أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى بارت ٣٧

تفاعلكم 🌹❤️ الكاتب مرتضى الهاشمي
إنتقام انثى
بارت ٣٧
رضا ولك أني إلي اغتصبت مرته واتفقت إنت وسحر عليها وسويتو وليه مال مخانيث اليوم كتلتك على إيدي إبن الزنا
حسون مغمى عليه بسبب الضربة القوية على راسه و ميتحرك و رضا يضربه بكل قوته  على راسه وعلى وجهة وصار وجه حسون كل دم واتهشم خشمه واسنونه اتكسرت و قبغ راسه بده يتهشم بأثر الضرب القوي ومات حسون جوه إيد رضا وانكطع نفسه
رضا اتهستر وحس بلذة النصر والانتقام بعد إن أخذ ثار زوجته وكام يصيح بعلو صوته
ولج رهف أخذت ثارج ارفعي راسچ إلي اغتصبچ مات وأني كتلته ولچ بقه أخذ ثاري من هاي الساقطة سحر ولج ما راح تخلصين مني سحححححححر وينج جاوبيني رضا راح ينتقم منج ومن عائلتج ولا اخليچ تتهنين بحياتچ ولچ أني تسوين بيه هيچي سححححححر إنتي إنتهيتي إنتي قرب يومچ يگعد على الگاع وجسمه يرجف ولچ سويتني قاتل سحر قتلت بهاي إيدي لازم بعد متعيشين لازم أخذ روحچ اليوم گبل باچر
رضا يگوم و يطلع من الهيكل وعايف حسون بدمه وهو ميت وملابس رضا هم كلها دم بسبب الدم إلي طفر من حسون إثناء ما كتله
سحر وفراس يكملون كلامهم بالمستشفى
فراس مصدوم بالسوته سحر بعد  ما سولفتله
معقولة كل هذا يطلع منچ
سحر علمود شرفي كلشي أسوي
(للعلم سحر سولفت لفراس بس عن انتقامها من عمر وأبو حازم محچت شسوت لرضا ولرهف حتى متنكشف علاقتها القديمة ويا)
فراس أني مصدوم بيچ مو إنتي سحر إلي أعرفها وأحس ضامه أشياء ثانية عليه
سحر بعصبية وعتاب ليش مصدوم هذا مو شرفي تريدني أسكت بعد كل هذا الصار  بيه لو شتريدني أسوي مثلا
فراس كان المفروض تگليلي وأني أخذ بثارچ
سحر إنت ليش  تفكيرك رجعي وذكوري فقط
فراس هسه إحنا وين وإنتي وين جبتيها خايف عليچ تگليلي تفكيرك ذكوري وحطيتي حقوق المرأة
سحر إي هو هذا افكار المجتمع الذكوري هاي حقيقة تريد إنت إلي تنتقم والمره لا لازم متنتقم ولا تسوي شي بس تبچي وتلطم والكل يلوم بيها وبعدين ليش شنو الفرق ترى نفس النتيجة راح تكون للظالم ثاني شي  إنت معشت إلي أني عشته ولا شفت إلي أني شفته فمن حقي اطفي نار كلبي بإيدي مو اشتكي لواحد
فراس ولله ذبحتني بهاي الكلمة كل شوية وتگولين إنت معشت إلي أني عشته ليش أني ما عشت ضيم علمودچ شعبالچ النار حرگتچ لوحدچ ترى أني أكثر شما يكون الناس راح تعيرني إليه مو إلچ وتفرض گتلچ صح إنتي إلي اتعذبتي وإنتي إلي عشتي المر أكثر من عدنا بس هذا ثاري وإنتي زوجتي شرعا و المتعارف عليه بالعشاير والمجتمع إنتي شرفي وهذا ثأري أني مسؤول عليچ وأني أحاميچ
