إعجاب ومتابعة رجاءا وتفاعل للصفحة الكاتب مرتضى الهاشمي
إنتقام أنثى
بارت ٣٢
سحر عيونها تجدح نار من العصبية
السيارة عمو
أبو حازم بنتي شبيها سيارتج
سحر عمو ما اعرف شبيها جانت تشتغل زين بعدين الحماوة صعدت من وحدها وهسه أخاف اشغلها وتصعد الحماوة من جديد
أبو حازم تعالي بنيتي كعدي بالفي هناك راح اجيبلج كرسي بين ما نشوف فيتر يصلحها
سحر وين أجي عمو
أبو حازم هناك بلفي بنيتي لا الشمس تضربچ
تروح سحر ويا ويگعدون سوه بلفي جابولهم من الگهوة كراسي وگعدو عليها سحر وأبو حازم بس
أبو حازم بنيتي تجين للبيت أضيفچ بين ما يجي الفيتر يسوي سيارتچ إنتي مبينه غريبة منا وزحمة أخليچ هنا تعالي لبيتي
سحر لا أنتظر شوية بين ما اخابر صديقتي هي بيتهم هنا بهاي المنطقة بس تيهته وأني مو منا جيت من الخارج قبل فترة وكلشي ما اندل ولا أعرف أحد لأن صارلي فترة طويلة مسافرة وكلشي ناسيه
أبو حازم شني بويه جايه لوحدجچمن الخارج
سحر لا عمو زوجي ويايه استقر هنا بغداد بس اليوم عنده بضاعة من البصرة يجيبها هو تاجر وأني كلت فرصة هم أجي يم صديقتي وهم اصرف يمها كم فلس محتاجة عراقي بصراحة زوجي هو يصرفلي دائما بس هالمرة زوجي ماكو وأني كلش احتاجيت لمبلغ وجيت على صديقتي بس تيهت بيتها والسيارة عطلت
أبو حازم الصيرفة بكل مكان بنيتي مو إله يم صاحبتج
سحر مو أني أخاف لا يغشوني لأن ما أعرف بس خطية صديقتي تصرفلي ال١٠٠ دولار ب ١٠٠ ألف تكول صح أخسر بيها بس لخاطرج ميضيع شي وتگول بالصيرفة ياخذون منج ال١٠٠ دولار ب ٨٥ لو ٩٠ ألف
أبو حازم متعجب
هاي صاحبتج تكلج هيجي لو تچذب عليچ
سحر لا بالعكس خطية مو اكلك ثقة لأن حتى زوجي يصرفلي ب٩٥ يگلي لا طلعين يخاف عليه من أجي لبغداد ميخليني أطلع حتى فلوسي مشتغلتها ومئمنتها يمه وهسه عندي ٤٠ ألف دولار أريدها تصرفها اليه ب ٤٠ مليون لأن ضروري أريد أشتري كاع انطونياها ب ٨٠ مليون وهسه أريد انطي عربون
أبو حازم يتكلم ويه نفسه
هاي فرصة واجتي للحلك ولج إذا ما أريد استفاد بالميت ١٠ ملايين هاي يفكون بيها رجلها وصاحبتها خل أقطها أني هم هاي غشيمة
سحر ها حجي صفنت اكو واحد أبو صيرفة ثقة
أبو حازم لا بنتي لا شلون تروحين على أبو صيرفة تعالي أني اشتريها منج بس مو ب ١٠٠ ألف اشتريها ب٩٥ مناصفة بين سعر صاحبتج وبين سعر الصيرفة
سحر مو أخاف تخسر انت شنو ذنبك عمو
أبو حازم بنيتي الناس واحد يساعد الثاني وإنتي ضيفة يمي غير لازم أكرمچ لو تردين من تروحين للخارج تگليلهم ما ضيفوني بس كعدي وانتظريني ساعة بين ما ادبر الفلوس وأرجع
سحر تسلم عمو هذا من كرمكم أنتظرك هنا بين ما تروح تصرف وترجع
أبو حازم لا بنيتي تعالي لبيتي ونضيفج واريگج وبين ما نجيب الفيتر يصلح سيارتج
سحر راح اكلفك حجي
أبو حازم لا بنيتي لا تكولين هيجي عيب إحنا بالخدمة
سحر حجي بس أني ما اعرفك شلون أحي وياك للبيت أني أسفة طبعا على هاي الكلمة
أبو حازم بنيتي إنتي بعمر بناتي وأم حازم بالبيت راح تتلگاچ وإذا ما شفتيها وتلگتج لا دخلين للبيت
أبو رهف بعد ما سمع القصة من بنته رهف
شلون تنطين روحج لو ميته ولا تنطيها
رهف ولله خفت على ليان لتموت لو كاتليني ما اهتم بابا إنت تعرف شنو يعني الضنه وأني بنتك وتعرف شكد تحبني وتعزني وليان بوكتها شفت بس معزتها مكدرت اتخايل ليان يصير بيها شي ولو لحظة وأني چنت أصلا مخدرة
أبو رهف يضربها راشدي
شوفي إنتي وامج هذا سر بيناتنه وما يطلع ورضا ثاره يمي أريد أني اغسل عاري بي وإذا اجتي الشرطة افهمج شراح تحجين وياهم
رهف صار بابا احجي وأني أسوي إلي تريده بس سامحني أبوس إيدك ادنك على إيد ابوها تريد تبوسها وأبوها يسحبها ويكللها
أبو رهف حسابي وياج بعدين وحتى هاي البنية إلي سوت هيجي بيج أني أعرف شلون احاسبها
