ساعات بسرح بخيالي كده وبقول لنفسي اني بكتب حاجه الناس مش بتحبها حاليا الناس بتحب تقرأ رواية فيها جو عائلي شوية ولأني محستوش فمش بقدر اعبر بيه في رواياتي اوي وقعدت لحظات بقول لنفسي اني اغير اسلوبي بس بصيت لبعيد ولقيت ان مش كل القراء زي بعض في الي بيحب دا وبيحب دا وان يبقى ليا اسلوبي الخاص دي حاجه بتميزني وطريقتي في افكار الرواية سواء خليتها عائلية او كوميدية او اجتماعية..... اياً كانت فالقراءة مش بالغصب الي حب اسلوبي هيكمل قراءة والي نوعه غير الاسلوب الي بكتب بيه بيشوف رواية تانية ومش لازم كله يكون بيحب رواياتي وطريقتي وافكاري الخاصة اكيد هلاقي في وسط ميت واحد خمسين منهم معترضين ومش عجباهم حاجات ودي حاجه متزعلنيش خالص بالعكس تخليني راضية بالخمسين التانين الي عجبهم اسلوبي واول حاجه عملتها هو اني اتكلمت مع ربنا... بعدها حسيت ان لا خليني على اسلوبي وطريقة كتابتي وفي يوم من الايام الالف هيبقوا مليون❤
حاسه بعد ما فكرت بالطريقة دي اني مش لوحدي الي واجهت المشكة دا كتير من الكتاب ليهم طرقهم الخاصة بس قليل ما بتعجب الناس عايزة اقولكم ان خليكم مكملين بشغفهم بقدرتكم ربنا هيوفقكم كل واحد فينا ربنا هيوفقه مادام بيجتهد انه يحسِّنه ومش بيقلد غيره ليه طريقته الخاصة متيأسوش ولا انا هيأس وهخلي البوست دا على اول صفحتي عشان افضل فكراه علطول وارجعله لو حسيت بإنطفاء من الكتابة.
تحياتي مريم الشهاوي
دمتم بخير❤
متنسوش مواعيد الرواية سبت وتلات وخميس الساعة 10 والي بيسألني هتلحق تخلص قبل رمضان فأنا بحاول ان شاء الله اخلصها معاكم قبل رمضان واحتمال كبير انزل بارتين في اليوم الله المستعان وربنا يقويني واخلصها بإذن الله متنسوش تصلوا على النبي❤
أنت تقرأ
لا تخافي عزيزتي(مكتملة)
Romanceخُلق الحب بينهم، رغم إختلاف الطرفين... فهي لا تتكلم وفاقدة للنطق منذ زمن وهو رجل ثرثار لا يخاف من شيء ومقبل على الحياة بصدر رحب هل سيكون سعيدا بأن يحب فتاة تتمنى الموت كل يوم، وتخشى العيش مع البشر سيخلق الحب بينهم دون حديث يبوح منها لَهُ كيف؟ مَن س...
