أصدقائي الكرام القصة بعنوان إنتقام أنثى أتمنى أن تعجب حضراتكم

إنتقام أنثى البارت السابع

لا تنسوا الإعحاب والتعليق داخل الصفحة ومتابعة الصفحة مرتضى الهاشمي 
إنتقام أنثى
البارت السابع
الضابط
انت صفيت عملك قبل الحادثة حسب كلام السكرتيرة والموظفين وسرحت كم موظف عندك بالشركة من أكلك انت عداوة تكول لا زين شنو السبب صفيت شغلك وصار هيجي لزوجتك
فراس أني ما عندي اي عداوة ولو عندي جان حجيت بس هي بالأيام الأخيرة هواي كامت تلح اعوف الشغل الثاني واكتفي بشغلتي الأصلية رغم مكسب أقل ولهذا السبب فكرت اصفي أموري واسرح الموظفين إلي ما احتاجهم بعدين أني نواب وناس واصلة بالدولة سانديني وكلها تعرف ما أخذ مزايدة بواسطة ولا بعمولات ومنافستي شريفة شلون تجيني عداوات و إنت مو كلت إحنا لقينا القبض على العصابة إلي اختطفتها واغتصبتها حقق وياهم وإسألهم مو تجي تحاسبني أني الي بيه مكفيني
الضابط أني حسب قناعتي وشغلي ذولة الولد صح اغتصبوها لأن شافوها مرمية بس إلي خطفها مو همه لأن همه اضعف ما يسوون هيجي
والشي الثاني زوجتك سحر شعجب كانت تريد تعوف شغلك أكيد اكو تهديد بس محبتك تعرف أو انت تعرف وتخاف تجيب طاريهم
فراس هاي بقت يمكم سألوها بس إذا العصابة ما عرفتوهم راح تعوفون الولد إلي اغتصبوها بالشارع
الضابط لا منعوفهم وياخذون جزائهم بس جريمة عن جريمة تختلف ولازم تساعدونا حتى المدبر الحقيقي للجريمة ياخذ جزاءه
فراس هذا شغلكم ماراح أدخل بي بس إذا سمعت الولد طلعو فحسابهم يكون ويايه وما راح ارحمهم أني لهسه ويه القانون بس القانون إذا ما ياخذ حق مرتي أني ما راح اسكت
الضابط القانون كفيل يرجعلك حقك
فراس هسه اكدر أشوف سحر الدكتورة تكول الأمر بيدك إنت إلي تقرر اي لولا
الضابط مو شفتها قبل شوية
فراس أريد اشوفها زين ترى ما لحكت اباوع عليها انت كبل أخذتني
الضابط  لازم أشوفها أني و أخذ اقوالها وبعد تكدر تشوفها
الدكتورة أني اسفة حاليا ممنوعة عليها الزيارة لحد ما حالتها تتحسن هذا الشي لصالحها ولا التحقيق حاليا تكدر تحقق وياها سيادة الضابط
فراس يعني شلون نعوفها ومتشوفنا أني متأكد من تشوفنا راح تتحسن وتحس بالأمان و بعدين  سيادة الضابط ليش تمنعني من الزيارة تعال كمل التحقيق مالك شوكت متريد بس أريد أشوفها واطمأن عليها إذا سمحتلي الدكتورة أشوفها
الدكتورة أرجوك أستاذ فراس هذا الشي لصالحكم ولصالحنا خل نشوف شغلنا تكدرون تشوفوها من بعيد
فراس هاي هي نصبر والله كريم  بس أريد ميربطني الضابط لا أني ولا اهلها بالتحقيق مالته  وأخذ أقوالها نريد نشوفها ونطمن عليها شوكت متسمحيلنا دكتورة
الضابط يكوم من الكرسي ويوكف
صار فراس شوفها انت واهلها عادي قبل التحقيق و ما أخذ أقوالها
فراس إن شاءالله
شهد جالسه هي وامها بصالة الإنتضار وتتصل على عمر
عمر تلفونه يرن ويفتح خط
