أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى بارت ٣٣

إعجاب ومتابعة رجاءا وتفاعل للصفحة  الكاتب مرتضى الهاشمي
إنتقام أنثى
بارت ٣٣
مرتضى الهاشمي

الضابط لا تقبلين تكولين زوجچ وين راح ولا تقبلين تنطيه إسم عشيقته
رهف شلون أدري بي هو وين وهو انهزم و عشيقته ما أعرف إسمها
الضابط رقمها
رهف تباوع على أبوها وترتبك وتجاوب الضابط
زوجي أخذ مني تلفوني قبل ميكتلني وأني محافظه رقمها
الضابط هسه تقيمين عليه دعوى عنف أسري
رهف لا أريد بس أرفع دعوة طلاق ويطلگني غير هذا ما أريد وتگدر ادون اقوالي حتى يكون سبب قوي للطلاق
الضابط حاضر بعد ما اطلعين من المستشفى تجين للمركز إنتي والحجي حتى نرفع اوراقكم للقاضي وأريد صورة لزوجچ
رهف بالبيت الصور
الضابط من تجين تجيبين صورة بس إذا اكو شي ثاني لازم تحجي ترى إنتي تتحملين المسائلة القانونية إذا طلع كلامج عكس الحقيقة لو مو كامل
رهف تباوع على أبوها وتسكت
الضابط الظاهر اكو من يأثر عليچ
رهف لا سيدي محد أثر عليه وإلي گتلك بي هو الصار
الضابط زين أني أروح
سحر وهي تنتظر أم حازم تسويلها الريوك واتأكدت محد يمها گامت تباوع وتتأكد محد جاي بالغرفة طلعت اشرطة حبوب بيها تقريبا ٢٠ شريط وياهن چيس بي حبوب فرط وخلتها بظهر التخم  بدون ما واحد يحس بعدها دخلت عليها أم حازم بيدها الصينية وتريد تريگها وتگللها
تفضلي تريگي خيه
سحر لا خالة تسلمين ما اگدر و زوجي إتصل عليه قبل شوية أني اگوم أروح وراح انطيچ الفلوس تنطيها لأبو حازم يصرفها و أني أمر العصر عليكم وزوجي ويايه
أم حازم خيه تاني أبو حازم بالطريق هو ما يتأخر
سحر لا اعذريني أني راح اتأخر والصرف احتمال يطول وأني مستعجلة و زوجي راح يقلق عليه
أم حازم الله وياج خيه ولو هي واگفة وما تريگتي
وعين أم حازم ما وگعت من علاگة الفلوس هواي
سحر تسلمين خالة أني العصر يمكم مع السلامة
طلعت سحر وراحت على السيارة وشغلتها اجاها واحد من الگهوة و يكللها
أختي بعده الفيتر ما اجة أبو حازم راح يجيبه
سحر لا ميحتاج أني اوديها لأي فيتر اتأخرت
يرد عليها الولد
الله وياج أختي بالسلامة وشتحتاجين إحنا بالخدمة
سحر بعد ما صعدت بالسيارة مشت مسافة وطبگت سيارتها على جانب الطريق و اتصلت على الشرطة
سحر السلام عليكم..... أني أريد اقدم بلاغ بس بدون إسم فدوة .....يعني عادي من مجهول..... شكرا .... البلاغ ضد شخص يتاجر بالحبوب المخدرة كريستال و فلوس مزورة راح انطيكم عنوانه عفيه أني جيرانهم وأخاف ليأذيني إذا عرف بيه وهو مأذي المنطقة وأغلب شباب المنطقة مدمنين بسببه ..... هسه انطيك العنوان
بعد ما انطته العنوان وخلصت المكالمة طلعت السيم كارت من التلفون وكسرته وذبته
سحر تضحك بصوت عالي وتحس بلذة الإنتصاب
ههههههههههههاي أبو حازم ورضا خلص دوركم وماكو أي دليل ضدي حتى السيم كارت وهمي هههههه بقه الدور لعمر أبو ٧ أرواح و لحسوني
وترفع سيم كارت بيدها وتگول
هذا مهمته لحسوني وبعدها ينكسر
فراس يروح للضابط لأن دز عليه
ويدخل فراس لغرفة الضابط ويه الشرطي
الشرطي يدك الباب ويدخل ويضرب تحية للضابط هذا المتهم إلي ردته سيدي
الضابط اهلا فراس تعال استريح
فراس شكرا سيدي
الضابط أني حققت وياك قبل وكلت إنت ما عندك شي ويه عمر لعد ليش ردت تكتله نريد نفتهم
فراس مجرد شك شكيت بي هو باكني تالي طلع مو هو بس الوهواس بصدري
الضابط بس إلي سمعناه ودرينه بي مو سرقة اكو شي أكبر وأعتقد كانت زوجتك متعرضة لاغتصاب طبعا عرفنا هذا عن طريق النقيب علي
فراس وشمدري النقيب علي أني هنا محبوس
