أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى البارت ١٨

لا تنسو الإعجابوالتعليق ومتابعة الصفحةالكاتب مرتضى الهاشمي
إنتقام أنثى
بارت ١٨
بعد ما خلو الاطفال بيت فراس طلعو للمستشفى سحر وشهد وفراس و إتصلو على زوج سرى اخت فراس تجي يمهم للبيت حتى تبقى يم الأطفال
فراس وشهد وسحر يدخلون للمستشفى مذعورين ويدورون على عمر
فراس يسأل الاستعلامات
اكو واحد إسمه عمر سوى حادث سيارة وهسه نقلوه لهنا أريد اطمأن عليه شلون صار
موظف الاستعلامات يرد على فراس بعدما شاف السجل
إي هسه جابو ودو للطوارئ
راح فراس يركض للطوارئ وشاف عمر مكسر ومغمى عليه والدكاترة مخبوصين بي فنقلوه إلى الأشعة وبعدها للعناية المركزة
رهف زوجة رضا تتصل على رضا
رضا يرد على التلفون هلووو رهف
رهف اكلك رضا عندي موضوع وياك
رضا كولي خير شكو صاير شي
رهف البارحة سمعتك تحجي ويه صاحبك عود الرجال إلي مسلمك المحل وسمعت صوته ناعم مو مال رجال فكلت خل أصير شاطرة وأخذ الرقم من تلفونك فأخذته بليل بدون متحس وهسه ادك عليه ميجاوب
رضا والمطلوب تريدين اخابرة واكله زوجتي تخابرك حتى تتأكد إنت رجال مو مرة جاوب عليها وإنتي شلون تجسيين عليه وتاخذين رقم من تلفوني ومتكلولي
رهف لا حبيبي أني متجسست عليك كنت اريد اتأكد بس وبعدين من دكيت على الرقم من تلفوني بالكاشف طلع إسمه بنية واسمها سحر
رضا شبيج رهف إنتي تخبلتي اكعدج ويا حتى تشوفي زين
رهف إي ولله خوش حل حتى اقطع الشك من اليقين لأن ممعقولة رجال ينطيك كل هاي الفلوس محبة لله إلا كان وحدة تحبك وعندك علاقة وياها
رضا شبيج إنتي شبيج رهف متبطلين شك يعني شنو بالله تحبني على شكلي لو فلوسي هو أني واحد منتف
رهف شوف اكلك لو تخليني اشوفة لو أروح لبيت أهلي وبعد متشوفني لا أني ولا بنتك
تغلق التلفون
رضا الوووو الوووو
خرب حضي هاي شلون بلوة وكعت على راسي شورطني وتعرفت على هاي البلوة سحر راح تخرب حياتي وأدخل السجن من وراها هاي إذا فضحتني وعرفو علاقتي ويه سحر راح يبين كل مشاكلي وحتى حادث عمر إلي سويته بي  خل أتصل على سحر  بلكي احصلها
سحر وشهد بالمستشفى وينتظرون فراس يجي يبشرهم لأن هو إلي خلو ويه عمر يكملون الأشعة والتحاليل
شهد ولج هذا اتأخر شسوي سحر بس لا عمر مات
سحر لا حبيبتي لا تكولين هيجي بس اصبرلي وإن شاءالله خير
تلفون سحر يرن وسحر ترفضه ورجع رن مرة ثانية هم رفضته مرة ثالثة ورابعة
شهد متجاوبين هذا منو يدك عليج
سحر وحدة ويايه بالدوام هو أني المن أتذكر ورى الحادث كلهم نسيتهم
شهد ردي عليها يجوز شغلة مهمة
سحر أني أروح للحمامات وأرجع و بعدين أرد عليها
سحر  بعد ما راحت وصارت بعيدة عن شهد ترد على المكالمة رضا
