أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى البارت ال١١

إعجاب ومتابعة وتعليق للصفحة مرتضى الهاشمي
إنتقام أنثى
البارت الحادي عشر
فراس أي عاشت ايدك عوف المتهمين الأصليين وتعال حقق وياه أني و وقفني وهاي إيدي كدامك
الضابط انت ليش متفهم أني عندي أدلة قوية لازم اخذ اقوال سحر حتى اكدر أستعمل هاي الأدلة
فراس وشنو هاي الأدلة وليش مكتلي بيها أني زوجها وآخر واحد يعلم  وبعدين إنت شجلبت بيه كل شوية وتاهمني
الضابط هذا شغلنا وأعتقد لازم نشوف شغلنا هسه
فراس ميهمني كلشي بعد المهم رجعت سحر لبيتها وإلي بالسجن ياخذ جزاءه والأدلة والتحقيق امشو بيها براحتكم بدون متاخذون أقوال سحر
الضابط أني مضطر اتهمك إنت عندك إيد بالموضوع
فراس لو عندك دليل واحد ضدي كان متأخرت بس تدري كلش أني مالي ذنب بالصار
الضابط إنت راح تودي ناس للمشنقة بتصرفك هذا واحتمال مو همه إلي سوو الحادثة
فراس هاي شنو حضرت الضابط كمت ادافع على ناس مشردين لزمتوهم متلبسين بإغتصاب امرأة وهي مغمى عليها وشبه ميته  وبنص الزبالة وبقطعة مهجورة  وتريد تذب القضية براسي
الضابط أني أقصد على الناس إلي كانو السبب برميها هيجي إلي انت متقبل تكول منو وأكيد تعرفهم  وبعدين تعال اكلك بالتحقيق ويه الولد تبين بس واحد منهم إلي اغتصب سحر والباقين مو يمها
فراس حضرت الضابط هذا مو كلام رجل قانون ذولة متلبسين لزمتوهم وكلهم موجودين يعني جانو يكدرون يمنعون صاحبهم لو كلامك صحيح و بعدين أني ما أعرف إلي سوى هيجي لسحر لو أعرفهم كان أني اتصرفت ومجيت عليكم
الضابط إنت متعلمني شغلي فراس
فراس أسف اشتغل براحتك وبعيد عنه وإذا اقتضى اعوف القضية معلقة لحين ما ترجع الذاكرة لسحر  وإذا إقتضى الأمر أسحب الدعوة غير هذا الكلام ما عندي
الضابط هيجي صار الحجي فراس خليها بالك هذا مو لصالحك واكو ناس بريئة راح تروح بيها أني اخليك تفكر هسه بس فكر بالموضوع وراح أعتبر مسمعت منك كلشي أني راح أنهي المكالمة وانطيك فرصة تفكر تقديرا لوضعك لا أكثر
بعد ما إنتهت المكالمة بين الضابط وفراس 
سحر تتكلم ويه فراس
هذا منو إلي جان يخابرك وليش عصبي
فراس يرتبك وميعرف يجاوب بس يحاول يطلع كذبة
هذا الضابط
سحر يا ضابط وشيريد
فراس هذا بخصوص الحادث لأن السيارة انكلبت ويريد ياخذ اقوالج كلتله مريضة ومتذكر شي فعوفها هالايام
صدك سحورة حبيبتي عوفينا من هذا الموضوع شنو رأيج اخذج كم يوم إنتي والعائلة ونروح سفرة ونغير جو
سحر لا فراس حاليا أريد أبقى هنا أريد أتذكر أريد أشوف الناس إلي أعرفهم قبل بلكي ترجعلي الذاكرة بسرعة
فراس يلزمها من زنودها ويباوع بوجها ويتقرب عليها
إي حبيبتي إن شاءالله كلشي تذكرين وأني بعد ما اعوفج
سحر ليش قبل كنت عايفني
فراس لا قصدي ما أخلي الشغل ياخذ كل حياتي وقتي راح يكون كله الج
سحر فراس أريد اسألك سؤال
فراس كولي حبيبتي اسإلي
سحر إنت تحبني
فراس احبج شنو ولج إنتي حياتي انتي الهوى إلي اتنفسه إنتي كل عمري حبيبتي
