أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى بارت ٢٥

تفاعلكم يسعدني الكاتب مرتضى الهاشمي
إنتقام أنثى
بارت ٢٥
فراس إحجي شتنتظرين
سحر بس قبل لا أحجي لازم تعرف سكوتي خوفا عليك
فراس إي مو أني طفل وإنتي خايفة عليه
سحر إي خايفة عليك لأن إنت متريد تقتنع اكو ناس غيرانه منك ويريدون ينتقمون منك عن طريقي وما أريدك تسوي جريمة بسببي وتدخل السجن كل هذا بسبب حبي إلك هيجي تجازيني
فراس هااااااا وال٣٥ مليون إلي سحبتيها من المصرف هاي شنو
ويشمر عليها دفتر التوفير
سحر إنت هامك الفلوس لو شنو إلي هامك
فراس تعرفين كلش زين أني فلوس الدنيا متهمني بس وين وديتها وليش مكتيلي و كل هاي الفترة تستغفليني وأني ما أدري
الكل ينصدم بكلام فراس عمر وشهد واحد كام يباوع على الثاني والخوف واضح على عمر لينكشف
سحر هاي فلوسي وتعبي من راتبي أني حرة بيها اصرفها احركها شسوي بيها أسوي
فراس لو حاركتها ما احجي بس وين وديتيها وليش تطلعين بدون علمنا أني حتى إتأكدت إنتي ما فاقدة الذاكرة وتعرفين كلش زين منو إلي خطفت و اغتصبج ولازم نعرف كلنا هسه ليش متكولين وتتسترين عليه
العرق بده يصب من عمر من الخوف و ميكدر يركز يوكف حتى تسنده العكازات
شهد صدك إنتي ما فاقدة الذاكرة صدك إنتي تستغفلينا كل ذيج الفترة ولهسه متقبلين تحجين منو سوه بيج هيجي شنو سبب سكوتج
تلزمها من زندها وتكللها
جاوبي سحر ولج جاوبي تعيط بوجها والدموع تساقط من عيون شهد على خدودها وتقول لسحر
جاااوبي ولج جااااوبي ليش ساكتة
سحر الدموع تنزل من عينها و تحاول اتضم بجيتها
إي أني كنت أمثل عليكم أني ذاكرتي أحسن من ذاكرتكم كلكم لأن إلي شفته لازم انسى غصبا عني ولازم محد يدري بي لأن راح يصير بحر من دم وهذا البحر بعد مينشف
الكل ينصدم من كلام سحر وعمر حالته تصير أصعب وميعرف شيسوي مبين عليه متورط
بينما فراس نزل من الدرج بسرعة على سحر ولزمها من زنودها ويهز بيها
احجي منو سوه بيج هيجي كولي وليش هيجي سوو بيج ولج ليش تضمين علينا
سحر تباوع على عمر وتتكلم ويه فراس
ما اكدر اكلك منو بس راح تعرفه عن قريب بعد ما أشرب من دمه و كلكم راح تراعون ليش أني ساكته
فراس باوعي عليه كليلي منوووو
شهد سحر كولي منو ليش ساكته كل هاي الفترة
سحر أقرب الناس إلك يا فراس سوى بيه هيجي أكثر من هذا ما اكدر أوضح
فراس و شهد يلتفتون على عمر بس عمر يوكع على الأرض بقوة ويغمى عليه
الكل التهى بعمر بسبب الكلام ويه سحر منتبهو على كلام سحر هي تقصد عمر لأن كان بالهم مشتت
شهد عمر عمر شبيك عمر تعيط بأعلى صوتها عمرررر ولك شبيك
فراس خل اخابر على الإسعاف
سحر تاخذ دفتر التوفير مالها إلي مرمي على الأرض بعد ما شمره فراس عليها سابقا وتباوع على عمر وتكله لعمر
إلى جهنم بس كنت أتمنى أني اموتك
وتعوفهم وتروح خارج البيت
محد انتبه على كلام سحر لأن كانو ملتهين بعمر
رضا رجع للبيت ومرتبك وعصبي يكلم رهف
ولج غير اديرين بالج على ليان شلون تعوفيها وحدها برى
رهف تبكي بحرقة والدموع تتساقط على خدودها بدون توقف
رهف هي دائما تطلع تلعب ويا الجهال وكل شوية أشوفها وأرجع بس هالمرة بسرعة لكيتها ماكو ومن طلعت حتى الجهال ما ادري وين راحو ولا طفل لكيت بالشارع
رضا مشفتي سيارة أحد بالشارع
رهف ماكو واحد ولا حتى سيارة موجودة
رضا أروح أسوي دعوة بالمركز وحسابي وياج بعدين لو اكلج تعالي ويايه أكيد يحتاجون اقوالج
رهف إي  يله امشي بسرعة أبوس إيدك
رضا لبسي شي ستري نفسج حتى ملابسج مشككتها
الظاهر رهف شكت ملابسها علمود بتها ليان من بجت ولطمت عليها
رهف اي أروح البس و اجيك
رهف راحت اتبدل تلفون رضا رن شاف رضا التلفون طلعت سحر مجاوبها
رضا هاي ولله بطرانه أني وين وهي وين
دكت عليه مره ثانية هم رفضه والمرة الثالثة والرابعة لحد ما مل وبالمرة السابعةجاوبها
رضا ها خير شتريدين
سحر كل خير ليش متجاوب
رضا أني بمشكلة بس الله إلي يدري بيها
سحر تضحك بصوت عالي
ههههههههههاي  أعرف مشكلتك و حلها يمي
