أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى البارت ٣٠

مساء الورد
تعليقاتكم الحلوة للصفحة
الكاتب مرتضى الهاشمي
إنتقام انثى
بارت ٣٠
الدكتور هذا شغلنا لتدخل بي ترى راح تخلي روحك بمسائل قانونية إنت بغنى عنها و بعدين  تعال اگلك منو يكول مو إنت مو إلي مسوي هيچي للبنية
أم علي دكتور دخيلك إحنا جيرانهم وسمعنا عياط بيتهم وركضنا وشفنا رجلها يكتل بيها وخلصناها وجبناها مو إحنا إلي خطفناها هاي بدال ما تشكرونه على الزين تتهمونه
دكتور عفيه من البداية واحجو الصدك ليش تكذبون
أم علي هسه گنالك الصدك دكتور غير خفنا لا تصير مراكز وگلنا همه عائلة بيت ما تسوه
الدكتور بنيه مواته جتي وحالتها صعبة شلون متسوى عموما خل أهلها يجون ويجون الشرطة وياخذون اقوالها واقوالكم
أبو علي هسه راح اخابرهم لاهلها
سحر توصل للمركز إلي بي فراس موقوف وتدخل ويسمحولها تشوف فراس
فراس هاي شجابج هنا و ليش هيجي وقت متأخر وشلون خلوج اطبين
سحر اتوسلت بيهم واتصلت بنقيب علي و توسطلي وواعدني هو راح يجي ويزورك
فراس ليش چنتي ضامة عليه الحقيقة
سحر أني ما ضميت شي فراس أني خفت عليك لا تنسجن وبعدين لو گتلكم من البداية چان صدگتوني
فراس ليش ما أصدگ بيچ مو أكثر مرة گتلچ صارحيني وگليلي
سحر عموما هسه عرفت وعن طريقي أتصور لو أني ما لمحت چان محد عرف
فراس إي فعلا چانت الحقيقة گدامنا بس محد منتبه إلها بس ميهدالي بال إلا أشرب من دم عمر
سحر أبوس إيدك لتوصخ إيدك بدم عمر هذا شرفي وأني أعرف شلون انتقم منه
فراس ما أوصخ إيدي شلون بعدين شنو هذا شرفي وأني أعرف أنتقم وأني دوري شنو وتعالي أگلچ أني هم عندي حساب وياج أكثر من مرة گتلج إذا تذكرين شي كولي حتى اكدر اساعدج ليش مقبلتي تساعديني
سحر قدر وضعي چنت خايفة عليك وما أريدك توصخ ايدك بدمهم بسبب حبي إلك لو هم تعاقبوني على حبي إلكم
فراس إنتي عرضي شرفي وتريديني أسكت بعدين يا حب تحچين بي وإنتي حتى متخليني أفكر وياچ وما اعرف شنو تصرفين
سحر تريد أگلك شسويت راح أگلك وكلشي أحچيلك ترى الي سويته بعمر مو قليل والضربة القاضية كانت قريبة إله بس إنت خليك بعيد خليني أني أتصرف بدون ما واحد يعرف أني إلي راح اموته
فراس ولچ إنتي شتحجين معقولة إنتي سحر
سحر ليش مو انت تكول إنتي شرفي وعرضي
فراس أني إلي أخذ ثارج مو إنتي
سحر هذا ثاري ويخصني إليه
فراس شنو نسيتي إنتي مرتي
سحر لا منسيت بس أني إلي عانيت وأني إلي عشت إلي صار
فراس إنتي متغيرة هواي گمت ما اعرفچ إنتي الدجاجة چنتي تخافين تنظفيها إذا اذبحها بالبيت هسه تتكلمين بالقتل المهم هذا دوري مو دورج
