أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى ٢٦

إنتقام أنثى
بارت ٢٦
رضا يهجم على سحر ويخنكها كدام الناس وسحر تعيط و وتقاومه
رضا انطيني بنتي ولج حيوانه
العالم ادخلت وبعدت رضا عن سحر
رضا ولكم وخرو عني هاي خطفت بنتي اليتقربلي اموته ولله
سحر لزمو هذا واحد مخبل هذا طليقي ويريد ياخذ بنتي كوة مني عفيه لزمو بين ما أروح أخبر الشرطة واصيح أخواني
العالم تعاطفو ويه سحر وصدكوها ولزمو رضا وعافو سحر تروح كل ضنهم راح تصيح الشرطة لكن سحر صعدت بالسيارة وانهزمت
رضا كام يصيح على العالم ويقاومهم
ولكم خطفت بنتي ولله اكتلكم انتو واحد واحد ولكم وخرو عني دفعهم وراح بالسيارة ولحكها بس ملحك بيها لأن طلعت قبله وبسرعة
رضا يرن على سحر
سحر فتحت خط بتلفونها على رضا
سحر ولك إنت هيجي تسوي بيه شوف رضا بنتك تجيك بس أني أعلمك شراح أسوي وقسما بالله إذا خبرت الشرطة فراح تخسر بنتك
رضا أني ما أخبر الشرطة بس قسما بالله إذا صار عليها شي لبنتي إله أشرب من دمج
سحر منا لباجر بنتك تاخذها حضر التلفون عالسريع
رضا ميخالف باجر محضره أستلم ليان واسلم التلفون الج
سحر تغلق التلفون وتروح على منطقة رضا
سحر تكلم نفسها وتسوق بسرعة وعصبية
ولك أني هيجي تسوي بيه أني أعلمك إلا ادفعك الثمن غالي همزين حسبت حساب لكلشي
وسحر كامت تذكر قبل لتروح تقابل رضا بعد ما إتصلت عليه وهو چان بالبيت
سحر وهي خابرت رضا قبل الموعد كانت قريبة عن بيت رضا وشافت رضا من صعد بالسيارة واجتي مرته رهف ورى وتوسلت بي تجي ويا مخلاها من راح رضا سحر نزلت من سيارتها
شافت رهف تبجي وتصيح على رضا حتى ياخذها وياها
سحر نزلت من السيارة وكالت لرهف
شبيج حبيبتي ليش تبجين
رهف تبجي بحركة بنتي بنتي خطفوها وزوجي راح يجيبها وما أعرف وين راح أريده يجيب بنتي
سحر تبچي چذب بدموع تماسيح حتى رهف تصدك لتخافين حبيبتي تعالي أني راح أروح ورى واساعدج حتى اجيبلج بنتج وعد مني اجيبها
رهف صدك تحجين شلون تجيبيها وإنتي منو
سحر أني الله دزني الج يجوز كلبج محترك والله يريد يبرده وخلاني السبب تعالي لتخافين انطيني رقمج وأني راح الحك زوجج واراقبه و من أشوف شي أو خبر اخابرج
رهف ادنك على إيدها  أبوس إيدج لتكذبين عليه
سحر أني ما اعرفج ولا تعرفيني شلون أكذب عليج وإنتي هيجي شده وشنو مصلحتي بس أني عندي لوعة بكلبي وذكرتيني بلوعتي فتخايلت نفسي بمكانج لازم اساعدج بس بشرط
رهف كولي شرطي
  طبعا رهف من خوفها من رده فعل رضا وإحساسها بالذنب إتجاه بتها كلشي تصدك حتى بتها ترجع إلها
سحر محد يدري أني شفتج وأخذت رقمج وشيصير متحجين زين
رهف هاي هي موافقة
سحر ابقي هنا بيتج وأني اخابرج
سحر بعد ما اتذكرت إلي صار
وهي متجهة لبيت رضا دكت على رهف
رهف ردت على التلفون بلهفة الوووو
سحر هلو حبيبتي رهف بنتج لكيتها بس لتكولين لأحد تعالي ويايه بالسيارة راح اكلج وين توكفين واجي اخذج بس تحجين تخربين إلي أسوي
رهف صدك تحجين حبيبتي وداعت ليان ما احجي بس صدك لكيتيها
سحر بنتج يمي وانطيت وعرفت الخطفوها بس لتجيبين طاري لأي بشر خاصة رضا لأن الظاهر ميريد يكلج لگاها وعنده غايه
رهف اشكرج حبيبتي وين اجيج
سحر هسه ادزلج العنوان
فراس يكلم الدكتور
طمنه دكتور شنو الأخبار شلون صار عمر
الدكتور انت شصير منه
