''မေတ္တာ သက်လည် ''(completed)

အပိုင်း ၆

Unicode

မျက်ဝန်းတွေမှိတ်ချထားပြီးရပ်နေတဲ့ သင်ရိုးလင်္ကာရဲ့ပုံစံသည် ဘာမှ ​ကြောက်ရွံ့ခြင်းမရှိ သေဖို့ ဆုံးဖြတ်ထားတဲ့လူတစ်ယောက်လိုဖြစ်နေတာကြောင့် ဒီနိုင်းမောင်ရင်ထဲထိတ်လန့်မိနေသည် ။ မှီမှာပါ ....မှီမှာပါ ကားတစ်စီး အလင်းရောင်ဟာ ကွေ့ကြောမှာရပ်နေတဲ့သင်ရိုးလင်္ကာကိုယ်ပေါ်သို့ကျရောက်နေပြီ ။ သူပြေးလာတာကိုမမြင်ဘူးလား မျက်လုံးနည်းနည်းဖွင့်ကြည့်ပါဦး ဒီလိုဇာတ်သိမ်းမျိူးလိုချင်ခဲ့တာမဟုတ်ပါ ။ကွေ့ကြောမှာရပ်နေတာကားတွေရပ်လို့ရမှာမဟုတ်ဘူး ဒီနိုင်းမောင်ရင်တွေတလှပ်လှပ်ဖြစ်လာသည် ။

'' အချစ်!! ဟာကွာ ။ ''

မမြင်ရက်စွာ ဒီနိုင်းမောင်မျက်နှာကိုလွှဲပြစ်လိုက်မိပြီးမှ ကားသမားရဲ့ဆဲသံတွေနဲ့အတူ တရကြမ်းကားပြန်မော င်းထွက်သွားတဲ့ အသံကြောင့် အရှေ့ကို ပြန်ကြည့်မိတော့ မြေပြင်ပေါ်မှာလူတစ်ယောက်နဲ့အတူ လဲကျနေတဲ့ပုံကိုမြင်လိုက်ရသည် ။ အမြန်ပြေးသွားကာ လဲကျနေတဲ့ သူကိုပေါင်ပေါ်ပွေ့ကာတင်လိုက်သည်။

'' ကံသီပေလို့ပေါ့ ဂရုစိုက်လိုက်ဦး ငါ့တူ။ ဦးလေးသာ အချိန်မှီမဆွဲနိုင်ခဲ့ရင်မတွေးရဲစရာပဲ။ ''

'' ကျေးဇူးပါ ဦးလေး ၊ ဘယ်နားများထိခိုက်သွားသေးလဲဦးလေး ကျွန်တော်ဆေးခန်းလိုက်ပို့ပေါ့မယ်။''

''ရတယ် ငါ့တူ နည်းနည်း ပွန်းပဲ့သွားရုံပါ ၊ ဦးလေးလ ည်းသွားစရာရှိလို့ သွားဦးမယ် ။ ''

ပေါင်ပေါ်မှာ တင်ထားတဲ့သူဆီကနေ အခုထိအသံကထွက်မလာသေးပါ မိုးရေကြောင့်အေးစက်နေတဲ့ပါးပြင်ကိုအုပ်ကိုင်လိုက်ပြီး ။

'' ခင်ဗျား ရူးနေတာပဲ တကယ်ကိုရူးနေတာ ၊ ဘာလို့ အခုလိုအတွေးမျိုးဝင်ရတာလဲကွာ!!။ ''

မချိတင်ကဲ ဒီနိုင်းမောင် အော်ကာပြောဆိုမိပြန်တော့ အစ်ဖောင်းနေတဲ့မျက်လုံးတွေနဲ့ ဒီနိုင်းမောင်ကိုကြည့်လာသည်။

နောက်တော့ မျက်နှာထပ်လွှဲကာ ဒီနိုင်းမောင်ကျောဘက်ကို ကြည့်လာတာကြောင့် ဒီနိုင်းမောင်အ နောက်လှည့်လိုက်တော့ ရေးသစ်လင်္ကာ လာရပ်နေတာကိုတွေ့လိုက်ရသည်။