أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام اثنى

تحياتي لكم جميعا
الكاتب مرتضى الهاشمي
إنتقام أنثى
البارت الثاني 
أني نايمة على المخدة إلي تبللت من دموعي بسبب فراس و معاملته القاسية وجرحه إليه وكنت أتمنى بس واحد يجبر خاطري ولو بكلمة لكن فرحت كلش من فجأة اجتني رسالة من رضا كاتب بيها تصبحين على خير أني مصدكت روحي وعبالك أول مرة واحد يجبر خاطري ويسمعني كلمة حلوة ويكلي كلمة بيها خير تخيلت الخير اجاني من هاي الرسالة مصبرت كمت لبست الروب واخذت التلفون ونزلت جوة بالاستقبال واتصلت عليه رضا فتح خط عليه كالي
رضا  هلو سحورة خير شبيج ليش متصلة بوقت متأخر اكو شي ضل بالي عليج
أني مصبرت وكبل انهاريت من البجي
رضا بده يسأل ومتعجب شبيج سحر ليش تبجين محتاجة شي أجي اساعدج  بيج شي
سحر  اني بقيت ساكته وما أكدر أرد عليه لكن بعد ملحه رديت عليه  وكتله لا رضا  مابيه شي
رضا رد عليها زين ليش هيجي تبجين كولي مريضة متأذايه صار عدكم شي بالبيت
سحر لا كل شي ماكو بس شوية مقهورة بعدها سكتت وجاوبته أريد اعترفلك بشي
رضا كولي خير
سحر  بصراحة أول مرة بحياتي واحد هيجي يكون دافي  ويايه بكلماته وحنين ورقيق رضا إنت متعرفني ولا شايفني وكل هاي الرقة البيك معناها إنت كلبك رقيق رضا محتاجتك لتعوفني عفيه رضا ماعندي غيرك انت حبيبي وكل املي  رضا لتتغير عليه واوعدني من هسه إلي بيناتنه شما يصير متنسى ولا تفضحني وتحافظ على سر علاقتنا رضا محتاجتك أريد اتقربلك هواي
رضا كام يكلم سحر برقه أكثر وكال لسحر ليش أتغير عليج أصلا أني هم معجب بيج ومحتاج تكون عندي صديقة وحبيبة مثلج  تعالي بحضني وأني أمسح دموعج وكليلي شنو إلي مضوجج احرك الدنيا فوك راسه أهم شي متزعلين
سحر أتمنى أجي بحضنك من صدك
رضا ليش قابل أني بعيد عنج وما أحس بيج سحر هسه اثبتلج بس خل أذوب بعطرج شكد مخليه عطر اليوم إنتي
سحر أني كلش اتعجبت من كالي على عطري شلون عرف بيه أني هلكد خاله عطر ضليت ساكته ومستغربة وبعدين كالي رضا وفاجأني أكثر من كالي أحلى شي بيج ابتسامتج ودموعج بخدج جنج طفلة و المغري بيج شعرج الأسود إلي منثور على على جتفتج وصاير على ركبتج الكيمر وصدرج
أني هنا كلش استغربت وكاعد يوصف حالي وكإنما عايش ويايه وواكف كدامي أني ابتسمت أكثر بس بدون صوت يعني بس اليشوفني يعرف أني مبتسمة وكالي رضا إي عفيه حبيبتي اضحكي ولتهتمين المهم أني احبج تعالي بحضني بس ما اتحمل إنتي كدامي ولا كدام ركبتج ولا عطرج سحر إنتي حلوة وملاك أني يمكن راح أخرب كدامج مو إنتي تخربين كدامي سحورتي إنتي الله منين خالقج
سحر أني اتفاجإت أكثر وأكثر بوصفه أليه كإنما كاعد كبالي  كتله رضا إنت يمي جاوبني
هو رد عليه وكالي
رضا إي أني روحي وعقلي وبالي كله يمج أني كاعد اشوفج وأشوف كل تفاصيلج وحتى سيت النوم إلي لابسته أني كتله رضا كافي وسديت التلفون بقيت حايرة عرفت علاقتنا راح تطور وتصير خيانة لزوجي بس ما اعرف شنو أسوي ما اكدر اعوفه بعد ولا اكدر اسأل أحد يساعدني أني صرت بوضع انحسد عليه ما اكدر اعوف الشخص إلي كنت احلم بي و يحس بيه وأني مو يمه بس ما اعرف شنو الحل ضليت افكر وراسي صدع من التفكير طلع الصبح وأني افكر ما أدري ابقه ويا لو اعوفه والشغلتين مستحيلة إذا بقيت ويا راح اطلع ساقطة بنظر زوجي وابنائي وإذا عفته فمحد يحس بيه وهذا إذا كدرت اعوفه بيومها ضليت افكر هواي وطلع الصبح وأني نسيت روحي  مرحت للدوام وضليت كاعدة بالبيت وافكر برضا وهو يدز رسايل بس ما قريتها وإلي استغربتله وطمني إله هو متصل بيه نهائيا يعني مو لزكة وهذا أكثر شي البنات تحبه بالشخص يكون حساس وميضوج المقابيله ولا يحرجه بالإتصالات بس يدز رسائل المهم للعصر قررت أفتح رسائلة واجاوبه واخذ قرار على علاقتنا أما تستمر وتطول ونتحمل العواقب أما اضحي بس المن أضحي اضحي لفراس إلي كل حياته فلوس وشغل عباله الدنيا بس فلوس ماكو بشر ويا المهم خل للعصر انطي خبر إله
