Update Schedule ➡ ➡ သုံးရက် တစ်ပိုင်း
- အချစ်၏ ပထမဆုံးရင်ခုန်သံ -
အပိုင်း - ၂၁
၂၁.၁
မျက်လုံးများကိုမှိတ်၍ လက်အုပ်ချီပြီး ငြိမ်သက်နေသောမြို့သားက မည်သည့်ဆုကိုတောင်းနေသည်ကို မြင့်မြတ်မသိသော်လည်း မိမိကမူ
" ဘယ်သူခွဲခွဲ တပည့်တော်နဲ့မြို့သား ဘယ်တော့မှမကွဲပါရစေနဲ့ အရှင်မြတ်စွာဘုရား "
ဟူသော ဆုကိုသာတောင်းမိသည် ။ ထိုစဥ် မြို့သားက ပိတ်ထားသောမျက်လုံးများကိုဖွင့်လာပြီး
" ဟောဗျာ ကိုမြင့်ရေ "
ဟု ခေါ်သည် ။ ထို့ကြောင့် ပြုံးလိုက်ပြီး
" မောင့်အသက်လေးက ဘယ်အချိန်ပဲနေနေအမြဲအေးချမ်းနေတာပဲ "
ဟု ပြောလိုက်သည် ။ ဤစကားအဆုံးတွင် မြို့သားက မျက်လုံးများပိတ်သွားသည်အထိပြုံးကာ
" မြှောက် မပြောလည်း ကျွန်တော်ကကိုမြင့်ကိုပဲချစ်မှာပါနော် "
ဟု ပြောသည် ။ ဘယ်အချိန်ကြည့်ကြည့် ချစ်စရာကောင်းမှုက တစ်စက်ကလေးပင်လျော့မသွားသောမြို့သားကို စိတ်ရှိတိုင်းဆိုလျှင် တစ်ကိုယ်လုံး သိမ်း၍ဖက်လိုက်ပြီဖြစ်သော်လည်း ယခုမိမိတို့ရောက်နေသည်က ဘုရားပေါ်တွင်ဖြစ်သောကြောင့် ချောင်းဟမ့်လိုက်ပြီး
" အေး လုပ်ထား လုပ်ထား ... နောက် မှအတိုးရောအရင်းရောပေါင်းယူမယ် "
ဟု ပြောလိုက်သည် ။
၂၁.၂
သက်ဝေ ကိုမြင့်နှင့်အတူ ဘုရားဝန်းထဲမှထွက်လာခဲ့ပြီးနောက် ကိုမြင့်အား
" ကိုမြင့် ... ကျွန်တော်တို့ညစျေးသွားကြမလား "
ဟု မေးလိုက်သည် ။ မိမိ၏စကားကြောင့် ကိုမြင့်က အံ့အားသင့်သွားသည်ထင်သည် ။ အူလည်လည်ဖြင့်
" မောင့်အသက် ညစျေးက .... "
ဟု စကားစသည် ။ ထို့ကြောင့် ပြုံးလိုက်ပြီး
" ဘာဖြစ်လို့လဲ ကိုမြင့်ကကြောက်လို့လား "
ဟု မေးလိုက်သည် ။ ဤမေးခွန်းကို ကိုမြင့်က ခေါင်းခါ၍
YOU ARE READING
အချစ်၏ ပထမဆုံးရင်ခုန်သံ(24)
Fiksi Sejarahျမင့္ျမတ္ေမာင္ + သက္ေဝလင္း မြင့်မြတ်မောင် + သက်ဝေလင်း ⏭ 18.1.2024 ⏭ 12.9.2024