رضا شلونج سحر ليش متردين
سحر إنت غبي أني مو كتلك لتتصل عليه أني اخابرك و متحجي إلا تسمع صوتي يجوز واحد غيري ماخذ تلفوني
رضا سحر عفية أني بورطة
سحر يا ورطة تقصد إذا عمر لتخاف الشغلة مو يمك وأني كلشي مدبرة
رضا رهف زوجتي
سحر شبيها صخام زوجتك
رضا تريد تتأكد أني أتعامل ويه رجال لأن سمعت صوتج ودكت عليج
سحر ومنين جابت رقمي بس لا إنت انطيته الها
رضا لا شلون انطي إلها بس هي اخذته من تلفوني وأني نايم
سحر شبيك متعرف تلزم مرتك ومتعرف تخلي رمز لتلفونك واكول رقم غريب داك عليه اليوم أكثر من مرة  بعدين تعال اكلك وين جنتو ووين صرتو اشو صار عدكم فلوس  وسوبر ماركت تحلم بي إذا تريد عادي سولفلها على علاقتي وياك سابقا والي بيناتنه وإلي صار لعمر ومن دبرت الحادث هم مالها  وأني  أرجع السوبر ماركت وبطل مني وارجعلها وعود اتحمل فكر وسجن لأن أكيد مرتك ما راح تسكت وتبلغ الشرطة
رضا شنو هذا الكلام سحر بدال ما توكفين ويايه
سحر لعد شتريد اكلك كم مرة كتلك  صير حذر أني كنت بالمستشفى وامثل على الكل فاقدة الذاكرة وبعد ما طلعت جنت اكدر اخابر وبدون ما واحد يحس وخابرتك واتفقت وياك على كل شي نسيت ليش محد حس بيه لأن أتصرف بذكاء مو مثلك غبية أصلا حتى خليتهم يحيرون أني فاقدة الذاكرة لو لا وسحبت فلوس وخليتك تفتح السوبر ماركت وبدون ما واحد يدري
رضا عفيه سحر حبيبتي هيه غلطة وصارت بس خليها إليه
سحر اوكف لا تقاطعني خل أكمل كلامي و بعدين لتكلي سحر كلي ست سحر منا وغاد زين
رضا شنو اختلف الحجي
سحر كل واحد لازم يعرف قدر نفسه أني كتلك ورى الحادث سحر القديمة ماتت وكل هذا إلي أسوي تمثيل حتى أعرف انفرد بعمر وانتقم منه غير هذا ما عندي كلام
رضا وأني شنو هم تريدين تنتقمين مني مو أني ذراعج اليمنة
سحر لا إنت تختلف وما اكدر انكر كنت يوم من الأيام حبيبي وبقيت بأصلك ويايه حتى بعد نهاية علاقتنا بس شغلتنا يرادلها حذر  وقلب ميت وإنت كلبك بعده رهيف
رضا هسه سكتيلي رهف فدوة وشتريدين أسوي بعد حبيبتي
سحر سمعت كلمة حبيبتي صفنت وحنت لايامها ويا بس بنفس الوقت رجعت قوية وتمالكت نفسها
سحر لتكول حبيبتي مرة ثانية رضا كعلاقة حب بيني وبينك إنتهت ما أريد أعيد هذا الكلام وسبق وكتلك السوبر ماركت مقابل أخذ ثأري بعدها يصير إلك وبعدين أني كتلك إلي سوى فراس وياي لو ابقى خدامه جوة رجلة العمر كله ما اجازي
رضا اعتبري مقابل بنسيان حبي الج ترجعيلي رهف وتقنعيها إنتي رجال مو مره
سحر بسيطة بس بعد لتكررها واشيائك الشخصية حافظ عليها منريد تصرف أطفال
رضا صار
سحر هسه أشوف هذا شصار منه و بعدين أني اخابرك
رضا اوكي أنتظر منج تلفون بس لتتأخرين فدوة
سحر يله كافي لتلح
