أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى بارت ٢١

متابعة وتعليق وإعجاب للصفحة الكاتب مرتضى الهاشمي إنتقام انثى
البارت ٢١
سحر تصيح بصوت   عالي
كافي كافي شهد عوفيني كااااافي
كل البيت سمعو عياط  سحر واجوي لباب غرفة سحر يسألون  ليس سحر تعيط
عمر شبيها اختج شهد اكو شي
شهد ما ادري جانت طالعة من جتي لهسه تبجي وقافلة الغرفة على نفسها
اجة فراس من الشغل تفاجأ الجميع باب غرفة سحر واكفين
فراس خير شكو شبيكم واكفين هنا
شهد همزين اجيت تعال شوف سحر شبيها قافلة الباب عليها و متقبل واحد يطب عليها
سحر تطلع من الغرفة وتحضن فراس وتبجي
حبيبي فراس محتاجتك لتعوفني
الكل يتفاجأ بسحر ليش طلعت وليش حضنته شصاير
فراس حبيبتي أني ما عايفج بس كنت بالشغل  كولي شصاير حبيبتي ضل بالنا يمج اكو شي
سحر والدموع بوجها والكحلة سايله على حدودها بسبب الدموع تباوع على الجميع وتلمح بعيونها لفراس متكدر تحجي كدامهم
شهد حست وإفتهمت سحر تريد تحجي شي خاص ويه فراس ومتريد واحد يعرف
زين أني  أروح يله امشو خل نكعد جوة شوية ونرجع لسحر وتجر ابناءها وأبناء سحر
عمر ضل واكف ومصدوم يريد يعرف شنو الي تريد تكوله سحر لفراس
عمر يحجي بداخله
هاي بس لا تفضحني لا ياالله شسوي هسه لازم ما اخليها تحجي
شهد يله عمر امشي شبيك واكف
عمر غير نفتهم من سحر كلبي مثل النار عليها
شهد البنية تريد تحجي ويه رجلها أني أختها وراح أروح انت شعندك باقي هنا
عمر ليش أني مو أخوها غير اطمن عليها
سحر تباوع على عمر بنظرة تعجب وتكله
لتخاف ماكو شي أريد أكول لفراس  بس اريده ينهي الموضوع ويتنازل عن إلي بالسجن و يغلق الملف لأن تعبت
عمر إذا هيجي أني أروح هذا الكلام يخصكم انتو بس
سحر ليش اكو شي لازم تدخل بي لو بخصوصياتي
عمر لا أقصد إذا واحد مهددج لو يريد يأذيج حتى امسحه من على الأرض
سحر عندي زوجي وميقصر وهو الوحيد إلي يجيبلي حقي
فراس الكل ميقصرون ويانه سحر شبيج احجي حبيبتي
شهد عمر امشي جلبت خل البنية تحجي ويه رجلها
كلهم راحو نزلو جوة بقت بس سحر وفراس دخلو للغرفة
فراس يحضن سحر
شبيج حبيبتي طلعي إلي بداخلج
سحر أبوس إيدك انهي الموضوع أخاف عليك
فراس اكلج إنتي سامعة شي لو متذكرة شي ومتقبلين تحجين أريد اعرف
سحر لا طبعا ما أعرف شي 
فراس عيونج يكولن غير شي شوفي سحر أريد اكلج شي واحد إذا عندج شي تريدين تكولي فكولي بدون لف ودوران احتمال هسه اكدر  اسامح إذا اكو غلط أو شي خايفة منه وهاي فرصة متتعوض لكن إذا عرفته بعدين ومن غيرج فماراح اسامحج أبد
سحر ليش فراس شبيك إنت تشك بيه
فراس امورج متلخبطة كلش سحر ومو على بعضج وليش تلحين على التنازل إذا ما سامعة شي وبعدين قبل لا تنخطفين نفس الحالة صرتي وهم تحججتي هوايه لحد ماصار إلي صار
سحر تبتعد عن فراس ودموعها تنزل
يعني إله أسمع شي يعني ميصير واحد يحس بحبيبه ميصير أحس بيك وأخاف عليك
فراس كلامج مو مال خوف ولا إحساس كلامج مال شي متأكدة منه بس متكدرين تحجين بي
سحر إنت ليش دائما متنصفني وظالمني
فراس أني ما انصفج شلون يكون الإنصاف بعد سحر هو منو إلي يضم على منو ومنو إلي ميريد يصارح منو ليش تضمين عليه
سحر أني ما ضامه شي عليك
فراس يقاطعها لا سحر إنتي ضامه عليه وكتلج إلي ضامته عليه كولي قبل لا أعرفه من غيرج لهنا وانتهى الكلام
سحر خلص فراس بعد ما اشكيلك وراح تشوفين يوم عمر بسببي راح تشوف سحر ثانية تدلل بس بشرط بدون ما تسألني عن اي شي بعد
فراس يعوف الغرفة ويطلع
سحر تبقه لوحدها وتبجي وتحجي بداخلها
شلون افهمك شلون اكلك أني ردت اخونك وفكرت أخونك وبعدها  ندمت فأعرف راح اجرحك وما راح تسامحني غلطة وحدة صغيرة بعلاقة عابرة راح أدفع كل عمري الثمن حقك تزعل وحقك تضوج مني بس أني منو راح يصدكني ويسامحني مبين هذا الشي لازم اتحمله لوحدي ولازم أعرف أتصرف لوحدي يرادلي قوة أضغط على نفسي واصير أقوى حتى أعرف أتصرف لازم اضغط على نفسي لاااااازم