سحر تحضنه حبيبي فراس حتى بهاي حالتي
فراس إنتي دومج كمر بعيني وأني أحب سحر وروح سحر قبل شكلج شما تكونين إنتي ملاك بعيني اكلج سحورة تعالي فوك اشوفج شكد احبج
سحر بضحكة خجولة فراس شبيك خل اتذكرك يجوز تطلع مو زوجي بعدين أني ما أتذكر شي فاحسك غريب عليه اعذرني وانطيني فترة
فراس اسإلي كلبج هو يكلج تعالي فوك و نكلب بالالبومات والصور بلكي تذكرين شي
فراس يشيل سحر ويصعدها الدرج رايحين فوك للغرفة ودخل الغرفة وقفل الباب وحضنها ووخر عنها وخل وجهه كبال وجها وكاللها
إنتي أجمل ملاك عندي سحر أني ممصدك إنتي رجعتي إليه سحر أني هواي مشتاقلج أني عرفت شنو إنتي بالنسبة إليه وما اكدر اعوفج بعد
سحر ربي يديمك عليه احس إنت احن إنسان إليه إنت هم كنت تحبني هيجي قبل
فراس طبعا حبيبتي وكنا أسعد زوجين وراح نبقى هيجي
سحر اكلك فراس حبيبي أني شنو كان طبعي وشنو أحب وشنو اكره وشألبس وشنو أكل كلشي سولفلي عفيه
فراس كنتي جميله وحنونة ومرحة ورومانسية وكلبج طيب وتحبيني و تحبيني وهم تحبيني هواااااي  ههههههه وكنتي أكثر فستان تحبين تلبسي هذا يفتح الكنتور ويشوفها فستان كلش حلو
سحر الله هذا صدك حلوووو
فراس بكد ما تحبي كل التصاميم إلي تشتريها نفسه ومن يتغير الموديل متشترين إله مشابه لهذا
سحر بصراحة يستاهل راح البسه
فراس لبسي
سحر أطلع أريد البسه
فراس اااااا مو اني زوجج
سحر تضحك ههههه اطلع حباب
فراس راح أغمض عيني يله حبابة وما اباوع
سحر أكيد متباوع
فراس أكيد
سحر تبدل ملايسها وتكول لفراس
سد السحابة من ظهري
اجه فراس وهو يسد السحابة مال الفستان من ظهرها
وهنا فراس يتفاجأ جسمها بي آثار حرق وظهرها بي كدمات قوية أول مرة يلاحظها  مكدر يسكت تفاجأ وضل يباوع على جسمها مثل المخبل ويتعصب حيل ويكول بصوت عالي
هاي ليش شمسوين بيج ذولة الميخافون من الله
سحر ترد عليه
شبيك فراس شنو منو إلي مسوين بيه هيجي يعني أني مو حادث سيارة مثل ما إنت كلت
فراس أقصد إلي سوو الحادث
سحر تغطي تندار عليه  وتحاجي فراس
لا مبين أني متعرضت لحادث سيارة أني هم متعجبة اكو اماكن حساسة ومحد يكدر يوصلها بجسمي بيها اثار حروق وكدمات إذا مو فعل فاعل محد يكدر يوصلها لو مو حادث   شوف اكلك فراس أني مرتك كلي شبيه شنو أني ما اهمك
فراس يسكت وميعرف يجاوب
سحر شوف فراس إلك مهلة منا لباجر لو تكلي شنو السبب لو اعوفلك البيت وبعد ما اعتبرك زوجي لأن إنت جبان ومتكدر تواجهني بالحقيقة ولا تكدر ادافع عليه من إلي سوة بيه هيجي
فراس إنتي صدك تحجين أني لو اعرفة أشرب من دمه
سحر دموعها تتساقط على خدها يعني صحيح اكو من سوى بيه هيجي ومو حادث سيارة مثل ما كتولي زين ليش قشمرتوني ليش مكتولي بالحقيقة
فراس حالتج حرجة ومصدكنه كمتي تستقبلين واحد يتكلم وياج كلنا فترة ونكلج الحقيقة
سحر زين أمي شبيها ليش مريضة يعني مو حادث مثل ما كتولي
فراس اهدئي راح اسولفلج كلشي
و بده فراس يوسلفلها شصار بالتفصيل