سحر زين وثار امي إلي ماتت بحصرتها عليه منو أوله بثارها أني لو إنت
فراس يتنرفز
مفيد الكلام وياچ ولو بعد ماكو فايدة من الكلام هسه الفاس وگع بالراس بس نفرض هسه إذا لاحقوچ قانونيا شنو تسوين وأني شنو موقفي لو يصير أنسجن بمكانچ أنسجن عادي بس المصيبة من إنتي تنسجنين شما تكونين ضحية بس بنظر المجتمع والقانون مجرمة مفكرتي بهذا الشي غير تفكرين بهذا الشي ترضين اخليچ تروحين للسجن وأني ساكت
سحر كل واحد ياخذ نصيبه وأني أخذت احتياطي ومحد يعرفني تنكرت بكلشي حتى بإسلوب كلامي وحتى أرقام السيارة شلتها من رحت لأبو حازم تدري أبو حازم معرفني لحد هسه مع العلم هو شافني قبل بالمركز
فراس زين والولد إلي اغتصبچ بالخرابة ليش طلعتي وشنو وضعه
سحر ترتبك بالجواب 
ااااا ما أعرف وضعه وما اندله وين
فراس معقولة هذا إلي اغتصبچ وإنتي أصعب حالاتچ راح تشوفي هيچي حر طليق
سحر هذا حصتك حتى تگول سحر متحبني أخذ ثاري منه
فراس يتنرفز أكثر ويتكلم بإستهزاء وعصبية
كثر خيرچ وأني ممنون منچ ولچ إنتي شتفكرين شنو أني طفل عندچ لو أخذ أوامر منچ استغفرك يا ربي زين يله إذا أريد أخذ ثأري منه وين الگى هسه مو چان جوه أيدنا بالسجن مشمور
سحر هسه أهم شي عمر وأبو حازم عندي
فراس هم ناوية تكتلين عمر وأني مثل الأطرش بالزفة وأخر من يعلم
سحر تنزعج من كلام فراس
لا عمر مشلول و مذلول گدامي هاي كافي عندي
سحر تصفن تتكلم بداخلها ويه نفسها
خل أخلي فراس يصالح شهد هاي مالها ذنب
فراس ليش صفنتي بيش تفكرين
سحر أريدك تحچي ويا شهد ترى البنية ما عدها شي إحنا مو نحملها أخطاء عمر
فراس ما أكدر أباوع بوجهة
سحر أرجوك فراس البنية مالها ذنب وحالتها صعبة بيها إنهيار عصبي لخاطري
فراس صار تدللين
ترجع سحر تصفن وتحاچي نفسها
خل اخابر رضا ورى ميروح فراس اتأكد كتله لو لا لهذا الكلب
رضا يوصل لبيت سحر للعلم رضا يندل بيت سحر وفراس بأيام ما كان حبيبها وبينهم علاقة
رضا اجيتچ سحر إله اخطف بنتچ مثل ما خطفتي بنتي رضا مثل المخبل وملابسه كلها دم ويدخل لبيت فراس وسحر ويريد يخطف واحد من أولادها
شاف الأولاد يلعبون بالحديقة كلهم اولاد عمر و فراس 
الجهال فزو وخافو ورادو ينهزمون داخل البيت و الخوف مبين على عيونهم
رضا حاول يطمنهم حتى يستدرج واحد من الأولاد و خله عينه على سارة بت عمر حتى  يخطفها بت عباله هي بت سحر وفراس
رضا يكلم الأولاد
لتخافون عمو هذا الدم ذبحت طلي هناك بيت براس الفرع وأريد مي اغسل لأن أبو البيت الذبحتله الطلي بخيل حتى مي منطاني أغسل
رامي تدلل عمو هاي البوري يمك افتح المي وغسل واروح اجيبلك زاهي وصابونة .