رضا شنووووو تعرفين شنو مشكلتي يعني تعرفين ليان ضاعت
سحر انخطفت  مو ضاعت
رضا وإنتي شمدريج
سحر تضحك هههههههه مو كتلك لتتقارش ويايه المهم بنتك يمي ومعززة مكرمة أقسم بالله منا لساعة إذا ما اجيت و سويت إلي أريده ليان بعد متشوفها
رضا يا حقيرة يا بنت الكلب أشرب من دمج ولله
سحر أعصابك حبيبي ترى من تشرب من دمي اكو من يشرب من دم ليان حبيبتك لو رخيصة عندك ليان شتكول
رضا ولج هاي طفلة مشفت احقر منج تساوميني بطفلة
سحر وانت تساومني بشرفي شعبالك إنت مثل عمر ماخذ أختي وما اكدر اساومك
رضا خلص وين اجيج بس دخيل الله لتأذين ليان
سحر كون كلب مطيع وجيب كل التلفون إلي بي الفيديوهات وتكمل إلي أريده يله انطيك ليان زين
رضا صار وأني خادم
رهف يله بدلت خل نروح عفيه
رضا يوكف كبال رهف ويضربها راشدي قوي و يكللها
ولج من وراج انذليت يا عوبة النسوان
يعوفها ويطلع
رهف تركض ورى وتصيح عليه
اوكف فدوة اروحلك ولله اسفة بس أخذني وياك أريد اطمن على بنتي
رضا رجعي لا اجرم بيج ولله رجعي
يطلع رضا ويشغل سيارته ويروح
وبهاي الاثناء رجع رضا دك على سحر
سحر تفتح خط الوووو
رضا إنتي وين
سحر راح اكلك وين تجي بس دير بالك تلعب بذيلك أقل خطأ منك ليان تروح بيها
رضا لا لتخافين
سحر هههه وأني أخاف من واحد مهتلف مثلك لا الشيطان يلعب براسك وتخبر الشرطة ترى روح ليان بإيدي
رضا لا لتخافين ولله وداعة ليان
سحر بالمكان إلي التقينا بي أخر مرة تعال
رضا جيت مسافة الطريق واوصل
فراس وشهد مخبوصين بعمر وصلو للمستشفى ودخل عمر للطوارئ وحولو للانعاش لأن حالته صعبة
شهد مسكتت من البجي ودموعها حفرت خدودها وفراس يمها و باله يم عمر
فراس  مصدوم من إلي صار و يحس اكو لغز ولازم يفك الشفرات مالته فراس يكلم شهد
معقولة سحر مسولفتلج شي ومتعرفين شي
شهد إنت تعرف كلش زين أني ادور مثلك على الحقيقة سحر صارت لغز وتغيرت احس بيها مو نفسها أختي إلي أعرفها
فراس لهنا وبس لازم أعرف شنو إلي يصير
رضا وصل لسحر للمطعم ولكاها كاعدة نفس المكان
سحر زين متأخرت جيت بوكتك
رضا اليوم أشرب من دمج
سحر إنت   متجوز من همبلتك إنت واحد حشرة لتتقارش ويايه
رضا يحاول يضم غضبه
كليلي ليان وين
سحر بالحفظ والصون أصلا مدللتها مو مثلكم وعيشتكم الفكر
رضا أني ما حارم بنتي من شي وهذا الشي أصلا لتدخلين بي
سحر إذا خايف عليها سوي إلي اكلك عليه
رضا شتريدين الفيديوهات هاج هذا التلفون بي كلشي
سحر عفيه جيبه 
رضا يسحبه ويرجعه بجيبه انطيني ليان بالأول
سحر يعني إنت شنو إذا إنطيتني التلفون راح اصدك ما حافظ الفيديوهات بغير مكان
رضا ما عندي بس الي بتلفون وأحلف بيمن تريدين
سحر هههههه كالو للحرامي إحلف كال إجاني الفرج
رضا شتريدين لعد فهميني
سحر تذكر من وصيتك أكثر من مرة على حبوب مال كبسلة
رضا شنو تريدين حبوب بمكانها
سحر لا حبيبي أني ما أتعاطى بس چنت أنطيها لعمر ويه الأكل و أعتقد صار مدمن لأن بالفترة المريض بيها وهو يمنا چنت أنطيها بالعصير
رضا وهسه المطلوب مني شنوووو
سحر تسوي فيديو وتعترف بي إنت علمت عمر على التعاطي ولتخاف هذا الفيديو يبقى يمي وميطلع إذا تنشر أني انشر إذا مانشر إنت بالحفظ والصوت على الأقل أطمن إنت ما حافظ فيديوهاتي بغير مكان
رضا إنتي مو بشر إنتي شيطانة
سحر تربايتك حبيبي
رضا إنتي تريدين تضيعيني أكيد ما اوافق
سحر بعدني ممكملة شرطي أريدك تكتل عمر بالمستشفى
رضا ليش شودى بالمستشفى
سحر مكتلك غير أني كلت لفراس عمر إغتصبني والولد إنهار والله اليعلم هسه شصاير بي
رضا عوفي الرجال بحاله مكسر بعد شتريدين منه
سحر أريده يموت وإنت تكتله حتى أضمن بعد ما تساومني بشي
رضا ولج شنو إنتي شغيرج هيجي
سحر إسأل روحك
رضا أني ما اكتل ولا أسلم التلفون ولا أسوي المقطع وليان إذا ما رجعت هسه أخذ روحج
سحر أخذها إنت رجال وكدها بس أعرف بيك جبان ومتسويها
رضا. يشتعل نار ويصيح عليها
ولج أني مو رجال هسه أعلمج رضا منو يا ساقطة يا كلبة
يهجم عليها ويوكعها من الكرسي ويخنگها
بقلم مرتضى الهاشمي
يتبع البارت ٢٦