فراس يسوي نفسه ميعرف سحر إتصلت بالنقيب علي
الضابط زوجتك خابرته وطلبت يتصل بيه وتجي تزورك إنت ملاحظت اجتك بوقت متأخر ومو مال زيارة خليناها تدخل وتشوفك عادي و بعدين فادتنه كلش فادتني حتى أعرف ليش اتهجمت على عمر وردت تقتله و النقيب علي ايضا فادته حتى يعرف خيوط الحقيقة إلي صارله فترة يريد يحل هذا اللغز بس ومقبلت تساعده لكن  تهسترك هو إلي فضحك
فراس سيدي ممكن جكارة أعصابي صارت نار
الضابط تدلل وأني مقدر موقفك بس القانون قانون ولازم كلشي ينحل بالقانون منريد فوضى
فراس والعالم شتكول عليه وإحنا مجمتع عشائري هذا شرف زوجتي ولازم بإيدي أخذ ثارها
الضابط العشاير مو ضد القانون ولا القانون ضدها كلنا ولد عشاير ومن تريد تاخذ ثارك عن طريق القانون حتى العشيرة ما راح تعارض مو إله إنت تقتله بإيدك اكو قانون هو إلي ياخذ مجراه
فراس أريد أكون صريح وياك سيادة الضابط
الضابط أحسنت هذا الشي إلي اريده منك وإنت مبين عليك مو حمل سجن وبهذلة إنت إبن ناس وعشيرة وتعبان على روحك ميستحق تضيع عمرك وتضيع عائلتك وإنت بالسجن بسبب واحد مجرم كول فراس شتريد تكول أني اسمعك
فراس أريدك تقنعني أريدك تريح كلبي حتى كلشي احجيلك أريدك اتأكدلي القانون ياخذ حقي وحق زوجتي سحر من عمر
الضابط تدلل و هاي اعتبرها قضيتي ومو بس أني وياك النقيب علي جاي بالطريق يريد يحجي وياك
شهد تروح تحاجي الدكتور
ليش خليتو شرطي باب الإنعاش إلي بيها عمر
الدكتور هاي أوامر الضابط لأن عمر حاليا مهدد
شهد تكلم نفسها شلون بعد أدخله وأشرب. من دمه چان يدون شرطي ومحد يگدر يدخل بس متخلص  مني يا عمر أني تعبت راح أوكع لازم تجي سحر يمي تساعدني اي لازم اخابرها بس شهد متگدر تسند نفسها وتوكع ويغمى عليها بالمستشفى
أبو حازم يوصل للبيت ويتفاجئ بسحر ماكو يصيح على زوجت أم حازم
هاي البنت وين راحت
أم حازم خابرعليها رجلها وگالت أني العصر اجيكم ويه رجلي
أبو حازم ولج إنتي مخبلة شلون تخليها تروح ولچ هاي بنگ واجتي عود اشتري منها الدفاتر وإذا ما اربح ١٠ ملايين بالقليل
أم حازم الدفاتر عافتها هنا
أبو حازم
يتعجب شلون أمنت وعافتها هنا معقولة هيچي ثولة زين تعالي أگلج حتى لو ثولة ومنو يكول رجلها ما راح يبطل وميخليها تبيع ولج إنتي ثولة إنتي عوبه شلون تخليها تروح أني اداينت وبعت وصرفت فلوس إلي انطانياها عمر حتى ألم هذا المبلغ
فجأة تجي قوة من الشرطة وتحاصر بيت أبو حازم وتقتحم الدار
أبو حازم خير شكو شصايرما تكولون البيت بي حرمة شلون هيجي تتهجمون
الضابط اجتنا اخبارية عنك لازم نفتش البيت
أبو حازم شني بوية اخبارية شني هو أنا ارهابي
الضابط لا اتاجر بالحبوب خل نفتش البيت قبل لا اعتقلك
أبو حازم فتش سيدي فتش بس ما راح تلگون شي وانا ما اسكت اگاومك عشائريا
الضابط يؤمر الشرطة بالتفتيش ويحچي ويه أبو حازم
عود إذا ما لگينه شي أني أجيك للحگ
الشرطة تفتش البيت ولكو الحبوب بظهر التخم وال ٤ دفاتر الي هي ٤٠ ألف دولار والمبلغ إلي كان أبو حازم جايبه علمود يصرف بيها الفلوس
الضابط هاي شنو حجي البيت بي حرمة وتگاومني عشائريا موووو
أبو حازم هاي الحبوب ما أدري بيها والدولارات مو إلي و هاي الفلوس اداينتها
الضابط هههههههه ولله خوش نكته عود هذا الكلام بالمركز سولف بي
يله اخذو
أم حازم دخيلك سيدي هاي الفلوس ولله مو إلنا مال مرة
الضابط مرة رجال طفل أني لگيتها بيتكم والحبوب وياهن رجلچ شال القضية متلبس صعدو بالسيارة يله
ويسحلون أبو حازم يصعدون بسيارة الشرطة
بتبع بارت ٣٤