رضا إي عمو حبيبي فدوة لكلبك
دخل رامي جوة ورضا بده يستدرج الطفلة تعالي عمو ليش خايفة مني
الطفلة لا عمو ما خايفة بس عبالي إنت حرامي
رضا لا حبيبتي أني مو حرامي تعالي اشوفچالطلي إلي ذبحته هناك حتى تتأكدين أني مو حرامي  بس تعالي وگليلي شسمج
الطفلة إسمي ساره
رضا تعالي حبيبتي سارة
اجة اخوها ويه الطفلة
رضا شال الطفلة وطلع سچينة من جيبه ويكول لاخوها
شوف ولك بس تتقرب لو تصيح اكتلها واكتلك
خله ايده على حلكها وطلع وانهزم والطفلة حلكها مسدود ومتكدر تعيط وترفس برجليها لكن بدون فائدة لأن الطفلة صغيرة وعمرها ٨ سنوات
طلع رامي من البيت وشاف أخو ساره يبجي وخايف وبال على روحه من الخوف
رامي شبيك حبيبي ساره والرجال وينهم
بده يحچي اخو ساره لرامي بالتفصيل وهو يبچي ومرعوب والأطفال يصيحون ويبچون ودخلوا جوه للبيت لعمتهم سرى چانت تسوي غده بالمطبخ
سرى تنصدم وترتبط من دخلتهم ويوگع منها ماعون وينكسر
شبيكم عمه ليش خايفين ليش تبچون حبايب
رامي عمه سرى سارة بت خالة شهد إنخطفت
سرى تلطم على وجها ولك شنوووو شلون إنخطفت ومنو خطفهامو چنتو تلعبون بالحديقة
رامي حرامي دخل للحديقة گالي أريد تجيبلي صابونه حتى اغسل طلعت لگيته خاطف سارة
سرى عزا العزاچ سرى تركض بالشارع مثل المخبلة وتصيح
ساره ساره بس الشارع فارغ ومابي أحد تركض سرى وإدزر بالشارع
الدكتور بعد ماشاف شهد كال
ماشاءالله اليوم حالتها هواي أحسن تگدر تطلع من المستشفى باچر اليوم نتأكد من حالتها
سحر الله يبشرك دكتور
الدكتور بس من تطلع باجر إن شاءالله اريدكم تنطوها العلاج وتراجع دكتور نفسي ضروري
سحر ليش دكتور شنو أختي تخبلت
الدكتور يضحك هههههههه لا ست هاي أنتي هيجي تحچين لعد إلي ما دارس شيگول ترى ما بيها شي واحد يراجع طبيب نفسي بس بلدنا مكبرين الوضعية ثاني شي التعب والضغط إلي صار عليها مو شوية يعني دكتور يتابع حالتها بين ما تشافه نهائيا وإذا تحبين تجيني للعيادة لو هنا للمستشفى أني أتابع حالتها
سحر إن شاءالله دكتور تسلم ومتقصر
بعد ما طلع الدكتور من غرفة شهد سحر تتكلم ويه شهد
حبيبتي باجر تطلعين إن شاءالله وصدگ نسيت اگلچ فراس بره يريد يحجي وياچ يگول اخاف بعدها زعلانه مني لأن تهمچ إنتي متعاونه ويا عمر
شهد لا گليله خل يطب بالعكس أني مقدرة وضعه حتى لو تكلم وتهمني أني متفقة ويه عمر حقه لأن ممعقولة چنت مغفلة لهاي الدرجة
سحر لعد شبيج حبيبتي ضايجة احسچ ممرتاحة إذا ميعجبچ تشوفي عادي ترى ميزعل وهو مقدر وضعچ
شهد لا حبيبتي بالعكس بس كلبي مقبوض ما اعرف ليش
سحر أكيد مقبوض إلي صار مو شوية أزمة وتعدي حبيبتي وبعد كلشي ينتهي إن شاءالله ونبدي حياة وصفحة جديدة
شهد إن شاءالله يارب
سحر أروح اصيح على فراس يجي يسلم ويطمئن عليچ
شهد روحي صيحي كل الهلا بي وگليله أختك تحبك وتريدك توگف وياها
سحر تتأثر وتنزل دمعتها وتحضن شهد
صار يا عيون سحر هسه أصيحه
سرى ترجع للبيت مثل المخبلة والجيران همه دخلوها بعد ما دور على ساره وما لگولها أي أثر وتگول
أنطوني التلفون وينه أريد التلفون أخابر على فراس
يدخل فراس على شهد وخجلان وميعرف شلون يبدي بالكلام ويه شهد ويه ما بده يحچي دك التلفون مالته وشاف أخته تتصل عليه فراس ما اهتم للمكالمة عباله مكالمة عادية  رفض المكالمة و رجع يسولف ويه شهد ويگللها
الحمدلله على سلامتچ وأني جدا أسف وأعتذر
شهد لا فراس حقك ولا يهمك إحنا عائلة ولازم واحد يتحمل الثاني
فراس اشكرچ هواي وخجلتيني بصراحة رجع تلفون فراس يرن
وهم رفضه
فراس يحجي على اخته بالشقه
هاي شبيها حرگت التلفون هسه انطيني مجال أعتذر من البنية
رجع رن تلفون فراس
سحر جاوب فراس أخاف اكو شي
فراس شكو مثلا أكيد تسأل
شهد جاوب عفيه گلبي ممرتاح ومقبوض بس لا صاير شي
للقصة بقية
مرتضى الهاشمي
يتبع بارت ٣٨