أبو حازم ياخذ سحر ويجي لبيته ويدخل على أم حازم ويگللها
ولچ حضري ريوك أحسن ريوك وأريدچ تالگين هاي المرة بالصلوات
أم حازم ومنيه هاي شني ناوي تزوج عليه
أبو حازم وهاب ترضى بيه أخذها إنتي مخبلة هاي بنگ وأقل شي أطلع منها ١٠ ملايين بس لا تجيبين طاري گدامها چن كلشي ما گايلچ بس تتلگيها
أم حازم صار راح أطلع وأتلگاها تطلع أم حازم
ياهلا ياهلا والف هلا خيه تفضلي
تدخل سحر بعد ما سلمت عليها أم حازم گعدن بالإستقبال
أم حازم يا ميت هلا بيچ خيه تفضلي گعدي خل أكوم اسويلچ ريوگ
سحر شكرا ما أريد جيت بس أكمل شغلي وأروح
أم حازم متريدين تتريگين شلون بكيفچ شيگولون علينا العالم اجاهم ضيف وما ضيفو ولا گامو بواجبه
سحر تسلمين خالة ما أريد اتعبكم
أم حازم اتعبينه شني خيه تعبج راحة
الضابط إلي يحقق بقضية رهف هو نفسه النقيب علي يدخل للردهة ويا الدكتور
الضابط السلام عليكم
أبو رهف عليكم السلام سيدي
الضابط منو حضرتك وشصير من رهف
أبو رهف بنتي سيدي
الضابط يندار على الدكتور
أني كم مرة منبه عليك ممنوع أي واحد يدخل على الجاني أو المجنى عليه قبل التحقيق
الدكتور أسف دكتور بس هذا أبوها
الضابط هاي تعليماتي وهذا أخر تنبيه إلك ترى مرة ثانية احملك المسؤولية وتعرض روحك للمسائلة القانونية
الدكتور تمام سيدي بعد متتكرر بعد إن شاءالله بس أني دكتور وهذا عمل إنساني البنية بيها إنهيار عصبي وأبوها ماشافها من قبل الحادثة ويريد يطمن على بنته
الضابط هذا شغلنا ونعرف شغلنا زين بسبب هذا التعاطف مالكم راح تضيع القضية وتتغير الأقوال
أبو رهف ليش سيدي تتغير ترى بتنه هي الضحية
الضابط يعني معقولة معلمتها انت شتحجي وشتكول يجوز بالك تاخذ ثارك من زوجها بدون متتلجئ للقانون
أبو رهف سيدي إحنا ناس فقرة وما ندور طلايب والقانون كفيل يرجع حق بتنه
الضابط يله رهف تكدرين تجاوبين على اسئلتي
رهف إي سيدي تفضل
الضابط زوجج شسمه
رهف رضا
الضابط منو سوه بيج هيجي وشنو السبب
رهف لكيته يعرف بنية عليه ويريد يزوجها ومقشمر عليها لأن هي غنية وچان مستغلها وياخذ منها فلوس لأن گايللها هو ممزوج بس أني خابرتها وكتلها أني مرته وعدنا بنية وسولفتلها على تفاصيل حياتنا فرضا ضاج لأن خسرها وبعد متصرف عليه فكتلني وراد يموتني وجيرانه خلصوني منه
الضابط شسم البنية
رهف تباوع على أبوها وتجاوب
ما أعرف
الضابط يلاحظ هي تباوع على أبوها وهو هم يندار على أبوها ويرجع يكمل كلام وياها
شلون متعرفيها وإنتي مخابرتها
رهف إي خابرتها حتى ابعدها عن زوجي بس كلشي ما أعرف عنها
الضابط شلون حاچيتيها إذا متعرفين إسمها
رهف بگت رقمها من تلفون زوجي رضا
الضابط وشنو كاتب على رقمها يا إسم
شهد كاتب عليها الحب
الضابط زين شلون عرفتي زوجچ عرفها ويريد يزوجها وشمعنه شكيتي برقمها بالذات
شهد مو شفت هو يتصل على رقمها هواي ومن يتحاجون يطلع من البيت لو يروح لوحدة بالغرفة وكام يصرف بالهبل مع العلم هو كعد من الشغل بسببها وبعدين كاتب الحب عليها شلون ما أشك
الضابط ليش كعد من الشغل
شهد مو صارت المصرف إلي يلبي كل طلباته هي تصرف وهي تنطي أكيد يگعد من الشغل
الضابط زين تعرفين رضا وين هسه ووين راح
شهد أكيد ما أعرف أني بعد ما ضربني أخذني أبو علي جيرانه وجابني هنا ورضا ما شفته شلون راح أدري هو وين
للقصة بقية مرتضى الهاشمي
يتبع بارت ٣٣
❤️🌹🌹❤️🌹🌹❤️🌹🌹❤️🌹🌹❤️🌹
أنت تقرأ
أصدقائي الكرام القصة بعنوان إنتقام أنثى أتمنى أن تعجب حضراتكم
Bí ẩn / Giật gânالخيانة الزوجية والمراهقة في وقت متأخر له جوانب مظلمة ولها أثر على ضياع العائلة وخاصة إذا كانت المرأة فسترى الذئاب من حولها تريد إفتراسها بسبب تسجيل عليها نقطة سلبية وأن سكوتهم وعدم فضحها تقوم أمام المقايضة على جسدها لكن هناك أحداث أخرى ويكون إنتقام...