صار العصر وكعدت لوحدي والجو خالي محد يمي فتحت رسائله وشفت رسائل رضا يتعجب ليش عفته وسديت التلفون فجأة وكاتب برسائل
رضا هلو سحر شنو إلي بدر مني ليش عفتيني على غفلة إنتي كتيلي صير قريب مني وأني كنت أريد اطلعج من الجو إلي إنتي بي بيج شي أني ما أريد منج شي بس اطمنيني عليج وهاي هي بعد كلشي ما أريد منج
أني تفاجأت بكلامه وكان مؤثر جدا اليه لأن لا عاتبني ولا حتى سمعني كلمة مو حلوة وساعدني أخذ قرار بسرعة وهو ابقى ويا وشيصير خل يصير المهم هو يحس بيه بس خل اتصل بي
رضا تلفونه يرن شاف سحر تتصل وهو كاعد يسوق فرفضه سحر ضلت مستغربة ليش رفض اتصالي دكت عليه مرة ثانية هم رفضه سحر دزت مكالمة صوتية أني آسفة رضا وتعبتك ويايه الظاهر أني ازعجتك وادللت عليك هوايه أني طالعة من حياتك فماكو داعي ترفضه كان قصدي أعتذر منك
فضول رضا مخلاه يصبر من يطبك يشوف الرسالة شاف التلفون وفتح الرسالة وسمع رسالتها رضا هم كان يريد يفهمها برسالة صوتية بس أثناء ما كاعد يحجي وياها ويكللها سحر حبي شبيج اتسرعتي أني مجاوبت لإن كاعد اسوق وبس ارجع....  اندعمت سيارة رضا بسيارة أخرى وصار حادث وأثناء سقوط التلفون انرسلت الرسالة لسحر وهي فتحت الرسالة وعرفت هو سوى حادث لإن صوت البريك والضربة كانت قوية وبين صوتها بتسجيل الرسالة الصوتية سحر كامت تلطم أني شسويت الولد راح ياربي أني ليش هيجي أنانية وخبلة ليش الولد بس لا مات سحر حايرة بين تتصل عليه لو لا سحر دكت على تلفونه محد يرد ورجعت اتصلت لحد الساعة ٨ بليل رد عليها رضا هلو سحر شلونج
سحر إنت وين وشبيك أني اسفه كل هذا بسببي كلي شلون صرت واعصابها منتهية وتبجي رضا رد عليها لا تخافين بس شوية رضوض وكسر برجلي وباجر الصبح أطلع من المستشفى سحر ترد عليه أني هسه بالحديقة زوجي ميدري بيه اخابرك وخايفة ليشك لإن  من اجة لهسه بس ابجي همزين بارحة بليل تناكرنا وعباله بعدني زعلانة وابجي هذا الشي إلي خلا ميشك حبيبي أني باجر جايتك الصبح للمستشفى
رضا أتعجب حبيبي الله شكد حلوة هاي الكلمة أول مرة اسمعها منك وبعد كلشي ما بيه صرت زين
أني كلش انحرجت وكتله أني بعدين أتصل بيك زوجي ليحس وسديت التلفون بس ضليت افكر بيني وبين روحي شلون اكله حبيبي اليوم حبيبي و عادي وباجر أنام ويا هم عادي رجع التفكير يأذيني بس كلت لا اني جبيرة وفاهمه وهو محترم منوصل لهيجي مرحلة بس يبقى حب طاهر قنعت روحي بالحب الطاهر من اتعشينه وكملنا فراس حاول يصالحني و يحاجيني مرديتله وكإنما ما سمعته  بعد العشا رحت لغرفتي سبحت وطلعت السشوار اسشور شعري  ولبست سيت نوم واتعطرت وأني كاعدة على ميز التواليت أحط مكياج اجاني فراس حضني من ورى وباسني من ركبتي وظهري وويا هدية يصالحني بيها
أني كمت وكتله فراس أني تعبانه وأريد أنام
فراس كلش اتفاجأ وممتعود مني هيجي كلام خاصة من يطلب مني أي طلب ويصالحني أني ما أرجعه لأن إحنا متفقين شيصير ثاني يوم ننسى وواحد يصالح الثاني   فراس كالي شبيج سحر حبيبتي لهسه زعلانه قدري وضعي أني تعبان البارحة واليوم رجعت من وكت علمودج
سحر  جاوبته بعصبية  وكتله إنت هم قدر وضعي أني انسانة مو حيوانة من تريد تجي ومن أريد أني تتركني وتعوفني بدمعتي فراس كلش اتأثر بكلامي وكالي أني زوجج وهذا حقي عليج
سحر وأني حقوقي وينها يله جاوبني حقوقي الباقية وينها وأني أكدر حالي حال أي مزهرية بالبيت
فراس إحنا منخلص من هذا الكلام أني اشتغل و أتعب علمودكم ترى أني هم حارم روحي من الطلعة والطبة والكعدة وياكم والراحة لا تعيشين دور المضحية
سحر لا ما أعيش دور المضحية بس عناد بيك كلشي ما راح أنطيك ولا أصالحك
فراس أني ما ردت شي منج أني جيت أصالحج
سحر ما اقبل وجسمي بعد مطخه
فراس يتعصب لا تتحديني بهذا الكلام لو غصب كلشي أكدر أخذ بس أني ما ردت هذا الشي غصب وعمري ما ڤكرت تفكيرج إنتي متغيرة سحر
سحر تجاوبه إذا تكدر تاخذ شي مني غصب تعال متكدر تعرف ليش لأن كلشي بأمري
هنا فراس متحمل و إجه يريد يضربها وهي عاطت ووكعت
  يتبع البارت الثالث مرتضى الهاشمي