الوووو هلوو شهد
شهد انت وين عمر تعال للمستشفى شوكت تجي
عمر هو أني جيت للبيت عبالي أوديكم للمستشفى
شهد واحنا سبقناك تعال لا تعوف فراس لوحده
عمر زين شنو الوضع سحر شلونها
شهد سحر كلشي منعرف عليها وفراس كاعد جوه يم الضابط ومخلونا ندخل
عمر زين أني جاي
بعد ما عمر سد التلفون هسه اذا رحت وهاي طلعت عايشة شلون المصيبة إذا ما اروح تثبت عليه خل أروح هسه ولله كريم عود إذا صحت هاي الحية أطفر بس هي اكيد ما راح تجيب إسمي غير أفضحها
الضابط  يتكلم ويه فراس والدكتورة
أني اترخص إن شاءالله أول متصير زينه وتسمحون بالزيارة أريد أخذ اقوالها وراح أخلي شرطي يحرسها باب الغرفة مال الإنعاش وفراس أني تساهلت وياك هواي وما اخذت أقوالك بالمركز اريدك تجي للمركز بأقرب وقت
فراس أني اشكرك وأجي إن شاءالله
الدكتورة إن شاءالله راح انطيك خبر أول ما تصير زينه
فراس أني هم اترخص وشكرا على اهتمامج بيها دكتورة بس أريد اشوفها من بعيد ولو وخل أمها واختها يشوفوها
الدكتورة صار راح اخليكم تشوفوها من ورى الجامة بس لتلحون عليه وتريدون اطبون جوه
فراس لا دكتورة اواعدج من بعيد
طلع فراس والضابط والدكتورة وراهم من غرفة الدكتورة وتصافح فراس والضابط
فراس شكرا تعبتك ويانه
الضابط لا هذا شغلنا واشكرك على تعاونك ويانه واتمنى تتعاون أكثر وشعندك معلومة متبخل بيها علينا
فراس لا لتخاف ما ضام شي لتنسى هاي مرتي وشرفي ما راح أبخل بمعلومة حتى أخذ بثارها
الضابط يطبطب على كتف فراس الله يسهل إن شاءالله شد حيلك وإن شاءالله حقها ميروح و حقها يرجع بالقانون
راح الضابط واجتي أم سحر واختها شهد
أم سحر ها يمه فراس بشر شكالت الدكتورة نكدر نطلعها اليوم
فراس لا عمه سحر متطلع هسه وإنتي رجعي للبيت ويومية أني اجيبج تطمنين عليها
أم سحر شلون يمه شنو متطلع ليش تعوفها بالمستشفى أخذها للبيت إحنا نداريها وتبقه بنصنا
فراس عمه ترى سحر حالتها تعبانه والأطباء منعو حتى الزيارة عليها
أم سحر تضرب خدها بإيدها لا يمه عزة العزاني شبيها سحر ولك فراس احجي لا تضم عليه شبيها
فراس عمه فدوة إلي بيه مكفيني سحر متعرضة للتعذيب ويريدون يسوولها عمليه بسبب النزيف إلي ميوكف من ورى الاغتصاب وجسمها كله حاركي ورضوض و كسور بعظامها
أم سحر كامت تصرخ لا يمه ولج سحر راح تروحين مني سحورة ولج سحر يمه كامت تصرخ وانهارت وخربت
التمو عليها ويحاولون يصحوها لكن بدون فائدة شهد كامت تبجي وتعيط وتريد الدكاترة يجون عليها اجتي الدكتورة واخذوها الممرضين بالسدية ونقولها للانعاش لأن حالتها كلش صعبة ضلو ملتهين بيها وشهد وعمر يلومون بفراس بعد ما عمر أجه للمستشفى وصادف دخوله ويه سقوط ام سحر
شهد إنت شلون هيجي تكول لامي متدري حالتها مو زينة وعدها ضغط ليش هيجي تهبطها
عمر يحاجي فراس
كان المفروض تراعي وضعها لعمتي ومتكللها هيجي خبر لااا
