الجزء الثامن والأربعون
*
*
يلا خلاص ارجع ياللي فراقك موت وغيبتك توجع
تكفى تعال الحين لا تقول لي بكره الشوق ملّ صبره
متى لقانا يحين ؟ وما بنتظر بكره
*
*
قاطعها صارم بحدة : قلت لك ماهو قابل للجدال بنروح المحكمة وتطلبين خلع من زوجك ساري راشد الصارم
ضوى بصدمة : نعم !!!! يبه انا زوجي ساري الراشد مو ساري راشد
صارم بقهر : لعب علينا النذل النجس زوّر اسمه زوجك هو ولد عمك الخاين راشد
ضوى ضحكت بصدمة وبعدم فهم : يبه
ناظرت وجهه وعرفت جدية الموضوع نطقت بتساؤل موجع : ما تمزح معي تقوله جاد يبه !!
صارم بصرامة : ايه جاد تشوفيني امزح انتي ؟
ضوى ضربت على وجهه بصدمة : يبه على كذا زواجنا باطل
صارم سحب يدينها مانعها من انها تضرب نفسها وهو يهديها : ابوي ضوى اهدي زواجكم صحيح ورسمي بس الحين تطلبين منه الخلع
ضوى بتردد وجزء من الراحة استوطنها : بس يبه
صارم لف عليها بجدية : وش اللي بس وشفيك ضوى
ضوى بتردد : يبه لو طلبت الخلع في إجراءات كثير لازم تصير بعدين ممكن اعرف أسباب الخلع اللي اقدمها للقاضي ؟
صارم بجدية : مجرم زوجك اللي متمسكه فيه للحين مجرم وهو اللي ورى اختطاف جسّار عرفتي الحين اسبابك اطلبي الطلاق وقصري على نفسك العدة بدال ما تدخلين عليه عدة اربع شهور وعشر أيام وهو ما يسوى يوم
ضوى بصدمة من كمية الحقائق اللي توصلها معقول زوجها غريب الاطوار مجرم وغير كذا ولد عمها يعني ماخذها انتقام نطقت بغصة : هو ماخذني انتقام يبه ؟
صارم بتأكيد : ايه يا يبه ايه ماخذك بينتقم مني فيك وليتنا سمعنا كلام جسّار فيه
ضوى بوجه خالي من التعابير : يبه ممكن نروح المستشفى اول ؟
صارم بخوف لف عليها : عسى ما شر يا ابوي
ضوى بشرود: ابي المستشفى يبه
صارم اكتفى بالحوقلة وهو يغير طريقه من المحكمة للمستشفى تلبية لطلب ضوى الغريب وفعلًا بعد دقايق من المشوار وصلوا المستشفى
ضوى برجاء: يبه انتظرني هنا الله يعافيك ماراح أطول دقايق وارجع لك
صارم بعدم ارتياح : خليني اجي معك يا ابوك
أنت تقرأ
أحرار مير قلوبنا مُستحلة / للكاتبة : سَحــاب
Mystery / Thrillerأحرار مير قلوبنا مُستحلة للكاتبة / سَحــاب مكتملة