سحر لا هذا دوري تعرف ليش لأن أني إلي عشت اللحظة أني إلي شفت الضيم شما عانيتو وشما شفتو ميجي دقيقة وحدة من إلي أني شفته و خليني اگلك أني إلي دبرت الحادث لعمر وأني إلي كنت انطي علاج حتى يصير عنده جلطة بالدماغ بدون ما أحد يعرف وراح تطلع التحاليل وراح يكتشوفن بي يتعاطه حبوب محد يعرف أني إلي دبرت كلشي خليني أكمل بلي بديته وأني صح كنت أريده يموت بس من اتأگدت راح ينشل طول عمره فرحت أكثر حتى ينذل أكثر گبالي ويبقى مذلول طول عمره
فراس إنتي معليج هاي قضيتي صارت ومو بكيفج
سحر مو بكيفك إنت وأني راح أضطر أروح واكمل إلي بديته حتى متأذي نفسك مع السلامة
تعرفه وتروح
فراس يصيح عليها
ولج سحر تعالي مو بكيفج سحر إنتي مو حرة بتفكيرچ
سحر متستمع اله وتطلع من المركز
أم رهف وأبو رهف يجون للمستشفى بعد ما أتصل عليهم أبو علي
أبو علي بعد ما حچالهم الثأر بالتفصيل ومن جابوها للمستشفى
أبو رهف هذا الساقط ما اعوفه معرفت ليش سوى بيها هيجي
أبو علي ولله عمي حالي حالك
أبو رهف وهسه شلون صارت
أبو علي نايمة جوى وميخلون واحد يطب عليها لأن عدها انهيار عصبي وخيطولها الجرح إلي براسها وشاديلها مغذي الظاهر صارلها فترة بدون أكل
أبو رهف ليان وين
أبو علي بالبيت يم ولدي وبناتي خليتها
أم رهف عمت عيني عليچ يا بنيتي ولج رهف هذا النذل هيجي يسوي بيج
شهد كاعدة وتتذكر كلام عمر وسحر قبل والبسامير والكلام إلي تكوله سحر لعمر وتكول شهد ويه نفسها
أني صدك چنت غشيمة شلون مجتي بالي شلون مفكرت چان كلشي واضح ومبين هو عمر إلي كان مغتصبها واله علاقة بالحادث ولله ما راح اعوفك إله انتقم منك شر إنتقام يا عمر راح ابقى أنتظر هنا ومن يسمحولي بالدخول راح اموتك بإيدي هاي يا خاين يا عديم الشرف تخوني ويه أختي يا طايح الحظ
رضا ترك البيت وطلع و ميعرف وين يروح ويكلم روحه
أخاف أروح اشوفلي فندق والشرطة تلقي القبض عليه لو أطلع برى بغداد والسيطرات تلزمني وين انطي وجهي بس لا رهف ماتت هسه كله من جوة إيدي أني إلي سويت هذا الشي بسبب جشعي وحبي للغريزة مو متزوج وعندي بنية وزوجتي ماليه عيني ليش هيجي اورط روحي هيچي زين ضيعت روحي وما بقه عندي لا بيت لا مرة وما أگدر أرفع عيني بعين العالم وين أنطي وجهي وين اروح ه‍سه  أحسن شي استغل الوضع وأطلع من بغداد حتى محد يعرفني وابدي حياتي هناك بين ما اشوفلي طلعة بره البلد
سحر رجعت لبيتها وتسلم على حماتها سرى
سرى تحضن سحر وتبچي
شلونچ سحر فراس شلونه ليس تلفونه مغلق وإنتي ليش مختفية وشهد شلونه
سحر تجاوبها
ليش زوجج ما گلچ فراس إنسجن
سرى تلطم على وجها عزااا العزاني لا ما گال شي يگول فراس گالي بس دير بالك من الشركة هسه فهميني ليش إنسجن
سحر شغلة طويلة هسه افهمچ عليها بس أسلم على الجهال ونگعد أني وياچ وافهمچ
سرى لا عوفي الجهال هسه تعالي فوگ وفهميني گلبي مثل النار
سحر بس أسلم عليهم وأصعد