فراس يقاطع عمر
كاااافي كافي أني إلي بعد ما اتحمل يعني شتريد مني واحد زوجته انخطفت واغتصبوها وحاليا بين الموت والحياة شتريدني أسوي مثلا أضحك انتم هم راعو وضعي أني مو بحال أشعر وأحس بالمقابيلي أني بوضع ما اكدر أجامل إلي بيه مكفيني
شهد ليش هي أمي السبب
فراس وأني محملت امج السبب بس ما عندي الخلك ابرر واكذب عقلي راح يطير من راسي وما اكدر كلشي افكر عقلي مشلول يا ناس فهموني
عافهم وراح على غرفة سحر وطلب من الدكتورة يشوفها من الجامة من بعيد الدكتورة فتحت البردة من داخل الغرفة
فراس شاف سحر نايمه والمغذي بإيدها وشعرها مكصوص ووجها مورم وعليه أثار كدمات والجروح إلي بوجها وراسها وحس بألمها وكلش اتأثر كام يضرب بالجام حيل ويريد يكسره ويدخل لسحر ويصيح وهو يبجي
عوفوني اطبلها سحر شبيج ولج سحر منو سوى هيجي بيج ويضرب بالجام بكل قوته بس الجام قوي ومنكسر
الدكتورة رأسا سدت البردة وصاحت على الممرضين لزمو ويحاولون يهدؤن بي
بس فراس انفجر من البجي وخله راسه على الجامة وبده ينهار ويكعد و هو منتجي على الجامة إلي تفصله عن سحر
كان صوت فراس عالي بحيث سمعته شهد وعمر هم سمعه والناس إلي بالمستشفى التمو عليه ويباوعوله بشفقة
اجتي شهد تركض على فراس وتكله
شبيك شصار شبيها سحر
فراس يبجي ويكللها
ولج شهد اختج سحر دمروها وما كدرت اسويلها شي ولج شهد اختج سحر ما دافعت عليها سحر راح تروح مني
الدكتورة تجي لشهد وتكلها
حاولي اتهدئي منريد يتعرض لانهيار عصبي
جتي شهد على فراس وعيونها فايضة من الدمع  والقهر على وجها
و طبطبت على كتفه وتكله وهي تبجي
عفيه فراس فدوة لتبجي إنت المفروض تكون اقوى واحد بينا انت حاليا راح تكون الأب والأم لاولادك
فراس يرد على شهد
إنتي مشفتي إلي أني شفته سحر خربت سحر دمروها سحر ما ضل شي بيها صاحي
شهد
لا فراس سحر راح ترجع وراح ترجع أحسن من قبل عفيه لتسوي بروحك هيجي لا تفاول على سحر صير قوي لعد أني شكول أختي منا و أمي منا
عمر كوم فراس كوم أخوية أنت قوي لا تضعف
فراس قوتي راحت وحيلي ضاع أني إنتهيت أني ضعت سحر ضاعت مني منو بعد يتلكاني شلون ارجع للبيت وهي مو بي
شهد لا فراس لا تفاول على أختي سحر راح تكوم و ترجع
عمر يله كوم خل نرجع للبيت إنت من البارحة ما نايم
فراس يا نوم يا راحة أني ما أرجع الا سحر ويايه
عمر هذا شلون حجي يا فراس غير ترجع وتشوف جهالك بنوتك الصغيرونة حبيبتك تعوفها وحدها
فراس راح اوديهم لبيت عمتهم
عمر هو هذا كلام بيتك موجود وعامر وإذا أختك متكدر تجي لبيتك أني وشهد بيتك وراح أجيب الجهال هم بس تعدي الأزمة نرجع
شهد ااي عفيه عمر عاشت إيدك
فراس راح أتعبكم هيجي ودوام الجهال
شهد الجهال عدهم عطلة وأختك إندز عليها نتناوب بالمستشفى وبالبيت علمود الجهال عدنا ٢ مو واحد بالمستشفى أمي وسحر
يتبع البارت الثامن
مرتضى الهاشمي