شهد تتكلم ويه نفسها
شلون بيج سحر اكو شي ضامته علينا ليش هيجي متقبلين تحجين ليش اكو شي أكبر ولازم منسكت عليه لازم بعد ما اعوفها وين متروح أصير ضلها
فراس كاعد لوحدة بغرفة الضيوف (الاستقبال) شنو إلي ضامته عليه احس من كلامها واحد يهددها بيه لازم بعد ما اعوفها لازم أعرف شنو إلي يصير لازم اراقبها أكيد اكو من يساومها بيه ممعقولة هيجي أعصابها منهارة فجأة
بعد ساعة
نزلت سحر من الدرج وهي مبدلة  ومعطرة وعلى زنكة ١٠ وابتسامتها عريضة و كأن كلشي ما صاير وتصيح بأعلى صوتها شهووودة
الكل تفاجأ بصوت سحر وكلهم راحو للدرج عبالهم هي بغرفتها بس تفاجؤ لكوها على الدرج واكفة
شهد هاااا حبيبتي خير
سحر كل خير يا عيون سحر
عمر سبحان مغير الأحوال
فراس شبيج سحر إنتي عاقلة لو بيج شي
سحر ليش هو إلي يضحك بهذا البيت مخبل انت مو تريدني اضحك هاي هسه اني اضحك
تندار على عمر وتكله
وتعال اكلك عمر ليش شبي حالي
عمر هو بس اني اسأل الكل تسأل والكل لاحظتج
فراس يقاطع عمر
شنو سالفتج من جيت لكيتج تبجين شبيج هسه تضحكين
سحر سميني خبلة بس المهم بعد متشوفون مني بس الضحك وأريد اكللكم شغلة وحدة بعد كل واحد يسوي إلي يعجبه ويريحة زييين
فراس شبيج سحر
سحر حبيبي إنت مو كتلي قبل شوية ما اريدج تنقيمن عليه مو بس ايجي لو أشكي تضوج مني خليني أتصرف براحتي حتى لا بعدين من أبجي إتهموني أني أمثل عليكم
فراس أني ما كلت هيجي سحر أني قصدت إحجي إلي بداخلج ولا تضمين علينا شي وبعدين تصير مصيبة
سحر حبيبي المصائب تجي من اقرب الناس الي حاسب روحه قريب وبعدين أتمنى يكون غريب حتى أعرف اتعامل ويا وارده
فراس شتقصدين
سحر ما اقصدك انت حبيبي وزوجي الأغراب يعرفون نفسهم
شهد لعد منو المقصود سحر بقينا بس أني وعمر شنو إحنا اغراب عنكم
سحر لا حبيبتي إنتي أختي بس اكو ناس حاشرة نفسها كافي بكلشي مدخلة
عمر أني أسف وراح أطلع من البيت يله شهد حضري غراضنا وملابسنا اشو اكدر امشي على العكازة شعدنا بعد باقين
فراس شنو هالكلام سحر وعمر كافي جنكم رويسيه لا إنت تطلع بدون ما تطيب ولا سحر تسمعك حجاية بعد بعدين تعالي اكلج سحر هو مو بسببج تكسر مو كان ويانه بالمركز ومن رجع صار الحادث
سحر حبيبي فراس أني مكتله أطلع و بعدين هو ليش ياخذ على نفسه ليش هو إلي حشري لو غريب
شهد لاااا لهنا وكافي إذا عندج كلام أو شي على عمر كولي لتضلين بهاي سوالفج التعبانة ويومية تسممي بكلمة
عمر كافي شهد هاي اختج واكبر منج ما اسمحلج تحجين وياها هيجي
سحر أني مكلت شي شهد هو يتحسس من كلامي
شهد ليش وهاي بساميرج إله من اليوم إلي صحيتي من الغيبوبة لهسه مو حتى كلنا لاحظنا هذا الشي وطلعت أرواحنا شنو كلنا نتحسس علمود عمر
سحر يعني إذا يشوف روحة حشري لازم يبقه حشري هاي بدال ميكول بعد ما ادخل و قبل شوية من لح مقبل ينزل إلا عرف أني شريد أتكلم ويه فراس وإنتي أختي وسري يمج من كتيلي محجيتلج وسكتي عادي شمعنا هو
شهد أحسن شي نرجع للبيت ونبعد هاي الفترة عنكم الظاهر صرنا ضيف ثكيل
فراس ماكو واحد يطلع وإلي يعيد هاي الكلمة بعد ما احجي ويا طول عمري
شهد ارجوك فراس خل نروح
سحر شوفي شهد مو بكيفج تروحين إحنا عائلة بيت يصير زعل معاتب بس مو نتقاطع زين وكل واحد معرض للخطأ اذا كلنا لواحد عن خطئه مو معناها نتقاطع
وتباوع على عمر وتأشر عليه بأبصبعها
إنت هم عندي كلام وياك
عمر يرتبك ويخاف ميعرف سحر شنو تريد تكله ويرد عليها
شنو تريدين تكولين
سحر تباوع عليه بنظره غضب و تحجي ويا
إنت متطلع قبل ما أني أسوي الي بالي
عمر وفراس وشهد يتفاجؤن
عمر بإرتباك وخوف شنو بالج
سحر شوف أكلك عمر والكل تسمع كلامي
إنت السبب
للقصة بقيه
محبتي لكم
مرتضى الهاشمي
يتبع البارت ٢٢