و سحر تسلم على أولادها وتحضنهم وكإن هاي آخر مرة تشوفهم وتحجي وياهم وتبچي
ماما أني أصعد فوگ يم عمه سرى وأنزل عندي كلام وياكم
بعد ما صعدت هي وسرى وحچتلها كلشي
سرى مصدومة يعني كل هاي البلاوي بسبب عمر ليش چنتي ضامه علينا ليش ما حچيتي
سحر شتريدوني أحچي أسوي بحر من دم أسوي ثارات بين عمر وفراس وتالي توصل للأولاد
سرى لعد تعوفي هيچي بدون حساب
سحر الله ميضيع حق واحد وأعتقد أخذ جزائه عمر وزايد تدرين هسه عمر إنشل وبعد ميگدر يمشي
سرى ما أعرف شگلچ بس هذا لو ينشرب من دمه قليل
سحر المهم الله أخذ جزائه
سرى  زين عفيه متعرفين فراس شوكت يطلع
سحر بلغت نقيب علي وگال شغلته بسيطة وماكو أي شكوى ضده
سرى زين النقيب علي ليش ما طلعه
سحر ما مسجون يم نقيب علي بغير مركز مسجون وراح يدخل ويتوسطله
سرى الله يسمع منچ يارب
سحر أني لازم أحچي ويا الأولاد لأن باچر من الصبح طالعه
سرى وين رايحة مو كافي مشاوير مو كافي مو گلتي سلمت عمر بيد الله بعد شتريدين تسوين
سحر أريد أطلع فراس من السجن قابل أعوفه لوحده غير أروح أنسق ويه النقيب علي
سرى نظراتچ وطريقة كلامچ متغيرة مو نفسها سحر القديمة الكتاب المفتوح مو غامضة ولا ضامه شي بگلبها متريد تگوله
سحر ليش الشفته قليل لو سهل حتى ما أتغير أني الشفته مو شوية حتى ما اتغير سرى
سرى نوبات أخاف منچ ومن تصرفتاچ
سحر تضحك وتحضنها
تخافين من سحورة ولچ أني أتغير على العالم كلها بس ما أتغير عليكم سرى إنتو أهلي وناسي شلون تگولين هيچي
سرى مو قصدي أخاف على نفسي أخاف عليچ إنتي من نفسچ
سحر لا تخافين حبيبتي (تگرصها من خدها) يله حب أني أروح أشوف الجهال
سرى أهذي راحتچ حبيبتي
تروح سحر على الجهال وتحضنهم من جديد وتحچي وياهم
شوفو حبايبي أني عندي شغل مهم باجر علمود قضيتي لو أرجع لو لا المهم اريدكم تتعلمون على عمتكم راح تبقى يمكم
رامي بابا وين وإنتي ليش بعد مترجعين
سحر أمور هواي ما عندي وقت افهمها الكم بالمستقبل راح كلشي تعرفون
رامي يبچي ماما يعني بعد منشوفج
سحر لا حبيبي تشوفني ونرجع سوى وبعد ما اغيب عنكم بس هاي الفترة القصيرة راح اكون بعيدة عنكم وبابا باچر راح يرجع الكم
اولادها يحضنوها و يبجون ويكلولها
ماما نريدج يمنا لتروحين بعيد
سحر لا ماما لتخافون عليه أني ما راح اغيب عليكم هواي ديرو بالكم على سجى اختكم يله حبايبي كل واحد يروح على غرفته هسه وينام
رامي ماما اليوم كلنا انام بحضنج
سحر تلزمه من خده
حبيبي إنت مو تستحي مني وتكول صرت رجال
رامي اگولها من أعرف إنتي يمي واكعد الصبح متأكد اشوفج مو أخاف بعد مترجعين أريد أشبع من حضنچ ومن ريحتج
سحر دموعها تنزل وتحضنهم من جديد
صار حبايبي الله ريحتكم شكد طيبة
بقلم مرتضى الهاشمي
يتبع بارت ٣١
وهاي لمتابعيني الورود
🌹🌹❤️❤️🌹🌹❤️❤️🌹🌹❤️❤️🌹🌹