رضا باااااي
سحر بااااي
سحر تلزم تلفونها وتحضنه وتخلي على صدرها بعدين تحجي ويه نفسها
شبيج ولج تخبلتي شنو حنيتي إله كافي الغلطة إلي رادت اضيعج تخلصي من عمر وانهي الموضوع وانطي فلوس لرضا وخل يولي ويسافر و طلعي من حياتج لهنا وكافي صيري قوية
رجعت سحر لشهد وشافت فراس يم شهد
سحر طمنوني شلونه عمر
شهد الحمدلله سحر عمر ما مات بس  عنده كسور برجلة وبإيدة وبالركبة  ورضوض بجسمه
سحر الحمدلله لعد ليش فاقد الوعي
فراس بسبب الضربة قوية على راسه بس التحاليل والمفراس سليمة و فترة قليلة ويصحى ويطلع بعد يكمل علاجة بالبيت
سحر زين شنو سبب الحادث
فراس تهور بالسرعة وكان يخابر والظاهر ممنتبه
سحر تكلم نفسها
طلع عندك سبع أرواح مثل البزونة لو واحد غيرك إلا  يموت بس عار ما عليك شي هسه أني راح انتقم منك بنفسي بس اصبر عليه نهايتك قربت وكلشي محسبه حسابة ولك مو أني إلي تسوي بيه هيجي يا عمر
شهد عفية شوكت يطلع أريد اشوفة
فراس أصبري راح تشوفي ونطلعه سوى وكلها تصير سوالف
سحر حبيبتي شهوده الحمدلله هسه اطمنه عليه ومابي شي الكسور تجبر المهم راسه ما بي شي
شهد ما ارتاح إلا يصحى من الغيبوبة واشوفة بس خايفة من شغلة ثانية لا هم يطلع فاقد الذاكرة
سحر مو كالو كلشي مابي
شهد إنتي هم كالو عليج ما بيج شي تالي طلعتي فاقدة الذاكرة
سحر الله كريم حبيبتي لتأيسين من رحمة الله
مر يوم كامل عليهم وهمه بالمستشفى ينتظرون عمر شوكت تتحسن حالته
ثاني يوم الصبح وهمه كاعدين ينتظرون اخبار عمر
سحر تتكلم ويه شهد وفراس
سحر أني أريد اكللكم شي أني تعبت بعد ما أركض ورى الماضي وإلي سوى بيه الحادثة أريد اعوفه هو وربه يجازة المهم انتو وأولادي يمي ميهمني أي شي أني إلي شفته اليوم بالمركز وإلي صار كدامي لعمر خلاني أحسب ألف حساب وأخاف عليكم خلاني أخاف افقد فراس
فراس هذا الموضوع مو وكته ومو بكيفج تسدي
سحر اترجاك فراس كافي أبوس إيدك كافي إلي صار البارحة بالتحقيق مو شوية وإنت ردت تكتل أبو حازم كان هسه إنت بالسجن ما أريد اخسرك أريدك يمي محتاجتك أني وأولادي إترك الماضي شحصلنا بس يومية تحقيق و كل شي ماكو
فراس شتريدين يعني أروح للمركز وأتنازل على ابو حازم وأسد القضية
سحر بالضبط حبيبي
فراس حلم بليس بالجنة ومو بكيفج اغلق القضية
سحر إذا إنت ما غلقت القضية أني إغلقها
فراس إنتي شبيج تخبلتي من كل عقلج تحجين
سحر إي تخبلت وشتكول عليه كول النار إلي بكلبي مو شوية بس مو معناها أحرك كلبي عليك ما أريد كلبي ينجوي عليك إفتهمني ابوس ايدك
فراس سدي الموضوع مو وقته
سحر لا ما أسده وإذا متروح وتغلق القضية أني أغلقها
مرتضى الهاشمي
محبتي لكم
للقصة بقية
يتبع البارت ال١٩