيتها
النقيب علي تگدر تنطيني اوصافها
الشاهد الأول شعرها أصفر مبين شوية من الشال وبيضة ولابسه مناظر ونزعت المناظر بس من چانت يم السيارة واگفة ومن جينه عليها رجعت لبستها كل هذا إلي گدرت أعرفه عنها لأن كانت لابسه شال ومناظر ووجها ممبين زين
النقيب علي يطلع صورة سحر من الميز و يشوفها للشاهد
الشاهد الأول لا سيدي مو هاي ولا شايفها لهاي البنية
النقيب علي ركز عليها زين لأن هنا شعرها أسود يجوز فارق لون الشعر تيهت
الشاهد الأول بعد ما دقق بالصورة لا سيدي مو هي وهاي ما شايفها أبد
النقيب علي زين صدك البنية طلبت من أبو حازم يشوفلها واحد يصرفلها مبلغ من الدولارات ٤٠ ألف دولار تقريبا يعني ٤ شدات
الشاهد الأول لا سيدي ماكو هيچي حچي البنية گالت سيارتي عاطلة ورحنا نجيب فيتر أبو حازم گاللها تعالي لييتي يم الحجية تالي راحت وبين ما جبنه الفيتر لگيناها رايحة عود گايلة لأبو حازم مستعجلة وهي راح تروح لفيتر على دربها
النقيب علي ما شفتها شايلة شي بإيدها
الشاهد الأول كلشي ما شايلة حتى جنطة ما شايلة بإيدها والبنية أصلا مبينه بنت ناس و كلشي ما تندل
بعد ما إنتهى النقيب علي من التحقيق مع الشهود على إنفراد وچانت اقوالهم مطابقة رجع دز على أبو حازم
أبو حازم يدخل لغرفة الضابط برفقة الشرطي
النقيب علي استريح
أبو حازم يكعد ويكول للضابط
شكرا سيدي
النقيب علي الشهود ما شهدو لصالحك والبنية ما عدها شي و هذا كلام الشاهدين الأول والثاني وهاي تواقيعهم واقوالهم
أبو حازم إي سيدي همه ما يدرون بسالفة الدولارات لأن راحو يجيبون الفيتر وضلينا أني وياها لوحدنا
النقيب علي هسه كلامك اتغير مو قبل كنت تكول جيب الشهود وبرائتي راح تطلع
أبو حازم أقصد على البنية إلي جتي
الضابط زين شنو علاقتك بعمر وليش كان يتردد عليك هذا كلام الشهود اثنينهم
أبو حازم سيدي كلشي راح اسولفلك بس ولله شغلة المخدرات والتزوير ما أدري بيها
وبده أبو حازم يسولف للضابط شنو اتفاقه هو وعمر وكل التفاصيل إلي صارت بيناتهم
رضا لازم ورى ما اكتل حسون أطلع من بغداد وبعد ما ابقى بالعراق أصلا ولله إله أشرب من دمك وشمنتظر خل أروح هسه واراقبه
سحر گاعدة يم شهد وشهد نايمة والمغذي بإيدها وبدت شوية تصخى وتفتح عيونها
سحر كلش فرحت واجتي وحضنت شهد وباستها وتكللها
الحمدلله على سلامتج حبيبتي
شهد أني ليش هنا شبيه شصار
سحر حبيبتي ما صار شي بس عاجبچ تدللين عليه
شهد أني آسفة سحر آسفة هواي بسبب إلي سوى الچ عمر
سحر ليهمچ حبيبتي إنتي مالچ علاقة بعد إلي صار صار وخل نبدي صفحة جديدة ونطوي صفحة عمر من حياتنا
شهد تبجي
سحر ليش تبجين حبيبتي
شهد على حضي وقسمتي السودة لا اگدر اباوع بوجهچ بسبب عملت عمر ولا اگدر اصارح أطفالي ليش راح اعوف ابوهم و ما أعرف شلون أواجه العالم أني واطفالي
سحر لتبچين حبيبتي هذا مو ذنبج ولا ذنب اطفالج هذا ذنب عمر
شهد منو راح يعرف ويقدر منو راح يكول هذا كلامج اتمنى ميته ولا بهذا الموقف أني
سحر لا حبيبتي اسم الله عليج لتكولين هيجي صيري قوية اتحملي شما تكون صدمتج مو مثل صدمتي وإلي مريت بي بس صرت قوية وتحديت الظروف وصرت أقوى بهواي ترى الظروف الصعبة هي إلي تخلي الإنسان قوي وصلب
شهد اتمنى عندي القوة مثلج أتمنى اكتل عمر واشرب من دمه
النقيب علي يصيح على أبو حازم وعصبي كلش صاير
شلون ما كلت هذا الكلام من البداية
أبو حازم انطاني فلوس وسكتني
النقيب علي راح أخلي سحر تفتح القضية من جديد وكل واحد ياخذ جزاءه حسب القانون وهسه اتأكدت إنت صدك اتاجر بالحبوب وتزوير العملة
أبو حازم لا سيدي ولله العظيم الحبوب والفلوس مو اليه
النقيب علي يصيح عليه اسكت أني كلت إلي عندي وكتلك شوفلك محامي زين لأن إلي جايك مو هين وعن قريب راح تصعد اوراقك للقاضي
مرتضى الهاشمي
يتبع بارت٣٦