الدكتورة تكوم من الكرسي الي كاعدة عليه وتضرب ايدها على المكتب حيل  شلون شتكول إنت تريد ترجعنا الصفر بعد ما تقدنا هواي
عصام دكتورة أني مالي ذنب اني جيت ابلغج
الولد عصام يتكلم وياها يشتغل بالمختبر وجاي يكللها السائل المنوي مختفي من يوم إلي دزيتو للمختبر
الدكتورة وليش مكتولي بوقتها
عصام دكتورة ما أعرف وين اختفى
الدكتورة زين هسه المن أكول ويصدك كلكم تتحولون للتحقيق هاي قضية شرف بنيه بريئة
عصام دكتورة عفيه هذا شلون كلام أني شعليه قابل أني إلي بكته
الدكتورة ليش خايف إذا ما عندك شي خل يحققون وياكم كلكم لو تكولون منو دفعلكم المبلغ وشكد دفعولكم
عصام دكتورة اكو كاميرات تكدرين تشوفيها شنو منو دفعلكم مو عيب هذا الكلام تالي عمري تتهمني برشوة
الدكتورة لعد وين جنت وما حجيت من زمان هسه إتذكرت عموما أني هسه اخابر على الضابط وكلكم يحقق وياكم هذا الاستهتار بالشغل وعدم المسؤولية أطلع برى
عصام يطلع من غرفة الدكتورة
سحر دموعها تنزل وهي تسمع لفراس وكاعد يسولفلها إلي صار بيها
سحر يعني الثأر لأمي بسببي
فراس إنتي مالج ذنب ولا تحملين نفسج ذنب البيج مكفيج كله بسبب الكلاب الأذوج وامج راح تصير زينه والكلاب ياخذون جزائهم
سحر الضابط راد اقوالي من خابرك
فراس أي طلب اقوالج وكتله مو وكتها خل تصير زينة
سحر أني مستعدة كوم هسه نروح
فراس حبيبتي هسه ليل باجر من الصبح أواعدج نروح وهسه أخابر الضابط بس خل نشوف الدكتورة توافق لأن هي متابعة حالتج
سحر لا أرجوك ما اريد الدكتورة تعرف وتعارض أني أعرف روحي ومابيه شي أني قوية ولا تخاف عليه وإذا تكول أني اهمك خل أروح
فراس صار حبيبتي هسه اخابر الضابط
بعد ما إتصل فراس بالضابط يروحون ثاني يوم الصبح فراس وسحر للمركز
الضابط يا أهلا وسهلا بيكم أستاذ فراس و ست سحر طبعا أني أحييج على تعاونج ويانه عكس فراس مقبل يتعاون ويانه
فراس أني متعاون من البداية وياكم بس تعرف أني اخاف على سحر وسحر تهمني صحتها ومقبلت تاخذ أقوالها بين ما تصير زينه
الضابط انت صدك متعاون وأني إنطيتك العذر بس كان لازم ألح حتى تمشي الإجراءات صحيح وبسرعة
فراس وأني اشكرك لأن قدرت وضعي وجدا متساهل ويايه
سحر سيادة الضابط أني ما أتذكر شي شلون راح تكدرون تاخذون أقوالي
الضابط أني كلشي متوقع واعرف متذكرين شي بس كلت بلكي تشوفيهم وتذكرين شي ويساعدج تذكرين ولو جزء لأن الصدمة صارت بسببهم إثتاء ما يتكلم الضابط وياهم تلفونه رن
الضابط هاي الدكتورة ادك عليه انتو بلغتوها انتو يمي
فراس لا مبلغناها لأن نعرف راح تعارض
الضابط حلو خل ارد على المكالمة
الووو نعم دكتورة
الدكتورة مصيبة صارت تكدر تجي للمستشفى هسه
الضابط خير شنو الثأر يا ستار
الدكتورة السائل المنوي إختفى من المختبر
الضابط السائل المنوي اليخص قضية سحر
الدكتورة اي
فراس شنو يخص قضية سحر سيادة الضابط ضل بالي ممكن توضح
للقصة بقية
بقلم الكاتب مرتضى الهاشمي
يتبع بارت ١٢