فراس أني رجل اخته وبمثابة اخو الجبير
شهد وأني زوجته دكتور شبي عمر طمنه شلون صار
الدكتور سولفولي شصار بالضبط
فراس كان مشكلة بالبيت وهو متحمل الصياح ووكع حيل واتخربط
دكتور وكع من الكرسي
شهد لا العكازة
الدكتور أني كم مرة نبهت عليكم لازم ميترك الكرسي عظامه كلها مكسرة ومجبسه كلها وكتلكم بعد العلاج الطبيعي يله يستعمل العكازة
فراس دكتور هو مقبل حاولنا ويا هواي
الدكتور ليش هو بكيفه بعدين منو هيجي دافعة وموكعة على الكاع حيل
شهد محد دافعة أصلا المشكلة مو يمه بس هو يمكن كانت اعصابه تلفانه و متحمل صياح ووكع وكعة قوية
الدكتور عمر اتعرض إلى جلطة دماغية ووكعته كسرت الحوض وادى إلى كسر الفقرات ايضا وضربت الحبل الشوكي يعني عمر بعد ميكدر يوكف على رجله واحمدو الله إذا كدر بعد يحجي لأن بأثر الجلطة انشل واثر على النطق
شهد تخلي ايدها على حلكها وتعيط وتبجي
لااااا دكتور كول غيرهاااا
فراس يلزم شهد
هدي نفسج شهد راح اودي لأحسن دكاترة لو أعرف أودي للخارج
الدكتور ما أعتقد راح يفيد
الدكتور يروح
وشهد تنهار من البجي
شهد عمر راح من عدنا فراس عمر رااااح
فراس ديري بالج على روحج شهد عمر يرجع زين ويوكف على رجله بس ديري بالج على روحج إنتي بقيتي لاطفالج
رهف منتظرة سحر بالمكان الي كالتها سحر بي
سحر بالسيارة وهي بطريقها لرهف تخابر بالتلفون
الوووو حسن إنت وين
(حسن الولد إلي اغتصب سحر بالخرابة ويلقبوه حسون طبعا سحر من طلعتهم من السجن وتنازلت عن القضية بعد ما طلع حسن كبل هي إتفقت ويا شتكله يوافق حتى مترجع تسجنه لأن هي هددته وخاف وصدك بيها)
حسن أني راح أوصل للمكان إلي كتيلي عليه
سحر شوف اكلك تجي وتسوي إلي اكلك عليه وبعدها ما اشتكي عليك تعرف هسه اكدر ارجعك للسجن على المقطع إلي شفته إنت شسويت بيه
حسن دخيلج ست كلشي ولا السجن وشتريدين اسويلج بس لدخليني السجن من الجديد و هذا كان إتفاقنا
سحر عفيه صير حباب وانتظرني بالمكان إلي كتلك عليه وأني جايه بالطريق
سحر تغلق التلفون وتوصل لرهف
رهف تصعد بالسيارة
رهف شلونج ست ما أعرف شلون اجازيج أني هوايه ممنونه منج بس أريد أشوف بنتي وين
سحر أني كل همي أسوي عمل صالح أريد تدعولي ما أريد منكم شي المهم بنتج ترجعلج و تنام بحضنج
رهف ابوس ايدج ست
سحر لا لتبوسين إيدي هذا واجبي
رهف شتريدين مني طلبي بس امريني
سحر اريدج اديرين بالج على بنتج هسه تعالي ويايه للبيت وبسيطة
فراس وشهد بالمستشفى بصالة الإنتظار فراس يذكر بعض الأشياء ويحاول يربط الأحداث
فراس يكلم نفسه
صدك ليش عمر انصدم وتأثر إذا أني زوجها لسحر مصار بيهة جلطة وليش دائما سحر تتعارك ويه عمر وتسمعه كلام وآخر كلمة لسحر كالتلي أقرب الناس إلك سوه بيك هيجي
بهاي الاثناء مرو ٢ من يم فراس واحد يتشاقه ويه صاحبه ويكله ولك وين اكو واحد لابس قاط بشهر الثامن شلون متحمله ويضحك عليه
فراس هنا اتذكر شي مهم إتذكر الدكمة مال إلي شوفها اله الضابط وبيها تاريخ ٨/٢٢ وهو نفس تاريخ عيد الميلاد وتذكر لهفة سحر بعيد الميلاد وكلام سحر المسموم لعمر وايضا الساعة الواكفة كانت سحر متقصدة تنطيها لعمر هنا فراس صار عصبي وعيونه حمر ويعيط بأعلى صوته
ولك عمممممممر اليوم أخر يوم بعمرك يركض فراس على الغرفة إلي بيها عمر ويدفع الباب بكل قوته
مرتضى الهاشمي
يتبع بارت ٢٧